上海婆婆 (已結業)

我覺得位於V City的上海婆婆比其他分店舒服，很多座位之間的前後距離比較寬闊，侍應非常有禮貌，而且不停為我們加茶水，確是抵讚。整體來說，這餐廳的水準很不錯，值得一試。鎮江小排骨 63端上桌時還是暖暖的，排骨肥瘦適中，味道真的做得不錯。婆婆小籠包 36小籠包皮很薄而且豬肉有肉汁，包內也有很多湯。小籠包下有一片很薄的青瓜，讓食客拿筷吃小籠包時，不會黏著底紙令小籠包穿了，真的很細心。淮揚酸辣湯 35很足料的酸辣湯，酸味比辣味重，適合不太吃得辣的我，我丈夫比我吃得辣，他加了豆瓣醬後覺得酸辣味道剛剛好。松子黃魚 168 賣相很吸引，魚身炸得很香脆而魚肉卻不乾身，雖然加上很多甜酸汁但沒有減少魚身的香脆。甜酸汁加上很多洋蔥粒、青紅椒粒、菠蘿粒、蝦仁和松子，吃起來真的很開胃。香蕉高力豆沙 48上桌時漲卜卜的賣相很吸引，香蕉和豆沙的比例剛剛好，甜度也適中，每人吃兩只也不會覺得多。

好鍾意食上海野所以又黎左上海婆婆，vcity店都食過幾次，幾好食㗎，又唔係貴。兩個人叫了一人一碗麵，再加幾樣小食，好多野想食，好似一次叫得太多了，不過有個大食朋友在，唔使驚食唔哂喎。呢個紅油炒手望落好多辣椒咁，但原來唔辣，個辣椒汁甜甜地，可能係用左甜豉油，皮薄餡多，入面包住豬肉幾好味，啖啖肉。煎鍋貼一碟三隻，皮厚但煎得焦香，入面仲有肉汁㗎。雞絲粉皮個麻醬大愛呀，粉皮爽口又幾大碟，可以再多啲青瓜就更好了。呢個超正，黃金四季豆，勁多咸蛋黃，超香呀，條條四季豆都被咸蛋黃包住，如果係咸蛋黃fans一定要叫。主食要左紅油牛展麵，店員問要唔要少辣，仲而為會好辣就要左少辣啦，點知係唔辣嘅，牛展幾爽好味喎，不過下次要正常辣就得了。仲有擔擔麵，又係少辣，呢個我覺得啱啱好，超正花生醬味加上微辣可以飲哂啲湯，慢慢搞下佢啲湯會傑啲㗎。麵條好淋吸左好多湯，好正。叫得太多超勁飽，去行下超市消化下先。

今天是家人生日，由於家人勻喜歡中菜，所以早早book台，準備到上海婆婆用膳四小拼$98前菜包括: 燻魚，烤夫，肴肉，小排骨。每種分量數份，三人分享也不錯。烤夫入味濕潤。燻魚扎實，味道酸甜，排骨色澤深，入味美味。肴肉結實，膠質爽彈。沙鍋雲吞雞$172大大鍋的 沙鍋雲吞雞，是媽媽說要點的菜式。沙鍋雞有大半隻，煮至皮肉分離，滑嫩鮮甜，輕輕用刀切便骨肉分離。雲吞有六大粒，雲吞大得可用大字來形容。雲吞皮滑溜順囗，肉餡充滿肉汁湯汁，超美味。湯頭鮮甜，我喝光三大碗。黃金炒飯$70一大碟的炒飯，金黃吸引。以蛋黃，少量蝦仁炒成，簡單材料，味道可好。炒至粒炒分明，廚師炒得律好呢。

今天家人放假，所以晚上來到近我們的屯門上海婆婆分店吃晚餐。奶湯津白$65奶白色湯底煮成的津白，白得透亮，煮至軟腍，份量也足。松子黃魚$168上次去上海餐廳沒吃到的黃魚，今天決意必點。上菜速度超快，大大條的松子黃魚，淋滿紅橙濃稠醬汁，賣相吸引。黃魚魚肉炸後肥美大件，沾上酸甜醬汁，伴飯一流最後媽媽太飽，由我獨自吃光光。南瓜餠$43一客四件的南瓜餠，弄成黃色小球。外皮熱辣辣，煙靭軟糯，內裡是紅豆蓉，甜蜜香甜。

