三星台菜食堂 (新城市廣場一期) (已結業)

行過沙田見佢裝修緊已經好想試下，終於有機會試到啦！一如其他新店一樣限時進食，好趕急咁喎，入到去即刻叫個魯肉飯同炸滷大腸，出奇地佢上菜超快，熱辣辣既炸大腸，唔會太乾仲要勁夠味，呢個用嚟送酒就一流呀🤤主角魯肉飯，我比較鍾意7分肥3分瘦，因為d魯肉吸收晒d精華，用嚟送飯真係停唔到口架

點了蕃茄牛肉幼麵，牛肉冇味亦唔淋，湯有湯不能掩蓋嘅騷味，食食下仲有粒發泡膠漂過...我好少浪費食物，但真係食唔落。最好味係炸花枝丸。唔值呢個價錢...好失望😞唔會再嚟

星期日係沙田間新戲院睇完mission impossible,又到晚飯時間，呢個時間係沙田等位食飯都要比D耐性，經過一輪選擇之後，我地決定尼試新野，就係之前triple O 個位新開既三星啦。我地決定左食一個三星麵同魯肉飯，再加小食炸大腸同蒜泥白肉。魯肉飯佢話要等半個鐘到，咁我都話OK冇所謂既。三星麵揀左紅燒湯底配冬粉。冬粉其實同粉絲冇咩分別，湯底冇咩味，牛肉都係普通野啦冇牛味。蒜泥白肉切得好薄，似打邊爐既豬肉片咁，口感欠奉。唯獨係蒜泥好夠味。炸滷大腸，有D味道。食落冇咩特別。朱古力奶+珍珠，維記朱古力奶朕味。紅茶，太溶。講返魯肉飯，等左半個鐘頭後再問店員，店員幫我問左廚房話仲要等多陣，所以我冇等到就埋單走人。

近排新城市開咗好多新餐廳，又有新戲院，橫掂都要睇戲我又係一個台式控，咁梗係要去朝聖啦👻-好彩一去到就有位，選擇困難嘅我哋揀咗好耐先諗到最後食乜。-黑 糖 珍 珠 奶 茶 $31-作為珍奶控有啲失望，因為真係完全無黑糖味，奶茶既味道都略為普通。-#依間店有個特別之處，就係可以簡麵款同湯底，形合唔同口味既人👍🏻，尤其是我依啲咁鐘意新嘗試既人🤤-#下 - 花 雕 三 星 麵 $98--每款三星麵都會有三個餸（牛肉，牛筋，牛肚）一次滿足晒三個願望🙈 好少鋪頭會有花雕湯底所以就諗住試吓🤤 -一嚟到就梗係試吓頭啖湯先啦，感覺真係好有花雕味幾特別，但唔知係咪因為我哋揀佐冬粉（類似粉絲嘅物體），所以好吸味，好似啪緊酒精咁😂 而牛筋好un，牛肉雖然厚身但係都稍為un，牛肚就尚可。-#上 - 紅 燒 牛 肉 麵 $75-啲料都比得幾足，但係湯底感覺就有少少味精，味道一般。-壓 軸 - 刨 冰 $48--見到op食客po既相好吸引又好耐冇食過，就嗌黎試吓。佢有四-八種簡，因為我地得兩個人所以就揀咗四款。原先我哋以為配料固定左，但原來店員話每日配料都唔同所以，要出去counter 簡，我哋就揀咗（蘆薈，仙草，

是日約左朋友係沙田食飯，打算試吓呢間新餐廳，好似都未見過有台灣餐廳開係新城市廣場地面🇹🇼 本身充滿期待嘅去食，朋友先到餐廳攞位但入座後只容許60分鐘進食。本來打算邊食邊catchup，最後唯有放棄呢間去第間無限時嘅餐廳食晚飯😢環境都幾光猛又乾淨企理，唯獨食飯時間太短...

