三日月

營業中

休息中

又到月尾，慰勞自己辛苦了一個月，當然要吃好一點，今次到了尖沙咀的三日月！套餐由五百多到千多元都有。今次揀個中間既，乜都啱食！先來一個前菜三小點日本豆腐，茄子，煙燻雞肉，豆腐嫩滑，茄子入味，雞肉有好香嘅煙熏味，十分醒胃。室浸岩蠔，海水味濃，肥大肉厚，好Creami.海葡萄沙律，海葡萄自身的天然咸香，配上新鮮沙律菜，味道清新！刺身三點盛，勁厚切赤身，油甘魚，赤蝦，全部大大件，餐廳毫不吝嗇，加上即磨Wasabi，份外高級！香煎皇帝帆立貝，只作簡單調味，煎到兩邊香口，原汁原味！茶碗蒸，三文魚子自身鹹味，加上滑滑的蛋，既簡單又好味。鐵板大虎蝦，肉質爽實，非常鮮味。安格斯牛柳加鐵板野菜牛柳七成熟，只需加上海鹽和黑胡椒，已經非常美味，每口牛加加上薯片般的蒜片，非常過癮。鐵板炒飯，梅子味香濃，吃到一半可以用另一種吃法，加上高湯變茶漬飯，同樣美味。最尾加一杯日本抹茶雪糕，今晚變得非常完美。七點到，餐廳都full Booking，雖然坐唔到吧枱，餐廳店員都會詳細講解做法和食法，同樣專業，七百多元一位，實在難得！

每一個鐵板燒嘅日本餐廳師傅可以話係全間店嘅靈魂人物 要食到大師級嘅真正鐵板燒 可以去到三日月 超欣賞佢哋嘅一人前鐵板餐平過好多大集團嘅鐵板燒但係水準一樣咁高質 我揀咗阿拉斯加銀鱈魚果然冇令我失望啲魚肉好滑！配上獨有嘅醬汁 煎過嘅魚鯨鋪喺面頓時令整個賣相變得更體面更吸引 而朋友嘅紐西蘭肉眼扒 真係冇諗過咁大份！煎完之後熟度剛剛好 能鎖住肉汁 唔會太熟變得太韌 且大大塊蒜片同埋一啲香料百里香😄😄Last but not least!!! 鐵板炒飯係重要嘅一環 可惜已經有啲飽 orz加入鰹魚高湯 當櫻花蝦炒飯吃到一半時可以加入其中成為茶漬飯 勁有特色甜品係我最鍾意食嘅抹茶雪糕或者柚子雪芭仲有兩球咁多！滿足晒我胃口🤭🤭

成日食阿媽家姐嘅生冷嘢都會有啲悶zzZ不如試吓食鐵板燒 呢間三日月 簡直係鬼斧神工！而且性價比十分高 開業優惠價每人$500都唔使就有齊10款精美食物😍😍真係令人垂涎三尺首先有前菜分別係雜菜刺身沙律同一杯熱茶 冰凍茄子 雞肉同刺身 哇 樣樣都好精緻！茶碗蒸啲水蛋入口又好滑 裏邊有木耳絲同埋蟹柳絲 超豐富之後仲有好多嘢食包括超鮮甜帆立貝香煎之後加上少少牛油同埋菠菜 非常有特色刺身就有甜蝦同埋厚切嘅吞拿魚 擺盤精美😬😬鐵板燒日本蔬菜有幾款蔬菜 包括蘆筍、冬菇同蓮藕仲有一塊好得意馬蹄型嘅南瓜↩️令人賞心悅目幾塊蔬菜 可以中和一下肉類帶來的油膩感

