三日月

營業中

休息中

【三日月】👌☀️🌙座落尖沙咀 金馬倫廣場，好易搵，超級方便！一入去就感受到高檔日式裝潢，環境寬敞寧靜，服務員亦係一貫日式優質服務，熱情細心招待。餐廳有普通枱、有房仔、有bar枱。personally當然最鐘意選擇坐bar枱！除左味覺品嘗美食，仲可以視覺欣賞師傅席前料理！【三日月極上一人前鐵板餐】$798🥢 前菜三小點1.好香白芝麻味嘅豆腐2.鰹魚汁漬茄子 配木魚3.煙燻味嘅雞肉刺身驚喜地好有肉味，夾雜淡淡煙燻香氣🥢季節時令生蠔生蠔新鮮！ 應該係最易令人接受同喜愛既味道。唔重金屬味/海水味，味道清甜、肥美肉滑、口感順滑 ！🥢海葡萄沙律有“綠色魚子醬”之稱既日本沖繩名物-海葡萄，有類似細細粒蟹籽／跳跳糖的口感，輕輕一咬,感受到清脆外層，然後爆出海洋鮮甜滋味，好juicy！沙律菜,配上柚子汁，好開胃！🥢刺身三點分別是：赤蝦、油甘魚、吞拿魚。赤蝦蝦味濃郁,油甘魚同吞拿魚都好厚切，鮮甜肥美！想讚下佢個豉油碟，斜斜地既，可以避免點得太多豉油。日式果然細心！細節照顧得到！🥢 鐵板燒北海道帆立貝燒帶子外層焦脆，入面鮮味嫩滑又有肉汁。好靚，𠝹曬花又切好曬，刀功一流。！有少少bb菠菜墊底，連d菜都超爽甜。🥢

尖咀金馬倫新開 三日月 推出勁豐富 一人前鐵板餐 價錢由$798-$998岩晒慶祝想食餐好嘅朋友仔～同行友人同我都好中意食蠔同鮑魚就揀左 三日月A5 宮崎和牛鮑魚一人前鐵板餐$998 前菜 三小點豆腐、茄子、煙燻雞肉極上刺身牡丹蝦 拖羅 帶子 油甘魚海葡萄沙律 生牡蠣 來自北海道生蠔，蠔肉鮮甜飽滿鮮活南非鮑魚 睇住料理過程見到大大隻鮑魚鬈鬈下，超級新鮮！口感亦鮮甜彈牙，新鮮海藻淡淡的調味鮑魚膽亦調理好，味道咸咸甘甘（二選一）主菜帝王虎蝦帝王唔講得笑，超大隻拆肉燒完再拼好擺盤，簡單用番本身蝦膏鐵板炒，質地紮實爽彈，有食緊龍蝦嘅口感，有驚艷到～深海野生白鱈魚 白鱈魚燒到外層金黃香脆，肉質紮實鮮甜，配上白蜆汁有加乘作用！茶碗蒸加左三文魚子增咸鮮，蛋嫩滑有鰹魚香！A4鹿兒島和牛卷 附酸汁、味增醬及芝麻醬 3款薄薄A4和牛加爆炒金菇 ，比平時用蔥嘅口感會再juicy d味增湯鐵板炒飯將櫻花蝦、白飯魚、蝦乾仔 加入梅子醬炒成～料同飯可以話各佔一半！ 食到一半更可加入鰹魚汁 做 #茶漬飯 梅子醬酸味更顯突出！甜品：日本抹茶雪糕 味道有回甘，淋上朱古力醬同灑上脆脆！用餐體驗雖節奏有點快，但係整體食物

金馬倫廣場，寫字樓既大厦，唔係朋友介紹都唔會知道呢度有間餐廳。只有lobby水牌有餐廳名，無好似其他食肆大樓會放晒d menu宣傳係樓下，感覺高級同埋真係識食先會識黎。一出lift就見到三日月招牌，右邊就是餐廳，一入到去指定安心動作哈哈，我部廢電話要搞好耐，職員都好有耐性，加分。餐廳格局有一邊係鐵板燒bar位，另一邊近窗就開揚d既4人枱，仲有入面d既房位置，位置選擇夠晒多。好好彩咁啱有鐵板bar位，最鍾意就係望住師傅整野食😎鐵板set 由$798至$2480都有，第一次黎，就嗌左個入門版$798 既三日月極上一人鐵板餐，好精緻好豐富。前菜同頭盤都好精緻前菜三小碟 -豆腐、茄子、煙燻雞肉煙燻雞肉配檸檬，切薄片既雞肉煙燻過，雞肉結實煙燻味不重帶少少咸香，配埋檸檬幾特別。時令生蠔🤤好似係北海道生蠔，配魚子，日本生蠔海水味不重但非常飽滿creamy，一啖過好滿足海葡萄沙律柚子醬非常refresh刺身-赤蝦、吞拿魚、油甘魚厚切刺身，吞拿魚口中慢慢溶化，一級棒燒帶子 菠菜墊底既燒帶子，前幾道菜都係冷盤，熱盤第一道就係本人至愛既帶子，正！虎蝦自選㨂左虎蝦，擺盤精緻，虎蝦多肉鮮甜仲有好多蝦膏，師傅將蝦

