七福神和食亭

營業中

休息中

今日同個朋友慶祝生日，一於下午食餐好嘅！就個朋友方便，去咗佐敦食日本野。地點好方便就腳，地鐵站一出行幾分鐘就到。為左避開人潮，我地12點早少少就到左，地方都幾光鮮整潔，座位寬敞，唔會逼到背貼背。坐低就叫野食，先上個沙律墊墊胃先，一上檯就嚇一跳！份量大到好驚人，起碼夠4個男人食！好在我地都擦得下，唔係食剩好多。鰻魚飯，整體中規中矩，醬汁較甜，勝在鰻魚無腥味，有少許油香。網燒牛扒，初頭睇個賣相好普通，點知食落竟然好濃郁牛味，而且肉質幼嫩無痴牙，送飯一流，有驚喜！既然要食好D，當然叫埋日本菜主角—刺身。賣相就好靚仔啦，同放題一樣。要讚佢所有刺身都解凍解得靚，仍然冰凍爽口但無雪粒影響口感（好多任食放題有此弊病）。魚生同油甘魚都肥美甘甜，無渣無根無雪味。北寄貝相對稍弱，無乜彈性。海膽一板，甘甜味美，完全無明礬味，超正！我本人就唔係特別嗜好食蠔，不過都好Like佢依隻法國蠔，入口好清新，唔會太重海水咸味，蠔味比較溫和，After Taste會慢慢浮出，而肉質並非creamy類型，亦無咁膩口，留下深刻印象！整體而言，七福神和食亭午餐定食價錢唔貴，定食一般都係$50～$60，1 set 刺身拼盤都係一

呢排都係蒲開佐敦.. 開始試暈大大小小既店舖，係OpenRice search .. 七福神就名列前矛啦。叫左個奄列蛋飯，幾大碟，味道中規中矩，用黎填肚都ok，性價比唔錯，好似5x蚊有交易啦！清酒煮蜆：係一度我常叫既菜，呢間都唔錯，蜆size 唔算大，但勝在冇咩沙，食落都新鮮炸魷魚鬆：略嫌份量偏小，不夠熱（可能是現場環境太凍吧）八爪魚沙律：清清地幾開胃，成日食凱撒沙律，間唔中轉下日式沙律都唔錯，唔係次次都胡麻醬千島醬架嘛性價比算高，選擇都唔少，幾岩一大班朋友聚會架！

咁其實呢間餐廳我都食過好多次架喇今次先的起心肝寫篇食評比佢咁呢間係係佐敦附近比較有質素且又抵食既日本野喇因為我係佐敦番工番佐3年, 都食曬呢到d餐廳咁濟今次我就食佐個極上魚生丼飯, 咁就魚生既份量唔錯啦味道亦都係好呀不過我就唔小心落多佐少少豉油咸佐dd另外有個小食跟餐既, 就係一個黃金蝦多士佢係一個將蝦膠整成細細既cube再炸起既蝦多士幾特別, 幾好味, 係膩佐少少, 近排我比較怕太多油既野不過好彩小食係細細份, 唔會太過火另外雖然今次冇叫到, 亦都冇相比大家睇但佢呢到有個辣海鮮烏冬配三文魚刺身都幾好味抵食架另外佢有個折扣比附近某醫院番工既人享用, 比番個9折大家

難得相聚，又係吃好野的時候，今晚朋友話想去七福神，好彩有訂位！尤魚須唐：$48魚須條條飽滿，很有嚼勁，佔點日式沙律醬更完美。芝士焗天火蠔：$70三隻整只天火蠔都被芝士覆蓋，蠔的味道不腥很香甜，多汁。清酒煮海蜆：$88用清酒煮的海蜆沒有腥味，有酒的清香，好清甜。蟹肉味噌甲羅燒：蟹膏味道很香，配上紫菜飯團，滿口蟹膏味很滿足。神戶野菜炒：$50很爽口脆的一道野菜。軟殼蟹手卷：$48賣相很好看，好奇妙的軟殼蟹手，香脆搭配點飯香，真好吃。北海道鍋燒蠔仔粥：$62很有營養的粥，很香甜，鮮味十足的蠔仔配上滿滿的菜，暖呼呼的。椰子雪芭：$42椰子香很濃，香甜冰爽。富士蘋果雪芭：$45蘋果雪芭香甜美味。款式多，上菜快，個個食到笑晒口，滿足！

