三喜餐飲小廚鑊氣小炒雞煲火鍋 (已結業)

今天同女朋友行街在佐敦，正正是晚上時間。女朋友話想吃雞煲，於是行了一陣見到有間雞煲火鍋，在門口以感覺到雞煲味。於是入去看一看環境也不錯，見到menu 有個叫九尾雞煲都幾特別所以叫了一個試一試，煲內有好多藥材在內所以如果喜歡藥材味就必叫，雞肉也有重藥材味而肉質好新鮮。還有雞煲雞湯也是好清而不咸。而黑墨魚丸也是非常彈牙，特別之處是內裏墨魚粒好大粒，所以口感唔錯。還有新鮮帶子在雞湯內滾熟是一流的加上手打烏冬也被藥材味浸入。當然小炒也有話梅骨配炸鮮奶，排骨口感非常軟，而且話梅味非常入味但炸鮮奶就好油。

前幾日開openrice見到呢間餐廳既最新食評，俾佢個名吸引左，個名就已經清楚講餐廳有咩野食，咁我就因為雞煲兩個字黎試除左雞煲之外都有其他湯底可以選擇揀左半隻秘制奇味雞煲 $118份量一d都唔似半隻，好似食極都有咁，好野味，令人想食完又食，出面雞煲通常有麻味，佢既秘制醬就無麻味，只有辣味，但味道非常不錯佢配有調味料，但我最終都無點過 因為雞煲湯底已經好足味雞都好滑同香濃手切肥牛 （小）份量都多，而且肥瘦分佈平均 食落口好香濃牛肉味，推介鱔片係第二樣推介既野，好鮮甜同大件另外叫左d普通配料，但吸入湯汁後好正，又甜又正整體上都滿意，不過帶子唔知點解有d沙，其他野都

呢幾日日都落雨好悶熱 ，想食番d辣野刺激下味覺， 好耐冇食辣雞煲啦。咁啱 去開佐敦 於是去左 渡船角食街， 搵雞煲食下。行過見到三喜 時間尚早餐廳還冇乜人， 餐廳好光猛，乾乾淨淨咁， 坐得幾舒服。點左個奇味雞煲中辣試佢先， 半隻雞 屬於分量 很多 ，等左一陣滾起左就食得啦 ，雞煲上面放滿 是我最愛的 洋蔥同埋芫茜， 醬汁好香濃，辣味做得很出色 ， 還帶點甜 ，香味四溢。原來我還可以要再辣一點，下次可以試大辣。 雞件很多肉還很嫩滑， 索埋d醬汁食 非常 香口呀！$68新鮮本地牛肉 很大碟喔， 牛肉很鮮甜， 而且又厚又大塊食落好好口感。新鮮肥鵝腸 用來陸雞煲好一流， 索曬啲汁 好好味，而且鵝腸帶點肥 亦非常爽口。牛骨髓本身 無乜味道 ，因為雞煲 醬汁比較濃，配埋一齊食先會好惹味， 而且我最愛佢口感又粉又滑。新鮮桂花蚌 很新鮮大件，用來打邊爐或雞煲食非常出色， 不過記得時間唔好滾太耐，如果唔係就會變得很韌。

