上戶酒場 (已結業)

自從港鐵開通九龍城後， 揾食真的很興奮。 今晚同朋友去左龍崗道嘅上戶酒場食好野。上戶酒場裝修得好似日本居酒屋， 以木系裝修， 設有吧枱， 好日本Feel。今晚食豪d, 點左金線鯛刺身， 鐵板貴妃蚌， 煙燻日本豚腩肉， 煙燻沙白， 煙燻秋葵， 煙燻一口蕃薯， 白魚湯。金線鯛刺身，成條金線鯛做刺身， 當正自己去左日本， 金線鯛魚肉新鮮， 鮮甜， 油份多， 魚身用火燒香左， 入口帶有燒肉香味。鐵板貴妃蚌， 貴妃蚌大隻， 鮮甜， 新鮮， 廚師落左少少酒， 更加帶起貴妃蚌新鮮甜味。煙燻日本豚腩肉， 煙燻沙白， 煙燻秋葵， 煙燻一口蕃薯， 一系列煙燻食材， 用煙燻煮嘅餸比較少食， 估唔到配上唔同材料係咁特別。 白魚湯， 係用金線鯛魚骨做嘅湯， 味道清甜， 充滿魚湯香味。