今天放假終於能和家人一起出來吃飯了，我們來到了這家餐廳，環境夠大，又乾淨，很舒適，這裡東西很實惠，又好吃，吃什麼大家意見不同，最後決定每人選兩三樣，開始我們今晚的大餐。東京風茄子煮：$36茄子好細嫩，加點木魚絲口感很好，煮熟了顏色還是這麼靚。色香味俱全。醬油燒京蔥雞肉：$38雞肉好細嫩，一點點醬油燒得剛剛好，很入味。豬頸肉串：$30豬頸肉肉質很脆，肥瘦剛好，不會油膩口感十分。南瓜番薯天婦羅：$45很素的一道美味，軟軟甜甜的南瓜，粉粉的番薯外脆內香，好吃。軟蟹天婦羅：$68軟蟹吃起來香香脆脆，裡面的肉感十分香軟，放點醬汁更美味。黑松露海膽茶碗蒸：$39茶碗蒸的蛋很嫩滑，黑松露和海膽極美味。廣島吉列炸蠔：$58好大只的炸蠔，外面香脆，裡面肥美多汁，鮮美。波蘿雪芭：$50好有創意的雪芭，很香的波蘿味，香香滑滑的。看到家人的笑容，就是幸福的一天。

新學期開始 了 、日前陪朋友出佐敦道，買新學年書藉。顺便食埋晚餐先回家。青年人喜愛食刺身，於是我們去了七福神和食亭食刺身，壽司， 因為我之前嚟過呢間餐廳， 餐廳內的食物有很多選擇， 除咗有刺身壽司 外， 也有保存新鮮的刺身， 而且刺身款式 很多，有丼物，蛋料理，串燒等等， 食物豐富， 多樣化選擇。我和朋友 先選了刺身 壽司 和串燒， 晚安打咗一碗 日式魚片拉麵，拉麵 質感軟身 ，嫩滑。 日式魚片 ，薄切 口感彈牙， 拉麵湯底濃郁 惹味 ，值得加分。飲品方面， 朋友選了APPLE CIDER， 使用特別器皿 ，把蘋果酒倒轉擺放， 器皿再加入冰粒 ，冰冰凍凍地，慢慢品嘗 酒的味道享受一流。

今日去左佐敦既國貨公司陪朋友買些冷門既中式樂器,買下買下都到晚飯時間了,一出來行過少少就見到七福神門口既廣告,就一於入去試下.入到去首先睇下個Menu,估不到有幾多野揀,刺身,壽司,丼飯,炸物,小菜,甜品....應有盡有,我地就叫左啲鍾意食既來試下.刺身併盤好大個,款款都是新鮮厚切.正所謂一件開兩件,抵食夾大件.海膽有半版咁多,入口即溶,讚好三文魚腩(五切)一樣係厚切,十分肥美,三文魚控不二之選海膽軍艦脆脆既紫菜加上一樣入口即溶既海膽,配合得很好炙五味非常香口,塊刺身很長,估不到壽司一樣咁大件特盛海鰻丼又是塊塊厚切,目測差不多有整條鰻魚.饅魚汁不錯,不太甜又不太咸的嚴選串燒五品盛熱辣辣拎出來,款款香口燒得剛剛好富士蘋果雪葩最後因太飽,只叫左一個甜品大家分享.很有特色,用左原個蘋果雪凍來整.有得食,有營養!

打風過後又要開餐, 選擇到佐敦食日本野。 餐廳用餐人數不多, 所以獲安排坐卡位。兩人點咁六樣食物, 食到好飽, 逐樣食物介紹下~ 第一樣係角切魚生飯（$88）, 主要材料係三文魚, 三文魚子同玉子。魚生種類略少, 三文魚生魚子正常發揮, 飯唔夠酸。第二樣係魷魚鬚唐揚（$48）, 魷魚味好濃, 炸得好香口, 唔會好硬, 值得一試。第三樣係炸雞軟骨（$38）, 同魷魚一樣, 都係炸得脆, 香口, 但份量比較少。第四樣係厚切牛舌（$55）, 咁多款食物最好食係燒牛舌, 燒得唔會太生哈會太熟, 非常彈牙, 牛味濃郁, 厚度剛剛好, 每串有三塊, 食完都飽咗三成~好味。第五樣係芝士鐵板燒豆腐（$50）, 豆腐炸完再淋上忌廉汁最後燒左層芝士係上面, 本人唔太中意太多汁, 但佢個芝士燒到脆脆地, 加埋熱辣辣嘅豆腐, 都算好食。最後一樣係雜錦魚生冷拉麵（$62）, 最難食係依個, 魚生份量極少, 加上麻醬, 個味道唔係太夾, 啲麵繞埋一舊, 好難先夾得起, 唔建議食。員工態度良好, 會主動倒水, 有笑容, 提出要調位時都好快安排得到。

