三星台菜食堂 (新城市廣場一期) (已結業)

㸃了一碗三星麵（牛肚有押味）、一碗牛肉麵（牛肉似用水烚、淡而無味）和香酥(碎)雞，從未食過咁的骰雞粒。另外兩碗麵送來湯底不是好熱，埋單$2佰幾，食的咁既野，簡直浪費左我一餐！

沙田新城市廣場的新開的這家餐廳因為明星效應，在週末的晚餐時間异常火爆。装修简约，侍應多，但個個都好忙碌。等咗45分鐘，終於有位。招牌三星麵是必點，又叫咗炸雞同香肠，好快上菜，厨房效率高不過食咗啖麵就不得不對食物感到失望。牛肉雖腍，但湯頭完全唔够味，麵質更差，粘成一團。香肠幾好味，但蒜片变成蒜末就反而人令好难用筷子掌握香肠同蒜末的搭配比例。比起茶木來說，真係未够班。

5點幾行過沙田搵食，行過見到有新食店就貢左入去，因為時開尚早可以直入唔駛等，但一到6點就開始好多人，之後先發現原來佢係台灣好出名既。餐牌既食物唔算好多選擇，我地兩個人都係食d大路野，三星牛肉麵，牛肉麵應該係招牌菜吧。三星牛肉麵，湯底可以，但隱約有d膻味。牛肉方面，唔知點解要切成三大塊，但又做唔到入口即化既口感，其中一塊最大塊直頭有d食瘦肉既感覺。。味道一般。好在粗麵好食，幫碗牛肉麵加番d分。魯肉飯，將全部配料撈埋一齊食，驚喜，無諗到咁好食，特別係加左d酸菜黎食，好醒胃，好好味。細心位，酸菜俾客人任落，我自己都落左好多，加分！第一鹽酥雞好多人order，d雞好炸得好嫰滑，味道唔會過咸，好脆好味，不過份量對於兩個人黎講太多。以牛肉麵黎講，價錢偏貴扣分位，係我地入座既時間，待應同我地講用餐時間60分鐘。90分鐘我覺得可以接受既，放假都要好似平日lunch hr 得1個鐘食飯，我覺得真心有d苛刻。

今日自己一個人食晏，試試新餐廳：沙田新城市廣場新開嘅三星牛肉麵。因11點半之前已經到達仲要排隊等安排座位。因為一個人所以安排左我坐係吧枱位，OK嘅。餐牌種類一啲都唔繁複非常簡潔。選擇咗招牌三星麵。內有牛筋、牛肚、牛展，配紅燒湯底粗麵。再叫咗一杯凍台式奶茶走珍珠少甜。等了很久，隔離位先生遲過我到叫同一個麵，結果係佢食先。冇緊要啦忙中有錯。結果追左兩次終於有得食。嗰碗麵絕對不能話係熱，直情係有啲涼，非常失望。杯台式奶茶絕對唔係少甜而且係非常之甜，相信落錯單或者係派錯茶。其實個湯底同啲牛筋牛展味道算係可以嘅。但係個粗麵係個湯底裏仲係黐埋一舊未鬆開。咁就花費左$110非常不值。

牛肉麵牛肉略軟，個人偏好有口感，所以口味上不討論，但三星麵中有牛根硬的不能咬開，完全不能接受，麵底是先煮後加湯，但麵相信已經冷了，卻直接加湯，最後撈好了，湯底都已經不夠熱，花枝丸HK$52 5 粒，size 十分少，味道不好，HK$30也給多了

成日都想心絲絲去台灣食牛肉麵，去呢間都算止到癮！跟朋友點了一個招牌三星麵、KTV香腸和滷大腸。三星麵整體感覺不錯，但上菜時不太夠熱。牛筋牛腩牛肚很入味，也燘煮得夠腍！面的寬度是我喜歡的，但麵質普通。紅燒湯底不算濃但吃得出牛骨味，不愛重口味的話可以一試！香腸反而味道不錯，滷大腸口感過腍但份量多，算抵！