臨近月尾，收工去食好野獎勵吓自己！去咗位於尖沙咀金馬倫道的「三日月」日本鐵板燒餐廳食晚餐🤍被安排坐喺吧枱，可以欣賞到師傅炮製鐵板燒的英姿當晚點咗價值$798的三日月極上一人前鐵板餐前菜三小點點餐後店員先送上三式前菜：日本豆腐、茄子及雞肉刺身。豆腐好嫩滑；茄子新鮮軟腍；雞肉刺身感覺有少少似煙三文魚刺身三點三款刺身分別有：蝦肉、赤身、油甘魚，每片都是厚切的，色澤光鮮。刺身蝦同赤身都好軟滑；油甘魚好肥美海葡萄沙律日本沖繩海葡萄，口感爽脆，附上雜錦沙律菜及秘製醬汁，清新開胃季第時令生蠔即叫即開的日本北海道生蠔，勁大隻，好新鮮，口感清爽，鮮甜美味鐵板燒北海道帆立貝大大粒帆立貝以鐵板燒到金黃色，口感鮮嫩多汁，充滿鮮味，不得了呀深海野生白鱈魚白鱈魚外表微脆，入口嫩滑，魚味香濃鐵板燒日本野菜 及 和牛封門柳七成熟的和牛封門柳，口感一流，好重牛肉味。可沾酸汁、麵豉汁或芝麻汁食用，使封門柳味道更香濃突出！燒野菜有蘆筍、蓮藕、冬菇及南瓜，色彩豐富，健康滋味茶碗蒸表面以三文魚籽及蔥花作點綴，更添鮮味！蒸蛋超級滑溜，加咗黑松露油，所以散發着陣陣松露香鐵板炒飯炒飯加咗櫻花蝦蝦乾、木魚乾、小魚乾及餐廳自家製梅子醬一

見openrice呢間鐵板燒都幾人氣，前排就同朋友去食下，點知發現了超高質嘅鐵板燒！個set充滿高質食材，但2位價錢都係$2000多，以佢地食材水準來說，真係好高性價比！❤️日本赤鮑魚鵝肝和牛2人前套餐先來的是前菜三小點+吞拿魚沙律，雞肉刺身真係第一次見同食！煙葷過的雞肉刺身肉質幾嫩滑有咬口，的確不錯。個人最欣賞係沙律的吞拿魚是厚切的，味道鮮甜。個人最喜歡係當日嘅生牡蠣🦪，食落去超鮮甜爽香！另外極上刺身竟然有入口即溶toro 同第一次當刺身食的雪場蟹腳，原來雪場蟹腳生食都幾鮮甜。🔥燒物方面，都係款款出色用心。大大塊好有厚度的香煎鵝肝外皮脆香，入面充滿油脂香，食得好滋味。赤鮑已切好一片片上，味道鮮甜。由於朋友唔食牛，師傅安排了豬肉。豬肉咬落去超juicy有肉汁，原來豬都可以好好食！同朋友都幾鍾意食個炒飯，加了不同配料口感脆香惹味，還可以變茶漬飯食埋甜品雪芭就大滿足！

先幾日去左食尖沙咀三日月既極上一人前鐵板燒，又幾正喎。前菜三小點每樣有少少，茄子同雞肉都好特別。刺身有吞拿魚赤身，蝦，同埋油甘魚。海葡萄沙律口感好得意，季節時令生蠔肥美可口。一開始食左咁多野已經好滿足，更期待鐵板燒。鐵板燒北海道帆立貝大粒鮮甜又好食，茶碗蒸落左幾款菇去調味，幾特別。深海野生白鱈魚個汁勁好食，魚好香又好滑。帝王虎蝦擺盤勁靚，蝦味好濃。到最期待既牛牛出場：美國安格斯牛柳，好嫩又完全冇筋，調味幾正，而和牛封門柳仲正呀，佢既肉味係重過安格斯牛，surprised。 最後食埋鐵板炒飯，味噌湯，甜品，勁飽

