三喜餐飲小廚鑊氣小炒雞煲火鍋 (已結業)

雞煲愛好者今日受到同事推介，到食店臨立的渡船角嘗嘗特色的台灣九尾雞煲。門面香燈火通明的小菜館無異，但雞煲，火鍋，小菜都一應供全外還有一此價錢相宜的晚飯套餐。台灣九尾雞煲叫了半隻份量（$128），除來自台灣的九尾草，仲 有杞子，薑 ，紅棗等等滋補材料。滾起後有香濃的葯膳味，建議大家先喝一碗清甜的湯再吃嫩雞肉！雞肉無雪味，有少少雞油，好吃！由於貪心關係，食完雞我無再打邊爐，叫左兩個小炒食！首先嚟個招牌海味小炒王（$88）送啤酒，鑊氣一流！裡面有菜甫、韮菜花、魚仔乾、腰果、蝦仁同魷魚等，乾身惹味！令我對呢間餐廳的小炒充滿信心，因為真係停唔到口。而且大大碟，好抵食呀！另外仲叫左個芥末薯仔牛仔粒（$88）。份量十足的牛仔粒包滿香甜的芥末沙律醬，忍不住叫碗白飯大口大口一齊吃。又大件價錢又非常合理，要準備下次去試試椰子雞煲了！

很喜歡去什麼小廚的地方晚飯，一定有驚喜。今天這間沒有什麼特別裝修，非常之街坊的餐館。坐下看見牆壁貼了一張大大台灣九尾雞煲，是此店人氣菜之—，要了半隻雞。煲到後真的很濃郁的藥材香味，有很多狗尾草(所以叫九尾)，待滾起後馬上試飲，湯非常之清甜👍，連喝兩碗😍手切肥牛要了碟細，牛肉味濃，牛脂豐滿肉質嫩滑😋，份量比一般店多，二人也吃不完😜。蜜椒大蝦球，是炸後加上蜜椒汁，甜甜脆脆非常好味😍😋，後來吃不完打包回家，老公和大小姐也大讚👍。非常之滿足一餐。

呢期興食椰子鷄鍋, 用作打邊爐作為湯底仲好清甜, 呢間主打小炒鷄煲火鍋, 可以各式其色, 又唔錯喎!格局似做街坊生意, 有電視送飯, 坐得都幾舒適!餐牌中有火鍋湯底, 配料, 亦有小菜, 望落價錢都幾親民, 仲唔收加一服務費!一心想食椰子鷄鍋, 當然必叫啦, 我地叫左半隻份量($128), 湯底奶白色, 鷄件數量都幾多, 食落唔太嚡口; 椰子切成一條條, 我就會食少量, 幾鮮甜! 飲啖湯真係好香椰子甜香味, 果然無叫錯!有爐具一邊煲住食, 保持食時熱辣辣, 我地另外叫左碟唐生菜作火鍋配料用, 湯底鮮甜, 連條唐生菜都變得更甜!小菜叫左呢2款, 蜜味脆鱔球, 一碟份量都唔少, 鱔球有層粉先炸香, 後再加青椒粒加洋䓤碎一齊炒, 好香口, 味道甜甜地, 用黎送飯好夾!另一味係惹味一口豆腐, 其實即係椒鹽豆腐, 外脆內軟, 而且豆腐味味都幾濃, 一口一粒好方便!價錢親民, 味道都幾唔錯, 下次想食鷄煲及小菜, 我知我會諗起邊到食..............................哈!

