上戶酒場 (已結業)

上戶酒場地鐵通車后去九龍城好方便今次去食日本野 lunch有85折！walk in都有折吾洗book前菜 蔬菜條用火爐暖住鯷魚醬，可以將蔬菜條蘸呢個醬食，將味道提鮮堤魚醬，用沙甸魚三文魚混合而成，配青瓜，紅蘿蔔，同埋沙葛食好味 上戶刺身盛配迷你烏冬 $208有新三文魚，油甘魚，帶子&牡丹蝦全部都好鮮美 三文魚勁厚切帶子都好甜壽司盛 $168擺盤用左九宮格，視覺效果好吸睛小盒子裏裝住八款吾同既 有三文魚，赤蝦，油甘魚，鰻魚，帶子，赤身， 燒左口魚，toro！店員叫我地食左磯煮鮑魚&燒左口魚先，燒左口魚真係要趁熱食 油脂肥美 好香toro 入口即溶 高質！鐵板原隻龍蝦 $688用芝士燒香龍蝦頭 龍蝦肉全部剝好放係龍蝦殼上燒香氣逼人 龍蝦頭重有膏 配芝士好美味Sunsory 生啤 $58冰涼啤酒爽呀悠久之梅 $65濃梅味既梅酒 容易入口

****上戶酒場****5級評分好味😋😋😋😋😋回頭 🤩🤩🤩🤩🤩性價比 💯💯💯💯💯九龍城一般都諗住得泰國菜，新開呢間日本菜 - 上戶酒場非常高質 CP 值好高，一入門已經見到裝修充滿日式風格。野菜條伴鯷魚醬 ($32)前菜係野菜條伴鯷魚醬，配上新鮮蔬菜條，沙角青瓜紅蘿蔔條，仲用個小火爐warm住啲醬，可以將蔬菜條蘸呢個醬食，感覺幾特別。不過記得唔好warm太耐，如果唔係啲醬會變得鹹上戶刺身盛配迷你烏冬 ($208)頭盤係上戶刺身盛，有油甘魚、三文魚、帶子同赤蝦。帶子有啲蟹子做點綴賣相唔錯，入口味道鮮甜，肉質細緻。油甘魚、三文魚都係厚切刺身，口感幾好。赤蝦也很新鮮大隻好好吃。午餐仲會配上中華沙律及海鮮味噌湯，有豆腐、海帶、蝦和蜆好足料。壽司盛 ($168)第二道菜係壽司盛，份量十足，有赤蝦、燒左口魚、磯鮑魚、油甘魚等。擺盤賣相一流，用左了九宮格擺盤，用泥打卡真係一流。除左賣相好好之外，啲壽司都每款都好新鮮，特別是油脂感十足ge吞拿魚腩!!鐵板燒原隻龍蝦食完壽司刺身，梗係要叫啲熱食，叫左呢個鐵板燒原隻龍蝦，勁大隻，食碗飯咁大，同埋勁新鮮肉質彈牙，啖啖肉，未食已經聞到勁香。梅酒 生啤另外仲叫左

去九龍城唔一定要食泰國菜，約左朋友去呢間日式居酒屋上戶酒場亦同樣高水準。呢度環境幾舒適，而且真係好有日式居酒屋既氛圍，好似置身日本一樣。每一款食材都好新鮮，食物選擇多元化、應有盡有。整體同朋友都食得好開心，好滿意。前菜先有野菜條配鯷魚醬。鯷魚醬有驚喜，好濃郁又充滿鹹鮮，同清新爽脆既野菜條恰到好處。當晚叫左幾款刺身都令人回味無窮。首先有原條赤依佐目刺身。賣相已經非常吸引又精緻，睇見都流口水。刺身分左薄切同厚切兩種切法，食落會有不一樣既口感，簡直係兩種享受。魚肉滑身，雖然唔係油脂豐盛既魚類品種，但魚味都突出。厚切嗰款個人更喜歡，魚皮略略炙燒過，更香口鮮美！食完刺身餐廳會將剩餘既魚頭魚骨油炸，炸得香脆，令人食唔停口。左口魚薄切刺身。呢款薄切魚刺身係白身魚。肉質鮮嫩，配搭酸汁更加好味！北海道仙鳳趾生蠔。好高質！大大隻又夠晒滑溜溜creamy，鮮甜味美！大滿足！呢度有煙燻串燒食，試左好幾款，一次過上檯，一開蓋陣煙燻木香味就湧出黎，好吸引。入口果然煙燻香十足，唔需要咩調味已經好好食！鱈場蟹腳啖啖肉，鹹鮮十足。帆立貝好鮮甜。蕃薯同秋葵配埋陣煙燻香簡簡單單已經好味。

