上上拉麵小籠包 (已結業)

在香港出現的眾多外省菜之中，我相信，上海菜是一般人最容易接受，也是香港發展得最好的外省菜。相信，是香港有一股好大的上海勢力在支持他們，而且，幾十年來，上海菜早已經融合了廣東菜，成為了香港飲食的一個小特色。有時候，約朋友食飯，想食中餐，又想起朋友不太食辣，又能碓保太太有一至兩味素菜，心目中想起的，就是上海菜。這一天，昔日的英國好友回流香港，來 message 相約晚飯，大家決定在旺角 meet up 之後，我就揀餐廳。在要確保以上的尋食大前題，又要不昂貴，我在始創中心找到了這一家《上上拉麵小籠包》。在香港，上海館子可以好高級，可以好平民，也可以好傳統，亦可以好時尚。這一家《上上拉麵小籠包》，就是一間比較時尚而且又平民的店，最啱像我們這樣的三五知己式飲食。食物方面，也就是香港化的。香港化上海菜的表表者，就是回鍋肉了，不會太辣，肉大大片，有濃濃的醬油香，菜同肉的份量比例均勻，香口非常的上海式，也可以說是港式回鍋肉，極惹味，送飯佳品。朋友在英國長大，喜歡吃的東西其實都好西化，一打開餐牌，他第一個看到的菜式，就是外國人最喜歡的咕嚕肉。這一份咕嚕肉，肉大大舊，不過醬汁偏甜了。好的就是，一咬入口，保

以呢個價錢食既上海野，而且又清清地黎講真係好ok 了。擔擔麵足料，又夠大碗，單一人食都飽到上心口。呢個波菜，我真心幾中意食，細細條清炒得黎又香口。醉雞就同平時食差不多。其實仲有食清炒蝦仁，不過都冇咩特別。餐廳內位置尚算寬敞，而且位於旺角，店內食物選擇也足夠，又有大大杯用玻璃裝既熱茶供應，唔洗特登叫飲品，服務都ok，兩人食又岩，多人食又得，野食又唔係太油既，諗唔多食咩又唔想肥膩又唔想食太貴可以諗諗佢。

作為一個半熟中女，有時間四圍八，想慳家又要多作嘗試，最愛就是享用餐廳的下午茶時段，貪佢套餐便宜，座位又鬆動，約朋友傾計坐幾耐都唔怕唔好意思，時值下午2:20分，經過始創中心上上拉麵小籠包，見門外沒有下午茶餐牌或正價菜式推介，我隨便一問店員，請問有冇下午茶餐？店員生硬的回應：未夠鐘@@ ，店員有點愛理不理的，亦沒有招呼我們先坐下，反正只有10分鐘，我們也識趣地在商場逛多一會兒。地方優雅舒適，還有熱茶招待招牌擔擔麵，看相已感受到濃厚的花生芝麻醬，非常惹味。到上海店子，沒有可能不吃小籠包，我個人略嫌外皮較厚，內涵肉汁尚可木須肉炒拉麵，材料均勻味道亦出色。一間食店的成功，除了講求食物的味道，服務質素亦都是重點，如果能多加改善，相信我們的下午茶時光再不能享受如此清靜的環境。

今日同屋企人去愛都試衫，1⃣️試就試到晚上九點了試完即刻拿拿臨去搵野食醫肚黎到始創本身諗住去食紅蔥頭的，點知去到已經last order了,咁唯有黎食上海菜了。我地一行五人叫左8樣野，個個都肚餓到不得了！好多菜式一上枱就秒清了，唯獨碟椒鹽豬排，真係清不了。實在係太過唔好食了，肉質太韌,超難先咬得開其他菜式就不過不失啦

其實黎呢度食飯已經唔係第一次，之前三次同屋企人黎食，都覺得水準唔差，所以每次中午或者下午茶路過附近就會上黎幫襯。不過今次既服務態度令人極度失望！講明左要雪菜肉絲炒飯，但佢黎左湯面都唔緊要，同佢講番，就咁拎左碗面走左去，邊食邊等左個炒飯半粒鐘，呢段時間只見佢地班「老」既女員工一直係度傾閒計，中途有個幾次眼神接觸都不理會，得後生既女員工自己一個準備晚市，最後忍唔住同班老人家講番佢地先去整碟炒飯出黎。真心，可唔可以改善下樓面既服務質素？浪費了廚房員工既手藝！

