七福神和食亭

營業中

休息中

今日同朋友去左佐敦食飯，首選日本菜！我地上網搵下食咩好，結果去左七福神。餐廳都幾有日系feel，我地睇左餐牌好多都好想食呀！結果我地叫左幾款食物試下啦！岩鹽黃金燒蟹籽燒美國生蠔，濃香芝士和他他醬，加上脆口蟹籽，生蠔大大隻好肥美，唔會有腥味好香甜多汁！牛舌串，牛舌燒到香口，肉質厚實不失爽口，外層帶點焦香！蟹肉味噌甲羅燒，蟹膏好香濃，加上味噌醬燒到香口鮮甜，加上飯粒攪拌食用，非常香口滋味！蟹膏超好味呀！清酒煮海蜆，蜆肉大大隻無沙，好鮮甜，蜆肉唔乾好爽甜！神戶炒野菜，爽甜椰菜朋友大讚，佢出街一定要食菜架！另外我地仲叫左鰻魚炒飯，鰻魚切粒炒香，蒲燒味香濃好惹味，唔會好油膩！芝士鐵板豆腐好滑溜，芝士醬香濃，配上味清豆腐夠哂夾！最後我地忍唔住口叫左個軟殼蟹手卷，炸到卜卜脆超正！又唔會好油膩！下次我地會一大班朋友仔再黎食過！

為了對抗Blue Monday，一收工決定同朋友去吃餐飽既，好彩無簡錯去處呢間的壽司質素不錯，海膽甜美，三文魚肥美，我最喜歡的芥辣八爪魚都無令我失望食完壽司，下輪到炸物，墨魚咀同炸蠔都值得一試，外皮酥脆，咬落入面熱辣辣，正最後一Round有我最期待既雪葩淨係睇相都已經好想食，四樣野都好出色，我自己最喜歡菠蘿雪葩同蘋果雪葩，當你飽吃一餐，到結尾有清爽既菠蘿同蘋果，真係好滿足，朋友直程連個蘋果都一齊食埋🤣

今晚跟爸爸黎七福神食飯，之前我都食過呢間，貪呢度野食種類又多，而且又平又抵食餐廳環境不錯，仲有幾張卡座，私人空間夠曬平日晚，人流不少，所以想食就最好訂定檯，咁就唔洗苦苦等候餐牌有好多食物相片，圖文並茂，好吸引呢度點餐係自己mark no.係張紙度我覺得都幾方便呀，諗好曬食咩寫好，就可以交比職員啦呢度咩種類都有，有日式既刺身、壽司、拉麵、烏冬、冷麵、串燒、小食、炸物應有盡有我地點了壽司壽司款式好多，點了海膽、三文魚籽、仲有特長既三文魚腩壽司三文魚籽好新鮮，粒粒都晶瑩剔透海膽鮮甜冇腥味三文魚就超長，好吸引，又肥美天婦羅脆卜卜，成份都係蝦好吸引共有六隻，啖啖肉，外皮金黃香脆，咬到中間蝦肉又彈牙爽口沾埋天婦羅汁來食仲惹味，帶點點鹹味，會濕潤少少呢度既小食炸物真是做得不錯呢款炸蝦餅都做到金黃香脆，而且仲不會有過多油份，所以不會覺得膩一件又一件的，沾上醬汁來吃，來點點酸味，減去膩感魷魚鬚份量不少，呢款炸漿又有另一種滋味很香脆，加上魷魚的彈牙，呢款鰻魚飯真是超足料超滋味每片鰻魚都厚切，而且仲有好多塊鋪滿了整個飯上。白飯配上了鰻魚汁，所以都十分滋味啖啖鮮味又厚肉好抵食份量都幾多，吃完都變得很飽仲有外軟