個人推介指數分8 (10分為滿分) - 食物水準萛中上, 味道不會太濃, 只因往往吃上海菜的經驗也是調味太重手. 晚飯時間, 人流較多, 環境有丁點嘈雜, 最好預先訂坐. 不過, 即使在繁忙時間, 店員也能殷切地服務筆者, 報以親切的笑容, 這點對我這麻煩食客倒是比較重要的一點. 好不容易, 又到了二人世界的時間, (小囡有人接收), 必定要和太太好好吃一頓. 今天太太說很想吃上海菜, 剛巧在附近商場血拼, 就去這所上海連鎖店嘗嘗吧. 由於在吃晚飯時段, 人流較多, 我們等候了十五分鐘左右就能進內, 這也差不多是我等待的上限, HEHE. 店來佈置很有兒時插晝的玩味, 有點像以前玩的康樂棋遊戲, 又透露了自己的年齡, 坐位也萛舒適.還有小小貼士, 這裡即使坐滿, 上菜的速度也很明快, 未來得及把這道菜給相機食, 下一道菜就接着上.這裡有很多看似很好味的食物, 可是只有我二人, 只好精選以下心頭好吧醉豬手以花雕酒浸泡, 外皮是較爽脆的口感, 酒味倒足夠, 只是內裡的肉略感酒味不夠濃, 可以浸泡更久一點會更好. 反而來嘗一口花雕汁, 味道相當不錯黃金四季豆這個菜比一般干燒或用欖角炒的方法來

今日約咗朋友每人一拖一，去屯門vCity食呢間上海婆婆。之前食過尖沙咀iSquare嗰間環境同味道都幾好，但你到屯門呢間下午茶叫咗一個炸醬麵同一個蔥油伴麵，有啲失望，兩個面其實味道一樣外觀都差唔多。不過下午茶餐都算平， 一個頭盤＋1個主菜（面）再送一杯凍豆漿都係50至＄60。話晒都要連鎖店又係新商場裏面，咁嘅價錢都幾抵。環境舒服，最緊要有BB櫈，同埋啲侍應都唔介意有BB黎食飯(你知啦， BB搞到一地都係🙈）

位於Vcity的上海婆婆，是我做兼職時侯，常常吃的餐廳。我還記得我叫錯過，叫成上水婆婆，哈哈上海菜一向也頗喜歡吃，今天就來吃個午餐吧。午市套餐由$55-108不等，包括:湯品，主菜，米飯。餐湯是豆腐娃娃菜湯，清甜清新，味道不俗。醬燒茄子$55大個後很愛吃茄子，特別是魚香茄子茄子切條，配以冬菇和肉碎，濃咸惹味，下飯一絶，值得一點哦。腰果雞丁$60由於很喜歡吃腰果，所以點選這份午餐。雞丁切得夠細，如腰果般的大小，豐富囗感醬汁稠得拉絲，還是我第一次吃呢。更加$10酒釀丸子想吃酒釀丸子甚久，因為聽說是可以豐胸，哈哈哈。酒釀較稀，清晰見底，味道清甜，酒味不濃，是沒負擔的好甜品呢。

两個人中午，就係樓下食個快既上海菜，上海婆婆，一路以來以速度見稱，服務員快手快腳，上菜速度又快叫左個酸辣麵，湯濃偏酸，唔夠辣，麵吸左湯味，啖啖酸辣味，麵幼有口感可以接受葱爆牛肉，牛肉無乜味只係得個林，油太多，少一半會好啲，搞到大葱啖啖油，食起黎有啲膩小籠湯包，保持水準，皮薄有湯汁，入面豬肉有肉味，可推介咸蛋四季豆，又係油太多，本來咸蛋黃已經夠膩，加上多油膩上加膩，食到一半真係食唔落成餐飯，點菜到上菜10分鐘，食完35分鐘食完，有效率又服務可以