佐敦其實都收埋收埋好多正餐廳。平時少去茶餐廳是因為怕污糟，不過三喜應該是新開的，裝修企理，而且座位都很寛躺，很舒服。午市的套餐價錢都很親民，約$40左右。晚市的價錢亦是一般比較大眾的收費*銀杏鮮腐竹浸時蔬($68)腐竹不會煮我太淋，仍保留到應有的口感；菜心洗得乾淨，沒有苦味，而且煮得剛好不會變黃，味道清清地，不會太咸。*蜜椒鱔球($128)鱔加了炸粉炸過，再加入用黑椒汁炒起的洋蔥、紅椒、青椒。平時最怕就是炸的，因為炸粉很易會做得很厚，但這個鱔球的炸粉好脆薄，而且完全沒有碎骨，除了本身的咸咸辣辣的味之外，還帶有少少蜜糖的甜味，非常適合餸飯。*口水雞(例牌)($58)口水雞上灑了炸蒜、辣椒和蔥。雞肉用上的雞脾位和雞胸位。雞脾位好滑，而雞胸有點「鞋」。這道口水雞不是不辣，略嫌不夠辣，豉油多於辣油，所以味咸多於辣。經理解釋說是為了迎合香港人的口味，所以略為調整了，所以下次落單時可以說加辣。*白飯($10)叫了那麼多小菜，當然要多加一碗飯吃。*窩心炸鮮奶($58)炸鮮奶很少地方可以吃，看到有這道菜，二話不說點了先。果然沒有令人失望，炸得外脆內滑，炸至剛剛好變金黃色，鮮奶餡帶有少少甜。

今日去左佐敦果邊陪個姊妹行街買野, 越行越過仲去左柯士甸站院近,拎住2袋戰利品就唔四圍搵啦,都係搵間冇人餐廳食野~見到有雞煲食我對眼發左光! 好耐冇食過啦! 天氣熱左之後就少左好多打邊爐食雞煲LU...叫左一個奇味雞煲(中辣), 佢地既辣味同出面果種好唔同,係會留係口中一陣既辣,而且有生洋蔥同莞西, 辟走左陣味, 食完一舊雞辣足幾分鐘嫁~但食完又想再食, 好興奮~~~雞肉唔算好稔, 有少少鞋, 但好入味, 食雞煲梗係食個醬既味道啦!煮耐左之後就轉左打邊爐啦~打邊邊一定叫一定係本地手切牛肉啦~呢間餐廳D牛肉切得好厚, 所以要煮耐少少, 10-12秒左右啦, 就岩岩熟了, 牛肉味好香濃, 唔好點醬汁最好食!

好耐沒跟朋友去八文樓找吃的我對八文樓非常有情義結小時候住過好一段時間今次最主要是想吃雞煲，所以找到這間有九尾食材吃的雞煲 (半隻$128)一行數人，一坐下不用想，就點了一個台灣九尾雞煲，另一個是帶辣的奇味雞煲 (半隻$128)剔剔畫畫，點了很多配料海味小炒王 $88小炒王好有鍋氣，九菜腰果都非常香脆，蝦乾微咸帶鮮，整個菜式都好惹味秘製三層豆腐 $78另一款見「秘製」也點了，三層由菠菜面、黃豆漿、紅豆底製成豆腐豆腐四邊都煎得薄薄脆脆，內裡滑滑香香口感很特別，再淋上秘製醬汁，甜甜地，說不出的美味說是遲那時快，雞煲很快就滾起來原來九尾是這個樣子的打開蓋，還以為是人蔘因為好奇，問了店家，原來真身跟人蔘真的好似狗尾草(又稱九尾草)其實是一種很滋養的藥材，台灣較流行，香港其實不多見滋潤、不燥、開脾、降胃火，對健胃非常帶利味道帶甘，加上雞一起煲，我們一人一碗九尾雞湯，又濃又香又養胃為了這個藥膳來吃，果然沒有揀錯奇味雞煲我們點了小辣，因為有朋友不受得太辣味道很濃，雞鮮嫩，好滑口夠滋味食完雞，點了的配料都上台了，打邊爐開結啦~食材好新鮮有點 牛、海鮮、蔬菜、丸丸 、餃餃....我最喜歡特級安格斯肥牛 -