咁岩朋友仔生日，想喺openrice揀間豪華小小嘅午餐慶祝吓，見到呢間環境唔錯就以一試無妨嘅心態去trytry，點知結果充滿驚喜，令我同朋友都食得好開心！我哋嗌咗兩個午餐set同埋兩個刺身，都完全冇失望嘅空間。先講嗰兩個刺身。生蠔勁香鮮味，連埋佢比嘅醬汁一啖吞落肚，完全係奢侈嘅享受！連本身唔鍾意食生蠔嘅我都覺得呢隻生蠔係勁易入口勁正！而金目鯛刺身食完嘅感覺更加係驚艷，我諗可能係因為師父輕輕燒過，一入口就勁香，我先發覺原來鯛刺身係可以咁好味咁出色！Set方面，我地嗌左上户刺身盛配迷你烏冬。呢個set一黎到我地兩個人都嚇一嚇，估唔到咁大份！啲刺身厚切到勁大塊，相信一個人嗌呢個set食一定係勁飽勁滿足。個碗烏冬啲麵條好煙韌，碗湯又好飲，結果我同朋友係食到一滴都冇得剩😂。我地勁貪心，食左咁多刺身仲未夠，仲嗌多左個牛舌薄燒配三文魚炒飯。呢個set相對地冇咁大驚喜，但都絕對係抵食之選！總括而言，邊間餐廳嘅環境又坐得舒服，食物又高質，如果有budget絕對會推介其他朋友去試吓！

同好友係九龍城買完嘢，正值午飯時間，於是搵嘢食醫肚，行過被尼間充滿日式風情的餐廳吸引，於是入去試吓打開餐牌很多選擇，午市套餐是不錯的選擇，有魚生飯，刺身飯，還有很多熟食，滑蛋豬扒井，鰻魚飯⋯等等好友點了上戶刺身盛迷係烏冬，刺身分別由新鮮的三文魚，油甘魚，還有帶子和牡丹蝦，再配上彈牙爽滑的烏冬，加上姑，椰菜，紅蘿蔔和蔥花，分量雖然不太多，但已很飽我就要了壽司盛，小盒子裏裝着八款不同的壽司，三文魚，鰻魚，帶子，赤蝦，油甘魚，赤身， 燒左口魚，店員親切地講解先從磯煮鮑魚開始吃，每件也各有特色甜品有三款可選擇，最後揀了日本蛋卷 ，因為貼着人氣之選，一於試試，果然有驚喜，蛋捲包着雪糕，食落不太甜，但很好吃

好友很喜歡去日本，適逢今個月生日，於是就揀尼間性價高裝修充滿日式風格嘅居酒屋，過咗下午繁忙時段，餐廳較少人跟晚上熱閙氣氛各有不同先黎個池魚刺身，原條上的池魚刺身，切得厚薄適中，魚味本身味道比較清淡，係酸汁互相揮影下，變得十分惹味，肉質彈牙新鮮，一點腥味也沒有再嚟個鐵板露荀日本響螺，爽口的響螺加入蘆筍洋蔥炒香已經很美味，再灑上芝麻和蔥花、味道和層次更豐富見午市套餐都好抵食，前菜係爽口中華沙律加上用料十足嘅蜆肉海鮮味噌湯，點了一個上戶刺身盛，厚切新鮮的三文魚和油甘魚，還有甜美的鮮帶子和大蝦，再加上一碗迷你湯烏冬暖下胃口，份量啱啱好食完刺身當然要食埋壽司，賣相一流的壽司盛，九方格內放了不同的壽司種類，各有特色，特別是火焰左口魚，入口即溶非常creamy, 還有入口煙韌的磯燒鮑魚，油脂香滑的吞拿魚⋯⋯等等同店員講咗甜品揀日本卷蛋是為好友慶生，店員爽快的答應會辦妥，果然有驚喜，擺盤很特別，用沙律醬寫的生日字也是第一次見，朋友見到非常開心，蛋捲食落也有驚喜，粉紅色的帶點微酸的草莓香，黃色的入口一股香濃香蕉味加上滑溜的朱古力雪糕，最神奇係歷時10分鐘嘅慶祝儀式完結後，內裏的雪糕居然冇溶到一pat p

