七福神和食亭

營業中

休息中

前排感冒沒有胃口食野,現在好返好多立即搵朋友約食飯!!當然係食我最鐘意的日本料理啦!!我們選擇了以前舊公司附近人氣很高的七福神!!這裡有很多梳化卡位,坐得舒適又唔擠迫,空間十分寬敞,有一排窗口可以望到街景,光線又充足,環境不錯!主餐牌本身已經好多選擇,再加上其他推介的餐牌,諗食邊樣都諗了好耐!經過一番爭扎,最後我們將想食的食物名和數量寫在點菜紙上交給職員就開始等開餐!!首先來到係我最期待的<石鍋燒香辣大蝦海鮮手打烏冬> 石鍋周邊熱騰騰出哂煙,還發出"啪滋"的聲音!!香味撲鼻!!石鍋裡最搶眼一定係有筷子般長的大蝦!蝦肉鮮甜,彈牙爽口,湯底有少少辣味,令人胃口大增!加上青口,帶子,魷魚等海鮮,確實色香味俱全!!<北海道鍋燒蠔仔粥> 另一熱騰騰美食!!鮮甜味十足的蠔仔新鮮又大隻,帶出粥豐富的海鮮味道,加上粥的口感濕濕嗒嗒易入口,非常好味!<芝士焗天火蠔> 蠔肉肥美香甜,沒有腥味,面層覆蓋著芝士,焗至芝士變金黃色,淋上檸檬汁,十分滋味!!<魷魚鬚唐揚> 每條魷魚鬚都很粗身,彈牙有咬口,不會太韌,加上麵包糠,口感不錯!!<軟

男朋友係佐敦呢頭上完堂，見到呢間日本料理好似幾抵食就上左去醫肚!呢度個餐牌超級好，好多圖，最怕啲餐牌得字，睇死人。食物種類多，可以話咩都有啲，唔怕無野岩食😂因為同男朋友都超級肚餓，所以嗌左好多野食😀嗌左: 關西風玉子燒, 三文魚腩刺身(5片), 香蔥三文魚丼,蟹籽沙律(大),魷魚鬚唐,椒鹽風味本菇,芝士燒天婦羅蟹腳卷飲品: 藍莓活乳酸, 青蘋果雲呢拿奶昔甜品: 富士蘋囝雪葩, 菠蘿雪葩👉🏻關西風玉子燒 $55雖然賣相好一般，但蛋好濕潤嫩滑，甜甜地，唔會好油厚厚的，蛋味濃，熱辣辣上枱👉🏻三文魚腩刺身(5片)$68厚切的三文魚腩好肥美而且食得出好新鮮鮮甜得黎亦有魚油香　正🤤👉🏻香蔥三文魚丼$78同樣三文魚好新鮮　鮮甜香蔥味加埋少少豉油食好清新而且上面既芝麻令成個丼更香😋👉🏻蟹籽沙律(大)$55想講呢度既蟹籽沙律真係不得不提👏🏻嗌左大　但無諗過係咁大😱$55 真係超值👏🏻👏🏻我諗平時出面求其一碟既蟹籽沙律都60蚊以上呢度呢個份量係５人以上大過拉麵碗既蟹籽沙律😱😳份量大仲要好足料青瓜生菜絲好新鮮又清爽蟹籽蟹柳都好多　鮮味👉🏻魷魚鬚唐$48呢個份量都唔少魷魚彈牙炸漿唔會太厚炸得剛好　香脆彈牙點埋

時常經過七福神，今天想叮日本菜決定一試。七福神的選擇很多，刺身、熟食、甜品都一應俱全。想食海膽的關係叫了刺身拼盤三，三文魚肥美鮮甜，海膽也新鮮甘香，這個價錢很超值！極大的蟹籽沙律！拉麵碗的大小，明明叫了(小)也足4人份量，很抵食！廣島吉列炸蠔外脆內嫩，外皮乾爽無油，出色！海膽魚籽丼是一個迷你丼，濃度海膽加上鹹香三文魚籽，好吃！軟殼蟹手卷暖暖的壽司飯包裏炸至香脆的軟殼蟹，一軟一脆甘香美味。鐵板牛柳粒粒燒超！好！吃！以鐵板送上, 一口牛柳粒肉質軟熟，中間有薯蓉，濃味醬汁令人一口接一口！厚切牛舌牛舌爽口脂香豐富，好吃！