無論喺身邊嗰個定喺屋企人 都好歡喜食上海野 所以成日喺商場見到有上海野食 都會唔想煩諗食咩 直接行入去😂-雞絲水晶粉皮 呢個永遠喺我最愛 如果喺食上海野 而無嗌佢 我會好失落～呢到雞絲水晶粉皮都幾高質 首先雞絲青瓜絲唔會得幾條 麻醬亦好重手 撈完絕對喺條條都會均勻 粉皮有咬口 唔會只得個淋字👍🏼-五香金錢牛展隔離嗰位成日都話要食 今次就俾佢嗌 成碟俾佢食 評價就喺好好送飯😂 唔韌之餘 又入味 食落五香味幾重👍🏼-田園獅子頭食咁多肉一定要食返啲菜平衡下呢個田園獅子頭真喺菜同肉都取得一個平衡獅子頭彈牙 有咬口 唔會食落好軟淋淋-婆婆小籠包 小籠包最緊要喺咩？緊喺皮薄餡靚 而且仲要咬落多汁👅今次呢個小籠包就做到以上三點✌🏼-炸銀絲卷每次必嗌 識食一定喺嗌炸嘅 再瘋狂點煉奶呢到嘅煉奶有得encore 好正😍-婆婆粗炒炒得有鑊氣 再加埋豆瓣醬 真喺幾飽都要食哂佢✌🏼

終於到左星期五又難得早放工  就入左屯門接女朋友食飯  不嬲唔中意食中菜既佢竟然話想食 就即刻捉左佢去VCITY間上海婆婆  都有好耐無食過上海菜嚕   一望到本厚厚既MENU  好多野都想食呢 先黎一個大合照 ~（$36@4粒)食上海野第一樣要叫既野緊係小籠包啦!!   個皮偏薄  一夾就穿  但入面好多湯汁  還算okay~排骨擔擔麵 ($60) 排骨炸到好乾身....... :S  但個擔擔麵幾彈牙   湯底係傳統上海口味  好濃既花生醬   岩我口味糖醋魚塊 ($78)成碟幾乎比女朋友食哂!!   個汁酸酸甜甜  啲魚柳又滑   送飯一流!! 椰菜回窩肉 ($72)回窩肉不嬲係我最愛!!!  好在上海婆婆無令我失望  夠哂味又夠鍋氣 有椰菜又有肉仲有汁撈   下次一個人黎食叫個回窩肉加個白飯就可以搞掂一餐 干貝賽螃蟹($78)不嬲少食上海菜既女朋友話食上海野一定要叫   蛋白幾滑又有唔少蟹肉  無介紹錯既係~甜品就叫左豆沙窩餅 ($48)唔會太甜所以食落唔會好膩   食左咁多餸   用呢個豆沙窩餅做甜品黎完結  感覺岩岩好~ 整體整晚感覺, 無論食物服務都幾好 下次都會再次光

今日食上海菜，黎左v city嘅上海婆婆，平日貪佢唔使等位，座位都尚算舒適，打開餐牌，感覺比以前較為親民花雕醉雞幾欣賞呢度嘅醉雞，首先佢有酒香，酒味溶入雞度，唔會甘到苦嘅感覺，雞肉多而且骨小，份量適中紅油抄手小妹發覺上海婆婆嘅菜式大多都偏向甜，當然唔會好甜，但紅油抄手小小辣又小小甜，又真係幾開胃，每件抄手皮薄同涵料充足，配合香蔥乾蒜，香囗又美味椒鹽小黄魚老老豆豆，小黃魚唔係啲咩名菜，初時友人叫呢味菜就心諗，好似唔係好抵食咁，但點知一試難忘，小黄魚微脆嘅外表，內裡內質嫩滑，加埋表面大量香蔥配料，就算自己整都真係無咁多心機婆婆粗炒呢度嘅粗炒配料比麵多，菜同肉絲比例幾好，不過油分略為多咗小小感覺上海婆婆進步左，啲價錢貼地左，食得過!

