串酒里 (已結業)

今日同男朋友去左山林道小巷既依間串燒店,入面有室內同室外既座位,串燒既種類都算多,而且最特別既係佢有港產粗口既手工啤酒,岩哂用黎送串燒🍺黑松露蒜蓉燒扇貝($88)泰式辣汁燒日本廣島蠔($88)扇貝鋪上左滿滿既蒜蓉,味道好鮮甜!廣島蠔比想像中大隻,食落去係平時點生蝦個汁既味道,係有d辣但估吾到同生蠔一齊食都幾夾😛燒玉子($32)玉子口感好滑蛋香味好重,而且因為上面沾上左蜜糖所以味道更加甜好好食!!!脆燒日本原條鰻魚($59)依個價錢有依個份量既鰻魚算係好抵食,鰻魚好軟淋而且無細骨自家制醬汁燒黑豚肉($49)黑豚肉肉質鬆軟,而且雖然係燒過但食落去吾會覺得好乾身鹽燒厚切牛舌($68)札幌芝麻香燒餃子雞翼($49)厚切既牛舌彈牙爽口,調味岩岩好,而雞翼外皮香脆,味道帶辣好香口黑松露沙律醬薯條($49)薯條炸得好香脆不過黑松露醬略嫌有d少,食到最尾吾夠點🙈芝士煙肉焗大啡菇($39)大啡菇上面鋪滿芝士粉,肉厚煙韌,而且好多菇汁好juicy!

夜晚又約左小同傾下計吹下水, 我地search到成條街都係食肆嘅山林道有間叫”串酒里”嘅燒吧. 有本地酒廠”麥子”釀製嘅粗口手工啤🍻, 咁有Gimmick就啤一啤佢吧!>港產粗口x手工啤酒 (HKD78@)五款手工啤我揀左女生度身訂造嘅當歸味, 聞落OK強當歸味感覺好補咁🤣. 味道係順而舒服嘅, 易入口, 味道唔錯, 推介推介Cheers🍻. >鹽燒厚切牛舌 (HKD68/1串)Li串牛舌同坊間燒物店嘅唔同在於, 件牛舌真係•非常之厚•, 唔會太醎, 每一口都好爽.>芝心日本廣島蠔脆棒 (HKD68/3件)Li個超正超拉絲蠔味勁濃呀!! 仲要條條king size, 剛炸起熱辣辣食已經拉到成尺長嘅芝士, 就算凍左都無影響個口感.>蒜蓉燒原條茄子 (HKD49)食串燒/BBQ一定要食嘅item一定係茄子🍆吧! 切半塗上激厚蒜蓉, 燒到茄子肉腍軟, 吸收哂蒜蓉啖啖邪惡🧟‍♀️.>黑松露蒜蓉燒扇貝 (HKD88/3隻)唔覺意又剔左蒜蓉了, 好大隻扇貝, 每塊面上都加了一大抹黑松露勁香derr. >脆燒日本原條鰻魚 (HKD59)燒汁味道夠濃, 鰻

💛近期梗係去掃黃啦，今日介紹一間尖沙咀嘅串燒店，連個名都串過人，佢就係串酒里🤣🤣，不過香港人嘅理念係串唔走嘅，梗係要懲罰下佢啦😉一入店已經見到好多非常本土嘅裝飾，而重點梗係佢嘅啤酒啦😂😂(一入門口就見到成排 「吊」(為免被ban, 原字請睇圖😆) 好難唔吸睛XDD，上面仲有777，實在太正🤫)🤭留意返港產粗口手工啤有齊哂「吊」「9」「L」「7」「西」，代表唔同味道(為免被ban, 原字請睇圖😆)，想集齊一套就要約一班人黎啦，我地兩個就叫左「7」過下癮😆😆黎到食物，選擇真係唔少，不過重點一提係燒牛舌同燒鰻魚都真係好正，牛舌厚切夠哂咬口，仲要燒到岩岩好非常彈牙，調味適中，真心推介👍🏻👍🏻鰻魚蒲燒汁味道突出，份量仲要大大條，肉質鮮嫩夠哂新鮮，一定要試😍😍🍆另外佢地嘅燒茄子蒜味十足，仲有日式木魚係面夠哂香。🐷豬仔脾就抵食夾大件，仲要惹味得黎肉質鬆軟，非常唔錯😋炸物方面，雞軟骨都好出色，炸到鬆脆味道又咸淡適中。不過真係太多選擇不能盡錄，由其係海鮮都有好多，不過我地兩個就真係食唔落啦🤣唯有下次再戰😎總括黎講串燒價錢合理味道唔錯，啤酒價錢略貴，但係包裝都值回票價，絕對係值得支持嘅本土小店💪🏻💪🏻