我係牛肉麵控，去親台式餐廳一定要叫牛肉麵😝 因為我好鍾意食牛𦟌！！今次咁岩行過又有位就入去試試！叫左一個三星麵(牛筋、牛𦟌、牛肚)同一個蕃茄牛肉麵😆我自己覺得個湯底好好，唔會太咸，重點係唔會好似其他地方既牛肉麵咁油！(可惜咁樣亦會有人覺得唔正宗☹️) 但我自己就好鍾意啦！另外牛𦟌就比較韌，如果可以煮淋小小就更好啦！另外仲叫左魯肉燙青菜，都唔錯喎~~

食肆林立的商場又多開一家台灣菜，餐廳打正旗號賣台菜。餐廳是半開放式設計，密密麻麻的枱，週末十二時入座，一小時要還枱。朋友早前食過，牛肉麵是不錯，就是不要點飯類就行了。所以我還是點了招牌的三星牛肉麵，有牛腱、牛筋及牛肚；牛腱可以再淋一點，牛筋不錯，牛肚很入味。湯底朋友點了蕃茄、我是點了麻辣。湯底小辣，不算太麻。 此外，價錢是不能跟台灣比較，始終是商場，租金也不便宜呢。比較欣賞是甜不辣，真是即炸而且味道（味粉）跟台灣一樣地道剛剛一小時，朋友的麵也未吃完就被提醒「夠一個鐘」，其實我也懂，只是有些人的吃飯速度比較慢嘛。 老實說，餐廳的格局也不是cafe feel讓人慢慢傾計唔走路線，食完真係會走...PS:商場apps是可以先拎餐廳的票,時間比較好抵制呢

和地道既台灣朋友逛街去了新城市廣場；對方說聽聞有明星係simplylife隔離開了台菜店；於是乎我地去朝聖一下，但整體感覺不太良好，亦令我覺得唔會再黎。60分鐘用餐+服務態度事件一、我與朋友一開頭攞飛係A087，嗌到A070既時候（亦係等jor將近30分鐘既時候），人有三急去了廁所，回來之後嗌到A103....服務員話我地要重新排過，因為過了5張飛我解釋話我地唔係行街，只係去了廁所，而且女廁係要排隊就算排隊也只係去了不到10分鐘時間對方堅持要我地重新攞飛，完全唔理會我地既任何理由台灣朋友因為睇唔過眼講你地下次可以同我地講嗎因為我地完全唔知情然後服務員指一下櫃檯用不流利既普通話講：小姐其實我地有寫。 我當場真係嚇一跳，咩料？問題：規矩係人定既，我地好明白點解咁定，但係我地係去廁所而錯過；難道我忍住唔去廁所？然後等到台既時候你又限制我60分鐘用餐時間，我唔明白點解咁唔講人情。最後我地A121重新排隊事件二、等位期間見到收垃圾既伯伯收垃圾搞到地下有水漬；然後見到佢地既員工唔耐煩既同伯伯講下次小心，連句唔該都feel到有氣；問題：其實你地包好啲垃圾係唔係就可以避免水漬？大家都係打工，點解你地可

呢間野最近都好多人講，見沙田開左就走黎朝聖下，期望都高架，點知入到去就發現感覺落空了。- 阿嬤魯肉飯其實味道真係唔差既，配料都多種類，而且個半隻溏心蛋都唔錯，可惜個肉都係鹹左少少，同埋份量唔大，亦唔算好台味。- 三星麵呢個算唔錯呀，有牛腩、牛筋同牛肚，餸既份量算多既，牛肉湯味道香濃，不過同台灣地道既牛肉麵相比始終爭少少。- 魯肉乾麵呢個係拌麵，其實只係個飯轉左做麵，麵質算彈牙，不過亦偏鹹。- KTV香腸/盪青菜/鹽酥雞小食類全部都係太鹹，同埋係唔係都加炸蒜或碎蒜，口味都幾重，而且我真係覺得overpriced，有咩理由呢碟香腸要賣$45，痴返埋都係得兩條台灣腸。- 肉鬆配皮蛋豆腐一般般啦，呢個味道好難會有差錯，賣$52。總括一句，味道鹹、不夠台味、價錢偏貴而份量不多，準備好返屋企飲多幾杯水啦。