呢間餐廳真係一改我九龍城淨係得泰菜食嘅印象！📍金目鯛刺身呢個真係必叫 刺身好新鮮而且仲用火輕輕燒一燒個邊 等佢啲油香更加突出仲要呢道菜係兩食 食淨嘅魚頭 鰭同尾嘅位置會拎去炸 變成天婦羅一條魚 兩種食法 兩種風味📍北海道仙鳳趾生蠔好大隻食落偏向creamy 好有鮮味On top再有啲蔥點綴 加埋佢附上嘅sauce 味道更有層次 微微嘅咸味鮮甜得嚟而又唔會覺得腥📍上戶刺身盛配迷你烏冬估唔到lunch set嘅刺身盛都咁豐富 而且擺盤擺得咁靚 重要全部都係厚切 食落去啲魚嘅鮮甜充滿成個口📍牛舌薄燒配三文魚炒飯個牛舌會連埋鐵板一齊上 想要燶啲 焦香啲嘅店員建議可以反面再煎個牛舌用鹽調味過 一食落去滿滿油香 一定要配埋佢個蒜片食 可以中和番個油膩感個三文魚炒飯都好足料 好有鑊氣呢到裝修還原咗日本居酒屋嘅原貌 夜晚嚟邊飲sake邊食嘢應該都好有feel🤤會再嚟！

心裡唔想講，但係都要承認，咁多菜式之中就係最鍾意食日式嘢，所以，有得揀都會去食日式嘢為先。呢間日本餐廳嘅招牌見到大大隻嘅日文字之中，淨係識"酒場"兩個字，招牌下方細細隻寫番中文叫“上戶酒場“。燒鱈魚乾一片一片，從外觀根本好難估佢係鱈魚，絕對香口，有陣陣濃香嘅烤焗味道，點些沙律醬係另外一番風味。煙燻串燒~牛舌心、豬肋條、雞翼，牛舌心顧名思義就是舌中心部位，表面香口帶焦，口感軟淋淋又有啃勁幾特別。豬肋條比較韌，雞翼燒得香口，唔錯。鐵板牛油日本響螺原隻日本響螺很矜貴，將響螺切片然後鐵板處理，加入咗牛油所以特別濃香，加埋菇菌作配菜，中和了牛油的油膩感覺，攞到很好的平衡。鹿兒島A5和牛烏冬A5和牛用半生熟嘅方式放湯煮烏冬，以為有牛騷味，卻沒有之餘反而有牛味，美中不足是切得太薄，放在口中未嗒得太清楚已經去到肚裡。烏冬煙韌加埋湯底清甜整體不錯。巨峰提子味卷蛋一口已食到巨峰提子嘅味道，加埋內心嘅雪糕，呢個甜品真係正。食日式嘢就好似自己嘅情意結，喺次序上都係首選，所以疫情放緩通關之後第一個要去嘅目的地都會係日本㗎喇。

