上上拉麵小籠包 (已結業)

我工作的地點附近，沒有上海包點麵食，所以，Honey駕車到始創中心，幫襯上上，以一解想吃上海菜之饞。午市客飯：一小菜+菜飯+豆漿Honey選宮保雞丁菜飯不太鹹，微微的金華火腿香。雞丁肉嫩，也有爽口的竹筍。很「送飯」！午市麵餐：小籠包+麵食Honey喜歡蔥油拌麵蔥絲炮炒很乾身，很香口！但是，小籠包則鹹了一點。上上的食物雖不及翡 % # 麵但，也不失午餐好選擇！

朋友短敍介紹呢間雪菜肉絲湯麵味道不錯，麵質剛好，份量亦足，但吾夠熱，雪菜及肉絲量不錯，清淡易入口之選小籠包皮較厚，肉較少，但調味不錯，一人份量4隻，午餐夠飽肚卡位夠闊，座得舒服

試完衫，就近到了始創找地方吃晚餐，最後由媽媽選出了吃上海菜~沒有想到閒日也這麼多人等位，但媽媽想吃，唯有等一會兒吧...最後等了50分鐘才能入座...一行5人，確實需要點時候...未入座時已拿餐牌看了又看，故一坐下就點菜~前菜來個鹽水鴨，是脾位，鴨肉浸煮得實而不韌，鹹味剛好，鴨皮亦薄而不油~湯來個砂鍋雲吞雞(6位用)，等得最長時間的一味餸，雲吞皮薄滑，肉餡雖有汁但沒有鮮味，雞肉亦燉煮得又鞋又韌了，湯清但雞油不少，都是金華火腿味罷了，但不濃~兩個菜，干煸四季豆(忘記拍照)和雪菜毛豆百頁~ 前者惹味香口，後者清淡爽口~ 但沒有驚喜~主食來個上海炒年糕，不算太油膩，年糕夠滑夠煙韌，配料只是些冬菇絲和洋葱條等，都是醬油味罷了~點心要了小籠包和紅油抄手~ 前者我沒有吃，但媽媽說皮夠薄滑，肉餡鬆軟汁多，不錯~ 後者比平日吃到的辣很多，但除了辣度十足外，就沒有別的味道了~ 這個肉餡與砂鍋雲吞雞的不遑多讓，沒有鮮味...因為吃滿$400或以上會送一客桂花拉糕，我們當然卻之不恭啦  跟人頭數，每人一件~ 原來是糯米製成的軟糕，少許煙韌，但較腍身，而且很黏牙，桂花糖芳香清甜，但有點偏稀，較難掛到拉糕上~

去左警察會跑步800米滿分＜3:05，我跑咁多3條友，之後去左始創食找野食。叫左3碟野，好大碟。有糖酷魚塊，個味較得剛剛好，不太甜木碎炒拉麵，個人認為麵太碎了。雞絲炒飯，一般水準，炒得不夠乾身。3個人食唔哂，仲諗住食完去食雙皮奶，慳番

我的第一篇食評, 假期前夕約朋友聚會,想食上海野, 便揀了地點方便既上上拉麵, 貪佢無限時,以油尖旺區黎講算係少有了,6.45pm到不用等位便有卡位坐, 味了三款野食, 上菜速度快, 味道ok,2個人埋單HKD263, 價錢合理

已經是我第三次來晚餐。 一直認為食物質素與價錢皆相宜，座位也舒適，所以與家人近來出入太子都會選擇這間餐廳作晚餐。雞絲粉皮麻醬味道還好，足料，但粉皮有望改善鹽水鴨鱔糊獅子頭 汁太濃太杰，幸好肉球香口酥軟茄汁蝦仁窩巴 小籠包 皮可再薄點，湯汁清甜，肉酥軟高力豆沙說真的，失望！不夠蛋味，豆沙餡少。這度甜品，每次食上海菜都是我必點的，但這裡的確做得不夠出色。整體上，以價錢vs質素，這間餐廳合格！是三五知己聚餐不錯選擇。

