上上拉麵小籠包 (已結業)

Really enjoyed it here. Definitely get the fried rice with ham and the sweet and sour chicken. We will be back! Next time we will try the sweet and sour fish. Everything else looks delicious on the menu. Menu is in English so you can point and order what you like.

同朋友, 來到上上上海吃晚飯, 直接walk-in食野, 整個地方寬敞, 同時很多人。選擇很多, 點選了水晶肴肉, 糖醋小排, 雪菜咸肉粉皮, , 上海小籠包, 蘿蔔絲酥餅。水晶肴肉($55)賣相精緻，口感爽脆，味道也極清甜，糖醋小排($58)那個汁，甜酸度配合得剛剛好，不太酸，不太甜，頂瓜瓜。雪菜咸肉粉皮($68) 粉皮以已調好味道吃來爽口又惹味，最適合作頭盤。上海小籠包($34)新鮮蒸出來，又熱又鮮甜。蘿蔔絲酥餅($33)油炸點心的典範。入口帶有美濃的蘿蔔絲味，爽口又香。

同友人相約食晚餐, 唔想食西餐同日本菜, 經過見到有個大招牌係食上海菜. 二話不說就試下雞絲粉皮 $48份量比想像中大, 雞絲青瓜絲比例一致,粉皮略為大條, 麻醬好夠, 每一條粉皮都沾上麻醬, 好香. 前菜一流上海小籠包 $34賣相就差d 喇,不過入面夠多汁,肉都夠大舊, 呢個價錢. 可以接受酸辣湯拉麵 $50上檯時蔥同茜分開上, 呢個夠細心, 因為友人唔食的, 味道正常, 有酸有辣, 食食下發現酸辣湯有好多透明膏狀, 是什麼來的？ 醬燒牛𦟌夾餅 $40一客4件, 幾特別,夾餅其實是白饅頭之類, 牛𦟌好淋好夠味,有輕微辣,夾埋一齊食, 唔會太油. 環境： 裝修幾靚, 有舒適既感覺, 不過服務普通

話說岩岩去完歐遊 番到香港食餐飯諗起西餐都驚 所以係太子突然諗起有間北京拉麵店但行到去條街先發現...執左...正打算食其他之際 抬頭一望「上上拉麵小籠包」就上始創試下你個拉麵同小籠包。叫左幾樣basic野:-雞絲粉皮大大碟份量足,雞絲非常幼,海量花生醬 小籠包皮厚薄適中, 包內多湯汁, 肉汁味甜酸辣湯拉麵有豬紅嘅版本。當我夾注麵嘅時候, 發現好難夾而且已經剪開應該係個麵放係碗內一段時間, 等候一段時間有order再放湯落去結果啲麵唔熱之餘, 仲已經癡到一餅野咁酸辣湯味道正常唯獨唔夠熱,湯內有好多一舊舊jelly物體醬燒牛𦟌夾餅牛肉好淋,醬汁好夠,甜甜咸咸咁,幾惹味配上略甜嘅麵包, 好好𡁻野食黎講尚可接受，但服務就麻麻一句「雞 絲 粉 皮」就放落枱..茶記大排檔咁嘅語氣..

假日的午飯時間 和朋友來個小聚 選了上海菜下午二時多 人不算太多不用等位 座位很大很闊 坐很很舒適 環境安靜My Order:上海排骨拉麵 (Around$48)上海小籠包 ($34)水晶肴肉 (Around$52)原盅雲吞雞 (Around$52)上海排骨拉麵拉麵湯底很清配上蔥花 很鮮甜! 排骨很大一塊 炸得皮有一點點分離但惹味油膩的排骨加上清湯 滿搭的讓人一吃再吃上海小籠包吃上海料理不可缺少的小籠包 小籠包內的湯汁不算多原盅雲吞雞這個很好吃! 湯超級好喝的 和朋友都很愛喝 不像味精湯而是真的有很香雞味水晶肴肉這個我們都不太喜歡 太凍了 而且有很肉的騷味 吃一塊就放棄了