放工後約埋家人去佐敦七福神食日式餐廳食晚餐。餐廳地點須然是在各樓， 但餐廳 地方 整齊 有序， 座位舒適， 檯的餐具擺放整齊。我們 入座後， 先order咗 刺身壽司， 壽司款式有很多選擇， 有刺身 壽司 ，炙燒壽司。 師傅級 巧手製作 ，味道 清新。還有炸物提供 選擇 ，有南瓜炸物，鮮蝦炸物 ，茄子炸物 ，每件炸物 外面脆口 ，裏面 熱辣辣新鮮炸出，非常新鮮。日式 魚片 豬軟骨 烏冬， 材料有紫菜， 日式魚片，流心蛋 ，自製入味的豬軟骨 ， 湯底惹味濃郁 ，烏冬 口感彈牙， 值得再食。還有個人最喜歡的蛋包飯， 蛋皮 金黃色 ，非常吸睛， 蛋質嫩滑 ，裏面包著 惹的 米飯 ，非常可口。 與家人 高高興興地享受咗一餐豐富的日式晚餐， 感覺溫馨愉快。

上星期，我們一家去了吃日本菜。這裏食物的選擇有很多，真的花多眼亂，令人愛不釋手。除了魚生刺身之外，還有不少串燒，天婦羅及料理等...這個是板燒溫泉蛋煙肉粟米，非常香。而且粟米爽甜煙肉又甘香加上溫泉蛋，額外配合。這是大蒜牛油燒銀雪魚，人說魚也有一隻手板這麼大呢！魚燒得很香，魚皮很脆，魚肉嫩滑這是七福神奄列飯，就是蛋包飯。雞蛋煎得恰到好處，外香內嫩，飯也炒得甘香配上茄汁，味道酸甜。這是燒雞軟骨，味道爽口，燒得很香這是蕎麥面，還可以選擇冷或者熱，我們選擇了熱的，麵質地味道爽口彈牙

每隔一排就口痕想食日本野，朋友搵左呢間佐敦小店，一齊食過夠～Menu 超多選擇！！好多日本菜式都有，串燒壽司刺身拉麵，搞到我地叫下叫下左好多野食。XD先黎飲品，士多啤梨味夠重，唔會一味死甜糖漿味！到我最愛壽司之一，好大塊三文魚腩！燒過ge 三文魚香味會係你食個一刻爆發，正！到軟殼蟹卷，原本諗住細細件唔會太飽，但黎到之後份糧都唔細，新解炸ge軟殼蟹夠哂熱，用黎做壽司配搭一流。呢個應該算係fusion野，西式肉醬加juicy茄子。勁多魷魚鬚！起碼夠4個人食，唔太油，可以配日式沙律醬一齊食。跟住係鰻魚炒飯，呢個係全晚至愛，飯粒軟糯，加鰻魚汁炒實冇死。宜家愈黎愈興甲羅燒，呢度質素唔錯之餘仲要價錢超值。今日豪左d叫左個銀鱈魚，肉質係較實正，但有油份ge魚入口甘香。最後係串燒，有冬菇青椒豬頸肉雞翼雞軟骨，一次試齊幾樣野。XD

想去下d居酒屋食下日本野，就近近地黎呢間食晚飯，同朋友吹下水，好彩我去既時間算早少少，七點唔需要等位，因為之後都見到好多人不斷入。首先當然要食下壽司先啦，習慣左食完凍野先再食熱野熟野😋😋佢地d壽司都黎得好快，亦都算新鮮，又唔會好細舊刺身好大舊飯，比例好。呢個超級推介，牡丹蝦壽司，隻牡丹蝦好大隻，啖啖肉👍🏻👍🏻👍🏻又新鮮，超正！小青椒串燒，入口爽脆，，燒得好香雞軟骨串燒，味道稍為淡冬菇串燒，好香口，唔會燒到乾身京蔥雞肉串燒，雞肉好嫩口，好惹味串燒手羽先，皮脆肉嫩清酒煮蜆，呢個幾出色，清酒味好濃郁，蜆都唔會好細隻👍🏻👍🏻鐵板芝士豆腐，芝士味好重，會拉到好多芝士絲，正最後呢個蟹蓋，佢有個飯團同d紫菜俾你送d蟹肉食，值得推介，因為都唔算貴👍🏻👍🏻👍🏻