有一陣子沒有打邊爐了，雖然天氣比較熱但係仍然好想打下邊爐，是日跟家人黎到佐敦的三喜小廚，除了打邊爐還有小炒可以食到。海南椰子雞煲將雞同埋椰子配合，不同於一般既雞煲走的辣既路線，椰子清新又香氣濃郁，配合上雞肉，雞肉的鮮嫩加上椰子的清香真係不錯的配合。椰子令到你不會食到有膩既感覺。食完之後再用黎打邊爐真係十分適合。鮮淮山片好少地方有鮮淮山片可以食到，新鮮又健康的食物，對於家中的兩老來講真係最佳食物。在湯中煮一會還有了椰子的清香，更加好味。鮮蝦雲吞/白菜豬肉餃兩種不同的餃可以混合一起，可以試到更加多的食物，兩款鮮蝦雲吞/白菜豬肉餃混在一起，鮮蝦雲吞食得出十分新鮮既蝦肉，還有白菜豬肉餃白菜的比例剛剛好，兩者的味道都可以溶合在一起。烏冬烏冬也是十分彈牙的，最後在湯中吸收了所有湯汁，仍然可以保持到入口彈牙，加上集所有味道大成的味道被吸收了，十分好味。

今晚朋友安排了飯局, 約了一行二人, 又來到柯士甸，, 這次去到文蔚街那邊, 我們經過三喜, , 門口已經貼上小炒的菜式，看得口水直流，豪無猶疑便走入去了。餐廳簡簡單單的佈置, 坐得舒服, 不會太嘈, 還蠻可以聊到天的。招牌雞-肉質同樣鮮嫩滑溜, 滿有雞味的, 熟度煮得剛剛好, 所以才會這麼滑,汁漿加入蒜味和辣味，更潻滋味。就算是雞胸, 也不會很「鞋口」, 依然能吃到。我等別欣賞這雞皮, 特別油香滑溜, 細看雞皮下層真有著水晶晶的啫喱, 據說要將雞隻過冷河才能形成此啫喱, 所以平常比較少見到。而弄得這啫喱層的大廚, 對煮雞都蠻有要求, 個人認為, 這是雞好不好吃的指標之一。豆腐是種很健康的食材，有很多豆腐做出來的菜都非常美味。三喜的椒鹽豆腐，香口惹味。她們做椒鹽豆腐用硬豆腐，炸完之後還能保持口感及形狀。椒鹽豆腐炸得香，脆，爽口，又惹味。我想她們處理重點都是在油要夠燙及豆腐要炸兩次。這道菜式也是非常適合下酒，派對小吃啦~~總括, 小炒好有獲氣，勁推介, 好抵食! 每人約一二百元, 食到好飽好滿足好幸福! 大廚有功架有實力, 食物調味及烹煮火喉剛剛到位, 又不會太油, 質素比連鎖酒樓高,

識途老馬總會識得捐窿捐罅，柯士甸站附近如不是友人帶路，我跟本不知道另有天地，食肆多囉囉⋯⋯有日式，韓式，印度，泰式，梗會找到一間鐘意的。今晚去了友人經常去的小炒店，雖不是豪華裝潢，但有著街坊親民的感覺。隨了小炒，九尾雞煲也是人氣之選。煲蓋一開，薬膳的味道陣陣樸鼻，基乎全鼻腔翻滾著香氣。先嚐湯底，有好濃郁藥材味道，不覺燥熱反而感到潤喉，非常好味，連喝數碗。雞肉質嫩滑，己吸收了不少藥材的精華，滋味！吃過雞肉又喝過湯底，余下的係時候可烚下烚下啦。本地肥牛必選，肉質鮮美牛味重，份量還不少呢！抵食！竹苼做火鍋配料最好不過，吸盡湯汁，啖啖和味。響鈴就比較遜色，沒有鬆脆感。唐生菜非常綠嫰。

我們幾個好朋友喜歡到處去發掘美食, 最近最新推介的是這一間, 位於柯士甸, 地點方便，地鐵站幾步就到，就是「三喜」。座位寬敞和整潔, 我們叫了幾道招牌菜。黃金蝦用鹹蛋黃炸成的黃金蝦, 鹹蛋黃外層非常香口惹味, 店主細心已經剝殼，鹹蛋香同時滲入蝦肉中, 蝦的鮮香和鹹蛋香味互相揮映, 滋味無窮。這道菜蝦雖以酥炸及較濃味的做法, 卻沒有選用較劣質平價的蝦來胡混過關, 肉質是既爽且彈又鮮, 吃得出來蝦的本質也甚佳。除了黃金蝦，另一味不能錯過的就是一口豆腐。有別於一般店子的大立體型，這裡的椒鹽豆腐是合口型，一口咀到的尺寸。炸粉上得薄薄的，但吃起來熱辣又脆口，時候掌握得很好。用上的是香滑豆腐，充滿豆香，口感軟滑。外脆內嫩，加上一點椒鹽去調味，效果很出色。侍應人手足夠，招呼也很好，安排周到，值得一讚。我們吃得又飽又滿足，下次一定來光顧。