咁啱喺尖咀醫肚，網傳呢間串酒里係黃店，一試伏店無誤。本身諗住大大力懲罰佢，點知最終懲罰嘅係自己！？完全唔明Openrice四百幾個哈哈笑點嚟⋯⋯發大牛舌巨厚，似用哥士的浸過、鬆肉粉醃過，唔似有烤過咁。咬落去，Sorry，無味，唔知係咩肉；至於大漠羊肉，唔單只無羊味，上碟連連熱都唔多熱，大鑊，似整定！娃娃菜更加係白烚完再落調味粉咁，邊食邊滴水，真係Juicy!好在燒蠔埋門一腳無叫到拼盤（9隻），三隻夠晒數，講唔上好食⋯雞翼細隻就無誠意，雞軟骨難得正常。咁嘅水準，環境同服務態度都補救唔返，決定一世人一Round就夠，人均消費265，嗱嗱臨埋單去第二度搵食。

曾經風靡一時嘅粗口手工啤酒🍺， 相信至今仍有唔少foodie都會慕名而來～ 小編就係其中之一啦！😂😂 串燒最啱就係佐酒啦！ 一啖串燒一啖啤酒，食得方便～ ⭐️推薦❗️川式脆燒雞軟骨（$28） 雞軟骨燒得香口，食落乾爽有嚼勁。 鹽燒厚切牛舌（$68） 午舌厚切，幾有口感， 不過應該係事先醃過，唔係好原汁原味。 自家製醬汁燒黑豚肉（$49） 肉質意料之外嘅軟腍， 缺乏黑豚肉應有嘅爽口口感， 味道一般。 ⭐️推薦❗️惹味汁燒豬仔髀（兩隻）（$59） 最抵食係就係豬仔髀， 唔洗$60有兩隻！ 拎住黎食，好方便，佐酒一流！ 肉質都算爽滑。 ⭐️推薦❗️麻吉燒（$22） 魚餅包着年糕，食落煙煙韌韌，正！😋 ⭐️推薦❗️蒜蓉燒原條茄子（$49） 蒜蓉舖滿整條茄子，茄子肉軟綿入味，幾惹味！ 日式汁燒娃娃菜（$22） 食得出娃娃菜燒之前已經烚過， 外面塗左少許醬汁和灑上孜然粉， 不過唔係好夠入味，有進步嘅空間。 支裝手工啤酒（$78） 唔只係啱男人飲，女人飲完都補身！😂 雖然唔知東革阿里本身係咩味， 不過飲落去確實有d藥

尖沙咀就最多唔同種類既野食，居酒屋係日本就食得多啦，今次都可以話係第一次係香港到食。呢間住於山林道既隱世居酒屋要轉彎再轉彎，所以都有啲難搵。入到去地方平較細小，所以台同台既距離比較窄，講祕密就唔太適合啦😂我地叫左厚切牛脷，燒鰻魚，燒茄子，黑胡椒香燒雞翼，黑松露沙律醬薯條，惹味汁燒豬仔比，川式燒韭菜同埋炸雞。本身以為2個人唔夠食，點知食下食下已經食唔晒🤦🏻‍♀️厚切牛脷真係好口切感，有炭火燒嘅味道加埋面頭既黑胡椒就真係十分入味。至於燒鰻魚，由於香港食會好貴所以見到價錢公道就帶咗一客嚟食，口感唔喺日本食嘅咁爽口，呢度嘅鰻魚偏向淋身，所以鍾意食爽口嘅人就要三思而後行呀！而當中我最鍾意食嘅就係黑松露沙律醬薯條，等嘅時間由於比較耐所以啱啱上台嘅時候都證明到佢係啱啱炸起。熱辣辣嘅薯條配埋冰涼嘅黑松露沙律醬入口有冰火二重奏嘅感覺，薯條屬於比較幼身，所以時間擺內阻都維持到去脆口嘅感覺🥰

