串酒里 (已結業)

不是朋友帶我來，都不知道在山林道有間串燒專門店。有不少手工啤酒選擇，好啱係度飲返杯。小店環境雖然不大，但是蠻有特色。可樂($18)鹽燒厚切牛舌($68)每次串燒必食，牛舌肉質軟嫩，真係幾厚，好吃。鹽燒日本秋葵($28)口感不錯，不會老。煙肉荔枝串($48)，荔枝甜+煙肉鹹，美味。日式汁燒娃娃菜($22)味道剛好，而且仲好濕潤，唔會乾水。惹味汁燒豬仔髀($59/兩隻)肉質嫩滑。札幌芝麻香燒餃子雞翼($49/兩隻)好香口。香辣燒原條茄子($49)有不少蒜蓉，少少辣，好香好惹味，推薦！自家製惹味雞肉串($38/兩串)，雞肉醃過，大大粒，啖啖肉。大漠羊肉串($48)很有大漠風味，味道夠地道。

🍺（西）支裝手工啤酒行過串酒里就係俾佢嘅手工啤酒吸引入去，用唔同香港嘅粗口代表！因為食串燒得，我通常會揀偏苦嘅啤酒，所以我揀咗當歸味嘅啤酒！🍢鹽燒厚切牛舌有四舊牛舌，雖然厚切但佢都唔會好韌，仲好多肉汁，大推！🍢自家製醬汁燒黑豚肉無諗過咁大舊，所以雖然只有兩串但大大份！醬汁偏甜但唔會過咸！🍢秘製醬汁香燒豬頸肉豬頸肉好爽口，肥瘦都均勻，唔會得柴🤣🍢鹽燒安格斯牛柳粒唔會燒得過燒，肉汁都濃味，自己食兩串都得！🍢川式脆燒雞軟骨雞軟骨本身醃得幾入味，唔會得雪藏味👍🏻🍢蒜蓉燒原條茄子茄子原條上，估唔到木魚同蒜蓉都好夾！🍢燒玉子玉子同我哋平時食嘅唔同，有少少嘅甜味，而且好有嚼勁！🍢醬燒金菇肥牛卷肥牛唔會因為煎太耐而過硬，而且唔會太大舊而難入口🍢香脆蜜糖燒新鮮粟米果然係新鮮粟米，好甜！而且燒粟米都保留左好多汁！

平時諗起串燒店，就會覺得係大魚大肉，但係今晚同個食得健康嘅朋友嚟到，就開拓眼界，串燒食蔬菜！娃娃菜本身水份充足，燒完都唔會乾，菜面有一層薄薄地嘅燒汁，少少椒鹽，為清淡嘅蔬菜點綴一下。燒粟米每一粒都好飽滿，又係冇燒到乾晒，粒粒分明，仲好甜添！燒芝士丸，係普通打邊爐嗰隻芝士丸，但係燒左一邊熱辣辣，食落似燒嘢食口感😂黑椒雞翼入面有香料好重嘅餡，所以叫做餃子雞翼，都幾特別。有唔同蔬菜，都梗係要食返啲邪惡嘅嘢啦！黑松露沙律醬薯條炸得好新鮮，又唔油，沙律醬有淡淡地嘅黑松露味，又唔會冇咗沙律醬本身酸酸地開胃嘅效果。焗雜菌好多種菇啊！金菇冬菇本菇草菇，每一面都沾滿牛油同香草，正！燒韭菜又係特別嘅，好多汁，燒到咁香都唔會流失蔬菜本身嘅水份。燒茄子，我諗係每間串燒店嘅招牌必食，我食燒茄子鍾意食埋皮，今次都唔例外，個皮冇燒到好窿，茄子肉厚多水分，juicy！豬頸肉10分推薦，勁肥但係好正，入口即溶，燒到好鬆好脆。

晚上想找一處神秘而又寧靜的談天說地好地方，我發現山林道總有一處在左近，大家可以一去。首先我在街道上望見一條長長的小巷，巷頭放了一個海報，原來此店是啤酒串燒屋來，名字相當特別，叫《串酒里》。我們點了以下菜式：川式脆香雞軟骨***黑胡椒香燒雞翼兩隻***脆燒日本原條鰻魚***車打芝士燒扇貝三隻*****黑松露燒八吋虎蝦五隻*****日式燒汁娃娃菜*****鹽燒日本秋葵***日式燒汁BB露筍***飲品：支裝日式手工啤酒 *****非常有特色，用香港粗口語做酒之標誌，敢創新，跳出框框。除了室內有座位，店主還在露天位置放置了枱，所以內外任君選擇。

今次係我寫食評來說，遇到一間最難食，又唔抵食的一間餐廳。我入到餐廳，環境比較細，但火光線及佈置是可以。我們亦沒有被職員不禮貌對待。食物是來得很快的。但食物真係唔好食，太多調味料。蓋左食物的鮮味。虎蝦：唔新鮮；鮑魚：算ok；蠔：太多蒜，蠔太細，唔新鮮；茄子：太咸焗什菌：更咸；牛串：都係麻麻地；雞軟骨：不過不失；冬菇：燒得太乾；鰻魚：無燒過咁；薯條及啤酒：算為最好食，最好飲。埋單909蚊，貴唔緊要，但唔好食。

