三星台菜食堂 (新城市廣場一期) (已結業)

沙田近來開左好多新餐廳 繼nara之後又黎一間台灣菜，見其餘兩間分店既評價都唔錯，紅日夜晚得閒 就黎試試。又係用手機app拎左飛，大概等左45mins先有位坐底點好菜 唔洗五分鐘 d野食就送上三星麵有牛肚 牛筋 同兩舊牛展湯帶好濃既牛顫味 仲食到有d麻辣 唔錯牛筋同牛展都炆得夠淋 不過食多兩啖就開始覺得湯底有d油 燙青菜 淋左d蠔油 菜新鮮唔老 幾好澎湖炸花枝丸 五粒佢將每粒一分為二 然後炸香 用左椒鹽調味 食到內裏有一粒粒花枝幾有口感 真的好蝦卷配上橙色既甜酸醬 味道唔錯不過食唔出蝦既味道 個人較推薦花枝丸開在沙田市中心租金一定唔平 所以 價格貴dd都可以接受 食物雖然冇令人非常驚喜，但味道都唔錯見到隔離枱既牛肉麵個湯清澈d 好似冇甘油膩下次有機會再黎試下先

沙田開左三星，頂死左Triple O's，咁開張左就去一試。叫左佢地招牌三星麵，再叫多個黑芝麻豆漿豆漿原來係支裝，唔知邊度出品，入口豆味淡，黑芝麻又無，最後只係好淡好淡的豆漿。三星麵叫左幼麵，起初以為幼麵係等於台灣當地賣既牛肉麵正常粗幼的麵條，原來係比上海湯麵幼的麵條，入口幾腍，但掛湯就一般。湯底好深色，但唔好畀佢呃到，其實入口無乜牛味，甚至連少許辣都無，只係一個濃湯。牛展肉幾大件，食落都幾腍，但肉味唔突出。牛筋煮得唔夠耐，要花D時間去咬口佢。牛肚唔算爽，無乜咬口感。服務方面極為失望，在客人入座率不到七成時，便無故叫我將隨身物品收起不准放在bar檯旁的椅上，直至用餐完畢為止都未有人坐過果個位，只係畀侍應用果個位放外賣only。侍應上菜無帶腦，無睇清楚單就無啦啦上多碗麵畀我。

聽聞有間台灣菜餐廳喺新城市廣場開幕，所以今晚特登黎試吓。 未坐低店員已經同我哋講咗兩次「限時60分鐘」，餐牌裡「好飯」選項太小，可惜，另一個可惜嘅就係試唔到魯肉飯，店員解釋話因為廚房煮好咗嗰煲飯太淋，新煮嘅嗰煲又未得，我再問店員我可以等新嗰煲飯，店員又耍我話唔知要等幾耐，其實兩個字「賣曬」已經可以同客人解釋☹️另外邊食邊有細小黑色昆蟲飛來飛去。餐牌（一） 餐牌（二）總共點了以上食品紅燒三星麵（牛筋、牛𦟌、牛肚） $82原本是朋友叫的，但係佢唔食辣，亦冇留意原來有加豆瓣醬，店員亦冇提我哋話有落豆瓣醬，所以朋友食唔到。 另外，湯頭完全冇藥材味，不清湯好味，牛筋質地適中，牛𦟌有啲乾，牛肚好入味，粗麵質地唔會太淋，再加埋台上提供嘅酸菜，好味。推介指數： 8/10第一鹽酥雞 $58鹽酥雞炸得外脆內軟，雞肉醃制過，炸得好香囗，店家亦在鹽酥雞面加咗一啲炒過嘅蒜，個人覺得蒜粒可以放碟邊或唔放落鹽酥雞面都得。推介指數： 8.5/10KTV香腸 $45同其他店家賣嘅台式香腸味道差唔多，不過睇得出店家有用心去制作，加咗醬汁同埋一啲生蒜，都係果句，生蒜可以放喺碟旁邊，香腸做唔到冇「外脆內軟」， 可惜。推介指

原本呢個位置係triple O ，而家變左係三星，lunch就快2:00去到都仲要等位 lunch無set 全部散叫 menu款式唔多無咩選擇 我今次叫左個最平嘅魯肉飯 都$52 無野飲 要加一 真心又貴又唔抵 魯肉飯隻糖心蛋一d都唔糖心 仲凍哂 最後我唔敢食佢個蛋黃 朋友叫左杯奶茶$26 質素差過出面天仁茗茶個d 另外朋友叫左牛肉麵 個湯底係幾濃幾好飲 但d幼面唔係好夾 同埋大家都覺得唔值呢個價 你話出面比$40包野飲嘅話都可以接受嘅 但一碗牛肉麵成$80就不了總結：可一不可再