近期多咗嚟九龍城，因為地鐵開通之後方便就腳咗，而且呢度大部分唔係連鎖式店，每一家餐廳都有一啲風味特色，所以都多咗留意呢一區。此食店內裏裝潢係一貫嘅日風裝潢，都係一啲酒樽、招紙、日式海報等等，保持一貫日本風格，唔算講得很標青。杯碟都好講究睇返menu，有刺身、手卷、沙律、揚物、鐵板等等，如果心大心細可以揀個二人前set，而家限定期間有八折。《火炙左口魚邊沙律》左口魚口感幾特別，軟軟地又淋淋地，好難形容但係好味嘅，配埋沙律菜同日本醋，酸酸味味，醒神開胃。《愛知縣白象拔蚌》兩食~嚟自日本嘅海鮮肉質爽口鮮甜，口感十足。除咗刺身食法，仲配搭蘆筍、洋蔥等等配料一齊炒香，夠曬火喉。煙燻串燒~每款兩條共八條，用咗櫻花木嚟煙燻，所以當打開蓋嘅時候，真係有陣陣櫻花香氣撲出，串燒燒得很香，尤其《活白鱔》，肉質嫩滑啖啖肉。《日式卷蛋》係甜品來過圓滿嘅尾聲，香蕉朱古力味道夠曬yummy，內裏有雪糕又多一重口感，小食多滋味。今餐喺九龍城區食好嘢，心情當堂唔同曬，揾得嚟洗得去，咁先對得住自己付出嘅努力。

約左朋友到九龍城覓食，今次唔食泰菜，揀食日式居酒屋🏮上戶酒場，同樣好滿意！首先店員會奉上前菜，係蔬菜條🥬配鯷魚醬，鯷魚醬好特別🤩，咸香十足！我哋叫左是日原條魚🐟刺身，即係赤依佐目刺身，原條上賣相好靚！仲有分薄切同厚切兩種口感！我更喜歡💕厚切刺身，經火焰後鮮味更突出，而且啖啖肉，好過癮！店員話今日返左日本🇯🇵北海道生蠔🦪，於是都叫左兩隻試下！仙鳳趾生蠔好大隻，而且仲好🍼Creamy，食落好飽滿好鮮甜，好好味😋主菜試左煙燻🔥串燒拼盤，有蟹腳、帆立貝、蕃薯仔🍠、秋葵。一大開鍋蓋就聞到陣陣煙燻木🪵香，好香！鱈場蟹腳好多蟹肉，而且好鮮甜好味👍🏻 帆立貝亦都出色，煙燻香氣突出，同海鮮味道配合。最後就有之前嘅刺身魚骨，攞去炸起左，係一個好夾嘅佐酒🍶小食，香脆鬆化，好惹味！整體餐廳好有日本居酒屋嘅vibes✨，從服務到食物都高質！

👍🏻 赤依佐目刺身（兩食）一整條起左肉既赤依佐目上枱時🐟相機食先係必須的！一般既依佐目係灰色既 係店員推介下我地試左時令既赤依左目❤️魚肉入口非常爽口 好有口感 無咩油脂但充滿鮮味 好refreshing 享用魚肉後 廚師將魚骨同周邊魚肉拎去鬆炸 有啲魚骨位都食得 香口非常 送酒一定正🍶👍🏻 鹽燒吞拿魚腩筋燒吞拿魚腩筋非常肥美 食落口魚油立即爆發 整個口都充滿著魚油嘅香味😌😌內層鹽燒能夠令到外皮香口脆身！建議擠少少檸檬汁 味道好配合👍🏻火炙三色丼（午餐）🔥火炙三色丼有魚油爆滿嘅左口魚、鮮味濃郁嘅三文魚同大大隻嘅赤蝦 呢幾款海鮮配搭完全係我既菜🤣下次黎一定要再叫 👍🏻壽喜燒定食（午餐）牛肉同配料份量非常多 有豆腐、金菇、娃娃菜、雞蛋等等 壽喜燒湯底味道調得好正 微甜 食落舒服 碗飯都比我食曬🍚注意事項⚠️- 赤依左目刺身係時令魚生 想食就要問下店員🤓- 午餐配上海鮮味噌湯及中華沙律🥗- 餐廳以木系裝修為主 到處都擺放了清酒樽 就好似居酒屋一樣💁🏻‍♀️