囝囝生日當天遇上超强颱風駕到，取消外出慶祝，令他非常失落和掃興！為了给他一個驚喜，今晚一家人帶他到七福神補祝生日！他最愛吃寿司，七福神抵食+美味是我喜歡的日式料理店，相信他一定會食得好開心！寿司拼盆 ( 24件 ) $ 268玉子，三文鱼，赤貝，蝦等寿司味道調得很好，饭的軟 硬度適中，口感很好！三文鱼籽寿司 2件/$ 72，海膽寿司 $ 64三文鱼籽和海膽寿司 晶瑩剔透 味道鮮甜 非常新鮮！金龍蝦反卷 $48暖暖的飯包着炸蝦酥酥脆脆很香口！我的最愛！每次來都會吃的！椒盬風味本菇 $ 46炸尤鱼鬚 $ 48爽脆惹味佐酒绝配！囝囝最開心吃到 軟殼蟹手捲 $ 48香！酥！脆！石鍋燒香蒜牛肉飯$ 65熱辣辣的石鍋散發着蒜香，牛肉軟滑整個飯香噴噴的！甜品，菠蘿雪芭 $ 50清新！清爽！椰子雪芭 $ 42香滑椰子味濃！今晚不止囝囝開心！一家人都的吃得非常痛快！七福神和食亭始於都咁好味！ 讚 ！

好耐冇去過佐敦果頭食野喇，今日同同事三人開完夜之後去D間食，D間我最喜愛就係芝麻雞翼，所以極力推介比同事食。之後睇下餐牌有咩食，我地好多都想試，所以叫左好幾款先，唔夠先再叫，必點芝麻雞翼。【芥辣八爪魚】八爪魚口感爽脆彈牙，帶有芥辣的辛辣味道。【墨魚咀唐揚(左)&脆皮煎餃子(右)】墨魚咀都好香脆，值得一讚，外皮酥脆，咬落入面熱辣辣，超正，送酒一流。餃子煎得好香脆，起曬蕾絲花邊，都抵讚。【蟹肉味噌甲羅燒】蟹蓋有大量的蟹膏及蟹肉絲，味道鮮甜，蟹味香濃，熱辣辣的配埋飯團一起食，相當一流。【七味軟殼蟹卷】軟殼蟹即叫即炸，吃起來時還熱熱的和香脆，飯又不會太乾，配上沙律醬和蟹子真係唔錯，最重要係一客六件有咁大件的話，真係好抵食。【芝麻雞翼】必點!芝麻又香，炸得金黃又香脆，也很入味，裡面肉汁又豐富，必點選擇。【韓風豬頸肉炒拉麵】比想像中好，此拉麵是帶有點濕潤，但卻令我驚喜及非常歡喜。炒麵配以韓風調味，加上爽嫩既豬頸肉，簡直絕配，令人飽腹又滿足。【三文魚刺身】超大件超厚，每件剌身都有2cm厚，仲要非常新鮮鮮甜。【三文魚腩壽司、壽司、壽司、】D剌身非常新鮮鮮甜，壽司比例岩岩好，這些飯又不會過多。

朋友話想食呢間就黎試， 叫咗幾個餸，玉子燒唔錯，沙律唔錯，刺身小貴但都算新鮮，可借嘅係，網燒牛賣晒，竟然賣晒，九點都未到就同我講賣晒。最想食嘅竟然賣晒。食唔到又要等下次，唔係次次都經Jordan...