山林道餐廳林立，有齊中英法意菜，云云餐廳中只有呢間串酒里映入我眼簾，街道上只有一個門牌，等我打開串酒里既神秘面紗！串酒里係巷仔最入，分左室內同室外。面積幾細，但同時唔會放太多座位，所以都有空間感。另外燈光昏暗，幾適合飲酒傾心事呢種氛圍。串酒里有售賣本土啤酒，而且係港式粗口。我揀左支「門西」既手工啤酒。藥味幾重，尤其係當歸味，相當得意。日式汁燒BB露荀一串有足足七大條，清甜之外連莖部都好爽脆，另外調味亦夠。蒜蓉燒原條茄子超大份，用叉已經可以輕鬆地撕開茄子肉。蒜蓉蓋過茄子既苦澀味，同時又食到茄子似肉非肉嘅口感，真係意想不到的美味。札幌芝麻香燒餃子雞翼加左芝麻更香，外皮幾脆，入面釀左餡料令雞翼更多汁。麻吉燒既餡料好煙韌，醬汁帶微甜，好似我同女友咁纏綿同甜蜜豬仔髀肉質幾嫩，相信要歸功於餐廳採用嘅火山石燒技術。川式脆燒雞軟骨亦值得一試。麻辣醬燒雞肉串既辣勁非同小可，食完好耐麻辣都未散去。自認食得辣嘅朋友可以去試下。唯一嘅海鮮就係黃金醬燒扇貝，扇貝都幾大粒，肉質幾甜，黃金醬類似沙律醬，味道酸酸甜甜，同扇貝幾夾。係餐廳見到印上人見人憎「門西」樣既手工啤酒，希望下次有得買。大家一齊懲罰下串酒里！

串酒里，香港人會鐘意既餐廳，非常本地化，特別係佢既支裝手工啤酒，好有local特色！我地分別點左9、吊、撚3支，「吊」係我口味，「撚」入口香後帶少甘，「9」最特別，飲落有朱古力味苦苦地咁唔似啤酒。札幌芝麻香燒餃子雞翼，釀左餡好特別，推介！鹽燒安格斯牛柳粒，粒粒肉都好大，有咬口！車打芝士燒日本廣島蠔，醬汁香濃，未入口就聞到芝士香。黃金醬燒扇貝，有3隻帶子大舊肉！燒玉子賣相就已經好吸引！蒜蓉燒原條茄子，好正呀，茄肉上鋪滿蒜蓉，上面更灑上木魚片，有啲日式風味！蒜蓉牛油焗蔬菜，好大碟西蘭花呀，成日怕串燒冇咩菜食既朋友可以點佢！除左串串，仲點左個黑松露沙律醬薯條，配啤酒一流！