這里環境寬敞光猛，是次用餐：A5宮崎和牛鵝肝帝王虎蝦鐵板餐。人均消費：hkd$798+10%=~hkd$878.套餐包括：前菜三小點：凍豆腐＋煮茄子＋煙薰雞肉，整體覺得一般，而煙票雞肉有點特別，像刺身的感覺。刺身三點：一般海葡萄沙律：一般茶碗蒸：一般，面層有上湯coating，但不及有新鮮蟹肉的茶碗蒸美味。鐵板燒日本蔬菜阿拉斯加銀鱈魚：味濃偏咸，魚皮香口脆脆，整體不俗，但略嫌偏咸。帝王虎蝦：利用蝦膏增添風味，蝦肉爽口彈牙，今天最喜歡的菜。香煎鵝肝：鵝肝味道偏淡，值得一贊是生熟度剛剛好，口感不錯。A4鹿兒島和牛薄燒卷：不過不失；朋友選了黑毛豬，味道也不俗，而且分量偏多。鐵板炒飯：炒飯偏酸，末至於難食，但也沒有特別好食；第二個食法是食到一半可以再加鰹魚魚汁成茶漬飯，個人覺得也是一般。其實整體都還可以，尤其擺盤好靚。

打工仔最怕星期一收工食返餐鐵板燒即刻開心返曬夜晚黎到尖沙咀三日月 歎返個極上一人前鐵板燒🍗前菜三小點豆腐，茄子，煙燻雞柳每樣一口雞柳好嫩滑🍣刺身三點甜蝦，刺身，油甘魚質素不俗🍇海葡萄沙律香港唔太多地方食到咬落有蟹籽口感🦪季節時令生蠔夠肥甜度又高海水味淡無乜金屬味超鐘意食🦪鐵板燒北海道帆立貝好大粒，燒到啱啱熟🐣茶碗蒸用雜菌帶出蛋香🥬鐵板燒日本野菜配牛扒一流🐟深海野生白鱈魚肉嫩油香重🦐帝王虎蝦大隻口感佳味道有少少似XO醬🐂美國安格斯牛柳牛柳幾嫩🥩和牛封門柳牛肉香味重過前都好多脂肪均勻🍚鐵板炒飯由銀魚仔櫻花蝦木魚碎等炒成🍲味噌湯🍨甜品抹茶雪糕加朱古力醬仲有微酸既士多啤梨粒粒

尖沙嘴日式鐵板燒餐廳三日月，主打鐵板燒套餐，不賣花巧，只憑簡單調味，在高溫鐵板上烹調日本和牛等環球優質食材，讓客人感受食材的原汁原味。現時餐廳夜市提供二款套餐，較受歡迎的是一人前鐵板燒套餐，包括極上一人前鐵板燒（$798）和三日月A5宮崎和牛鮑魚一人前套餐（$998）論性價比最高，非三日月A5宮崎和牛鮑魚一人前套餐鐵莫屬，有齊前菜，刺身，生蠔，鮑魚，茶碗蒸、鐵板燒日本蔬菜，野生白鱈魚或帝王虎蝦，主菜，鐵板炒飯、味噌湯和甜品。主菜可選擇A4鹿兒島和牛薄燒或+＄100 A5宮崎和牛 ，咁多嘢食真係性價比超高✨三日月A5宫崎和牛鮑魚一人前鐵板餐 $ 998▪️前菜三小點🍱豆腐 ， 茄子 ，煙燻雞肉豆腐加上少少醬油及芝麻，清淡得來又有好香濃嘅豆味，醬汁茄子好入味，加上木魚絲配搭好好食，最特別係煙燻生雞肉，入口好香濃嘅煙燻味，鹹鹹香香，雞肉有點像三文魚，口感非常唔錯▪️極上刺身 🐠赤蝦，拖羅，油甘魚，北海道帶子四款刺身非常新鮮和肥美，魚類切得好厚身，最驚喜係拖羅，油脂豐富，入口甘香 ，非常高質素▪️海葡萄沙律🥗新鮮蔬菜沙律，沖繩特產海葡萄配上日本酸醋汁，酸酸甜甜好開胃▪️日本北海道生蠔🦪生蠔大大隻好肥美