有唔少打工仔都係尖沙咀佐敦一帶番工好既打工仔食堂簡直為一日番工既生活打氣！今日約左朋友襯放Lunch時間去食七福堂唔可以講超好食但就是味道中等 價錢親民 選擇多多Lunch set 包野食本身 野飲 同 麵豉湯 同 甜品真係好抵食！我既最愛係網燒牛扒定食但昨日來食就有少少失準血水過多 肉質有點韌但味道總算不過不失而朋友仔就叫雜錦魚生胡麻醬撈麵$62拉麵有點未乾水 有點沖淡左胡麻醬既味道魚生不算特別新鮮口感偏硬味道也是不過不失整體來講七福堂對於打工仔來講已經係好唔錯既選擇好過好多頹飯午飯多人 質素算係甘！

與一位好友一同到醫院探望了好友，走到佐敦道一帶，好友說想吃日木菜，記得很久前曾到過此店，於是再次光臨此店。店員安排我們坐近窗戶的位置，稍為看到街外景色，餐牌也放在窗戶旁，餐廳內的裝條格局，仍舊沒太大改動。餐牌內有多種不種款式，由刺身壽司，以至海鮮炒品也有。最後我們選擇了刺身、小食熟食，以及兩杯飲品。飲品當然是最先送上，而刺身及其他，也不用等多久也隨之送上，上菜速度之快，值得一讚。藍莓活乳酸，朋友說藍莓味很香，並不太甜，點點酸，酸度剛好，非常合適。芒果活乳酸，芒果味也很香，個人覺得雖甜，未算是太甜口感，口感有如沙冰，比沙冰較稀的感覺，酸度的確剛好，不影響甜味，個人喜愛較酸。刺身拼盤選擇了第三個，海膽半板，三文魚三件，甘蝦兩隻，鱆紅魚三件，這樣的刺身自然比放題為佳，海膽味又鮮又濃，三文魚厚切，啖啖魚肉口感，魚肉味非常濃，鱆紅魚味道比三文魚淡，魚肉味較濃郁。韓風豬頸肉拉麵，上枱時香味四散，很有鑊氣的口感，入口雖然較肥膩，炒得很香口，味道上口感雖是鹹，不過卻是剛好，非常配合。特盛海鰻丼，單是海鰻厚厚，賣相已經吸引非常，海鰻肉又香又軟，質感滑滑，鰻魚汁濃淡合適，丼飯粒粒香軟，飯味足，很有咬感，沾

實在係好耐冇食過好嘢啦，日日返工咁辛苦，今個星期終於約咗班去食好野，又食日本野啦。今次去到呢間餐廳喺佐敦，位置非常非常之好，一落車你實見到。然後我哋上到去都好多人啊，睇嚟嘢食質素唔錯。開頭打開Menu，見到：「死啦咁平嘅價錢，會唔會係伏嚟㗎？」都驚左一驚，所以為咗市場，就隨便叫咗兩個壽司先，你知啦刺身實無死。點知道，質素真係非常好！叫咗個海膽刺身完全唔腥喎，好多日本餐廳嘅海膽其實都好差，食到落口個種臭味真係難以忘懷。但係佢呢度非常新鮮，其他嘅刺身亦都好厚，好抵食。然後都係叫咗一大堆熟食咁啦，有薯條、雞翼呀。講真，薯條我就麻麻哋，因為加咗泡菜，有啲唔係好夾。如果係我寧願俾錢食多啲串燒，因為好正，個皮燒得脆得來又唔會好燶，大推雞軟骨！不過如果你問我，我始終覺得最出色就係最美味嗰個雪葩，雖然間間都好似有呢樣，但呢到勝在款式真係好多，仲有拎出嚟真係勁靚呀！有好多餐廳，雖然話係雪葩，但拎出嚟已經好似雪糕嘅質地，我覺得係欺騙咗我嘅心。所以呢間最啱幾個朋友一齊去，一次食晒咁多款就啱啦。

暑假快完结，新學年又即將開始，同學约了去七福神和食亭食開學飯，這間日式餐廳在佐敦港鐵站A出口，步行2分鍾便到達，交通非常方便。餐廳是在閣樓，地方也算寬闊，餐枱上的餐具擺放整齊。餐廳内座滿的都是人年青人，真是青年人的最好聚集地方。同學介紹這間餐廳的壽司最好食，每次他来必選擇的。所以我們先選擇了脊燒 鰻魚壽司，和多款美味的寿司。同學還推薦日式魚片烏冬，烏冬入口爽滑，湯底清甜美味，魚片口感爽彈]。個人最回味的，不可不提是蛋包钣，蛋皮金黄色，著粒粒軟綿味道可口的米飯，把我們肚皮都填飽了，值得下次再試。