前幾日同朋友去左尖沙咀呢間三日月食鐵板燒。三日月極上一人前鐵板餐 $798前菜三小點豆腐食落涼浸浸，豆腐滑嫩，充滿芝麻香。茄子配埋木魚絲。煙燻雞肉刺身第一次試雞肉刺身，煙燻過後食落有啲似煙三文魚嘅味道，不過變左係雞肉，幾特別。北海道生蠔上面淋左酸汁，生蠔食落鮮甜，入口creamy。海葡萄沙律沙律食落清新，酸酸地幾開胃。海葡萄入口爽脆。刺身三點有三款，分別係赤蝦、吞拿魚同埋油甘魚。油甘魚食落油脂好豐富，好食。鋨板燒北海道帆立貝食落超鮮甜，同埋好香牛油味，表面脆脆地，好食。茶碗蒸入面有黑松露油同埋三文魚子，雞蛋好香滑。深海野生白鱈魚配上白蜆汁，調味得啱啱好。白鱈魚好鮮嫩，好好食。鈸板燒日本野菜分別有蘆筍、南瓜、蓮藕同埋冬菇。蓮藕好香脆鮮甜，南瓜食落香甜綿密。鹿兒島黑毛豬肩豬肩配埋甜甜地嘅醬汁，肉質滑嫩彈牙，燒得啱啱好。配埋薄薄地嘅炸蒜片好正。鐵板炒飯用左櫻花蝦、木魚碎，加入師傅特製酸梅醬同白飯一齊炒，食落惹味。食一半之後可以加入鰹魚高湯，就好似食緊茶漬飯咁。不過我都係鍾意本身嘅炒飯多啲，香口啲。味噌湯甜品係抹茶味嘅雪糕，上面配上士多啤梨脆脆，好食。

📍三日月📍💡尖沙咀好耐冇食過鐵板餐見到網上推介高CP既三日月MIKAZUKI就決定今日lunch要好好獎勵下自己🙉日式水泥簡約時尚風格吧枱位置 仲可以睇到師傅即席烹煮👨🏼‍🍳😋揀選左「三日月一人前鐵板燒 」($598)🐥前菜三小點芝麻豆腐，汁煮茄子🍆，煙燻雞肉由清淡至濃味，芝麻豆腐食落濃濃芝麻香，汁煮茄子🍆醬汁惹味，煙燻雞肉刺身，第一次食，煙燻既清香配上較滑既雞片🐥刺身三點赤蝦，吞拿魚，油甘魚鮮甜 而且仲好厚身🐥鐵板燒-北海道帆立貝。日本燒菜🐥茶碗蒸特別之處在於加左黑松露油香氣撲鼻仲有三文魚籽香滑可口得黎又多左點口感😋🐥吞拿魚沙律🥗🐥有6款主食可供選擇挑選左和牛封門柳同紐西蘭羊架師傅之後會展示是日食材好有儀式感 令到期待感UP🐥和牛封門柳 5成熟 剛剛好入口即化 令人食唔停口🐥紐西蘭羊架煮出嚟比預期多攞盤精美🐥麵豉湯🐥最後鐵板炒飯 少油比較乾身滿滿櫻花蝦香口煙煙韌韌提供左鰹魚湯可以加落一半炒飯變成湯泡飯一味兩食口感更加豐富🐥紅豆🫘雪糕🍦真係好滿足埋單都係$598加一#尖沙咀#尖沙咀美食 #美食日記 #食好西 #大滿足#香港美食指南 #香港美食 #香港美食 #香港 #hkfoodie