是晚到佐敦探望朋友，到附近的餐廳吃飯，朋友介紹三喜小廚，說是實惠之選。餐廳光亮座位也算舒適，食品選擇頗多，由雞煲、火鍋到小菜都有。我們點了一份二人小菜套餐,有兩款小菜連白飯餐湯及飲料，時蔬還可選擇清炒，收費148元相當超值。餐湯有點油膩味道濃甜沙𦍑雞沙𦍑汁透著濃濃的鹵水香料味，雞件嫩滑而且份量不少薑蔥孜然爆牛肉配料和獲氣十足，孜然粉香濃，牛肉片稍嫌過火桔花陳皮話梅骨朋友推介的一道後加小菜，話梅汁收得緊緻惹味，甜酸度適中，厚件排骨處理得爽滑甘美，值得推介清炒菜心雖是跟餐但份量足夠，而且翠嫩可口，配上啤酒巳是豐足的晚餐。

中秋節臨近, 與一位小學同學相約小學班主任做節聚舊下,搵地方食飯都係一個難題, 班主任住係佐敦附近, 正確係柯士甸站附近,其實真係好少去個邊, 好在班主任介紹下, 預約左一間小菜館。中意食飯前睇定有乜食, 見到網評又唔差, 而且係食雞煲喎 !放工就馬上趕去啦 ! 建議大家唔好我咁...係佐敦出左, 網上有寫係柯士甸站較近,但唔經西鐵所以係佐敦站出左, 所以行得較遠。原來小菜館附近有好多食肆, (不禁講句: 自已好大鄉里), 住係九龍都唔知呢度咁多野食,三喜好易搵, 入到去時, 班主任已經到左 !! 大家傾左一陣就要點菜啦 !班主任原來成日黎食, 佢話同佢老公無煮飯都會去, 所以佢等我地發板~見到網上好多人食雞煲, 當然想試下, 雞煲有幾種, 最後揀左九尾雞煲(半隻), 入面有些藥材好滋補下,我就揀左桂花陳皮話梅骨, 小學同學就叫左招牌海味小炒王。雞煲先上, 好香既藥材味, 雞肉算嫩, 其實好似火鍋可以加好多材料, 所以我地都加了生菜同響鈴,生菜沾上雞煲的湯, 汲收晒佢既湯汁, 好夾的味道, 響鈴有好多件, 每人都有2-3件, 但唔算最脆。希望下次再試下其他雞煲啦 !桂花陳皮話梅骨.連埋

佐敦美食眾多，而且價錢划算，是夜便與爸媽一同過去覓食！走到這間雞煲小菜館，店員落力介紹特色雞煲，有椰子雞煲、藥材雞煲、花雕雞等，感覺創新，便決定一試。看到現場食客多點台灣九尾雞煲（半隻，＄128)，職員介紹雞煲會重藥材味，圖片亦很吸引，我們便點半份。雞煲果然很另類特別，與平時辣雞煲不同，雞肉與「九尾」藥材、紅棗煮開，就像是一煲雞燉湯，湯頭很鮮甜，而雞肉結實但肉質仍算軟。唯一是煮耐時，雞油逼出來，會令湯頭較油。因為我早前才食過火鍋，而且店內有二十多款小菜，所以我們都改點小菜。我們點了陳皮話梅骨（＄88)，可惜配的炸鮮奶已賣光，但上碟時仍把我們嚇一跳！因為話梅骨份量很多，而且每件也厚肉！味道亦很好，話梅帶出酸酸甜甜味道，同時增添果皮香，但不會太過。連伴碟的話梅亦酸酸的，很開胃！我們亦點了一口炸豆腐（＄78)，看來「大件夾抵食」是這裡的特色，一口炸豆腐份量比圖片所示還要多！豆腐加上椒鹽和七味粉，炸得香口，令人一口接一口！不過要趁熱食，因為擺涼後會沒那麼香脆！食了這麼多肉，我們最後亦點了竹笙上湯時蔬（＄88)，媽媽選了白菜仔，竹笙滑身爽口，又吸收湯精華，煮得不錯。不過，最底層的上湯略微過咸，幸

