25
36
8
港鐵太子站 B2 出口, 港鐵旺角站 B1 出口, 港鐵旺角東站 C 出口
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
在香港出現的眾多外省菜之中,我相信,上海菜是一般人最容易接受,也是香港發展得最好的外省菜。相信,是香港有一股好大的上海勢力在支持他們,而且,幾十年來,上海菜早已經融合了廣東菜,成為了香港飲食的一個小特色。有時候,約朋友食飯,想食中餐,又想起朋友不太食辣,又能碓保太太有一至兩味素菜,心目中想起的,就是上海菜。這一天,昔日的英國好友回流香港,來 message 相約晚飯,大家決定在旺角 meet up 之後,我就揀餐廳。在要確保以上的尋食大前題,又要不昂貴,我在始創中心找到了這一家《上上拉麵小籠包》。在香港,上海館子可以好高級,可以好平民,也可以好傳統,亦可以好時尚。這一家《上上拉麵小籠包》,就是一間比較時尚而且又平民的店,最啱像我們這樣的三五知己式飲食。食物方面,也就是香港化的。香港化上海菜的表表者,就是回鍋肉了,不會太辣,肉大大片,有濃濃的醬油香,菜同肉的份量比例均勻,香口非常的上海式,也可以說是港式回鍋肉,極惹味,送飯佳品。朋友在英國長大,喜歡吃的東西其實都好西化,一打開餐牌,他第一個看到的菜式,就是外國人最喜歡的咕嚕肉。這一份咕嚕肉,肉大大舊,不過醬汁偏甜了。好的就是,一咬入口,保留了脆的感覺。簡單食上海菜,最傳統的香港人口味,上海粗炒是人人熱點的港式上海味。麵條夠腍,爽爽地,有彈牙的煙韌口感。最重要是有味道濃香的醬油味。不過,很多油。清一點,太太叫了一個素麵。豉油湯加上爽口的麵條,而且份量亦超大。太太一個麵,兩個素餃,夠食。太太另點了一份素菜餃,皮是傳統的,半厚,有少少發起的感覺,內心是菜,不過是甚麼菜我就沒有研究了。見太太吃得津津入味,我感覺到她的開心。小籠包,也是偏向傳統的做法。皮是帶點點厚度的。肉香,有汁,點一點醋雖然會更惹味,但不點任何東西吃,直接食餡內的肉同肉汁,更是美好。雖然,這不是最精彩的上海菜,但味道合大家口胃,價錢也不離地,當然可以大叫非常好。
繼續閱讀
以呢個價錢食既上海野,而且又清清地黎講真係好ok 了。擔擔麵足料,又夠大碗,單一人食都飽到上心口。呢個波菜,我真心幾中意食,細細條清炒得黎又香口。醉雞就同平時食差不多。其實仲有食清炒蝦仁,不過都冇咩特別。餐廳內位置尚算寬敞,而且位於旺角,店內食物選擇也足夠,又有大大杯用玻璃裝既熱茶供應,唔洗特登叫飲品,服務都ok,兩人食又岩,多人食又得,野食又唔係太油既,諗唔多食咩又唔想肥膩又唔想食太貴可以諗諗佢。
繼續閱讀
作為一個半熟中女,有時間四圍八,想慳家又要多作嘗試,最愛就是享用餐廳的下午茶時段,貪佢套餐便宜,座位又鬆動,約朋友傾計坐幾耐都唔怕唔好意思,時值下午2:20分,經過始創中心上上拉麵小籠包,見門外沒有下午茶餐牌或正價菜式推介,我隨便一問店員,請問有冇下午茶餐?店員生硬的回應:未夠鐘@@ ,店員有點愛理不理的,亦沒有招呼我們先坐下,反正只有10分鐘,我們也識趣地在商場逛多一會兒。地方優雅舒適,還有熱茶招待招牌擔擔麵,看相已感受到濃厚的花生芝麻醬,非常惹味。到上海店子,沒有可能不吃小籠包,我個人略嫌外皮較厚,內涵肉汁尚可木須肉炒拉麵,材料均勻味道亦出色。一間食店的成功,除了講求食物的味道,服務質素亦都是重點,如果能多加改善,相信我們的下午茶時光再不能享受如此清靜的環境。
繼續閱讀
今日同屋企人去愛都試衫,1⃣️試就試到晚上九點了試完即刻拿拿臨去搵野食醫肚黎到始創本身諗住去食紅蔥頭的,點知去到已經last order了,咁唯有黎食上海菜了。我地一行五人叫左8樣野,個個都肚餓到不得了!好多菜式一上枱就秒清了,唯獨碟椒鹽豬排,真係清不了。實在係太過唔好食了,肉質太韌,超難先咬得開其他菜式就不過不失啦
繼續閱讀
其實黎呢度食飯已經唔係第一次,之前三次同屋企人黎食,都覺得水準唔差,所以每次中午或者下午茶路過附近就會上黎幫襯。不過今次既服務態度令人極度失望!講明左要雪菜肉絲炒飯,但佢黎左湯面都唔緊要,同佢講番,就咁拎左碗面走左去,邊食邊等左個炒飯半粒鐘,呢段時間只見佢地班「老」既女員工一直係度傾閒計,中途有個幾次眼神接觸都不理會,得後生既女員工自己一個準備晚市,最後忍唔住同班老人家講番佢地先去整碟炒飯出黎。真心,可唔可以改善下樓面既服務質素?浪費了廚房員工既手藝!
繼續閱讀