雖然而家已經可以去日本旅行，但一諗到要返黎香港隔離7 日就即刻打消左想去日本食好西嘅諗法，無計啦，咁就唯有喺香港食住日本野頂住先啦。三日月係一間人氣日式鐵板燒，LUNCH SET包左前菜、刺身、茶碗蒸、鐵板燒、主菜、炒飯、湯同甜品前菜三小點茶碗蒸夠晒滑帆立貝唔算好厚身，不過口感好好。刺身三點以主打鐵皮燒嘅舖頭黎講，質素都唔差。安格斯牛柳生熟程度岩岩好，肉質軟腍冇筋，加上牛肉味濃，配埋醬汁一齊食岩岩好。炒飯色澤幾靚，不過味道就差少少，再濃味D就更好。

尖沙咀行完街，更加可以嘆下高質鐵板燒🥳一人前鐵板餐，🇯🇵帶你感受親切家鄉風~ 一人前 Per Person $ 798 🥢前菜三小點 🍣刺身三點 🥗海葡萄沙律 🦪季節時令生蠔  🍥鐵板燒北海道帆立貝 🥚茶碗蒸 🥬鐵板燒日本野菜  🐟二選一 深海野生白鱈魚 大海老帝王虎蝦  🥩四選一 美國安格斯牛柳  和牛封門柳  鹿兒島黑毛豬肩  紐西蘭羊架 🍚鐵板炒飯🥣味噌湯 🍨甜品  驚喜之最，一定要數大海老帝王虎蝦，虎蝦超大隻，而且製作過程超用心！😍師傅將蝦頭蝦膏擠出，然後煮成精華醬汁，蝦肉切件煎到微香，😙起碟之後係面頭淋上蝦汁🦐鮮甜可口，難擋誘惑！美國安格斯牛柳&和牛封門柳值得推薦😍鐵板煎更可可以保持肉嘅嫩度，勁香勁滑！配上蘆筍，南瓜，蓮藕等配菜，口感香脆更豐富。環境舒服，更加可以全程睇住製作過程，環境超享受~ 

有咩任性得過一日食兩餐鐵板燒？lunch果餐食得唔夠盡興, 所以決定收工果陣自己再去食過🤣自從上次自己食Omakase, 其實而家都幾enjoy自己食飯, 真正可以慢慢品嚐食物, 今晚去左tst到拎野, 就順便睇下附近有無鐵板燒, 上網見E間三日月不錯於是就入去睇下有無位, 天助我也, 得番一千零一個位仲唔係我嘅🤣 機會嚟啦飛雲, 等車車試下係味真係咁好食! 車車叫左個中等價錢嘅三日月極上一人前鐵板餐🌟前菜前菜有三小碟, 有豆腐, 茄子同煙雞肉, 豆腐軟滑豆味濃, 煙雞肉味道不錯, 係一個不錯嘅前菜🌟刺身三點刺身切得幾厚身, 味道幾新鮮 🌟海葡萄沙律車車不嬲中意食海葡萄, 一串串咬落去卜卜聲粒粒爽脆, 配搭沙律同柚子醋清新開胃 🌟季節時令生蠔是日嘅時令生蠔嚟自岩手県, 有成手掌咁大隻, 口感爽甜鮮味, 海水味重, 好味! 🌟鐵板燒北海道帆立貝北海道帶子外層煎得好香, 咬落去好厚肉, 入面口感鮮嫩, 帶少少溏心效果, 調味適中, 下面放左燒野菜, 帶子嘅鮮甜味滲左入野菜令味道提昇 🌟茶碗蒸茶碗蒸用左黑松露, 木耳同魚子整成, 食落雞蛋嫩滑, 啖啖黑松露味, 木耳同魚子令口感更豐富🌟深海野