經過七福神門口，突然超想食日本野呀🤤同媽媽，表弟，仲有老公一齊食先。餐廳裏面都幾光猛同乾淨，座位好闊，幾好坐，就咁睇呀豬媽冇依依牙牙嘅反應就知道呢度幾舒服😏菜式種類好多，而且價錢相宜，搞到樣樣都想叫。呢度可以自己寫點菜紙，寫編號就可以，豬蠢寫晒成張紙都係菜式名先發現其實可以寫數目字，俾人笑左好耐🤣Lunch都冇食到飯，肚子好餓呀，好彩上菜速度快。先黎三文魚刺身，色澤鮮明呈橙紅色，每件厚身肥美，脂肪紋分佈鮮明，紋理清晰，而且肉質堅挺，非常新鮮。脆皮煎餃子，豬以為係普通煎餃子，但原來真係有塊脆皮底，熱辣辣，煎得好靚又唔會穿底，幾香口。廣島吉列炸蠔值得一試，外皮酥脆，咬落入面熱辣辣，正👍紫芋金粟薯餅幾好食， 外皮鬆化，內裡是溶化軟綿的紫薯蓉，甘香清甜。壽司叫左個24件雜錦，賣相很吸引，食材新鮮，以吞拿魚最為出色，脂肪含量豐富，入口溶化。另外三文魚，吉列炸蝦卷，甜蝦同玉子都好好味，有水準。 味噌蟹甲羅燒，蟹膏味道好香，暖暖的蟹肉醬，配上紫菜飯團，滿口蟹膏味，非常滿足亦非常飽肚。炭火燒河豚干好似肉乾咁，甜甜地好好食，食完一條又一條。串燒雞翼，雞皮香脆，雞肉係用鹽調味，鹹味適中。另外芝麻雞翼燒得香

七福神和食亭呢間日本餐廳係我哋第一次幫襯，估唔到平日都坐到滿晒，好在一早book咗位，我地入座卡位，座位好寬敞，菜單有各樣菜式，多到我地都花左一段時間先決定到。蒲燒鰻魚飯，份量好大條，醬汁多，食完已經好飽肚，而且鰻魚是塊塊厚切，目測差不多有整條鰻魚，饅魚汁不錯，不會太甜又不太咸的。蟹肉味噌甲羅燒，蟹蓋有大量的蟹膏及蟹肉絲，味道鮮甜，蟹味香濃，蟹膏味道很香，配上紫菜飯團，滿口蟹膏味很滿足。壽司拼盆 ( 24件 ) 玉子，三文魚，赤貝，蝦等壽司味道調得很好，非常新鮮，壽司飯的軟硬度適中，口感很好。三文魚腩(5件) 三文魚腩好肥美，厚度夠同夠新鮮廣島吉列炸蠔我真係好鐘意食蠔，呢個非常好味，炸皮唔會好厚，而且都鬆脆，炸蠔好大隻，外面香脆，裡面肥美多汁，鮮美。魷魚鬚唐揚，魷魚味好濃，炸得好香口，唔會好硬，值得一試。炸雞軟骨炸到金黃酥脆，入口好有咬口，調味恰到好處，沾上少少七味粉沙律醬，更加美味。芝麻雞翼芝麻又香，炸得金黃又香脆，也很入味，裡面肉汁又豐富，外皮酥脆香口，雞肉鮮甜嫩滑，非常惹味。富士蘋果雪葩成個富士蘋果整做雪葩，雪葩好香蘋果味，有啲微甜，食完滿足灑！今晚非常開心！大家都吃得非常痛快！

如果唔係朋友介紹呢間平時都比較少入佐敦搵野食一早打左去book位 時間早左有位都俾我地入先今餐連埋朋友total 4個人 一打開個meun樣樣都好吸引 我地總共叫左8個餸超飽必食【魷魚鬚唐揚】超正必試！炸得岩岩好夠脆唔厚粉【火炙芝麻鰻魚飯卷】本身已經超中意食鰻魚！呢個飯卷都算足料最緊要係好多汁同濃味！可以一試

好朋友，有兩年沒見面了，她到外深造，因大家時差的關係，沒有見面，在港時，我地幾乎每個星期都會見面食飯的，現在，只有在網上見面，有時大家都會忙著，就只有用信息問候一下情況。最近她放假，便抽空回港探我，真是好開心。我地相約到大家都好熟悉的食店等，因彼此都喜歡食壽司魚生等。晚上時段，都見到不少客人，這裡點餐到上檯都好快，而且又大碟好低啊！蟹籽沙律，青瓜絲好新鮮又清甜，蟹籽蟹柳都好多，是我地必叫的。蟹籽壽司，因我好鍾意食蟹籽，入口嚼著時，蟹籽在口裹卜卜聲，混在壽司飯裹，鮮味又滿足。芝麻雞翼，是人人都鍾意食，雞翼好飽滿，酥炸香脆，皮脆肉嫩，入口即有爆汁，芝麻又脆口。露筍牛肉串，燒烤味道香濃，牛肉好嫩滑，點上醬汁，更新味，露筍脆口，用來佐酒一流。石鍋燒香蒜牛肉飯，必食之選，熱辣辣，香噴噴，鍋面全是牛肉，香蒜味濃，牛肉不肥膩，牛肉、香蒜的味道滲入飯裹，再淋上醬汁，嗅到都好肚餓，越食越美味，停不了。