本來沒想寫食評的, 但試過他們的三色豆腐之後決定還是要寫一下, 因為太好吃了!路途比地圖遙遠, 我們在柯士甸走過來花了整整15分鐘!先講講就是三色豆腐啦, 獻汁很少但味道很出色! 因為含有豐富蛋香, 而且中間是黃色的樣子, 所以肯定了下了雞蛋, 邊邊十分爽脆, 應該是經過烘烤, 如果獻汁更多一定會更好吃!這是蜜椒大蝦球, 樣子不像是嗎? 但入口非常甜而且邊邊香脆無比! 裡面彈牙鬆軟, 蝦肉超新鮮, 好似游水蝦一樣...甜甜的外皮亦惹味非常, 推介海南咖哩牛腩是用來配飯食的, 底汁適中不濃不稀, 不會太辣老人家都岩食, 牛腩的位置非常鬆軟, 因為滿滿的油脂所以入口即溶, 超好味 YUMYUM!不過吃到後面就比較多洋蔥同三色椒, 如果煮得熟一點就PERFECT!

無論係咩天氣都想食雞煲！食雞煲一定要搵三五好友啦～今次去到三喜食雞煲，係同事食過話好食，所以帶朋友仔黎食下！地方非常光晚整潔，而且地方非常寬敞，冷氣又夠勁，唔怕食到成身汗！指定動作，叫左杯凍檸茶飲小甜，檸檬有成五塊咁多，酸味十足，透心涼，正！海南椰子雞煲超重椰子味，椰子完全滲透雞肉，令雞肉充滿椰子的香味，而且雞肉非常厚肉。當享用用雞肉後，原來呢個雞煲湯底係可飲用，椰子味不但重之餘，仲唔會太油膩，湯底重有椰子的甜味，我們飲到停不到口了。飲完湯後，便開始打邊爐了，店員會幫我地加湯去打邊爐，而且仲會有配料給我們享用。靚魚皮餃 （10粒）魚皮餃唔單止皮薄，咬口十足，再配埋椰子味湯底，簡直十分匹配。花技片這個花枝片火鍋必定要叫的，不單非常新鮮，而且厚厚的非常有咬口。蜜椒鱔球鱔球非常大粒，酸酸甜甜的非常開胃，而且仲沒有骨，能夠大啖大啖的咬，啖啖也是肉，鮮甜！正！其實能夠與三五自己一齊出黎食飯已經好開心了，仲要食到平價而又好味的野食，真係太好了。

有日同好姊妹去開佐敦行街買髮型用品，行行下不知不覺已經到左食晚飯嘅時間。我老公就突然話好想去食雞煲，咁我地唯有行去文蔚街果邊搵下有無雞煲食啦﹗行行下見到呢間三喜，個招牌上面大大隻字寫住雞煲火鍋，於是就是但行左入去試下啦﹗餐廳裡面環境都算幾大，裝修感覺好似一間茶餐廳，不過環境同衛生都好似唔錯。我個姊妹其實就唔太喜歡食濃味野，咁老闆娘就推介我地食呢個「海南椰子雞煲」，佢話呢個主要係飲D湯為主，不過好姊妹都好想試，所以就點左一煲。椰子雞煲裡面都幾足料，D湯真的勁鮮甜，而且有一陣陣椰子香味，大家都不停係咁飲D湯。不過雞肉方便就老左D，而且無咩味，所以老闆娘無講錯，椰子雞煲真係主要係飲湯，重點唔好放錯係D雞度呀﹗咁我老公同好姊妹個男朋友兩個都喜歡比較濃味同香口D嘅野，咁老闆娘就介紹我地點「秘制奇味雞煲」，佢兩個仲要求要中辣，我都有D驚太辣會食唔到。點知個煲一黎，陣味真係勁香，搞到我好想食囉﹗連我個姊妹都忍唔住要試，可想而知陣香味有幾吸引呢﹗我地點左半隻雞，份量都算適中，雞肉嫩滑又入味，中辣竟然唔算太辣，而且唔會有麻的感覺，只有香辣味，所以連我同好姊妹都食到津津有味﹗兩個男人都要求要食牛肉，於是點

