七福神和食亭

營業中

休息中

之前同朋友嚟食過一次，印象之中呢間餐廳位置寬躺，閒日來唔算迫到爆炸，可以坐卡位。感覺上同一般餐廳唔同，空間感比較大坐得舒服啲。前幾日天氣都仲熱辣辣，同朋友想食啲生冷野降下溫，喺附近行完街食完野就可以搭地鐵返屋企，交通好方便一坐低即刻帶咗一支梅酒先，勁香梅酒味，好好飲，唔知係咪天氣好熱再加埋我本身唔飲得，飲咗少少就已經覺得頭暈我fd就飲得勁開心冇得飲就唯有食，呢半版海膽真係無得輸，鮮甜！三文魚大大片，甜蝦一啲都唔腥，北寄貝撈埋d wasabi匙油好正我本身一啲都唔鍾意食蔥，尤其係日本嗰啲大涌，但係呢一隻牛肉卷一定要配一條大蔥食，d牛肉勁香鰻魚炒飯熱辣辣，鑊氣重😂呢隻雞翼烤炸完一啲都唔油，仲好香脆juicy勁香菠蘿味，夠晒凍。影相一流慢慢影😂呢餐飯一人270幾蚊一啲都唔貴，有酒飲有冷氣有魚生值得推薦同朋友一齊嚟食飯

同事推介話呢間日式餐廳抵食, 今日一於午餐來試試。午餐套餐選擇頗多, 令我呢種有選擇困難症的人頭都大埋。最終在日式餐廳點咗個貌似似韓式餐多D既石鍋香蒜牛肉飯, 我也真夠另類。上菜啦～三文魚都幾厚身, 完全唔會因為跟餐而馬虎。 石鍋牛肉飯熱辣辣, 牛肉份量好多, 而且燒汁足夠撈勻成碗飯, 鹹甜度適中, 令我在不知不覺中清空曬成大碗。呢個係同事的鰻魚飯定食。散點的海鮮鍋燒烏冬, 好大隻蝦啊～ 還有青口, 蟹柳, 魷魚圈等海鮮, 睇落相當唔錯。同事亦都話佢自己每次來午餐都必點。雞軟骨魷魚鬚牛油帶子炸物都真係做到酥脆而唔厚粉, 而且份量頗多,現場除咗返工人士之外, 仲有好多學生, 可見絕對係附近的午餐精選餐廳, 下次可以繼續來試其他菜色。

七福神和食亭係朋友介紹的朋友話價格親民料理好味於是就約左男朋友黎試下蟹肉味噌甲羅燒（配雙目珍珠飯）我好鍾意食甲羅燒 推薦蟹肉蟹糕加一小口飯用紫菜卷著擺入口好幸福食到最後用晒啲紫菜就拎啲飯直接放入蟹殻到撈埋一齊 依然都係咁好味呀刺身：帶子 甘蝦岩鹽黃金燒蟹籽美國生蠔壽司：海膽 芥辣八爪魚 鰻魚燒物：燒雞翼 大蔥雞清酒煮海蜆泡菜豆腐海鮮湯全部食物嘅食材都好新鮮而且亦煮得好好食大家可以黎試吓唔覺唔覺就叫左咁多但叫左咁多野食都唔會話好貴而且兩個人仲食到食飽呀 價格親民又好味👍

依間七福神和食亭係豬仔既朋友介紹既朋友話價格親民料理好味仲有豬仔好鍾意食既甲羅燒於是就二話不說即刻約左豬仔既另一半黎試下蟹肉味噌甲羅燒（配雙目珍珠飯）蟹肉蟹糕加一小口飯用紫菜卷著刺身：帶子 甘蝦兩款刺身都好新鮮好鮮甜岩鹽黃金燒蟹籽美國生蠔生蠔新鮮 燒得好入味 配上醬汁好獨特壽司：海膽 芥辣八爪魚 鰻魚飯細細舊 配料好足 食材新鮮燒物：燒雞翼 大蔥雞每款都2大串 好抵食清酒煮海蜆酒味濃郁 蜆新鮮煮得啱啱好 脹卜卜泡菜豆腐海鮮湯海鮮包括青口 帆立貝 蝦 蟹棒 蜆 泡菜足 豆腐滑底部仲有粉麵 豬仔同另一半都好食得叫左咁多野食都唔會話好貴而且兩個人仲食到食飽呀價格親民又好味 難怪朋友會介紹黎食啦！

