影片
更多
2018-07-10
90 瀏覽
聽聞有間台灣菜餐廳喺新城市廣場開幕，所以今晚特登黎試吓。 未坐低店員已經同我哋講咗兩次「限時60分鐘」，餐牌裡「好飯」選項太小，可惜，另一個可惜嘅就係試唔到魯肉飯，店員解釋話因為廚房煮好咗嗰煲飯太淋，新煮嘅嗰煲又未得，我再問店員我可以等新嗰煲飯，店員又耍我話唔知要等幾耐，其實兩個字「賣曬」已經可以同客人解釋☹️另外邊食邊有細小黑色昆蟲飛來飛去。餐牌（一） 餐牌（二）總共點了以上食品紅燒三星麵（牛筋、牛𦟌、牛肚） $82原本是朋友叫的，但係佢唔食辣，亦冇留意原來有加豆瓣醬，店員亦冇提我哋話有落豆瓣醬，所以朋友食唔到。 另外，湯頭完全冇藥材味，不清湯好味，牛筋質地適中，牛𦟌有啲乾，牛肚好入味，粗麵質地唔會太淋，再加埋台上提供嘅酸菜，好味。推介指數： 8/10第一鹽酥雞 $58鹽酥雞炸得外脆內軟，雞肉醃制過，炸得好香囗，店家亦在鹽酥雞面加咗一啲炒過嘅蒜，個人覺得蒜粒可以放碟邊或唔放落鹽酥雞面都得。推介指數： 8.5/10KTV香腸 $45同其他店家賣嘅台式香腸味道差唔多，不過睇得出店家有用心去制作，加咗醬汁同埋一啲生蒜，都係果句，生蒜可以放喺碟旁邊，香腸做唔到冇「外脆內軟」， 可惜。推介指
未坐低店員已經同我哋講咗兩次「限時60分鐘」，餐牌裡「好飯」選項太小，可惜，另一個可惜嘅就係試唔到魯肉飯，店員解釋話因為廚房煮好咗嗰煲飯太淋，新煮嘅嗰煲又未得，我再問店員我可以等新嗰煲飯，店員又耍我話唔知要等幾耐，其實兩個字「賣曬」已經可以同客人解釋☹️
另外邊食邊有細小黑色昆蟲飛來飛去。
餐牌（一）
餐牌（二）
總共點了以上食品
紅燒三星麵（牛筋、牛𦟌、牛肚） $82
原本是朋友叫的，但係佢唔食辣，亦冇留意原來有加豆瓣醬，店員亦冇提我哋話有落豆瓣醬，所以朋友食唔到。 另外，湯頭完全冇藥材味，不清湯好味，牛筋質地適中，牛𦟌有啲乾，牛肚好入味，粗麵質地唔會太淋，再加埋台上提供嘅酸菜，好味。
推介指數： 8/10
第一鹽酥雞 $58
鹽酥雞炸得外脆內軟，雞肉醃制過，炸得好香囗，店家亦在鹽酥雞面加咗一啲炒過嘅蒜，個人覺得蒜粒可以放碟邊或唔放落鹽酥雞面都得。
推介指數： 8.5/10
KTV香腸 $45
同其他店家賣嘅台式香腸味道差唔多，不過睇得出店家有用心去制作，加咗醬汁同埋一啲生蒜，都係果句，生蒜可以放喺碟旁邊，香腸做唔到冇「外脆內軟」， 可惜。
推介指數： 5/10
大腸就是狂（炸滷水太腸）$58
大腸入味，炸大腸方面有幾舊薄嘅大腸係好乾，有部份好Juicy同埋外脆內軟，又有蒜粒。
推介指數： 7/10
魯肉乾麵（冬粉）$6
原本坐低叫咗阿嬤魯肉飯，但係店員話厨房煲飯搞唔掂，所以叫我哋改咗單叫魯肉乾麵（幼麵），點知，改完order之後一陣，店員又話冇幼麵，冇粗麵，叫我哋試吓冬粉，唉！ 我哋喺冇得揀嘅情況底下唯有妥協要咗冬粉，咧個妥協令我哋中咗伏（見圖）
蛋冇味，魯肉唔入味，炸蒜冇加分不特止，當我連冬粉一嗒食落去好似食沙咁（因為炸蒜太脆），成碗野跟本唔好食，完全唔夾同埋唔合格，可惜。
推介指數： 1/10
香芋奶茶 $26 + 珍珠 $5 = $31
台式奶茶 $24 + 珍珠 $5 = $29
香芋奶茶本身有驚喜，好似食香芋雪糕咁，杯內珍珠質地彈牙適中，好好味，台式奶茶好強奶粉味，非常普通，杯內珍珠有一舊黐埋一齊，好難用飲管吸入囗，留意番（見圖）兩杯飲品的珍珠份量不相同，略為失望。
推介指數： 9/10 香芋奶茶
推介指數： 6/10 台式奶茶
—————————————————
當我哋埋單時，收銀員有問我哋食物品質，我哋亦提供意見，希望下次再嚟你哋會有改善。
張貼