放假一定要對自己好啲，先有力量第二日再返工😋襯住放假去咗食Teppanyaki，呢間lunch同晚市都座無虛席，環境闊落光猛今次品嘗了👨🏻‍🍳三日月A5宫崎和牛鲍魚一人前鐵板餐🥢凍豆腐加咗日本師傅調配芝麻醬🍆煮茄子汁煮入味🐥煙燻雞肉初嚐煙燻雞肉，有啲似刺生雞肉，味道微鹹有煙燻味🦪北海道生蠔係時令新鮮生蠔，非常大隻，面頭曬上蔥花+師傅調配辣椒碎，帶出鮮甜味道🉐🥗海葡萄沙律口感爽脆，沙律有醋同芝麻醬，微酸開胃🥢活帶子 油甘魚 拖拿 牡丹蝦全部刺身都好新鮮，拖拿夠肥美，油甘魚厚身油分重，帶子鮮甜🥢南非鮑魚好新鮮好腍滑，同樣煎得香口🉐🥚茶碗蒸加咗松露油，味道較香口，面層有上湯coating，好夠味較濕潤🦐帝王虎蝦燒得好靚好出色，大蝦好香蝦油味，肉質爽口，每啖都係鮮味🉐🐮A4鹿兒島和牛薄燒卷同樣好香，和牛薄燒五成熟，熟度剛好，入面有香蔥菇菌，口感豐富，油脂香口🉐🌸櫻花蝦炒飯加咗酸梅醬、木魚碎嘅炒飯，可中和全餐嘅油膩感，都較易食晒嗰飯都唔會好飽滯食到一半可以再加鰹魚汁成茶漬飯，酸梅醬味道會更出，呢個食法好好👍🏻好少可我會覺得炒飯好食🉐🥄麵豉湯🍨紅豆雪糕唔太甜、成為呢餐完美又滿足嘅句號💰$998/A

生日當然搵左間餐廳好好獎勵自己啦，請左日假專登簡閒日幫襯，但估唔到鐵板燒位都fully booked, 不過唔緊要餐聽氣氛都好好，坐位好舒服，侍應安排左坐近窗口位，我地每人叫左$568既套餐 淨係睇menu都滿心期待，先唻前菜三小碟，我最鐘意就係炸紫菜海膽，海膽既鮮甜再加上紫菜既微微咸 非常之咁配搭！淨係前菜都已經睇得出好用心。再來sashimi. 睇返相都覺得攞碟好靚，魚肉牀新鮮，主菜我簡左銀雪魚，燒到魚皮香口脆脆一流！不論環境食物都好出色，價錢算抵食 絕對值得再幫襯！

前排去咗尖沙咀嘅三日月 食鐵板燒餐廳樓底高、空間感好大今次我揀坐吧枱位睇住日本師傅做料理 功架十足整完即食~ 真心正！💟宮崎A5和牛鮑魚一人前鐵板餐 $998/位💟.🔸前菜:▪️煙薰雞肉刺身、▪️茄子、▪️豆腐有漬茄子、凍麵豉醬豆腐，涼爽開胃。雞肉刺身口感結實彈牙，好香煙薰味，本身有少少鹽醃嘅咸味，不錯。.🔸北海道厚岸町生蠔（讚❇️）好大隻肥美！分咗三啖先食完！肉質好爽身、好鮮甜、中間creamy海水味唔會太濃，好味呀！.🔸剌身：中拖羅、油甘魚、帶子、牡丹蝦（讚❇️）好新鮮，中拖羅軟滑，魚香、油香味平均。帶子、牡丹蝦都好甘甜爽彈，yummy~.🔸海葡萄沙律海葡萄口感似蟹子，蘊含豐富嘅營養，沙律菜夠fresh。.🔸鮮活南非鮑魚（讚❇️）超新鮮、大隻、彈牙！鮑魚肉厚，但食落一啲都唔會韌，出色！日本師傅仲將鮑魚肝煎香，又綿滑又甘香，好正！.🔸皇帝虎蝦勁好食！！❇️蝦本身已經好大隻師傅煎到啱啱好熟，超爽甜！蝦味好濃好香！用蝦膏、麵豉嚟做個汁，好味到震！.🔸黑松露茶碗蒸蒸得好滑，高湯香甜，黑松露味突出。.🔸宮崎A5和牛（讚❇️）有2大塊和牛，包住蔥煎香再切件，和牛超軟熟、充滿牛油香，香蔥令口感同香味提升，食落更