躲在山林道小巷中的串酒里，五款粗口本地手工啤早有耳聞，啤酒最好就是配燒烤。餐廳室內外都有座位，店面不算大，客似雲來，多的是年輕客人。第一時間點了兩款手工啤。九鳥：話你on8驚你嬲，是甘蔗黑啤，很濃的朱古力及咖啡香氣，令黑啤不會太苦澀，麥香味很重。門西：食得芫茜瀨得西，是當歸啤酒，非常濃郁當歸味，甘香但不甜，很適合女飲用，養生恩物。札幌芝麻香燒雞翼，外層燒得香脆，雞肉嫩滑，芝麻令雞翼更金香。鹽燒安格斯牛柳粒很厚肉，趁熱吃肉汁豐富，外層燒到有點脆，肉質鮮美。鹽燒日本秋葵，外層燒到了輕微乾身，因為沒有切口，咬下去還是很純粹的秋葵味道，調味後更有風味。麻辣醬燒黑豚肉，麻辣醬真的辣，辣味什至滲到了肉內，惹味非常，黑豚肉的邊邊也燒到脆口，肉質爽嫩。燒玉子燒到外香內軟，十分滑，表面還淋上了蜜糖，口感和味覺也是新驚喜。BB露荀煙肉卷，露荀幼嫩爽口，煙肉的油香口味在燒過後全都出來了。辣味剁椒燒扇貝，剁燒味道濃郁，沒有麻辣醬般辣，扇貝很容易就夾得走，鮮嫩而且熱騰騰。 蒜蓉牛油焗蔬菜，這次的蔬菜是西蘭花，滿到瀉的蒜蓉為西蘭花增添不少味道，牛油也是蒜蓉的完美搭檔。籽然燒大蒜，就是將整個大蒜的每塊蒜子串起來燒，

天氣有啲轉涼最好梗係食個串燒 飲下啤酒朋友一直都好想試呢一間串燒店 話佢啲啤酒夠晒特別咁就一於今晚去試吓啦入到去 環境佈置唔錯 枱與枱之間都有距離 私隱度都還可以餐單主要有不同類型嘅串燒同埋小食鹽燒厚切牛舌 $68非常厚切 一串有四件 彈牙好吃燒玉子 $32一客三件 玉子燒得厚 兩邊好似搽咗啲蜜糖 甜甜地好易入口蒜蓉蒸原條茄子 $49這一個係必叫 蒜蓉茄子勁大條 上面放左勁多蒜蓉 啱晒我呢啲蒜蓉怪 芝士煙肉焗大啡菇 $39大啡菇size好大 可以分四件上面鋪左勁多芝士 芝士拉絲札幌芝麻香燒餃子雞翼 $49一客有兩件 雞翼燒得飽滿好吃 入邊有明太子餡 小小辣 加埋啲蔬菜食唔錯！最後又點少得叫特色啤酒呢佢有一啲粗口啤酒好搞笑 好有本地特色我哋就叫咗一支share $78/支叫咗呢支係桂圓杞子釀製 飲下去的確好甜好順口 放咗工嚟呢間居酒屋食下串燒 飲下啤酒的確係人生一大樂事！

今次我發掘到一間好Chill又好有香港味道嘅餐廳！同朋友食串燒、飲啤酒、吹下水，正🍻😏餐廳位於小巷入面，俾人好cozy感覺，適合同朋友傾計relax下。<日式燒汁BB露荀>咬落去有驚喜，係非常Juicy，配燒汁甜甜地好夾。<鹽燒厚切牛舌>呢個不得了，燒得好香，而且牛舌好厚身，encore咗多一串🤭<川式麻辣香燒餃子雞翼>中意食辣嘅朋友要試喇！雞翼層皮燒得好脆，啖啖都好Juicy，辣得好刺激😍<惹味汁燒豬仔髀>豬仔髀肉質夠腍，好中意個汁。<黑松露蒜蓉燒日本廣島蠔>我係一個黑松露同蒜蓉怪，呢個配搭岩哂我，超級多蒜蓉呀！廣島蠔好肥美😍😍😍食串燒又點少得啤酒？餐廳有5款港產粗口手工啤酒！每一款都係唔同味道，仲有特別功效架😏下次我要試埋其餘3款！

聽過幾次呢間串燒店，最吸睛莫過於佢嘅手工啤充滿香港特色：粗口堅特別，猶其第一枝有微微橙香，感覺新鮮。大量送酒嘢，好似呢個燒茄子，上面木魚超多，郁下郁下賣相極好。燒到熱辣辣亦相當好味，仲勁啱送酒。豬仔脾，超香。拎上手食勁滋味,又係勁啱送酒。黑松露蒜蓉燒扇貝，比想像中多蒜蓉，扇貝比想像中肥美，連埋勁大啖嘅蒜蓉真係送酒必備。芝麻香燒雞翼，超香，食完蒜蓉扇貝再食呢個都無被啲蒜蓉蓋咗佢啲味證明堅料。黃金薯條,微暖但係蛋黃味濃，填肚送酒一流。串燒店連香港特色真係好少見，食物都有番一定水準真係值得讚賞！