大家都唔太餓，想搵個地方歇下，見到附見呢間似坐得幾舒服咁，就入去試下啦。上海菜主打當然係小籠包啦，呢間小籠包就皮較厚，不是漲卜卜嗰種，小籠包內湯汁不多，似沒有湯汁咁，味道麻麻，不太吸引。煎餃子餡料好多肉，若再煎香口一點會更吸引。四季豆還可以吧。至於個醬爆雞丁熱食好香口，凍左有點油。最令我驚喜係個菜湯，夠熱而已清甜，雖然唔識係咩菜，但味道不錯。我地本身對呢間期望唔大，故沒有失望，不過食物水準可以高一點。

鱔糊炒麵太咸👎🏻炒年糕味道不錯高力豆沙味道一般味道偏淡小籠包皮算薄，味道一般生煎包味道也算不錯紅油抄手味道一般服務態度超差👎🏻👎🏻👎🏻👎🏻👎🏻👎🏻👎🏻👎🏻絕對唔會再幫襯😠😠😠😠😠😠星期六下午大幾2點多，一行五大一小去食午餐，因過了繁忙時間餐廳內有很多空枱，亦沒有客人排隊，在沒有人招呼下自行入座，坐在一張由4張小枱組成的一張8人枱，因為座位很窄連郁動都有點困難，完全沒有地方可以放隨身袋，見餐廳內仍然有很多空位置又沒有客人，想把袋放喺空櫈上可以坐得舒服一點，有位女侍應拉開其中一組枱子，同果位女侍應講我地無地方擺嘢想放啲嘢喺果兩張櫈度，點知個位女侍應黑口黑面，死都唔俾我地坐得鬆動啲同唔俾我地擺嘢，點都要折開張枱，同佢講話你地餐廳大把位，依家又無客點解唔肯俾地方我地擺嘢，佢就黑口黑面語氣超差大大聲同我地講會俾張圓櫈你地擺嘢，眼見其他枱啲客，好幾張4人枱都只有兩個客坐，坐得舒舒服服又有地方放袋放其他嘢。又唔係繁忙時間大把空位又無客，點解死都唔肯俾我地坐得舒服啲? 難度我地唔係客?

服務好 野食唔錯1. 小籠包都算皮薄 夠多汁 肉香一籠四件 我整串左一個但都好食2. 糖醋魚個酸味掌握得幾好 唔會太甜太滯 肉唔會太淋 剛好滿意3. 炸銀絲卷算ok 但夠硬身 我鐘意軟身d 配連奶唔錯4. 木須肉炒拉面 （蛋絲、肉絲、木耳絲、菜絲） 因是蘭州拉面底幾有咬口！同埋都夠味 油多左dd但都值得理解5. 薑湯湯圓 薑湯個人覺得較辣 湯圓雖兩個 但比普通既較大粒 芝麻會甜左d但因兩人太飽 所以無叫高力豆沙或豆沙鍋餅值得再去食 但多人去可以試多d野！服務都算細心，經常加水！

呢排有好多飯局，唔係打邊爐，就係燒烤。今晚嚟個上海之夜。呢間餐廳嘅上海菜都算幾正宗，叫咗個白切肉粉皮，個肉好淋，加埋d汁好惹味，不過有少少辣！上海粗炒俾人嘅感覺係好油，但係呢個粗炒又好少油噃，可以一試，食埋個高力豆沙，就好完滿了。

下午茶時段, 來到上海店, 和朋友點了兩個茶餐共享! 我最喜歡是這店的餃, 皮薄餡靚多湯汁! 當中, 上海小籠包的湯是滿滿的, 配以香濃的醋汁, 酸酸的醋味激起了肉的香味, 一淡吃下, 很豐富! 最想提及是韮菜蒸餃, 它很重韮菜香味, 整隻餃都是滿滿的, 配合餃內的湯汁, 味道很出色, 重點是其外皮一點也不粉實, 皮與餡的比例洽好。酸辣湯味道夠辣而且不油, 湯的濃度剛好, 不會結結的。在凍凍的天氣喝後, 從喉嚨暖到胃。可惜是它的料不足, 一飲之下, 失去咬感。擔擔麵一般, 麵質軟綿, 湯味濃, 但略少麻醬香味。銀絲卷包質軟, 不錯。要讚其豆漿, 豆味種, 沒有下糖, 清香味算高。總結最值得試吃的是蒸餃, 見其手工👍

因為第二日(元旦日) 已經訂咗自助午餐， 冇理由晚餐又係食自助餐㗎！ 加上有朋友送coupon睇戲, 咁就因利乘便喺呢度食完飯再過去moko睇戲！ 叫咗四樣嘢~ 原盅雲吞雞、 白肉粉皮、 嫩雞煨麵、 小籠包， 食物質素中上， 特別要講白肉粉皮， 佢既白肉竟然係用豬頸肉唔係一般嘅豬腩肉， 但可能佢嘅調味啱啱好，加上豬頸肉口感偏爽， 配搭特別嘅麻辣醬汁一齊食好好味， 小籠包湯汁多亦都必要一試， 另外服務十分好, 經常斟茶收碟, 整體嚟講食肆值85分以上, 喜愛食上海菜或想喺西式自助餐及日式放題以外嘅選擇， 這家小店可以一試！