十月份初，姨甥女放假來港購物逛街，當然是少不了是食下街邊小食，我亦儘下地主之誼，請她食東西啦。我好時，放工約人行街食飯，都相約在佐敦食飯，大家都是愛食日本料理，在這裡，不但有日本料理、韓國食物，冷熱均可，絕對是好的選擇。雖然地方細小，又樓上鋪，但都吸引不少人都來食，上食物又快，又大大份，難怪咁多人來食。價錢又好適宜，多選擇，上食物亦不需等太久，就上檯了，正！蟹籽青瓜沙律，每次我都會點的，大大碗，上面的蟹籽勁多，青瓜青翠又清甜，蟹籽入口鮮味，卜卜聲。石鍋什錦海鮮手打烏冬，大蝦🍤夠大，比個石鍋還要大，蝦肉彈牙爽口，除左大蝦外，有青口、魷魚、帶子，什菜，湯底香濃，烏冬掛滿濃湯，入口香濃夠滑口。鰻魚炒飯，香噴噴，鰻魚嫩滑，飯米粒粒分明，加上鰻魚的醬油黏著米飯，蛋香飯香一齊散發，美味可口！魚生刺身盛合，有活赤貝、三文魚、甘蝦、鮮甜美味，三文魚肥美，油脂分佈均勻，肉質嫩滑，入口油脂久久不散，鮮味有餘。紫芋金粟薯餅，即叫即炸，外脆內軟，夠粉糯，好香甜的薯溶，甜味剛好，是飯後必食甜點。

佐敦呢間七福神和食亭 ,喺佐敦冇十年都有八年。 本人也曾多次光顧晚市， 今次和朋友來一次午餐。 大眾化價錢， 最喜歡那麼多相的menu環境挺大的，不會坐得迫夾 燒小青椒細細青椒， 最適合作為美味刺身前的前菜蛋花蠔仔粥嘩！ 有點後悔點了這個， 因為實在太大碗了， 不單大， 料足，蠔仔又大隻怎算好， 已飽了大半但就算怎樣飽， 刺身併盤是必叫的刺身拼盤海膽半版，三文魚， 帶子，吞拿魚，章紅魚，北寄貝各三件，還有甜蝦各三件一句講哂 ! 全部都超新鮮燒蠔再來一人一件濃味焗生蠔

朋友話佐敦個頭好多好野食行下行下就見到呢間樓上壽司鋪就擔粗粗好試下結果又幾好食朋友叫左呢個蝦烏冬 ($88)叫朋友都大讚好味我諗應該唔差我自己就叫左冰鎮烏冬($52)烏冬新鮮 沾上秘製汁撈起黎味道唔錯另外叫左一些小食($30)炸薯條 炸既程度適中鰻魚手卷($20)燒灼三文魚($20)平日去食 都算多人好彩都唔洗等位埋單大概一人$100正常價錢而且環境一流好似去左一轉日本野咁聚會的確係一個唔錯既選擇

呢間喺佐敦少有好食又抵食嘅日式lunch~ 餐廳喺樓上鋪，但樓下放左好多大型餐牌同埋reception ，都算顯眼。同同事2個人大約1點拎位，等左15分鐘，途中見到唔少附近中學黎食，人氣極高。Set lunch 選擇真係超多，有近十幾款，大部分仲可以自選小食。小食每人唔同。我地叫左牛扒定食，只係$58 加一， 飲品叫左熱菊蜜。小食我叫左煙鴨胸沙律，係煙鴨胸幼絲配上沙律菜，芝麻醬。味道可以，但份量好少，2啖就食完。🤣牛扒賣相幾靚，大約7，8成熟，仲有少少粉嫩嘅顏色。口感綿綿，但牛味就冇乜。燒汁味道唔太咸，撈飯唔錯。白飯上有少量飯素，我建議可以落多少少。