今次係第二次幫襯啦！品質服務唔錯而且超近地鐵站好方便醫肚今次新menu有組合優惠，於是我就揀左右下清酒煮蜆加三文魚刺身！兩樣都係本身想叫好彩比我發現到有優惠姐刺身依舊新鮮鮮甜，特別誠意推薦甜蝦同帶子清酒煮海蜆係我的最愛，蜆有肉地酒清香，一隻蜆一啖清酒，超正啊！！！另外都有叫左啲壽司，飯既size適中，加埋新鮮既材料，輕鬆好食啦🤷🏻‍♀️🤗今次有驚喜位！大大隻唔厚粉既烤軟殻蟹都係$68咋！聽講軟殻蟹本身攞貨都係差唔多妮個價錢好抵食啊！味道新鮮而且好鬆化最後值得一提係杯沙冰，飲到最尾都唔會好水而且好smooth我相信一會有第三次！

鰻魚飯 $128鰻魚飯是熱門推介，鰻魚砌成一塊塊，再疊成小山丘，烤到焦脆的顏色，配上香甜的燒汁和芝麻點綴，令人食指大動。燒鰻魚甘飴、肥美，燒至表面焦脆，軟嫰無骨，大啖咬下去的滋味使人心醉! 米飯拌合了滿滿的燒汁，吃起來特別細膩。網燒牛扒牛扒燒至油光亮澤，肉質軟腍、多汁，輕嚼幾口便溶化，沾上甜燒汁，令牛香加倍提昇。伴碟也花心思，芽菜吸收了肉汁精華，變得更滑溜；炸蒜片和炸雞軟骨酥脆口感，愈食愈過癮!芝士肉醬燒茄子長長的茄子上，舖滿半溶芝士和肉醬，再灑上香草，簡單而吸引! 軟綿的茄子加上香濃的肉醬，啖啖邪惡“油”誘! 魷魚鬚唐揚魷魚鬚新鮮炸起，熱辣辣又香口，脆薄的粉漿包裹有嚼勁的魷魚，沾上蛋黃醬，絕對是男女老少的摯愛。金龍蝦反卷金龍蝦炸到脆卜卜，結合紫菜反卷和鮮味蟹籽，吱上大量的沙律醬，吃到中間也不會寡，真的不錯。清酒煮海蜆海蜆肉身飽滿，浸泡在温熱的清酒湯內，湯中加入紅辣椒粒及胡椒。海蜆入口鮮嫰，再呷一口湯汁，微辣刺激味蕾。三文魚刺身三文魚十分新鮮、肥美，鮮甜啖啖肉，滑溜無比，一口氣吃了幾片! 北海道鍋燒蠔仔粥 $62粥底綿稠，加入蛋花和紅蘿蔔熬製，入口清甜，湯內有大量蠔仔肉和香菇片，口感豐

前排感冒沒有胃口食野,現在好返好多立即搵朋友約食飯!!當然係食我最鐘意的日本料理啦!!我們選擇了以前舊公司附近人氣很高的七福神!!這裡有很多梳化卡位,坐得舒適又唔擠迫,空間十分寬敞,有一排窗口可以望到街景,光線又充足,環境不錯!主餐牌本身已經好多選擇,再加上其他推介的餐牌,諗食邊樣都諗了好耐!經過一番爭扎,最後我們將想食的食物名和數量寫在點菜紙上交給職員就開始等開餐!!首先來到係我最期待的<石鍋燒香辣大蝦海鮮手打烏冬> 石鍋周邊熱騰騰出哂煙,還發出"啪滋"的聲音!!香味撲鼻!!石鍋裡最搶眼一定係有筷子般長的大蝦!蝦肉鮮甜,彈牙爽口,湯底有少少辣味,令人胃口大增!加上青口,帶子,魷魚等海鮮,確實色香味俱全!!<北海道鍋燒蠔仔粥> 另一熱騰騰美食!!鮮甜味十足的蠔仔新鮮又大隻,帶出粥豐富的海鮮味道,加上粥的口感濕濕嗒嗒易入口,非常好味!<芝士焗天火蠔> 蠔肉肥美香甜,沒有腥味,面層覆蓋著芝士,焗至芝士變金黃色,淋上檸檬汁,十分滋味!!<魷魚鬚唐揚> 每條魷魚鬚都很粗身,彈牙有咬口,不會太韌,加上麵包糠,口感不錯!!<軟