放工同朋友相聚, 兩個久病未癒既人去左上上拉麵小籠包, 貪佢清清地唔熱氣 只有兩個人, 叫左一個菜, 好似係上湯浸豆苗, 定清炒呢, 總之就好好味 (可能我同朋友本身都中意豆苗啦哈哈)仲有第二樣叫左小籠包, 正呀正呀, 皮簿熱辣辣..感覺佢d皮仲簿過霞x同鼎xx..(雖然我都好中意去霞x同鼎xx, 不過都要講句真心說話)*唔好意思食左兩粒先記得影相 最後一樣, 叫左蝦球炒拉麵, 好好味呢, 本來想叫鱔炒拉麵,不過朋友麻麻地鱔 所以叫左蝦球 有D "九"王同磨菇片, 加埋手拉GE拉麵, 炒得幾好食 總括黎講, 三個菜我都覺得OK 朋友仔都係咁話 服務唔算得好好, 仲食食下有人打爛左成兜碗, 嚇一嚇..不過都唔差呀, 我地兩個女人仔掛住傾食得又慢..佢地都冇趕我地走, 所以最後我地ENCORE左個豆沙窩餅HEHE..可能平日, 個場唔爆唔駛驅趕我地仲可以襯個甜品未黎傾多陣豆沙窩餅唔記得影相, 不過熱辣辣都唔差呀個人覺得個餅脆D仲好下次想食又唔想排隊等好耐, 黎呢度冇錯

跟同事吃飯，傾傾下，唔知點解去了上上拉麵小籠包，你話係咪抵屎。既然來到，沒理由不吃小籠包。一籠四隻，我吃了兩隻，都是一夾就穿，失敗。是次放棄了擔擔麵，改選了蔥油拌麵，質感不俗，幾香。而蘿蔔絲酥餅就唔多掂，一夾就散，即使味道不太差，我認為也不能合格。看來，只能在這裡的麵條。

朋友教完我皮膚保濕已經八點幾，行到去估唔到有位ga, 有d 驚食唔sai 就叫三樣先la,1 雞絲粉皮: 青瓜襯落去味道清新2 上海炒年糕: 真係好大碟，我地兩個食食下已經飽左，味道濃左d, 我比較鍾意冬菇絲3 上上小籠包: 點左醋之後好好食ar, 皮唔會太簿，所以唔會一咬開就彈湯出黎原本想叫高力豆沙ga, 好飽ar, 下次先叫

家人喜歡食上海菜,平時去翡翠同鼎泰豐。但小妹就覺得一般啦！前者小籠包油膩,後者價錢貴選擇小,試過有次小籠包既豬肉唔新鮮！竟然霉！！而且等候時間又長！之前同朋友食過間唔錯既上海菜館，於是今晚便帶家人黎試下啦！餐廳位於始創中心，入内環境寧靜,坐得舒適。媽媽最怕嘈吵食既食肆，而無耐性既我最憎等，等完食物又麻麻!呢間無出現這樣的情況，所以符合我們要求前菜水晶肴肉,條理分明肉質一絲絲，唔錯食上海菜必點小籠包，多汁肉鮮。好食!最後係糖醋雞球,炸到脆卜卜但竟然唔油!酸酸甜甜配白飯一流!推介！服務又好!好食既餐廳未必要需要排隊既！

在旺角找東西食，很多時都會去一些商場的食肆進餐，今天要介紹的是上上拉麵小籠包。上上拉麵小籠包是在始創中心一樓的食店，沿著水渠道這一邊的入口電梯一上轉左就見到。地點十分易找到。好記性的食家都記得這食店以前是在朗豪坊四樓美食廣場裡。即是現在小南國這一間的鋪位，大約一年多前就搬現有的地址。裝潢上和以前都是差不多，以黑色為主的枱和椅子。店兩旁是兩旁長長的二至四人卡位，中間就有一些四至十人可分拆的枱，空間感普通，整體的感覺整潔有序。餐牌的食物都是一般上海店食的選擇，例如是頭盆類，魚蝦蟹類、肉類、蔬菜類和粉麵飯類等等，總體上都有一百多種的選擇。由於都來過數次，食過的食物有蔥油拌海蜇、酸辣湯、清炒蝦仁、京蔥爆牛肉、鹹肉津白、干煸四季豆、擔擔拉麵、上海排骨拉麵、雪菜蝦仁炒飯、上海小籠包、上海生煎包和蘿蔔絲酥餅。蔥油拌海蜇($62)小食的其中一種，個人喜歡海蜇所以一有店有這種食物都會叫來食，望落海蜇的顏色不太有光澤，型態上也不是太粗大，食落和望落的感覺差不多，口感上不是太爽口和有些韌，味道上也有比較重的醃味，水準之下的食物。酸辣湯($40)湯類就試過上海菜最出名的酸辣湯，入面材料普遍都有豆腐絲、木耳絲、