是日family day, 來到上上吃晚餐. 訂了枱, 六時正到達. 地方不算很大, 燈光昏暗, 帶點西式的感覺, 很難想像是中式餐廳. Menu選擇很多, 點選了生煎包(HK$33), 小籠包(HK$34), 薰魚, 茄汁蝦仁窩巴, 韮王炒鱔糊, 黃金蝦, 酸辣湯(HK$40), 東坡肉, 高力豆沙(HK$46), 豆沙鍋餅(HK$46).生煎包, 底部煎得金黄色, 帶點外脆內軟, 咬一口, 豬肉挺鮮嫩, 不錯! 小籠包, 皮夠薄, 豬肉也挺新鮮, 肉汁也有, 也可以啊! 薰魚, 冷盤的一道, 醬汁非常濃味, 鹹中帶甜, 重口味人士應該會喜歡. 茄汁蝦仁窩巴, 蝦仁用上雪藏貨, 只有彈牙可言. 窩巴夠脆, 可惜醬汁不吸引, 茄汁偏甜又水汪汪, 像是連鎖快餐店碟頭飯的那種. 韮王炒鱔糊, 也有水準. 鱔糊夠淋沒有骨, 醬汁調配宜, 濃度適中. 黃金蝦, 鹹蛋黃的香很普通, 不算很甘香的那種. 蝦隻味道一般, 稱不上很鮮味.酸辣湯, 不會很辣, 不懂吃辣的筆者也能應付, 也可以. 東坡肉, 明顯較肥, 但每片也切得很薄身, 濃味得來未算很甘香, 水準一般. 高力豆沙, 味道偏甜, 口感軟

返一節之high tea...環境：由於時間關係，所以冇咩人坐，可以坐到卡位，都幾舒服，不過眼見啲位都闊既食物：個小籠包啲皮好簿好正，不過小心一夾就散，啲拉麵個口感幾"煙引",不過個炸醬就一般丫價格：約60-70一個餸啦...

陰差陽錯來了這家上海菜，意外的好吃。三個人點了也蠻多的菜，可真大食！- 酸辣湯：微辣，酸度夠，但整體我覺得偏濃。- 忘了什麼名字的酥鴨：我個人不太喜歡吃鴨，但同行兩位男士很滿意- 薫魚：很惹味，酸酸甜甜，送飯一流。- 小龍包：皮薄汁多，鮮甜，全晚最喜歡的一道菜。- 白肉粉皮：白肉應該是豬頸肉，味道稍淡，粉皮很爽滑。- 炒飯：飯粒分明，不油，味道適中，不過不失。- 毛豆炒腐皮：我個人喜好的菜式，清清淡淡中和一下其他菜的濃味，不錯！- 高力豆沙：忘了拍照，豆沙餡小妹子覺得可以再甜一點。男士可能覺得剛剛好。整體，我們一行三人都好滿意。價錢亦合理。

其實昵間上海菜應該冇分店的，但管理及門面都幾“四正”，一於試下。一入去侍應好似當我地透明咁得經理先生so我地，可惜態度也不太友善,叫左醉鸡，好食既，酒味濃.滑、皮爽。再叫左兩个午餐，一個係麻婆豆腐，一個係甜酸鱼柳，豆腐正，滑及夠味，鱼柳一般。再叫了小龍包，肉大，汁多及新鮮。但菜飯就麻麻，不如食白飯好過

今時今曰，市道低迷，求個熟客仲難過生個仔！食肆比完出品比服務，發奮求存！但估唔到，呢間食肆個主管，竟似世外髙人，不食人間煙火，糟質D客，同D客講:入座計限時一小時十五分要離開。叫嘢限一次過，否則後加都唔會落單，因為會超時限。語氣似足七十年代的社福署派救済金，令人嘆為觀止。可憐親友們食到一肚氣，發誓執到錢都唔會再來！我覚得最無奈是廚師，努力後勤卻不料前方淪陷，第日執咗都唔知咩事！食物算可以，如果唔係主管欠服務心態，都算唔錯！真可惜！

小籠包係小妹最愛食物之一！曾經為左食真正小籠包而去上海，最後失望而回。。。上上呢度既小籠包，係非常值得推介的！皮堅薄，湯堅鮮，肉堅入味！一個字:冇得頂！ 小妹最怕個小籠包"頂"硬掘掘，呢度冇呢個問題！必試！4粒仔既小籠包緊係唔夠飽啦！嗌多碗上海野-擔擔麵！ 一上枱，"嘩，好香啊！"花生香味撲鼻。食入口，微辣(叫左少辣)，醬汁濃而不"杰"，麵條軟而不"林"，仲好飽肚tim同場加映"驢打滾-(豆沙糯米卷)"，本想叫豆沙煱餅，無啦啦見到呢個驢打滾，又唔知乜東東，好奇之下就嗌左喇！香葉上躺著3件糯米卷，中間有d豆沙卷住，面頭舖滿黃豆粉。 軟熟既糯米皮配上淡香既黃豆粉，紅豆不多，整體不甜，而是香。總結:食物不錯，小籠包拉高晒個分！服務。。。冇人理架，讓你自在進食

