上戶酒場 (已結業)

返左一星期工作咁辛苦，星期六晏晝要食餐好嘅慰勞吓自己。今次同朋友喺九龍城覓食，見到呢間佢就有午市套餐幾抵食，就入去試吓。響螺刺身分量比想像中多，分了兩小碗。響螺刺身咬落好爽，好有咬口，而且十分新鮮，加埋Wasabi豉油帶出鮮甜味。香蔥牛肉薄燒配三文魚炒飯將牛肉片捲埋新鮮香蔥同炸蒜，然後拎去燒，出邊燒到香脆，入面仲有啲生既牛肉，牛味好重，肉質咬落去軟稔，牛肉冇乜筋，而且脂肪唔多，唔會話食完好油膩。而三文魚炒飯都有幾多三文魚係入面，味道啱啱好，幾抵食。煙燻厚切三文魚一開佢就聞到好濃烈嘅煙燻味，三文魚切到勁大粒，而且好多油脂，好肥美，係煙燻之前佢又係表面火燒過，食落更加香。