好耐無食過中式小菜，喺佐敦行吓街見到到三喜，見環境都幾光鮮同舒適，家庭式經營嘅中菜應該會唔錯，一於同男友試下。 食品有好多選擇，呢度除咗有火鍋雞煲，仲有平時少食同唔常有嘅食物，我們叫咗芥末薯仔牛柳粒。先講薯仔，好有心機炸過，做到「非常外脆内軟」嘅效果。牛柳粒腍得嚟有咬口，而個汁又調較適宜，唔會太辣唔會太多，有creamy wasabi嘅感覺。而海味小炒王炒得非常有鑊氣，香噴噴，材料都有好多，九菜花夠爽口，再配蝦干、土魷、腰果等，送飯一流！而葱油雞非常好食份量足，雞肉嫩滑，最緊要係葱蒜夠多，食葱油雞葱先係靈魂所在！反斗雞翼球真係唔係度度有得食，好考功夫，拆完骨仲要翻返出嚟變小雞脾，賣相特別。我諗好多小菜館未必會咁做，而我都係第一次食，炸都脆卜卜，唔會太乾，因為佢有黑椒汁，汁杰少少會再好啲，不過而家食落好惹味，配酒一流!!!!黄金蝦球係推介之選，佢有别於平時食嘅黄金蝦，平時食多數都係蝦殻先有黃金（咸蛋黃），而呢度用嘅係淨蝦肉，每粒蝦肉都沾滿咸蛋和牛油嘅香味，但又唔會太咸，味道啱啱好，而且外層非常脆口，食落去好咸香，真係忍唔住一粒接一粒，減肥都係聽日先算！

想帶爸媽食火鍋，有人推介三喜，所以到此一試。店員推介台灣九尾雞煲，$128 半隻雞，他解釋類似藥膳火鍋，两老都話冇問題，於是就order 了。買相不錯，好香藥膳味，上枱時，半隻雞已放在煲內滾下滾下， 薑片大大塊 ，又有紅棗粒和很多藥材。 店員介紹先飲湯，然後才吃雞，又話如藥膳湯飲完，可再加豬肉湯给我們吃火煱。個藥膳湯好好飲。雞肉都好嫩滑，雞皮都好爽。两老想吃，我問店員一桶有多少隻，他們答3-6隻不等，於是order 一桶試下。店員先把一桶從冰箱取出來，在我們面前数有多少隻。這桶共五隻，㕑師清洗過後便把生上枱。煮後不會縮到好细隻，仍然保持肥美的外型， 生蠔內的豉好甘香， 全隻好有咬口， 兩老讚不絕口，今餐已值回票價。另order 了半碟鮮蝦雲吞(4粒)，半碟西洋菜豬肉水餃(4粒)，合共45元。一碟白菜豬肉水餃(8粒)，45元。所有餃都好彈牙，特別是鮮蝦雲吞，好正。再叫多碟椒鹽白飯魚(88元)比老豆送啤酒，對他來說更是錦上添花。。但白飯魚不太脆，而且魚味欠奉，要扣分了。四人吃，埋單$503，尚算經濟。