食上海野，有兩樣野通常都會食既，一個係上海麵，一個係小籠包。我照舊都係點左個上海(水餃)麵，再加一籠小籠包。水餃就係豬肉白菜餡，沒有甚麼特別，都算皮薄餡多。麵條的質素還可以，雖然未去到我食過最好食的那種那麼爽，但也軟中帶點勁道，口感不錯。湯底較淡，不過我自己本身鍾意較不濃的湯底，所以還可以。小籠包就質素中上，皮很薄，咬落湯汁流出，很多，幾燙口，很爽，舌底還回出點醋的鮮味，好吃!

同事的邀請，今日試左上海餐！中午12點多，沒有太多人流，直接入場選擇座位！兩人關係，叫左一個二人餐，兩麵，一籠小籠包，另有一涼菜選擇！雞絲粉皮：大碟上檯，雞絲同粉皮上淋上大量花生醬！十分香滑，粉皮滑口，不會好厚夾雞絲青瓜絲與花生醬食，好開胃！小籠包：熱騰騰上檯，皮不會好厚，肉質新鮮，皮一咬開，湯汁流出牛肉拉麵，看肉好清淡，湯少清甜，拉麵好彈牙，牛肉軟口，色澤與油脂比例不錯！麵的份量比我預期中還要多！蔥油干撈麵：好重蔥油味，夾左配料一起，好味！失望的是：服務員長期不理會客人，需等候很久才有回應！

今日一家人行到太子附濕濕吓平! 夜晚都要搵個地方食飯, 就揀咗始創一樓的上上拉麵小籠飽我哋去到時要攞飛等位! 我哋喺附近行陣番轉頭原來已經Miss咗叫枱號, 好在待應哥哥好好人唔駛我哋再排過, 即刻俾過張枱我哋!我哋叫咗碗上海水餃拉麵, 麵質爽滑, 唔會有澗水味, 個湯都唔似味精湯, 可以成碗食哂!雞絲粉皮夠凍, 雞肉就滑唔"鞋", 最緊要個花生醬(芝麻醬)夠香, 整體不錯!小籠包一籠四件, 包肉有肉湯, 唔會一夾就爛! 皮唔會耐咗就變硬!呢個鍋貼就最正, 煎到裡面漲卜卜, 鍋貼底金黃色脆卜卜! 肉餡鮮甜唔會過鹹! 又唔會成口油擔擔麵都無得頂, 我成日好驚有D話係傳統擔擔麵但冇花生醬得個「辣」字!呢碗花生同辣都配合得好好, 上海排骨(即炸豬扒)都好掂, 肉唔會炸到乾爭爭, 食落肉質都好林, 雖然剛剛炸上嚟但係都唔會覺得好油咀!

平時如果想食上海菜都會諗起呢一間～每次必食既小籠包水準都好穩定，皮薄餡靚有肉汁～每逢帶朋友黎試呢度既小籠包 佢地都會讚的！  另外佢地既糖醋魚塊同埋雞火炒飯都唔錯！糖醋魚塊用既魚肉感覺唔會一陣雪味，又唔會太多炸粉； 而雞火炒飯就炒得幾乾身，粒粒分明，唔油膩，幾足料 好香的～ 今次去就試下d未試過既菜式，首先有呢條松子桂魚：呢個用既汁應該同糖醋魚塊係一樣的。開頭以為呢條魚好似冇咩魚肉食咁，點知夾極都仲有得食，份量同埋味道都唔錯！不過如果下次再黎食，我都係會叫番糖醋魚塊了，價錢平一半，味道又差不多。再試左呢個紅燒豆腐：呢碟豆腐就比較普通了，份量亦略縑少了點，味道不過不失，主角豆腐只得三四舊，反而其他配角豬肉冬菇就比較多。下次不會再點這個了。再加埋呢碟肉碎炒扁豆：呢碟反而有驚喜，炒得好香好好食，送飯一流！份量都足～ 無論係肉碎定係扁豆都炒得好入味！讚！這裡的服務也是可以的，地方乾淨衛生，可以繼續encore！