今日揾餐廳同朋友食飯，俾我揾到一間隱世小店😍，巷仔入面有間串燒店。店面都幾的骰，仲有露天位，但落雨就坐返入去。我地叫左7樣串燒，食到勁飽! 串燒嘅味道都幾好食，值得下次再嚟!❤️🍀鹽燒厚切牛舌 ($68)重點推介!!! 👍🏻👍🏻真係好好好味! 牛舌勁厚切，好彈牙好有口感!🍀麻辣醬燒黑豚肉 ($49)肉汁豐富，趁熱食味道一流!🤤🍀麻辣醬燒雞肉串 ($38)燒得唔錯!😋😋🍀黑胡椒香燒雞翼 ($32)燒得好惹味，連入面都好juicy!🍀蒜蓉燒原條茄子 ($49)最特別之處係加咗木魚係茄子上面，食落非常夾! 值得一試!😋🍀蒜蓉牛油焗雜菌 ($58)牛油蜜糖味又香又甜!🍀黃金薯條 ($59)熱辣辣嘅薯條撈埋蛋黃，好惹味!!🍀支裝手工啤酒 ($78@1)食串燒一定要配啤酒，最搞笑係佢啲酒名同語句，香港味道加分!!❤️<柒> 桂圓杞子蜜棗釀製而成，味道唔錯<西> 當歸味濃! 勁特別!

那天約了舊同事吃晚飯，發現了一間很有趣的小店！這間串酒里有很具特色的粗口牌酒😂串燒都很好食，價錢合理！串燒的靈魂莫過於是醬汁，這類的醬汁味道偏甜而且很惹味，我好喜歡😘「撚」支裝手工啤酒 $78來到這裏當然要點粗口啤酒系列～這個系列不單單只有噱頭，其中有2款更是對身體有益的，好像是調經止痛，真是令人意想不到！而我點的「撚」啤酒的苦澀味並不重，而且還有微微的橙香！鹽燒厚切牛舌 $68強烈推薦真的很喜歡，厚度十足！口感爽脆又不會靭，滿分～醬燒金菇肥牛卷 $48超有驚喜啊！肥牛燒得剛剛好而就金菇充滿了肉汁～煙肉荔枝串 $48想不到又咸又甜的，但味道就出奇地夾！煙肉充滿了荔枝的香味，好吃！這間串燒店我真心好喜歡，這餐點的所有菜都很有水準！而且出餐速度又快～下次會再來的～

Book 位個陣又話唔洗deposit 去到個陣又話原來冇deposit 就得1.5小時係open rice 你又唔寫明得1.5小時電話傾又唔講 仲要態度超差 西口西面態度好既我都算數

今日黎到尖沙咀呢間位於巷仔既串酒里，餐廳有室外同室內既座位可供選擇，不論想食煙定要涼冷氣，都可以有地方可以慢慢傾下計、飲下酒。串酒里既手工啤酒係crossover 香港本地手工啤酒品牌麥子，係呢度獨有既粗口手工啤。餐廳更加與時並進，擺出連儂牆、自由西既主題手工啤酒我就點左甘庶黑啤啤酒樽有特色之餘，啤酒都唔普通，黑啤帶有朱古力同咖啡既味道，有多種層次除左手工啤酒之外，串燒都係另一項主打。我地就點左幾款要黎餸下酒，質素都唔錯。

餐廳門口比較隱蔽，空間唔大，只有幾張檯，員工有禮！最好食係日式汁燒bb露筍，好脆嫩，醬汁加上孜然粉好惹味；芝士煙肉焗大啡菇、黑胡椒香燒雞翼、豚肉金菇卷、惹味汁燒豬仔脾及鹽燒厚切牛舌味道不過不失，但雞翼只有2隻，價錢稍貴，而豬仔脾及豚肉金菇卷略嫌乾身，唔夠juicy，但勝在啖啖肉；蒜蓉燒原條茄子的蒜蓉超多，燒得幾香；黃金薯條是鹹蛋黃薯條，雖然熱辣辣，但鹹蛋黃偏少；串酒里特色芝士蛋糕是綠茶芝士蛋糕，味道可以！餐廳賣點係粗口手工啤酒，很有本土特色，影相打卡一流！

真係好鐘意食串燒店，一串三四舊，可以試好多好多唔同款！睇下張餐牌就知幾琳琅滿目🤤 分晒類咁鰻魚超好食，岩岩燒起熱辣辣，個皮脆卜卜，可媲美高級日本極上鰻魚飯上果塊鰻魚 😚燒玉子又係燒得好好，甜玉子外脆內軟，一咬落去蛋香爆晒出黎 🍳肥牛金菇個金菇好多汁，包住既牛因為本身好薄，又燒左，口感較乾，同入面多汁既金菇形成大對比，好有層次。鹽燒厚切牛舌（圖上）同鹽燒安格斯牛柳粒（圖下）放埋左一碟，牛舌超正，大大舊，醃味唔算重，咬落爽口彈牙👅；安格斯都好有牛味。雞串好滑！半肥瘦咁，仲好抵食！🐥