舊同事約食飯，原來有間好餐廳，平時經過這區都見唔到。座位舒服，聚會飲下食下吹吹水，真係好唔錯。叫了小食，飲下野。先來原隻燒魷魚，魷魚燒到剛剛好，肉質軟熟。椒鹽本菇，夠脆香口。燒三文魚頭，又香又滑。芒果蟹籽沙律，叫了細都好大碗，芒果和蟹籽放滿在青瓜生菜絲上面。荔枝青蘋果梳打，唔係太甜，有青青地的荔枝青蘋果味。綱燒牛扒，肉質軟身又有牛肉香，牛肉汁入晒伴菜內，好野味。鮭魚燒飯糰，原來燒過的飯團係好好味嫁，似食飯蕉咁，脆、香口、乾身，每口飯都有魚香味，紫菜亦都好脆....

黎開佐敦，想食日本野，但黎到七福神和食亭了。呢到勝在咩日式野都有，款式夠多。我地叫左好多野食,關西風玉子燒$56玉子甜甜的，唔算太油，厚厚的口感唔錯。枝豆$30呢個份量都多，過下口感。香菇野菜炒$50食埋炒野菜更加健康，有唔種類的，茄子椰菜等，用左燒汁炒。網燒牛扒$98牛扒加燒汁既味道唔錯，彈牙惹味。蒲燒鰻魚$128鰻魚新鮮，啖啖肉又冇骨，配飯一流。真澄梅酒$138仲叫左支日本梅酒，夠晒城道正宗!

前陣子病了要介口，原本約好的飯局一推再推，今晚終於可以放肆食餐好啦！這間日本舖都幾旺，一轉眼就坐滿客，還好地方夠大，人多都不會很嘈，感覺舒服。看到餐牌真的很多選擇，樣樣都很吸引。我最鐘意"鹽燒三文魚頭" ，燒得勁靚，表面口感香脆，鹹味剛剛好，魚面珠啖啖肉好滑，我一個人都可以食到一個，嘻嘻～"特盛海鰻丼"鰻魚大大件，啖啖肉，醬汁很甜。"芝士焗天火蠔" 芝士汁好香濃，蠔肉的味道很鮮美。"芝士鐵板燒豆腐" 豆腐好滑，加上濃郁芝士汁，真的很美味。"蝦天婦羅" 外脆而不膩，一咬... 原隻蝦肉好鮮甜，唔係我怕熱氣，一定食多兩隻。因為我們都太喜愛食芝士，今晚重口味了一點，幸好點了"芒果蟹籽沙律" ，清清地中和一下。"芒果活乳酸" 酸酸甜甜又凍冰冰，味道不錯，嗯... 好消暑呀！

今晚想食日本嘢，聽朋友講呢間日本餐廳唔錯，就一於同家人試一試餐廳喺佐敦裕華，向旺角方向行多2分鐘轉入橫街就係啦。七福神是日本信仰被認為會帶來福氣，財運的七尊神明。我估計餐廳老闆希望把福氣，財運帶給他和食客😉食品好多選擇，我哋先叫咗個刺身拼盤， 有海膽半板，三文魚3件，甘蝦2隻，鱆紅魚3件。 海膽甘甜，質地細膩，入口即溶，令人回味仲有個飯糰同幾塊紫菜，可以夾埋海膽一齊食。其他刺身都非常新鮮，甜美。壽司拼盤18件一大盤壽司拼盤，可以試到唔同口味，唔使煩，唔錯。壽司飯上面啲刺身好新鮮想食番啲熱嘢，叫咗醬燒豬軟骨湯拉麵， 湯底濃沃，豬軟骨入味，麵質煙韌度啱啱好石鍋燒香酸牛肉飯，原個石鍋上，保持熱辣辣，香噴噴。除咗牛肉，仲有冬菇同洋蔥，惹味十足小食叫咗紫芋金粟薯餅，即叫即炸，外脆內軟嚟呢度食嘢，記得最後叫返個雪葩，外型cute爆。椰子雪葩真係半個椰子殼，雖然我覺得呢個似椰子雪糕多個似雪葩，但係椰子味好香好味菠蘿雪葩，迷你版菠蘿仔，揭開個蓋，裏面裝滿雪葩，菠蘿味好清香，見到呢個菠蘿仔真係好治癒 記住要攤一攤，等佢冇咁硬先易舀起。能夠開開心心一齊食餐晚飯，真係好幸福啦😍