好耐無放過平日啦🎉難得今日請左日大假😌就出左九龍城食間好好味嘅日本餐廳🎊首先叫左個好特別嘅小食🤗鹽燒吞拿魚腩筋 每件魚腩筋都充滿魚油嘅香味 跟住叫左個時令魚生😎今日係赤依左目刺身 成條魚一次過上檯 打卡影相一流 刺身非常新鮮爽口😉而最後廚師仲將魚骨炸左碟小食 又幾好味😋我地以為唔夠飽🫣仲叫左兩個午餐😂😂壽喜燒定食同埋火炙三色丼🐠午餐配左海鮮味噌湯及中華沙律🥗兩個午餐都非常高質 食到捧住個肚走

自從港鐵開通九龍城後， 揾食真的很興奮。 今晚同朋友去左龍崗道嘅上戶酒場食好野。上戶酒場裝修得好似日本居酒屋， 以木系裝修， 設有吧枱， 好日本Feel。今晚食豪d, 點左金線鯛刺身， 鐵板貴妃蚌， 煙燻日本豚腩肉， 煙燻沙白， 煙燻秋葵， 煙燻一口蕃薯， 白魚湯。金線鯛刺身，成條金線鯛做刺身， 當正自己去左日本， 金線鯛魚肉新鮮， 鮮甜， 油份多， 魚身用火燒香左， 入口帶有燒肉香味。鐵板貴妃蚌， 貴妃蚌大隻， 鮮甜， 新鮮， 廚師落左少少酒， 更加帶起貴妃蚌新鮮甜味。煙燻日本豚腩肉， 煙燻沙白， 煙燻秋葵， 煙燻一口蕃薯， 一系列煙燻食材， 用煙燻煮嘅餸比較少食， 估唔到配上唔同材料係咁特別。 白魚湯， 係用金線鯛魚骨做嘅湯， 味道清甜， 充滿魚湯香味。

今日2人行去九龍城食晚飯， 九龍城一向多好野食， 經過龍崗道見到有間日本餐廳， 門面裝修好有日本居酒屋Feel, 咁就入去食餐好野。是日晚餐北海道仙鳳趾生蠔鐵板貴妃蚌燒鴨胸煙燻沙白巨峰梳打乳酸梳打北海道仙鳳趾生蠔， 呢隻生蠔超級大， 同我的手掌有得揮， 咁大隻生蠔都係第一次食， 估唔到又新鮮又肥美， 無腥味， 超級正。鐵板貴妃蚌， 廚師用左少少酒帶起左貴妃蚌嘅鮮味， 彈牙， 新鮮， 香甜。燒鴨胸， 餐廳用左煙燻方式去做菜， 感覺好新鮮， 好香煙燻味道， 鴨胸肥瘦適中。煙燻沙白， 亦係用煙燻煮法， 沙白睇落細隻， 但其實肉地肥美。煙燻將沙白鮮甜味帶出， 但濃濃嘅煙燻味， 亦唔會搶到沙白鮮甜味。巨峰梳打， 乳酸梳打， 咁熱天氣飲啖有氣梳打， 掃走一身熱氣。店員好有禮貌， 每道餸都會介紹返點煮法， 值得加許。

位於屋企樓下的這間居酒屋，由它開業到現在，都光顧了多次，今天下午來到這裏吃午餐。這間居酒屋以炭木式的擺設為主打，內裏頗為寬敞，坐得舒服。壽司盛，三文魚、鰻魚、帶子、赤蝦、燒左口魚、磯鮑魚、油甘魚、赤身，其中以赤身、赤蝦、三文魚、油甘魚和帶子的肉質最為鮮甜爽口。擺盤用上了九宮格，每款壽司都放得井井有條，視覺效果吸睛。香蔥牛肉薄燒，牛肉煎得火候剛剛好，沒有過軟過硬，加上內裏的蔥蒜份量十足，令到這個牛肉生色不少。三文魚櫻花蝦炒飯，櫻花蝦香氣十足，配合三文魚的鮮甜味美，整個炒飯非常有特色。櫻花蝦炸豆腐，炸豆腐香脆眩惑，櫻花蝦味十足，兩者配合得天衣無縫。海鮮味噌湯，美珍香味濃郁，加上海鮮的鮮味，熱騰騰的味噌湯喝完之後，回味無窮。