今日喺沙田新城市行街街，早小小六點幾揾飯食。見到呢間三星牛肉麵價錢合理，一於攞左飛等位。時間尚早，等大概五分鐘有位叫左兩份溏蛋外觀麻麻，不過味道尚可蒜泥白肉大碟好多蒜呀！蕃茄味牛肉麵麵可以揀幼或粗蕃茄味適中，不太濃花鵬三星麵花鵬味好濃， 喜愛花鵬味must try珍珠奶茶珍珠細細粒，很淋的，易咬口埋單 $308

開咗短短時間已經光顧左三次主要係因為佢嘅小食同刨冰牛肉麵同滷肉飯 味道唔錯但係未算突出反而小食 蒜泥白肉同炸大腸就有驚喜大腸完全係外脆內軟 平時唔食內臟嘅友人都大讚而且刨冰更令人難忘碎冰加咗黑糖同煉奶 口感味道豐富配料嘅芋圓亦非常煙un紅豆又夠淋甜 令人會為咗佢再次光顧店內員工亦非常友善 會主動問意見

成日都去新城市廣場開餐，上次見到仲係圍板，今日去見開左就試下啦。5:00左右都唔洗等位，一入就咁啱見到老闆娘，我都好鍾意聽佢唱歌㗎。叫左個‘三星麵’落單話要麻辣，但侍應落左紅燒。個麵都唔錯，但就嫌貴左少少，麵質係我鍾意嘅，有少少似上海麵果種，但最鍾意係枱面可自由加嘅酸菜。仲叫左一個‘魯肉飯’，隻蛋賣相麻麻，魯肉同飯嘅口感係無問題，敗筆在個魯肉同汁係無味嘅，又唔夠香，加左酸菜食都叫有d味，入到口🤦🏼‍♀️鹽酥雞都算唔錯，都幾乾身，唔油。珍珠奶茶都係普普通通。總括黎講唔太差，但唔算好食。

紅燒牛肉麵($75)濃郁牛骨湯底帶點辣，但又不是帶濃烈藥材味的那種；粗麵彈牙有嚼勁；牛肉夠腍，但一碗得三件份量不多。魯肉乾麵($62)魯肉肥瘦相間，充滿油香，重點係非常入味，仲有溏心蛋，個人認為比牛肉麵更岀色！甜湯+地瓜圓+紫薯圓+芋圓+愛玉 （$48）地瓜圓有天然既蕃薯味道，但紫薯圓同芋圓係冇味的粉團又唔煙韌😩唯一可以讚既係帶焦糖味的黑糖甜湯🤤不過用餐時間得六十分鐘，過左一分鐘就比人催交枱了。

因為諗住試新餐廳，都特登上嚟看下啲評價，見到都唔少劣評，但係貪新鮮都諗住去食下啦招牌菜牛肉麵計埋+1 80幾蚊，真係好唔值，面底少，三舊牛肉，湯底普通滷肉飯叫做好少少啦不過都係好普通個小食都唔值五十幾囉總之就冇下次啦同埋我覺得嘢食款式少咗啲，真係面色加小食加飲品喺沙田新城市收得呢個價錢無論係對食物同埋服務質素都有少少期待囉最後茶都冇。仲要坐出餐廳範圍以外。好耐冇寫食評都要上嚟希望改善下啦 我相信幫襯過嘅都未必想再嚟

三星食堂是由明星開的 今日去試左終於唔駛排隊 因為好早去叫左三星牛肉麵 有少少spicy 100蚊左右 有唔同小食選擇 可以拼溏心蛋可以拼蝦捲味道可以 麵質彈牙 望落有少少似牛腩麵反而呢杯洛神花茶幾好味 唔淡最後埋單一人100多係沙田黎講算可以 未試過可以一試