男朋友係佐敦呢頭上完堂，見到呢間日本料理好似幾抵食就上左去醫肚!呢度個餐牌超級好，好多圖，最怕啲餐牌得字，睇死人。食物種類多，可以話咩都有啲，唔怕無野岩食😂因為同男朋友都超級肚餓，所以嗌左好多野食😀嗌左: 關西風玉子燒, 三文魚腩刺身(5片), 香蔥三文魚丼,蟹籽沙律(大),魷魚鬚唐,椒鹽風味本菇,芝士燒天婦羅蟹腳卷飲品: 藍莓活乳酸, 青蘋果雲呢拿奶昔甜品: 富士蘋囝雪葩, 菠蘿雪葩👉🏻關西風玉子燒 $55雖然賣相好一般，但蛋好濕潤嫩滑，甜甜地，唔會好油厚厚的，蛋味濃，熱辣辣上枱👉🏻三文魚腩刺身(5片)$68厚切的三文魚腩好肥美而且食得出好新鮮鮮甜得黎亦有魚油香　正🤤👉🏻香蔥三文魚丼$78同樣三文魚好新鮮　鮮甜香蔥味加埋少少豉油食好清新而且上面既芝麻令成個丼更香😋👉🏻蟹籽沙律(大)$55想講呢度既蟹籽沙律真係不得不提👏🏻嗌左大　但無諗過係咁大😱$55 真係超值👏🏻👏🏻我諗平時出面求其一碟既蟹籽沙律都60蚊以上呢度呢個份量係５人以上大過拉麵碗既蟹籽沙律😱😳份量大仲要好足料青瓜生菜絲好新鮮又清爽蟹籽蟹柳都好多　鮮味👉🏻魷魚鬚唐$48呢個份量都唔少魷魚彈牙炸漿唔會太厚炸得剛好　香脆彈牙點埋

時常經過七福神，今天想叮日本菜決定一試。七福神的選擇很多，刺身、熟食、甜品都一應俱全。想食海膽的關係叫了刺身拼盤三，三文魚肥美鮮甜，海膽也新鮮甘香，這個價錢很超值！極大的蟹籽沙律！拉麵碗的大小，明明叫了(小)也足4人份量，很抵食！廣島吉列炸蠔外脆內嫩，外皮乾爽無油，出色！海膽魚籽丼是一個迷你丼，濃度海膽加上鹹香三文魚籽，好吃！軟殼蟹手卷暖暖的壽司飯包裏炸至香脆的軟殼蟹，一軟一脆甘香美味。鐵板牛柳粒粒燒超！好！吃！以鐵板送上, 一口牛柳粒肉質軟熟，中間有薯蓉，濃味醬汁令人一口接一口！厚切牛舌牛舌爽口脂香豐富，好吃！

經過七福神門口，突然超想食日本野呀🤤同媽媽，表弟，仲有老公一齊食先。餐廳裏面都幾光猛同乾淨，座位好闊，幾好坐，就咁睇呀豬媽冇依依牙牙嘅反應就知道呢度幾舒服😏菜式種類好多，而且價錢相宜，搞到樣樣都想叫。呢度可以自己寫點菜紙，寫編號就可以，豬蠢寫晒成張紙都係菜式名先發現其實可以寫數目字，俾人笑左好耐🤣Lunch都冇食到飯，肚子好餓呀，好彩上菜速度快。先黎三文魚刺身，色澤鮮明呈橙紅色，每件厚身肥美，脂肪紋分佈鮮明，紋理清晰，而且肉質堅挺，非常新鮮。脆皮煎餃子，豬以為係普通煎餃子，但原來真係有塊脆皮底，熱辣辣，煎得好靚又唔會穿底，幾香口。廣島吉列炸蠔值得一試，外皮酥脆，咬落入面熱辣辣，正👍紫芋金粟薯餅幾好食， 外皮鬆化，內裡是溶化軟綿的紫薯蓉，甘香清甜。壽司叫左個24件雜錦，賣相很吸引，食材新鮮，以吞拿魚最為出色，脂肪含量豐富，入口溶化。另外三文魚，吉列炸蝦卷，甜蝦同玉子都好好味，有水準。 味噌蟹甲羅燒，蟹膏味道好香，暖暖的蟹肉醬，配上紫菜飯團，滿口蟹膏味，非常滿足亦非常飽肚。炭火燒河豚干好似肉乾咁，甜甜地好好食，食完一條又一條。串燒雞翼，雞皮香脆，雞肉係用鹽調味，鹹味適中。另外芝麻雞翼燒得香

七福神和食亭呢間日本餐廳係我哋第一次幫襯，估唔到平日都坐到滿晒，好在一早book咗位，我地入座卡位，座位好寬敞，菜單有各樣菜式，多到我地都花左一段時間先決定到。蒲燒鰻魚飯，份量好大條，醬汁多，食完已經好飽肚，而且鰻魚是塊塊厚切，目測差不多有整條鰻魚，饅魚汁不錯，不會太甜又不太咸的。蟹肉味噌甲羅燒，蟹蓋有大量的蟹膏及蟹肉絲，味道鮮甜，蟹味香濃，蟹膏味道很香，配上紫菜飯團，滿口蟹膏味很滿足。壽司拼盆 ( 24件 ) 玉子，三文魚，赤貝，蝦等壽司味道調得很好，非常新鮮，壽司飯的軟硬度適中，口感很好。三文魚腩(5件) 三文魚腩好肥美，厚度夠同夠新鮮廣島吉列炸蠔我真係好鐘意食蠔，呢個非常好味，炸皮唔會好厚，而且都鬆脆，炸蠔好大隻，外面香脆，裡面肥美多汁，鮮美。魷魚鬚唐揚，魷魚味好濃，炸得好香口，唔會好硬，值得一試。炸雞軟骨炸到金黃酥脆，入口好有咬口，調味恰到好處，沾上少少七味粉沙律醬，更加美味。芝麻雞翼芝麻又香，炸得金黃又香脆，也很入味，裡面肉汁又豐富，外皮酥脆香口，雞肉鮮甜嫩滑，非常惹味。富士蘋果雪葩成個富士蘋果整做雪葩，雪葩好香蘋果味，有啲微甜，食完滿足灑！今晚非常開心！大家都吃得非常痛快！