呢間七福神我之前已經食過午餐，質素唔錯而且價錢合理，所以一直都想試下晚餐！呢間啲野食種類都幾多，除左魚生壽司，仲有串燒，蛋料理，韓風料理，磯燒等等。三文魚腩(5切) $68三文魚腩好肥美，厚度夠同夠新鮮極上和牛$48呢個和牛好嫩，質素高，一咬落去和牛既油脂出灑黎，配上壽司飯，啱啱好七味軟殼蟹飯卷$52見到好多人推薦，所以試下！份量都幾大，軟殼蟹多肉，炸得夠鬆脆，加上蟹籽更有咬口岩鹽黃金燒蟹籽美國生蠔(1本) $45呢隻蠔俾想像中正好多，一上枱見到size 俾預期大隻！生蠔上面有芝士，燒完之後加上少少香草令到佢更香加上蟹籽令到口感更加有層次！張相可以望到隻蠔好有份量，啲膏好多，鐘意食蠔既我見到都興奮！關西風玉子燒$56個蛋好滑，蛋整到好薄，好多層，好味既，不過貌相可以靚少少廣島吉列炸蠔$58哈哈，我地真係好鐘意食蠔！呢個不過不失，炸皮唔會好厚，都鬆脆既！上： 燒雞翼$36呢個有少少乾，不過燒雞翼又好難避免乾既下： 厚切牛舌$55呢個夠厚，夠juicy!!好味燒冬菇$26冬菇燒完又幾juicy wor !!富士蘋果雪葩$45成個富士蘋果整做雪葩，雪葩好香蘋果味，有啲微甜，食完滿足灑！

又到好姊妹生日飯，她說想食日式料理，一於帶她到我的私家居酒屋好好慶生吧！餐牌早前有少少更改，加多了一些款式，但我愛的還有保留住！先一口氣order多款食品，再慢慢邊食邊傾。帶子刺身（6切）帶子軟嫩又鮮美，中間夾上紫菜，更帶出鮮甜味。蟹籽沙律（小）+ 芒果份量依舊十足，芒果肉香甜，青瓜絲+生菜絲爽脆新鮮伴上蟹籽蟹柳絲，爽脆又鮮美，正！燒魷魚魷魚食落軟嫩，掃上燒汁，特別惹味，而魷魚鮮味十足，香嫩滋味。炸雞軟骨炸到金黃酥脆，入口好有咬口，調味恰到好處，沾上少少七味粉沙律醬，更加美味。關西風玉子燒玉子燒嫩滑又多汁，蛋味香燶，新鮮熱辣！芝麻雞翼外皮酥脆香口，雞肉鮮甜嫩滑，非常惹味。芝麻鰻魚反卷壽司飯比較黏，但鰻魚香濃鮮甜，加上少少沙律菜減低油膩感，抵讚！

今晚相約閨蜜去居酒屋食晚餐，我地揀左佐敦一間日式居酒屋，地點極近地鐵站，好易搵到。侍應安排我地入座卡位，座位好寬敞，菜單有各樣菜式，多到我地都花左一段時間先決定到。我地點左一個刺身拼盤有半板海膽、甘蝦、三文魚、鱆紅魚、鱆紅魚整成一朵玫瑰花，賣相不錯仲附有幾片紫菜、一個飯團，海膽刺身都新鮮，份量都算多。閨蜜喜愛蠔，點了一客蟹籽芝士焗蠔，佢話芝士味都香濃，蠔夠大隻，都幾好味。蒲燒鰻魚，份量好大條，醬汁多，食完已經好飽肚。牛舌爽口入味炙燒五款壽司，材料都算大件，抵食最後加個菠蘿同富士蘋果雪葩做個完滿總結，我地7點幾坐到10點幾，傾足全夜～～係一個同三五知己約會既好地方😄

相約朋友去吃飯，老友特選了位於佐敦的七福神，呢間日本餐廳係我哋第一次幫襯，估唔到平日都坐到滿晒，好在一早book咗位。一嚟就叫了幾款壽司，三文魚子壽司同海膽壽司都好新鮮。食完再叫多round encore!跟住就叫咗一盤大嘅壽司拼盤，分量十足都相當抵食。　手卷方面都有好多選擇，叫咗軟殼蟹手卷及三文魚子手卷。仲有個炸蝦卷物，蝦肉爽口彈牙！正！刺身方面，不是每款刺身我都愛食，所以冇叫拼盆，只叫了最喜歡的帶子刺身及油甘魚刺身，兩樣都好新鮮甜美。其他小食都叫了幾款，有炸魷魚鬚，炸本菇，芝士忌廉汁焗蠔！非常美味！但全晚最驚喜嘅係呢個蒜香牛肉飯，牛肉分量多仲好香牛味！正！幾款甜品都好精彩，我至愛就係菠蘿雪芭同椰子雪芭。