位於尖咀山林道的串酒里，主打港產釀製手工啤酒，串燒美食。裝潢格都非常有香港本土特色，多個香港獨有的粗口裝飾，玩味十足。餐廳座位容納到大概15-18人左右，適合三五知己到來飲酒放鬆下，傾下計。港產粗口手工啤共5款，除手工啤還有asahi 同1664 提供。 串燒食物其中燒海鮮還有多款味道可選擇。［撚］ 支裝手工啤$78淡淡橙香，適合女生。黑松露沙律醬薯條$49黑松露醬好香，如果薯條炸得再乾身就更好。蒜蓉牛油焗雜菌 $58用錫紙兜裝住的雜菌，牛油蒜蓉味勁香。燒芝士丸 $22記得趁熱食。自家製惹味炸雞 $38炸雞唔厚粉。川式爽彈火雞腎 $34/2串火雞腎微辣，口感挺爽身。鹽燒厚切牛舌 $68厚度足，牛舌爽彈口感超正。黃金蒜蓉燒扇貝(3隻）$88勁量級蒜蓉舖上面，扇貝肉都大大粒。整體質素不錯，可以一試。

放工同朋友happy hour 朋友選了一間佐敦附近的居酒屋Asahi啤酒🍻來居酒屋當然先要來一大杯啤酒🍺喝起來香濃滑順日本原條鰻魚在居酒屋很少出現的蒲燒鰻魚現烤的口感超級酥脆 而且價格實惠燒玉子燒玉子配上蜂蜜醬，裡面是一層一層疊起來的，吃起來有點像蛋糕呢！雞肉串鹽燒厚切牛舌牛舌超級厚實，印象中吃過最厚的牛舌口感卻意外的好 非常Q彈有咬勁不會乾澀蘆荀煙肉卷蘆筍配上煙肉一直都是最佳拍檔黑胡椒香燒雞翼居酒屋必點的串燒雞翼烤得外皮焦酥裡面肉汁飽滿總體而言串燒食材與烹調功夫不錯，串串都是好味道應伺只有一位但服務態度非常好是和朋友聊天喝酒的好地方

每次黎山林道都係食金鳳，呢日鬼掩眼搵極都搵唔到，俾外頭既紅色燈牌吸引，誤打誤撞下撞左入呢條巷仔。小巷充滿神秘色彩，門口放住舊式水牌，好有日本居酒屋既感覺店面不大但好有格調，呢類可以啤一啤食下伴酒菜既小店早已買少見少，實在難得。餐牌上有多款香口伴酒小吃，雞牛豬羊蔬果海鮮應有盡有燒豆腐以油炸方式烹調，口感似臭豆腐，外層香脆，但當然無臭豆腐獨有既氣味取而代之係芝麻同照燒汁既鹹香，包著仍然濕潤既嫩豆腐，口感極佳。茄如其名粒粒圓潤飽滿，一咬汁液滿溢而出，清新開胃。大啡菇表面鋪上火腿片同厚厚既芝士，啡菇水嫩多汁，菇菌獨特既風味配上火腿同芝士，層次豐富又飽肚必點豬仔髀，外皮燒至焦脆，肉質似豬手，厚實有咬口又不至於韌，面頭灑上香甜惹味既BBQ粉，香口味美雞肉串啖啖肉，無雞皮同肥膏，同樣灑上與豬仔髀一樣既調味粉，令本來淡味既雞肉生色不少。推薦黑豚肉，肥瘦適中，入口非常鮮嫩肉厚。塗上甜中帶辣既麻辣醬，令整體味道提升至另一層次。壓軸既蠔脆棒，見到店家推薦而點，估唔到令人喜出望外三條手掌長短既特長脆棒，外在春卷皮炸至金黃香脆，乾爽不油。中間夾住豐富既芝士同蠔肉，入口充滿海水鮮味同芝士既鹹香，整體非常匹配，蘸上