如果唔係朋友介紹呢間平時都比較少入佐敦搵野食一早打左去book位 時間早左有位都俾我地入先今餐連埋朋友total 4個人 一打開個meun樣樣都好吸引 我地總共叫左8個餸超飽必食【魷魚鬚唐揚】超正必試！炸得岩岩好夠脆唔厚粉【火炙芝麻鰻魚飯卷】本身已經超中意食鰻魚！呢個飯卷都算足料最緊要係好多汁同濃味！可以一試

好朋友，有兩年沒見面了，她到外深造，因大家時差的關係，沒有見面，在港時，我地幾乎每個星期都會見面食飯的，現在，只有在網上見面，有時大家都會忙著，就只有用信息問候一下情況。最近她放假，便抽空回港探我，真是好開心。我地相約到大家都好熟悉的食店等，因彼此都喜歡食壽司魚生等。晚上時段，都見到不少客人，這裡點餐到上檯都好快，而且又大碟好低啊！蟹籽沙律，青瓜絲好新鮮又清甜，蟹籽蟹柳都好多，是我地必叫的。蟹籽壽司，因我好鍾意食蟹籽，入口嚼著時，蟹籽在口裹卜卜聲，混在壽司飯裹，鮮味又滿足。芝麻雞翼，是人人都鍾意食，雞翼好飽滿，酥炸香脆，皮脆肉嫩，入口即有爆汁，芝麻又脆口。露筍牛肉串，燒烤味道香濃，牛肉好嫩滑，點上醬汁，更新味，露筍脆口，用來佐酒一流。石鍋燒香蒜牛肉飯，必食之選，熱辣辣，香噴噴，鍋面全是牛肉，香蒜味濃，牛肉不肥膩，牛肉、香蒜的味道滲入飯裹，再淋上醬汁，嗅到都好肚餓，越食越美味，停不了。

十月份初，姨甥女放假來港購物逛街，當然是少不了是食下街邊小食，我亦儘下地主之誼，請她食東西啦。我好時，放工約人行街食飯，都相約在佐敦食飯，大家都是愛食日本料理，在這裡，不但有日本料理、韓國食物，冷熱均可，絕對是好的選擇。雖然地方細小，又樓上鋪，但都吸引不少人都來食，上食物又快，又大大份，難怪咁多人來食。價錢又好適宜，多選擇，上食物亦不需等太久，就上檯了，正！蟹籽青瓜沙律，每次我都會點的，大大碗，上面的蟹籽勁多，青瓜青翠又清甜，蟹籽入口鮮味，卜卜聲。石鍋什錦海鮮手打烏冬，大蝦🍤夠大，比個石鍋還要大，蝦肉彈牙爽口，除左大蝦外，有青口、魷魚、帶子，什菜，湯底香濃，烏冬掛滿濃湯，入口香濃夠滑口。鰻魚炒飯，香噴噴，鰻魚嫩滑，飯米粒粒分明，加上鰻魚的醬油黏著米飯，蛋香飯香一齊散發，美味可口！魚生刺身盛合，有活赤貝、三文魚、甘蝦、鮮甜美味，三文魚肥美，油脂分佈均勻，肉質嫩滑，入口油脂久久不散，鮮味有餘。紫芋金粟薯餅，即叫即炸，外脆內軟，夠粉糯，好香甜的薯溶，甜味剛好，是飯後必食甜點。

佐敦呢間七福神和食亭 ,喺佐敦冇十年都有八年。 本人也曾多次光顧晚市， 今次和朋友來一次午餐。 大眾化價錢， 最喜歡那麼多相的menu環境挺大的，不會坐得迫夾 燒小青椒細細青椒， 最適合作為美味刺身前的前菜蛋花蠔仔粥嘩！ 有點後悔點了這個， 因為實在太大碗了， 不單大， 料足，蠔仔又大隻怎算好， 已飽了大半但就算怎樣飽， 刺身併盤是必叫的刺身拼盤海膽半版，三文魚， 帶子，吞拿魚，章紅魚，北寄貝各三件，還有甜蝦各三件一句講哂 ! 全部都超新鮮燒蠔再來一人一件濃味焗生蠔