還記得第一次幫襯三星是總店, 由服務以至到感覺都不俗所以令我留下很深的印象、 今次再訪唯一嘅原因就係因為(方便), 講真裝修在外表已經(升呢)了不少、 由從前的簡約裝潢遞升上高檔型格的餐廳上, 講真如果我未曾吃過、第一眼感便是又來一間吃格局之餐廳。。《坐得快叫得亦快不過送嚟時間比想像中更要快, 不是可以比拼大集團快餐店的速度、是要畀快餐店集團的速度嚟得更快，》 落單後不消一分鐘、整碗招牌牛肉麵HK$75.麵已送上眼前， 三件面積猶如《乒乓波》般大小的牛展、 佈著在麵條之上， 牛展的軟熟度只屬一般個人覺得切得太厚、 咀嚼間要用多分時間才能消化殲滅得到，「 如果遇上是老人家或是小朋友這三件體積大如乒乓波的牛展、 就要耐心更要小心地咀嚼，」 麵條就如往常一般爽而有韌性~很喜歡便是店方慷慨地放在枱間的酸菜, 加入酸菜之牛肉麵更能提升整碗麵之味道, 《收碗速度更同時可媲美(譚X)、 剛拿上牙籤碗子以被侍應生拿在手中， 感覺上就如快餐店同速食一般、 只是價錢上就跳升兩至三倍而言 ~》☆整體來講我覺得牛展上可以切薄一點 , 不用令客人死吞又或是拼命的咀嚼、 而收碗速度亦可能調較慢小小節奏， 始

The 麻辣湯底 was not spicy. Good if you don’t like spice but bad if you enjoy the flavor of REAL 麻辣. Very limited menu with few choices, not accommodating for people with special diets (e.g. people who don’t eat beef, vegetarians, etc.) 豆乾 and 貢丸 were tasteless and covered in a sauce that added nothing. While the noodles themselves were good, there are much better places to get Taiwanese style food.

第一次去食，見佢新開，裝修又唔錯，就諗住試下。去到，有好多人排隊，顯示輪候號碼既顯示器，好唔方便，又細。再睇下餐牌，即刻呆左，完全唔覺係有設計。本身諗住佢會有本精美既菜單。點知係張過左膠既雙面A4白紙！餐牌上，你會見到好多個好字。真心，好唔好係客人講，唔係你自己講。入到去，因為一個人，所以被安排左係單丁位。然後係面壁食.......好唔舒服。埋單百幾蚊，甘既用餐體驗係很差的。食物，飲品方面，味道普通。留意翻，麵既湯底一定係少辣，無得走辣。服務方面，人手充足既。

新開張。約埋朋友一行三人試新野。一早知會多人。晚上6點。朋友未到已去拎定飛等位。等位期間見店員態度認真麻麻。可能大部分都係年輕男女。只見經常圍埋水吧傾談。不過理得佢。食野姐。等左一個半小時終於有位。一個比較年長既店員態度最好。不過非常驚訝。用餐時間係60分鐘🙁好彩一早諗好左嗌咩。所以好快決定好。可能用餐時間好少。所以上菜非常快。但店員態度認真奇差。拎碟野黎完全唔出聲。老實講。食譚仔個阿姐都會講係乜喇。都算！叫人加水。個店員完全唔比反應你。唔出聲都點下頭丫。仲要冇面部表情。零笑容。完全唔知佢收唔收到。到食左40分鐘。想嗌埋佢既甜品刨冰。可能我又講得衰。拎住個menu同個店員講：「唔該可唔可以叫呢個刨冰+5款配料？」佢就好浮誇咁講「可以。配料我幫你揀定你自己出去揀！」其實個menu又冇寫。鬼知你有咩款咩。跟住成枱野。見佢係旁邊行黎行去眼望望。我就同佢講可以收野喇。唔該！用左10分鐘食埋個甜品。夠60分鐘！就會有人提你夠鐘要走！呢間野唔值得再黎！

自己一向都鍾情台灣美食，見到三星沙田有分店，即刻去試吓。星期六lunchtime時分，等左30分鐘，終於有得入坐。今次叫咗個招牌三星麵加紅燒湯底，滷肉飯，再叫個鹽酥雞！三星其實就有牛根，𦟌，肚。紅燒湯底剛剛好，唔會好濃。牛根，𦟌，肚好淋，有咬囗！滷肉飯就正正常常，不過個飯底太濕！鹽酥雞就必食。唔太鹹，感覺啲油好新鮮！

- 湯太重藥材味，我個人來說則一般般- 牛肉是好吃的- 可能太多人、麵感覺未熟得哂- 我朋友碗麵有頭髮 🤢🤢 同侍應講咗，有扣返佢碗麵嘅錢- 紅茶珍珠，好飲；因為不太甜，珍珠有趙口ok. 200 text’s required to rate...- ambience’s ok since tables aren’t close to each other.- staff are also nice.- efficient too, cos they serve at right timing and don’t have to wait for long.