三日月MIKAZUKI 座位闊落坐吧枱可以睇到師傅煮鐵板餐特別既日子 食得豐富一點🥰今次揀左🔆三日月一人前鐵板燒🔆$598有6款主菜可供選擇選擇好 師傅就會開始著手準備🍀前菜三小點芝麻豆腐。汁煮茄子。煙燻雞肉由味道啖至濃咁享用芝麻味濃 比起普通豆腐 會有啲唔同茄子十分入味煙燻雞肉刺身 又幾特別🍀刺身三點赤蝦。吞拿魚。油甘魚🍀吞拿魚沙律🍀鐵板燒北海道帆立貝大大隻 厚實鮮甜🍀鐵板燒日本燒菜🍀麵豉湯🍀茶碗蒸師傳加左黑松露油食落香滑得黎，帶有黑松露香味三文魚籽 增加口感🍀紐西蘭羊架簡單調味過 同香草🌿一併輕微煎香🍀和牛封門柳 肉質鬆軟 而且牛味濃煎到5成左右好好味😋🍀鐵板炒飯留一半炒飯 加上鰹魚湯有兩種食法乾身香口有咬口泡飯清香惹味🍀是日甜品 紅豆雪糕

疫情下，要安排飯局已經冇咁容易，難得出嚟，梗係要食好啲。呢間餐廳，淨係環境，已經令到人未食先滿足；好寬闊嘅空間，氣氛好舒服寧靜，同另一半或者知己好友喺度慢慢食傾吓計，絕對係一種享受。同朋友一齊揀咗極上一人錢鐵板餐。首先前菜分別有豆腐、茄子同埋煙燻雞肉。煙熏三文魚食得多，煙燻雞肉都係比較特別嘅嘗試，原來都幾香幾夾。跟住有我最愛嘅生蠔，淨係睇個樣已經知佢咬落去有幾咁飽滿，蠔香同海水味平衡得剛剛好。至於海葡萄沙律，口感非常之豐富，食材新鮮甜美。刺身分別有吞拿魚、赤蝦同埋油甘魚，每一塊都好厚身，有魚油香而不油膩。呢個鐵板燒帆立貝爽口香甜。二選一嘅部份我揀咗深海野生白雪魚，個面煎得好香脆，但魚肉嫩滑鮮甜，個汁清香。四選一嘅部份就揀咗紐西蘭羊架，一啲都唔騷，而且餐廳切好一塊塊，讓客人可以優雅地品嚐美食。另外仲配上酸汁、味噌汁同芝麻醬，客人可按個人喜好，刺激味蕾。茶碗蒸絕不馬虎，魚子、海帶、黑松露油豐upgrade左一個看似普通嘅菜式。然後仲有味噌湯同鐵板炒飯，炒飯入面有櫻花蝦，仲另外有壺鰹魚汁俾大家，一碗飯都分唔同口感。最後就簡簡單單有一杯抹茶雪糕，大滿足。

慶祝紀念日，決定搵個靚小小嘅地方食好啲。一開lift門，餐廳嘅門面已經令人充滿期待。有幾款set menu，我哋揀咗呢款。前菜包括有豆腐、茄子同埋煙生雞肉。呢個豆腐同平時食開嘅好唔同，豆腐味好濃好香。跟住好快已經係北海道生蠔，好肥美。海葡萄沙律，好爽口。刺身有赤蝦、油甘魚同吞拿魚；鐵板燒帆立貝，通通都好新鮮。接住落嚟就係自選項目，我自己揀咗虎蝦同埋和牛封門柳。前者煎得好香脆，連殼都吞得到；後者揀咗五成熟， Juicey而且好香牛味，配菜都絕對唔馬虎㗎，好欣賞個筍、蓮藕片同啲脆脆。然後幾特別就係味噌湯同茶碗蒸係比較後上，最後就當然係甜品啦：綠茶雪糕。

又一個特別日子 每逢呢一個日子要食乜嘢係最難最複雜嘅，仲要次次都係我諗，諗得唔好又會俾人鬧，所以一定要精挑細選過，以確保萬無一失。今次揀中嘅係呢間三日月，有日式嘅鐵板燒食，仲要係師傅喺你面前親自主理。頭先講講前菜嘅三小點精緻美觀而且味道特別，特別要提嘅就係呢一個豆腐，佢嘅豆味非常之濃郁，而且入口即溶，有別於平時出面食嘅豆腐。之後就係好清新嘅吞拿魚沙律，鮮味嘅魚，再配上新鮮嘅蔬菜同埋酸汁，令你格外開胃，為之後嘅美食打開序幕。刺身三種，特別喜愛甜蝦，蝦味濃而且好甜。銀鱈魚一向都係我嘅最愛，自己平時喺屋企會用西京燒嘅汁嚟醃咗再煮，但係呢度嘅師傅冇經過任何醃，只係單單用鹽同埋胡椒已經可以帶出魚嘅鮮味，仲配上特製醬汁，美味非常。帝皇虎蝦，聽到個名巳經好厲害，真係好大隻，又有好多膏，肉質又爽，咬落去啖啖肉，正呀。。。我嘅主角終於出場，鵝肝，呢塊未煎嘅時候望落去已經非常之大舊，流晒口水。師傅仲配咗甜醋汁，可以中和返鵝肝嘅油膩 另外仲配備多種唔同嘅蔬菜，平衡味蕾。食到呢到其實巳經好飽，平時我巳經食唔落，感覺牛扒會好油膩，但係呢到嘅牛唔係純粹煎，用左葱花，雜菌夾喺中間，唔油之餘仲好香，食多兩件都無問題。