尋晚我的好朋友就同我去咗七福神食飯慶祝生日！2個女仔吃飯談心，係我ge preference,可能已過party time 的年紀，比較鐘意人少少，因為咁先傾到計！星期五晚七點三去到門口，已經見到有4組人係大街門口果層等緊被安排入座。可惜遲咗步，即入ge枱已經無哂，不過還好，二人桌等咗二十分鐘已經有，其間望住佢門口的燈箱menu,諗定食咩，時間好快過。生日同朋友𣈱談，梗係要order sake 前菜新點咗芥末八爪魚沙律，沙律菜新鮮，個芥末dressing其實唔算攻鼻嗆口，我prefer strong 少少可能更好。八爪魚有小粒小粒鬚的部分，但佢亦有好幾塊大片大片的，都唔馬虎求其！呢個三文魚子海膽飯正，D三文魚子脹卜卜，食落卜卜聲，海胆眼見都見得到一排排，非常新鮮！但個wasabi就有D遜色，所以無謂嘥咗D海膽三文魚子，我無食wasabi之後嚟ge係芝士焗天火蠔，要$24蚊一只，但佢同menu有大仔蠔肉加充滿焗料的樣差太遠，味道係一啖食完就食完咗，味蕾冇太大沖擊⋯⋯而佐酒的芝士七味鱈魚干都係一般，個芝士醬係沙律醬ge款，同埋個人口味鐘意濕少少的雞泡魚干多過呢種。明明我同好友都唔太舒服話唔

天氣悶熱，和家人旅行吃夏天火鍋吃多了也想嚐些冷冷的降下温。六品刺身盛盒198擺得靚靚，花花🌸🌼件件厚切，帶子吞拿魚三文魚甘蝦鱆紅魚北寄貝等陣容不弱，價性比高。蒲燒鰻魚128賣相頂好😍大大條好吸引，厚身肥美又無骨，燒汁香濃，肉質細嫩，大推介。火炙辣味三文魚壽司24三文魚炙後油脂多多，滿口肥美甘香，添加了蔥段和辣辛實在好吃。炙五味壽司56平日光顧，必點這道🍣件件都炙過，全部也很美味，三文魚腩蝦鰻魚吞拿魚鴨胸也是特長的呢！大蒜牛油燒銀鱈魚138煎封後銀鱈魚肉嫩到不得了，不油不膩，外脆內軟，吃完有變皮膚滑滑的遐想。就連烤原顆蒜也滋味無窮 。食後感：好喜歡去食七福神，選擇多又經濟。

食物 環境 服務 價錢 都會俾高分呀！網民無呃人呀，唔係吹水。真係要試下!掛住食唔記得影相，好味，第一次去，整體唔錯!會再去!食完有種滿足既感覺，兩個人叫左幾樣野，唔係好食得晒，埋單都係300蚊ja!抵食

服務生的態度實在太差了，端上飯菜的時候湯都寫在桌上，隨便將食物放在枱角，雖然套餐的確比較化算，但以後一定不會再來。另外，對於顧客都是呼呼叫叫的，但食物還可以的。