前排係fb，睇到飲食男女話傅珮嘉同佢老公，會係沙田開台灣菜，1/7放假，好奇上網搜尋吓~得知係沙田新城市一期已開咗，而新城市廣場App亦可以網上訂枱，咁就嗱嗱聲叫阿媽化個靚妝，訂定枱就殺出去~差唔多下午2點，上網訂枱都要等40+張，而2:45過到去，眼見門口仲有10+人等枱，而我仲差2張2人枱，但都要等到大約3:15才能入到去坐低，而收銀櫃亦有貼出，如繁忙時間，用餐只得60分鐘…由於時間關係，我同媽咪係等位期間，已睇定有咩好食~凍豆漿~~寫係用加拿大有機黃豆，媽咪話唔錯，濃而有豆味不腥亦不太甜~凍黑糖奶茶~~黑糖味道本身獨特，配上奶茶，味道不錯~紅燒牛肉麵~~肉夠焾，湯夠濃味，粗麵亦夠彈牙~蒜泥白肉~~半生熟蒜頭超多，加上醬汁配，肉質微暖，好好味~蟹柳旦沙律刈包~~蟹柳絕不是Cheap嘢，有菜同紫菜相伴，這凍食亦算不錯~大腸就是狂~~😂😂😂=我仲未領悟到佢幾有點狂嘅…炸大腸~新鮮炸，配點炸蒜，夠熱夠脆，正~順帶一提~枱上酸菜，帶點辣，空口食，配麵食，極匹配~係這大廣場開店，價錢算合理，當然味道亦出衆，有機會下一次再試吓其他~額外八卦又一提~~眼見隔離枱幾位員工福食，除了一碗大麵/一碗大

Happy Friday放工回沙田，剛好可以試試新城市新開的台灣菜，有沙田新城市APP，邊回家就可以邊撳飛等籌。沙田友經常埋怨沙田市中心很少台灣菜，繼「小王」和「茶軒」後，傅珮嘉牌牛肉麵「三星台菜食堂」正式入主。我們不是來試黃秋生喜愛的那個$188威士忌麵（每天10碗這個時間可能老早賣完），內子選了這裡最基本的牛肉麵分食。表面越簡單，越考功架，筆者一向愛濃湯，這碗麵紅燒湯底較清，不過既香且甜，味道不錯。麵條粗幼、彈牙感適中，筆者特別喜愛那些夠香夠腍的牛肉，大件得來有趙口，但趙落不會乾硬，很有滿足感。魯肉飯是另一味台灣菜的代表，點餐時見枱側的食客把魯肉飯食到一飯不剩，估計應該不差。魯肉、酸菜、醃黃瓜、豆乾絲和溏心蛋，這些配料可算是升級版的魯肉飯，餸菜幾乎佔整碗飯的一半。筆者向來不愛吃飯，這次也破例吃清。首先是因為有筆者愛吃的腍飯及帶香甜而不鹹的魯汁，第二是肉、肥配搭適中的魯肉，第三竟然是帶香甜的酸菜，令人很想追吃（枱上更有酸菜可添），最後把半隻溏心蛋一啖入口，少有地有意猶未盡的感覺。筆者心想台灣腸應該不會有甚麼特別，想不到他們也比別人多了點心思，那就是蒜蓉和醬油，剛好正中筆者愛「重口味」

近年由藝人或前藝人開的食店似乎越來越多。這一間叫"三星台菜食堂"，主打吃台灣牛肉麵及小食的店子，可算是其中成功的一例.... 不久之前才在銅鑼灣開業，之後就來到灣仔開分店，如今竟又殺出香港島，過到來差不多是全港其一人流最旺的新城市廣場內插旗，野心都不可謂不大.... 好像剛數天才開始運作，現時亦處於soft opening的階段。儘管店子非常小 (其前身若沒記錯應一所連鎖漢堡店來)，但店的運作仍是有點亂，侍者亦好像有點生手....不過在剛開始之初，這固之然是值得原諒的.... 一心來要試這兒的三星麵，再配以經典的紅燒湯底，一來就要嚐一下其招牌.... 在其他地方 (甚至在台灣)吃到的紅燒牛肉麵，其湯往往非常濃鹹且有很重的藥材味。這裡的湯底相對來講算是比較"清淡"的，喝下去蠻順喉而不會令人很口乾，負擔並不太重，對我個人而言是頗對口味的；另外三款牛的不同部位，水準亦見出色 ---- 最好吃的是牛展，肉雖極厚身但肉質卻極軟熟，差不多是一放入口一嚼便化掉了，厲害；其次是牛筋，入口能仍維持適量的咬勁之餘亦可感受到那令嘴變得黏黏的膠質；牛肚亦很不錯，絕不會讓人嚼到了一塊像擦膠的東西.... 不過唯