三日月極上一人前鐵板餐MIKAZUKI Premium Teppanyaki Set for OnePer Person $798 (+10% Service Charge)三號風球橫風橫雨，食返餐好嘅！Appetizer 前菜三小點 豆腐、茄子、煙燻雞刺身（檸檬）由淡到濃、由軟到硬，正！豆腐超香豆味超滑！Sashimi 3 kinds 刺身三點赤蝦好爽口彈牙，吞拿魚夠厚又多魚油，而油甘魚夠肥美。 Sea Grape Salad 海葡萄沙律Seasonal Fresh Oyster 季節時令生蠔北海道生蠔chill鮮甜同creamy，配上少少酸汁夠開胃。Teppanyaki Hokkaido Scallop 鐵板燒北海道帆立貝大大粒，燒得有少少蕉香，正！Chawanmushi 茶碗蒸呢個蛋好滑，仲有啲黑松露味。個頂仲有啲魚子同高滑，味道更豐富。Teppanyaki Grill veggie 鐵板燒日本野菜有蘆筍、南瓜、蓮藕、冬菇。燒得好香，展開鐵版燒嘅序幕。我最鍾意食南瓜因為好甜。King Prawn 帝王虎蝦除咗蝦仲可以揀深海野生白鱈魚。蝦頭蝦鬚煎香咗都可以食，好脆好特別。蝦夠彈牙同

同友人慶祝生日, 想食日本料理, 好多間晚餐都人均過千, 睇左一輪openrice 搵到呢間人均$800左右嘅鐵板燒, 而且又唔少好評, 所以決定一試!我地request 左bar枱, 可以近距離見到廚師處理食材係一種享受, 而且位置闊落, 坐得舒服, 又難得抽風系統做得唔錯, 餐後衣物都冇吸味👍🏻我地揀左極上一人前鐵板餐 $798🤩🤩1. 前菜三小點第一次食雞肉刺身, 其實感覺像魚生, 幾好食2. 刺身三點新鮮有質素👍🏻 油甘魚一流3. 海葡萄沙律沙律汁酸甜開胃, 蔬菜亦新鮮冇苦澀味, 正常發揮4. 生蠔 🦪 Size 大又鮮味👍🏻滿足5. 鐵板燒帆立貝 6. 茶碗蒸7. 鐵板燒日本野菜 & 和牛封門柳覺得最好味係蓮藕 好清甜香口👍🏻其次係冬菇> 南瓜> 蘆筍和牛發揮平常, 沒有太大驚喜😀8. 帝王虎蝦有驚喜👏🏻👏🏻賣相又靚比想像中大隻而且蝦膏濃郁👍🏻朋友揀咗鱈魚都唔錯, 都好快溶於口不過相對地虎蝦好食啲, 最後蝦頭手腳連殼食埋🤣👍🏻👍🏻正！9. 鐵板炒飯 & 味增湯炒飯比較硬身, 乾身所以佢又配左一壺茶俾我哋, 變成茶漬飯10. 甜品係芝士蛋糕配豆腐雪糕細細件已很足

朋友生日當然要搵一間舒服又好味既餐廳慶祝一下啦，上網睇到一間上樓既鐵板燒餐廳，不論係評價/睇相都覺得幾唔錯，美中不足係不能夠坐係鐵板前邊食邊欣賞、不過餐廳本身座位都闊落舒適。是日叫左個最平既餐，但每道餸都好用心，好精美，唔只睇得仲食得！我自己最鐘意就係最尾既菜漬飯，炒飯本身炒過好乾身好香口，就咁食都已經好好味，但配返湯，帶出湯既鮮味，令到炒飯提升到另一種感覺，雖然好飽但都忍唔住食哂！最後仲有綠茶雪糕，非常完美既一餐！