佐敦一向都係有非常多特食小店, 所以平時得閑都會同朋友們黎呢區食飯聚會. 而今次我地就黎到呢間雞煲小店. 有多款較有特色的雞煲湯底火鍋紙台灣九尾雞煲 (HKD128/半隻) 老闆見我地大部分都是女仔,因此推介我地試下台灣的藥膳煲: 九尾雞煲. 而且仲聽講呢個湯對女性身體好好, 補而不燥, 不用怕飲完後會流鼻血.湯底除了九尾草外，還加入了多種藥材，如紅棗, 杞子, 淮山等等. 湯色非常濃厚而且飄黎陣陣的甘香味, 一看便知熬制了不少時間. 雖係藥膳煲, 但入口卻不帶藥材味, 反而非常濃郁甘甜, 順口非常. 飲完一啖仲會feel到有回甘的感覺. 係我近排飲到最好味的湯! 而湯中的雞肉好滑好彈牙, 都唔錯.秘制奇味雞煲 (HKD118/半隻)雞肉食落好嫩滑好彈牙, 雖然醬汁濃但都食得出有雞味.自製的醬汁非常香濃惹味, 有陣陣的咖哩香, 令人垂涎三尺. 嫩滑雞肉加上惹味醬汁令人停不下口. 食完所有雞肉後, 即加入上湯連同煲中的醬汁一齊煲滾打邊爐.特級安格斯肥牛(大) (HKD178)肥牛的肉色紅潤, 而白色脂肪分佈均勻. 牛肉切得比一般餐廳的安格斯牛厚身,所以食落會大啖大啖肉咁, 令人好滿足.

估唔到比我發現有如此平平無奇嘅餐廳入面嘅食物可以噤出色，竟然可以媲美連所大酒樓，但價錢大眾化，裏面嘅火鍋食材好用心，分別有安格斯肥牛、桂花蚌、帶子、日本廣島蠔、雞子、牛骨髓、牛栢葉等等應有盡有數之不盡，但我同一班朋友好胃食連小炒雞煲都唔放過，因為一班朋友出黎食飯又點可以唔盡興，所以我地點左奇味雞煲，羊腩煲都出奇好食，大家重叫左啤酒飲添，一班朋友本想聚舊，但大家都好似發現新大陸一樣停唔到手更加停唔到手。

想食雞煲加埋打邊爐喺香港根本唔難，坊間有大大小小，不同類型的雞煲實在太多太多。今天就諗住去佐敦渡船街那邊三條食街逛逛睇下有乜新發現。。。行入文蔚街就見到間啱啱開張冇耐嘅三喜，門面光猛整潔，從街大玻璃看見入面座無虛席，心想可以試試。。一入去坐低，就聞到不同雞煲嘅味道，見到椰子雞煲好香好香，旁邊嗰枱三四個女仔就討論緊佢地試緊台灣九尾雞煲有幾好食同埋個湯好清甜好飲。既然一場黎到，我就試下我最心儀嘅花鵰雞煲。。一坐低，應該係三喜nice老闆娘招待我，我話食火煱，佢就給我不同醬料加添(埋單先知冇收醬料錢)同埋介紹不同類別嘅雞煲，但係動搖唔到我嘅最愛花鵰雞煲。三喜花鵰雞煲，全隻雞用花鵰浸住上枱，完隻舖排得好靚，足以証明廚師用心嘅地方，個煲好清甜也帶用酒香，平時一飲就知有冇加味精，佢地應該冇乜落，不過食完再講先。。。花鵰雞雞肉好滑加上酒味，足以再三回味，近期難得一遇用心做嘅花鵰雞煲，再試下其他火煱配料先得，眼見火煱紙上大同小異嘅配料中俾我發現少有嘅手切安格斯肥牛，雞子同鵝腸，所有配料價錢標格不高，所以本住試下心態再點埋來做個食評。安格斯牛肉(大)： 肥美肉質鮮味滾完唔嚡，重肉味。食完成碟都唔夠喉，抵