"朋友係要見架!!"呢句說話可能成日聽得多,但係真心做到既又有幾多個呢?因為一場婚禮,小妹找回很多不同既朋友其實一場婚禮既成功,除了要有排場之外....朋友肯黎,d 位唔會吉到一個兩個咁....已經好完美當然嫁完當然要還債的嗎,還的當然是當天的照片吧真的不要說笑,哂一張半張相好似好平咁其實哂下哂下都真係幾甘架~又曬比朋友仔,又比自己留念啵真係幾甘但係朋友有心黎飲我個餐,我唔可以咁對佢地架嗎xdd然而今次朋友要見既約會,就去左太子既【上上拉麵小籠包】本身呢就其實好似去同佢地去食茶木既不過真係估唔到可以多人到咁癲,六半去拎位竟然話要等兩個鐘,唔洗諗即時放棄後來朋友話睇到呢間價錢上唔算好貴,就不如去試下啦去到太子既始創中心1/F 等左大約半個小時左右,就可以入去坐啦位置睇落都幾闊落,今次我地有得坐卡位所以都坐落都係幾舒服~不過就完全冇人招呼,叫左好耐先有人幫你落單一係就一坐底無耐就企你隔離落單,一係就左吹右吹都未有人彩你不過都算,我地係打算黎聚舊,唔會因為一個人影響我地既心情來吧,首先介紹一下我地上次叫左D 咩美食啦先來介紹今次叫了的冷盤小食,首先有【水晶肴肉】今次呢個小食呢,我覺得跟平常吃

今日喺呢頭做完野有點餓~就搵個地方急救下個肚子~心中突然想食小龍包,眼前就出現呢個店,所以決定入去一試~相信係下午茶時段,少人得我以為有落場唔做生意,一問之下原來可以入坐餐廳坐位擺得相當密,人少時感覺己冇乜空間感,不難想像人多的時候都相當擠迫!服務員安排我坐到一個卡位, 一坐下已覺有點熱,同服務員講,佢話剛熄了空調,會幫我開返坐下落了單~等上菜~一邊等都沒有空調感,再服務員,佢講左同一句話又走左去上菜了~四川担担麵 +排骨 - 担担麵雖然己叫佢加辣,可惜一D都唔辣,只係食到好重的咸味~唉~可能佢地誤會左味道的分別,排骨件入口感覺好似翻炸兩三次的出品~~有色有油但唔係好熱,而且一d都唔鬆化,有點可惜小龍包 - 上枱時熱騰騰~!皮薄饀靚,唔會一夾就散,豬肉饀的肉汁好濃好香,咬落去湯同肉汁混埋一齊,意外的好食~一邊食一邊出汗~服務員一直都冇幫客人跟進空調的事,真係好唔滿意,本想坐多陣休息下,最後都係忍唔住埋單走了,...總括黎講..算係見識過佢的出品~可見的未來相信唔會再見,真心希望佢地他日可以有所進步店舖本身冇洗手間設備~要解手的話就要去商場的洗手間...要行好遠啊~~陰公~

朋友相約飯聚，選左上上拉麵小籠包。9時到達，顧客已經有近八成。我地4個被引領到一張六人長枱，坐得舒適、寬敞。首先，我地點左一個雞絲粉皮， 雞肉有味道，粉皮幼滑不厚身。食過好多雞絲粉皮，很多沒雞味，呢間唔錯! 食上海嘢， 點可以唔叫小籠包呀?依個小籠包皮薄， 但唔會一夾就穿， 而且好多肉汁， 味道又唔會好鹹。有D人食小籠包時會鍾意配埋黑醋一齊食。不過我就鍾意食佢的原汁原味，所以唔點黑醋的。總括黎講， 食物味道唔錯，而且價錢唔算貴.4個人都係每人大約HK$120埋單姐。 

由於屋企附近冇似樣的上海菜, 當想食小籠包時就會與男友行過黎晚餐. 開業果陣我已經開始幫襯, 上上好在次次都唔洗等太耐位. 有時可以即入, 最耐一次都係20分鐘左右.兩個人建議食1小籠包 + 2小菜 + 1炒面炒飯就岩岩好, 叫多個都會飽.以下係食過的食品評價:小籠包: 夠熱, 多汁, 多肉, 皮簿易穿. 自鼎x豐水準下降後就愛上此店的小籠包上海粗炒: 常點之一, 大碟得黎又多菜, 又炒得香, 有少少少油但可接受雞絲粉皮: 這兒的粉皮是皇花生味不是酸酸的麻醬味, 男友愛麻醬味的所以只吃了一次豬扒湯拉面: 湯面無味, 豬扒亦怪怪, 不會再叫鱔糊炒拉面: 夠味, 足料, 男友愛吃, 但我覺得好'漏'...梅菜扣肉: 餐牌上不是叫梅菜扣肉但忘了名字, 這個扣肉都切到薄薄的一片, 底下是梅菜 (菜葉多過莖, 正), 配炒飯一流, 很好吃紅油抄手: 不夠辣, 叫甜鼓油抄手更為適合...醉雞: 跟出面的分別不太. 還好啦不知是否經常加價, 由初初二百元起吃到現在要二百八十元.亦不知是否因此餐廳推出了印花優惠, 但我相信短期都不會去了.