雖然真係好快會返台灣但係今日都忍唔住去咗試三星🎖🎖🎖排咗半個鐘頭隊先入到去，店員就話60分鐘內要交枱。 但嗰陣時只係夜晚六點半我哋有叫滷肉飯同埋招牌三星牛肉麵湯好香肉好入味仲有勁多小食揀唔少得就係鹽酥雞份量有啲多，起碼三個人先好叫。肉比較少但炸得好香。花枝丸同埋青菜。個紅腸好似蒜泥白肉咁食完一浸蒜頭味最緊要有我最鍾意飲嘅冷泡茶！仲有芋圓同好多唔同嘅甜品但係太飽所以冇叫總結，座位坐得迫啲但係嘢食好味搭夠價錢貴左少少

新城市廣場新開嘅台灣嘢<三星台菜食堂>未試過可以一試，不過未必有下次，試咗三星麵 & 三星花雕麵，兩款麵餸係一樣只係湯底唔同，牛筋牛𦟌牛肚都算燜得腍，不過麵質好普通，粗麵都尚算可以，幼麵就完全唔掂食落口少少彈性都冇糊曬，至於湯底三星麵揀咗紅燒，湯唔算好濃不過都飲得出有牛骨味，花椒八角味就無乜，另外花雕湯亦好普通都係好淡嘅花雕味唔算好特出，價錢高品質低嘅嘢試一次就夠，唔講得上難食更唔講得上係好食！上述只係個人食評想知更多其他食評可以follow ig hesheat.hk

記得十年前在台北永康街第一次嚐牛肉麵，牛肉入口即化，麵條順滑彈牙，湯底味濃而有辣油香，叫人一試難忘。挾著藝人之名氣，以及被喻為全港最好吃的牛肉麵的光環。如要一親其牛肉麵之香澤，排隊是少不免的。我們也等了三四十分鐘才可入座。牛肉麵（紅燒）(粗麵)（$75)牛肉像是牛𦟌的部位，口感不是入口即化，但仍算軟腍。惜不太夠入味。麵條如讚歧烏冬般粗厚，相當有質感。湯底呈深棕色，有淡淡藥材的味道，味道偏鹹。桌面放有酸菜供客人自行加添，但湯底已經夠鹹，不放也可以。三星麵（紅燒）(粗麵)（$82)三星牛肉麵是招牌麵食，集合了牛筋，牛𦟌，牛肚。牛筋膠質豐富，吃了嘴巴黏黏的，挺好吃。牛肚亦爽口入味。牛𦟌和麵條跟上述的牛肉麵一樣。唯湯底不知何解會十級鹹，比牛肉麵的更鹹，鹹到麵連條都變得不好吃。可能是牛筋牛肚的滷汁摻入湯底之故吧！魯肉乾麵（$62)魯肉肥瘦相間，充滿豬肉的油香，豬油加上魯肉的滷汁，用來拌麵自然匹配非常，香氣四溢。所用的麵條比牛肉麵所用的扁身，口感軟軟腍。附上溏心滷蛋一隻，味道亦不錯。炸甜不辣（$59)甜不辣其實是用魚漿製成，然後再加以油炸。味道像魚丸，有魚的鮮甜。外層香脆可口，內裡則像麻糬般煙韌。

見新城市新開左間台灣菜, 決定試下!18:30去到, 2人檯已經要等超過30張, 果然新開張一定多人!拎左位先發現原來用城市app可以拎飛, 早知出門前拎定就不用呆等超過1小時了!店鋪限時60分鐘, 所以坐低立即點菜, 竟然唔洗五分鐘就有野食, 速度真的很快!叫左紅燒三星麵, 有牛肚, 牛筋及牛𦟌。湯底好深色帶好濃, 但略嫌湯太少!牛筋同牛展夠大件, 但不會硬, 都炆得夠淋 ! 反而牛肚唔算爽，要花D時間去咬。紅燒牛肉麵原來都係用牛𦟌, 誤以為真的是牛肉!得3塊, 而且同樣湯太少!不過加埋台上提供嘅酸菜，都幾好味!小食方面叫左滷水大腸及椒鹽四季豆。小食來說, 份量比一般既大碟, 而且大腸滷水味十足, 四季豆椒鹽味唔算太濃, 均值得推介!至於飲品方面，選了香芋奶茶及黑糖冬瓜, 味道普通, 特別是香芋奶茶, 淡得很, 有點不值!總括而言, 價格偏貴, 而食物方面亦未有令人十分驚喜!