在香港， 不想受地產商打壓，除了走到樓上外，就只有越走越邊，像柯士甸，除了那家紅得發紫的川燒，還有長期排隊的隨變雞煲。看見隨變雞煲的人流，於是大伙轉場，走著走著找到了這家三喜，本來只是想吃一頓聚舊飯，想不到那麼好吃，柯士甸果然臥虎藏龍！手寫版的ＭＥＮＵ頗有ＦＡＳＩＯＮ感，原來老闆娘也是年輕一族，難怪在中菜館也會那麼特別。除了小炒，原來小店主打台式藥膳雞煲，這個台灣九尾雞煲加入了九尾草，這個有台灣人參美譽的植物為雞煲的湯底傳出陣陣中國藥膳的甘香，湯底性温不油膩， 同時為寒底的朋友促進血液循環，實在不錯！因為湯底的突出，雞肉在相比下比較一般，也難怪，一般雞煲吃的都是辣味，換了有湯底的雞煲，主角自然不同。三層豆腐外皮香脆，內部充滿著蛋香，小小獻汁的甜香點綴了這道簡單的菜色。蜜糖炒牛柳薯仔比我想像中出色，薯仔煎得非常香脆，嚼勁幾乎可比薯條，外面的蜜糖亦燒得乾身，完美包裹著整個薯仔，非常彈牙，而深紫色的竟是紫薯！如此大膽創新的菜色竟在這小店出現，值得一讚！大良炸鮮奶炒肉排，炸皮略厚，不過裡面的鮮奶保持著高溫，咬開的時間還有冒煙，合格。肉排有骨但不算大，令肉質不易鞋，但選用的肉排肥肉量頗多，肉質是

正氣台灣九尾雞煲@三喜餐飲小廚鑊氣小炒雞煲火鍋佐敦文蔚街17-19號地舖2月天天氣很難捉摸, 就如女人的心情一樣,一下子由18,9度又急降回十度左右, 起伏得坐過山車一樣。因佐敦大街的餐廳已吃得悶了, 2人就走到碼頭找點新鮮感,這小店看了門外是有打邊爐及小炒。小店約有 4,50個座位, 建議人多要訂位就更好安排。四川又辣又油的雞煲食悶了?很多女生也怕肥對它避之則吉。湯底引進了台灣的九尾雞煲，老闆娘推介對女生身體好及養顏，九尾是草藥的一種，樣子似幼身人蔘的便是了。加了紅棗杞子，口湯有股甘甜味絕對沒有藥材味，我們兩個女生品嚐雞肉後再把湯喝清。論雞肉，多肉又結實。其實雞煲吃完就可以轉成打邊爐，但2個女仔必定吃不到，半份雞已綽綽有餘，決定點小炒。小炒類保証有驚喜, 就算飛到台灣也未必有機會吃到,對愛嚐鮮又為食的香港人可以說是一個探索有趣的小天地。自家製三層豆腐超大件頭，有半塊豆腐那麼巨，咬開是淡黃色有蛋香，心中知妙是雞蛋，因有好多氣孔口感又與豆腐有點分別，甚是有趣。最頂的色澤滲點綠，不難估打了蔬菜，會比較紮實，整塊豆腐表有煎香似薄衣，淋上醬汁提香。話梅骨，如豬扒似的卻有五花腩的油脂，酸甜汁中含

路過佐敦，忽然肚餓想食雞煲，喺出名多野食嘅渡船角發現到呢間全新開張的三喜👀，決定一試。👅九尾雞煲用料足，安格肥牛頂瓜瓜！九尾草 又叫 台灣人蔘係極具養生保健能力的食材，配合原隻（可選半隻）雞一齊燉煮大半日 味道十分濃郁，而且食完一d口渴感覺都冇。真心讚！👍🏻👍🏻👍🏻據老闆介紹呢個湯對女士身體特別補，身邊朋友試完之後都話要帶埋老婆 女朋友 嚟試 ！其他火鍋食材亦都一流 安格斯牛份量足，價錢公道，而且入口鬆軟 並無將貨就價，啱曬我呢d食肉獸值得一再幫襯。