上海婆婆每次去親都唔會失望,今次都唔例外,好好服務,而且員工好有禮貌，隨即奉上兩杯熱茶，坐得好舒適,整體而言味道很不錯，坐得亦舒服，而且Vcity容易搵~四川麻婆豆腐($60/1)用豆腐夾著細嫩既肉鬆餡料，豆腐唔會一夾即爛，辣味岩岩好，而味道就比較香口，上面仲鋪左少許蔥花，色香味俱全，送白飯一流雞絲海蜇冷盤($62/1)比較喜歡吃脆的東西味菜,涼拌海蜇皮比較薄，咬勁沒那麼夠。海蜇頭比較厚，更脆、更有嚼感。鎮江小排骨really$62一睇就知道係非常次考功夫既菜,甜味中帶酸，酸甜酸甜好醒胃,排骨夠哂新鮮無雪味而且好夠鑊氣,送白飯非常之正呀。小籠包($36/4粒)小籠包也值得一讚，皮薄湯汁算多，又不會很硬和感覺不油膩,不加醋也很好味道。奶油津白($62/1)白色奶湯襯托白黃色的紹菜，給人很純凈的清新感,津白淋甜,味道適中。整體好味道,小菜也可以嘗試,總體喜歡這間餐廳,下次還會再惠顧!

一次又一次地俾機會呢間野。。。佢的野真係愈來愈差！下次真係唔會再幫襯排骨擔擔麵排骨炸到好乾好鞋擔擔麵算係全餐最好味的一樣野麵質都煙韌彈牙的湯底有濃濃花生醬，係我喜歡的口味炸醬麵咩話？佢邊一方面似一碟炸醬麵呢？感覺佢只係一堆類似台灣肉燥(仲要係唔好食果隻)的醬汁，再加一個麵餅個醬有少少甜味，好碎的肉碎個麵係凍既！仲要痴埋一餅餅你叫我點撈？最後我地將麵餅放埋入碗擔擔麵湯入面先食得落口小籠包係有好多湯的，不過個皮就厚左少少味道亦無咩特別

以前成日去屯門食飯~近牌少左好耐冇去V City行下，行行下見到呢牌轉左好多新餐廳(定係其實唔新?只係我太少去)所以就係度食埋晚飯啦~想食d中式既野就揀左上海婆婆啦~平日夜晚唔洗等位好快就入得啦雖然係食中式餐點，但餐廳內在環境一點都不老土而且裝潢不錯並帶有空間感，坐得很舒服待應仲不停幫我地加茶，搞到我地愈坐愈耐哈哈點左個蟹粉小籠包新鮮蒸出黎小籠包個皮一點都不厚~但是也不會很易穿就是我拍照拍了很久它也沒穿吃下去還是熱辣辣的和有湯汁的咸香蝦球就是黃金蝦球蝦球的份量算蠻多的好似食極都仲有咁而且蝦球都幾大隻所以好滿足一上檯已經聞到好香既味道咸蛋黃味好香好濃一層咸蛋黃包裹住蝦球去炸，炸得非常乾身雖然有d熱氣但係好味！蝦球依然有爽口的口感，而且咸香非常惹味送飯食好正而伴碟的拍青瓜也可以中和油膩感~配搭得宜還點了招牌的婆婆粗抄味道很足夠同樣很惹味！色水也很夠但又不會很咸，吃完也沒有覺得很口渴而且配料很多，份量也很多，很足夠2個人share吃呢！整體來講覺得食物的份量也蠻多的，不會不足料和不夠吃，所以多人一起share會更划算!!

同友人去VCITY行街提議試下上海野 就入左去尼間上海婆婆度試下啦~入面有好多菜式揀 價錢比我想像中平首先我地揀左一個麻辣拌豬耳豬耳好爽口 而且食落去咸咸地好開胃 到後尾啲辣味先開始出黎真係岩晒我地食辣既人叫左個三杯雞丁開頭好好奇究竟係咩黎聞落去好香 可能會覺得好咸咁  因為色彩好濃但食落去味道岩岩好 絕對唔會太咸 無令我失望 而且好香口 一直夾黎送飯一流!婆婆粒粒炒飯又有蝦又有臘腸 個飯炒得幾好 唔會太乾配料都算多 份量兩個人都食唔晒 所以好抵食!可以試一試小籠包講起上海一定要試!一咬落去就好多湯汁流出黎要小心熱湯汁加埋肉 口感好正無令我失望最後叫左個蔥油餅 不過無影到相因為好香蔥味 一黎到已經不斷食又無淨係得粉 個種感覺分數100