尖沙咀的山林道有不少美食，只是位置其實也不算很就近尖沙咀，倒是比較近佐敦，所以沒有太多的人知道那條街道其實有不少美食，很久之前已經過那兒的「串酒里」，名字取同音自「串走你」，生動又有趣。只是只有一個簡單的門牌，在旺區來說確實隱世😅裡面的環境也不大，沒有甚麼裝飾，不過天花有很多抽氣扇，抽風系統應該挺不錯。串燒種類也有不少，有雞、牛、豬等種類，價錢也不昂貴。這裡最特別的是港產粗口啤酒，香港人愛說的粗口與手工啤酒結合也算是十分有本土特色😂鰻魚是我在海鮮類當中很喜歡吃的食物，在這裡的鰻魚醬汁豐富，鰻魚也夠軟稔，而且沒有骨。只是鰻魚汁稍微鹹了一點，鰻魚的質厚度也沒有很厚，以致口感不太足夠。想不到在串燒店也能吃到黃金薯條，黃金薯條即是鹹蛋黃薯條的意思，從照片已可看到有大量的鹹蛋黃在薯條上，薯條熱辣辣的，很新鮮，連同鹹蛋黃一起吃更有滋味。只是鹹蛋黃比較碎，未必能讓全部薯條也沾上鹹蛋黃。這裡單單是元貝已經有8款朋友想吃邪惡的車打芝士燒元貝，於是便點了。表面還真是有大量的芝士，芝味非常，元貝也很大顆，還要新鮮得很。看到openrice，有很多人介紹這裡的玉子，那實在不得不點吧？玉子有3件，其實味道就是跟

轉角巷尾遇上串燒山林道有好多獨立食店，盡量謝絕連鎖食肆的我會不時來覓食。轉角盡頭見到『串酒里』，主打串燒及本地手工啤酒。食店面積不大，分室內室外，秋冬時候係露天座把酒談歡happy hour是不錯的。串燒食物方面有鹽燒日本秋葵，日本甜薯，青芥末燒扇貝，燒鰻魚，牛舌，雞腎，豬仔脾，燒雞翼餃子，秘制炸雞。甜薯好似食緊燒麻糬咁，煙煙靱靱，幾好笑，加了少少海鹽燒，可有效帶岀天然甘甜。豬仔脾有驚喜，唔韌，醃得入味。燒雞翼餃子及秘制炸雞惹味下酒。點青芥末燒扇貝的朋友要有心理準備，好似食緊「辣辣壽司邊個食」咁，但攻鼻得來又幾過癮。其他食品都ok，唯一對燒雞腎較失望。食店不大但通風做得不錯，食完唔會成身燒烤味。是一個愉快的晚上。

星期五晚上🌃有同事提議去呢間位於山林道隱匿小巷既一間串燒小店Happy hour食下串燒🍢順便啤一啤🍻係門牌望入去一條直巷 小店有室內同室外小店位置唔算大 我見之後有客人無預先預約都要等到9:30pm先有位港產粗口手工枝裝啤酒🍾我同同事share左枝, 名為：”九鳥”黎飲其實係甘蔗黑啤, 有輕微既朱古力同咖啡☕️香味 唔算好苦澀雞軟骨脆卜卜火雞腎夠爽口彈牙 煙肉荔枝串一咬荔枝爆哂汁 咸咸地又甜甜地 好有驚喜😆秘製醬汁香燒豬頸肉蒜香燒茄子🍆面頭鋪滿一層 木魚絲 下面就有蒜蓉粒 幾特別 入口軟腍鹽燒牛舌超有”厚感” 食落仲好嫩黑松露蒜蓉燒扇貝+ 冬蔭功汁燒日本廣島蠔

朋友話想食串燒，公司附近搵到間好隱蔽既，係條巷入面，仲有手工啤，不過揸車唔飲得，唯有叫zero串燒選擇十分多，仲有海鮮，而且有不同口味，唔會串串出黎都一樣口味。因為當晚餐，我地都點主食為主，雞翼，雞軟骨，原條茄子，係串燒必點吧。呢度仲有啲特別啲既野，蜜糖豆卜，煙肉荔枝串，芝士煙肉大啡菇，鹽燒秋葵，超正。玉子燒同黃金薯條都係少見，即炸薯條加上咸蛋黃，如果再多啲咸蛋王仲正呀！玉子燒就甜甜地，熱食會好味啲。最後推介必食一定係牛舌同豬仔脾，個牛舌好厚切，香口，有油脂，而且好牛味，十分爽口惹味。豬仔脾大大隻，啖啖肉而且個醬汁好正，好夾，燒到剛剛好外脆多汁，好滿呀。平日放工可以搵個地方同朋友品嚐美食同傾計，真是一大樂事。啲串燒遂啲黎，一路傾一路食，時間真係好快過！