慶祝周年紀念，選擇了太太最喜歡的日本鐵板燒，今次到了尖沙咀的三日月。套餐由五百多至一千多都有。先來前菜是黑醋海葡萄雜菜沙律，非常開胃！刺身三點盛，今次有赤身，油甘魚和赤蝦，非常厚切，口感和鮮味都極好！北海道厚岸蠔，肥大肉厚，海水味濃郁，加上少少酸汁，很易入口。三文魚子蒸蛋，非常幼滑，普通得來十分矜貴。巨型帆立貝，輕輕香煎保留了帆立貝的原有鮮味！鐵板銀鱈魚，煎得香口，鮮味無比，加埋特製奶油醬汁，又香又滑！和牛一點也不肥，肉味香濃，七成熟剛剛好！鐵板炒飯，炒得乾身，火候十足！最尾一個芝麻雪糕，非常完美！師傅會詳盡解釋來源和做法，十分專業！員工收碟加茶都非常快，服務周到，人均幾百元很不錯呢！

朋友生日訂定位同佢食鐵板燒慶祝~~~ 上網見到呢間位於尖沙咀既鐵板燒環境唔錯就想黎試下.....我地BK左6點鐘, 好開心可以坐"BAR枱"欣賞日本師傅即席烹調 建議早D入座會好D可以坐到"BAR枱", 如果唔係就冇得對正師傅會冇咁好FEEL~~我地每人對左個鐵板餐, $798/位, 以鐵板燒黎講價錢算經濟我地既新鮮鐵板燒食材前菜3小點豆腐--一口豆腐豆味濃, 口感嫩滑涼伴茄子--味道清新可口雞柳--加檸檬點綴口感好fresh~北海道生蠔原隻生蠔肉質肥美, 甘甜鮮味海葡萄沙律海葡萄營養價值高, 口感卜卜脆~沙律菜新鮮脆口, 配埋醬汁食好開胃刺身3點分別係油甘魚, 吞拿魚 & 赤蝦油甘魚刺身脂肪含量低, 蛋白質豐富, 入口甘香, 油份充足~吞拿魚油脂甘香, 入口即溶赤蝦蝦肉新鮮, 肉質緊實爽口鐵板燒北海道帆立貝北海道帆立貝厚實飽滿, 煎得金黃, 肉嫩鮮甜茶碗蒸口感非常嫩滑, 味道濃郁, 整得好出色帝王虎蝦賣相好靚又吸睛!! 師傅好細心咁烹調完再砌返原隻蝦型~~帝王虎蝦超級大隻, 有我成隻手臂咁長蝦肉非常結實又彈牙美國安格斯牛柳安格斯牛柳肉質紋理細緻, 含脂量少, 肉質柔嫩且鮮嫩多汁味噌湯

今日同朋友一齊去食鐵板燒，約咗佢好耐，鍾於約到，滿有期待。 有人鍾意食席前鐵板，望住師傅煮，零舍吸引；有人鍾意揀餐枱食，遠離油煙。 我同朋友都係前者，聽覺嗅覺視覺同時享受。 餐廳雖然地方唔係好大，但都有唔少食客，鐵板吧枱已經坐滿人，我地佔咗兩位~~ 大家都揀咗【三日月極上一人前鐵板餐 】$798/位！先嚟【前菜三小點】有凍豆腐、木魚茄子同雞肉刺身。第一次食雞肉刺身，戰戰兢兢，唔知咩味道呢？蘸上少少檸檬汁，入口一試，哈  都幾似煙三文魚味，幾特別！【刺身三點】赤身、紅蝦、油甘魚，擺碟精美。【海葡萄沙律】清爽柚子汁特別開胃，加上爽脆海葡萄，好啱夏天！【季節時令生蠔 】係來自北海道嘅生蠔，好大隻，肉厚鮮嫩，好想再食多隻。師傅先俾我地睇吓食材先，都幾豐富呀！【鐵板燒北海道帆立貝+ 鐵板燒日本野菜】帶子煮得啱啱好，兩邊微焦，入面又有一點溏心嘅感覺。【茶碗蒸】入面加咗黑松露油同三文魚籽，提升味道層次。一打開蓋已經聞到好香！【帝王虎蝦】大到一隻碟咁大，仲排到好有氣勢，原隻蝦還原咁！個醬汁見到師傅用蝦膏同牛油精心調製，味道香濃。 蝦肉超彈牙，甚至連步足位都整到香脆，可以食埋佢添！ 【美國安格斯牛柳】切