家人較喜歡吃晚飯小菜，所以這晚放工後帶兩老到佐敦新開的三喜吃晚飯。 點了個台灣九尾雞煲（$128）狗尾草原來係一種很滋養藥材，係台灣比較流行，而香港就不常見。 它帶著滋潤、不燥、開脾、降胃火，對健胃非常不錯的功肉。湯頭味道濃香帶甘，雞肉嫩滑，個人很喜歡這種藥膳味道，感覺很健康的。還加了紅薯粉（$28）、油麥菜（$28）和唐生菜（$28），吸收湯底鮮味。 店內小菜方面也很拿手，所以點了幾個小菜。招牌海味小炒王（$88）穫氣十足，有菜甫、韮菜、魚干、果仁、蝦仁等，惹味十足，撈飯伴酒一流！ 秘製三層豆腐 ($78)是，三層由菠菜面、黃豆漿、紅豆底製成的豆腐，豆腐四邊煎得薄脆香口，入口嫩滑香口，層次分明。 這個桂花陳皮話梅骨 跟炸鮮奶（$88）也是我非常喜歡的。用上桂花、陳皮和話梅一起製成，淡香的桂花味道入口清香，都配上話梅酸酸甜甜的味道，非常開胃。 夏天吃這個，實在太好了！不得不提炸鮮奶，炸得鬆脆可口，內裡鮮香味濃，很好吃！ 口水雞套餐（$44）跟白飯、例湯及汽水。雞夠嫩滑，為了迎合香港人口味，味道不會很辣，但很不錯！

喺渡船角一間 中菜館 有少炒 亦有打邊爐， 雖然位置偏僻 門面又冇乜特別 但食物十分有驚喜台灣九尾雞煲 半隻128 蚊雖然我去台灣冇食過呢款雞煲， 但我覺得呢個雞煲十分適合飲用 好似老火湯甘 有紀子 薑 仲有好多藥材味 藥材味應該係黎自台灣既九尾草。 雞肉雖然細件但都算多 雞肉嫩骨 而且雞皮爽口 , 雖然好多時候呢d煲係可以飲完湯再加水打邊爐 但我覺呢個湯底就甘飲完食埋d雞唔打邊爐會好d !桂花陳皮話梅骨配炸鮮奶 88 蚊用桂花陳皮話梅整成既醬汁，桂花同陳皮 已同濃味既醬汁融為一體， 當然充斥住桂花陳皮味， 而另外最搶味就係酸既話梅 夾埋一齊酸甜開胃， 而骨其實係豬扒肉 應該係近排骨位， 所以食落都比較有咬口 同酸甜既醬汁幾match . 特別既係 仲有四舊炸鮮奶 要趁熱食，鮮奶炸得出面皮薄香脆， 入面既奶半凝固 傑度剛好 充滿奶味 , 雖然話梅骨同炸鮮奶係兩樣截然不同既野 但 食完炸鮮奶再食酸甜味既豬肉 其實都幾特別 可以一試！自製三層豆腐 78 蚊外表睇落去已十分美觀 自家製豆腐 上面一層係菠菜蓉 中間係豆腐 而下面係紅豆 因為炸過 所以菠菜同 紅豆比較脆身 本身既味道要耐d先食到

今日收工同朋友去咗呢間三喜餐飲小廚鑊氣小炒雞煲火鍋。裹面既環境都算寬敞。牆身貼有小炒相片，吾知食咩好，可以睇下圖片或者睇下menu.今次我地叫咗呢度出名既台灣九尾雞煲，真係好足料，有九尾草，紅棗，杞子。飲落下一d都吾苦，開頭飲清甜，等我地食完再飲就好甘甜，睇我地飲晒，就知有幾好飲啦。 仲有d雞肉好滑好入味，加埋醬料無得彈。加埋d菜好索味，正 。另外既一口豆腐都好好食，外脆內滑，一d都吾油膩，有d椒鹽味，細細舊，方便食。仲有桂花陳皮話梅骨都吾錯，抄得好香，酸酸甜甜好開胃，配炸鮮奶都幾有特色，外脆內滑，呢碟都好大碟，抵食。最後一樣餸係蜜椒大蝦球，夠晒鑊氣，d蝦爽口彈牙，值得一試。雖然叫咗好多，但真係幾好食，兩個人食都食得晒，真係好誇張。