餐廳處於商場裡的角落，要不是朋友提議過來，也不知道這個經常路過的商場裡有一家上海菜館，星期六午飯時間人流也不高，二人佔了四人卡座，環境安靜整潔。很久沒吃擔擔麵，因為多年前的不好經驗，不是湯底稠得嘔心，就是味道怪怪的，這次朋友點了招牌擔擔拉麵才得以重遇。難得這次沒有中伏，花生醬夾雜着肉碎香的湯底惹味，我把麵吃完後還忍不住喝了幾口湯，湯也沒有太稠，倒覺得再稠一些更香濃。拉麵質感不俗，沒有太軟，留有嚼頭，若然再硬多一點點更合我心意。上海小籠包比我預期的要好，底部做到皮簿，內裡多湯汁，肉饀子嫩滑。美中不足是小籠包外皮頂部稍為乾硬，否則無可挑剔。 干焗四季豆中規中矩，鑊氣有欠，不夠惹味，但沒什麼大問題。收費在可接受範圍內，但略偏小貴，既有茶錢($4/位)又有加一服務費，食物份量不大，不過味道不錯，而且人不多，餐廳氣氛比較優閒，這裡適合不太餓又想找個地方慢慢聊天的時候來。

専程光顧這間餐廳嘅水煮牛肉 因為係媽媽至愛 當上菜嗰刻 你知水煮 都ㄧ定要寶物尋歸底 只見勁多芽菜同薯粉+葱等香料 食左5分鐘後 先發覺成舊肉沉底 好啦 慢慢咬 好好心機甘撩開佢 大力d咬開 原來到頭來舊牛肉係生嘅 舉手示意 後 兩位待應先後過黎了解 ~後來ㄧ位恤衫經理 走埋黎 ㄧ句 "頭先份牛肉有咩事吖" 接着 "成碗食晒 係退唔到俾你嗰喎" 事實上 碗內還剩下少量芽菜 同兩片牛肉，少量薯粉"即是份牛肉全生 都好 放左上枱 放過入口 都冇得換食物或退貨 " 先頭 經理完成没有理會客人感受 亦不顧貴公司聲譽 完成沒有食物衛生問題 沒有ㄧ聲歉意之下 拎轉頭拍個馬屁走左去 只是吩咐同事放下ㄧ份甜品作補償 .....~~” 我唔係貪小便宜 再甜嘅野 都補償唔到 只是需要ㄧ句 ~對唔住 或 唔好意思

諗住食餐清清地，所以揀上海野去到等左5分鐘，就安排左卡位比我地兩個人坐👍🏻叫左雞絲粉皮，一落完單講兩句野就上菜啦個麻醬幾好味，但雞絲唔多，粉皮有啲碎跟住上紅燒牛肉麵見到個顏色嚇左嚇😨真係未食過紅色既紅燒牛肉好彩食落個味都唔太古怪，幾冧，味道甜甜地而啲麵就好滑好好食，已經剪左好所以好易夾👍🏻最後上小籠包，最好食係呢樣皮夠薄同埋多汁可以見到好多湯喺入面埋單兩個人食左$165，雖然食物麻麻地，但咁既價錢都算合理

同媽咪睇完醫生，報告結果總算冇再繼續嚇我，於是就同媽咪去附近始創中心食佢最愛嘅上海菜。之前平日夜晚我都有食過，味道唔錯又有特價小食，都幾抵食!不過今日星期六下午嚟，侍應話假期冇特價冇套餐，全部散叫。其實正常價錢都好合理同埋佢份量都唔少，所以點咗兩個小食同一碟炒麵，就夠我同媽咪食飽飽。素鵝主要係腐皮包住d菇絲，其他舖有食過會放甘筍絲，筍絲……等素菜。腐皮略嫌炸過火，雖然脆但有d硬，整體都較乾爽唔太油腻。上海粗炒呢樣我同媽咪都鍾意食，佢呢種上海麵質地軟硬適中，醬油味濃郁，配料有齊白菜，椰菜同肉絲，份量十足。茶樹菇鍋貼外貌唔算好出眾，普通煎香嘅鍋貼咁，但味道好吸引，有淡淡茶樹菇嘅香味，熱辣辣咬落去，會有爆漿肉汁嘅效果。