野食非常一般，杯具都唔太乾淨。重點係要排勁耐，兩個位都要由7點半排到8點40分，之後俾人話過左5張飛，要重新拎飛排過。得，我知香港人多，都唔介意要排，但所有工作人員服務都勁差，尤其個叫阿_，落井下石咁話「你過左5張飛就重排架喇（笑）」，仲要串Q我地話想食做咩MISS飛。叫老細出黎理論，又話怕做壞規舉喎，最後要我地排左兩個鐘先有位，都快10點，好多野食都賣晒，食乜野？ 唔係因為我個朋友要返外國走前一定要食呢間台灣菜（另，Friend話CWB果間好食D），我一早就唔排食第二間，因為有好多仲好食又唔駛排咁耐。同管理層講句，你間野唔係收得便宜，如果無好野食，就要有好服務。如果兩樣都無，得，至少唔好有沙田店阿_呢種員工，講野唔經大腦，得罪人多，招乎到嘅人？少，甚至可能無，因為阿_由7點半到9點半都係企係到嗌飛 。我地兩個咁誠心排左成個鐘都仲返黎食，都快9點，唔多人排，排嘅都係8點以後先黎，如果D員工靜靜地安排我地入去，大家就唔駛有hard feeling。

三星台菜食堂😛三星麵湯底順喉唔肥，麵質ok，牛腩牛肚牛𦟌都好淋好入味，牛筋都ok但相對無咁入味三星花鵰麵有酒香，杞子好甜 （我男人話😯）KTV腸not bad，有蒜蓉辣香蒜頭怪表示滿意 (但如果係蒜片而非蒜蓉會更好😍)食曬所有野差d飲曬d湯🤤 （加左辣椒醬更香，酸菜也不錯👍🏻)（不過台式奶茶好有香精味，珍珠雖好食但要另外加$5，not recommended)服務也不錯，下次佢再來😋😋 (沙田又多間食店真好😛)

炎炎夏日台灣菜🌞🌞🌞~~~~~~~~~~~~~~~~~~~~~~~~~~~~~~🍜三星噶瑪蘭威士忌麵🥃~~~~~~~~~~~~~~~~~~~~~~~~~~~~~~試左幾樣菜式，其中一樣係得沙田先有嘅係三星噶瑪蘭威士忌麵（$188），雖然價錢有D肯，但幾新奇所以試下。正常威士忌會喺上枱前先會於客人面前淋上去，但我張枱因為有好多野食，店員企係度為我表演😂🙈~~~~~~~~~~~~~~~~~~~~~~~~~~~~~~吃第一口的時候，威士忌味有點嗆，但之後威士忌味揮發左，容易入口。牛腱挺嫩口，但牛筋同牛肚唔夠爽。～～～～～～～～～～～～～～～～～～～🌞阿嫲魯肉飯（$52）魯肉一粒粒比較有口感，同出面唔同。🌞肉鬆黑白配（$52）豆腐夠凍，夏天食消暑，配埋肉鬆同皮蛋，突顯豆腐嘅豆香。🌞台式香腸（$45）正宗既台式香腸，係‪台灣成日食到嘅味道‬，份量亦夠足。🌞椒鹽四季豆（$46）椒鹽味唔算太濃，四季豆唔會太老，加左蒜粒帶出四季豆嘅香味。🌞第一鹽酥雞（$58）鹽酥雞份量多到滿瀉, 雞肉夠熱，額外加左蒜粒味道更好。🌞六款配料刨冰（$68）六款配料包括仙草、愛玉、黑糖水晶、紅豆、寒天水晶、椰果。刨冰係黑糖

三星台菜係新城市開幕， 滿心期待去嚐試。中午十二點去拎位， 但都有很多人。 要等40分鐘才入坐。坐位淺窄。待應用手機點餐。我們點了三星麵，牛肉麵，鹽酥雞， 真的好蝦捲，嚕肉飯。食物味道都不差。炸物好吃。但職員似未有足夠陪訓，所點飲品遲遲未送上。台式珍珠奶茶只有奶味。令我對餐廳失望。😥

真的没有吃过这么难吃的东西。卤肉饭难以下咽。饭超软，肉超肥，里面还有很多难吃的榨菜。服务很一般，服务员超没服务sense。餐具也很丑，给人一种不是很干净的感觉。新开的餐厅连纸巾没了都不知道换一换。