七福神和食亭

營業中

休息中

如果要我揀位處九龍的日式料理店，我與友人的三甲之選，這間肯定榜上有名。原因是食材不賴、烹調手法恰當，而且價格合理。今次一行四人，點選了十一道菜加酒水，大刷一番。 大蒜牛油燒銀鱈魚：可以用肥美多脂來形容，市面一般日料已經好少食到高質的銀鱈囉。 特盛海鳗丼：大大碗四個人分都夠食，這兒的燒鳗大條肉厚，燒汁好開胃。 碳燒黑毛豬鞍扒：超大厚切黑豚肉，入口略嫌太厚，真的口細就要切細塊咯。 芝士焗天火蠔：另一道令人回味的日料皇牌，芝士焗起好香好滑，大大粒蠔肉一啖吞，夠豪。 炸物方面，我們點了魷魚鬚唐揚、炸雞軟骨和蝦天婦羅，香脆美味架呢。 燒物方面，我們點了燒豬頸肉、燒雞翼和燒鲭魚，燒到皮脆肉滑，柯耳士。刺身拼盤，我們點了海膽(半板)、三文魚(3件)、甘蝦(2隻)和鱆紅魚(3件)，話明和式料理，點都要食少少。 真澄梅酒，酒精濃度約14%，細細隻杯幾個人斟，剛好。

媽咪真的很喜歡吃日本菜, 所以今晚一家人的聚餐我們選擇了位於佐敦的七福神和食亭, 之前同成班朋友食過超好食同抵食！今晚試了很多不同菜式, 食到滿桌美食, 滿足到不得了！！今晚必叫的刺身拼盤先上桌~有海膽(半板), 三文魚(3件), 甘蝦(2隻)同鱆紅魚(3件) , 賣相巳經非常吸睛, 件件都大大件, 鮮甜冰凍！接着美食陸續上桌, 先上桌是蝦天婦羅~外層香脆, 蝦肉彈牙, 脆粉炸得剛好, 配上醬汁同吃, 份外惹味！接着有燒豬頸肉同燒雞翼~燒得香脆可口, 啖啖都是肉！還有炸雞軟骨~脆脆的, 很有咬口, 加上沙律醬同吃, 送酒一流! 我們還叫了碳燒黑毛豬鞍扒~肉身超厚, 很有質感, 肉邊還帶有焦香！因為媽咪很喜歡食魚, 所以我們叫了兩塊大蒜牛油燒銀鱈魚~銀鱈魚邊燒得香脆, 魚肉厚身, 滑滑嫩的, 牛油味香濃！接着有芝士焗天火蠔~芝士味香濃, 焗蠔鮮甜可口, 食完一隻都略為不夠！今晚最驚喜是叫了特盛海鳗丼~海鳗滿鋪鳗魚汁, 鰻魚軟滑無比, 肉汁澎湃, 加上日本米飯同吃, 令我回味無窮！還有魷魚鬚唐揚~脆口彈牙, 煙煙靭靱的, 鮮味十足, 送酒佳品！最後還叫了燒鯖魚~肉質很鮮, 淡淡魚香滲出,

今晚是季度姊妹聚會日，我們選擇了一個方便大家前往及回家的地方吃晚飯，這就是旺角和尖沙咀中間的佐敦了。來到這一間其中一個姊妹吃過的—七福神和食亭。我們一行四個女孩子點了八個菜式及1人1杯飲品，由於有人不想吃生食，因此這晚我們以熟食為主。芝麻鰻魚卷$52每個鰻魚卷都有豐富的鰻魚汁和芝麻，卷物內的菜和青瓜爽脆新鮮，鰻魚肉嫩滑沒有碎骨，不錯👍🏻芝士泡菜薯條$38不過不失，因薯條不夠熱，所以不太脆，泡菜又不太入味。七味軟殼蟹卷$52沙拉醬及蟹籽飯包裹著香脆鮮炸的軟殼蟹，口感豐富又美味，非常推介👍🏻露筍牛肉$52這個配搭不錯，有點似金菇牛肉卷，但因入面的是露筍，所以一點也不黏牙，還加添了幾分爽脆感～牛肉生熟程度也燒得剛好，因此一點也不韌😎魷魚酥唐揚$48超級推介！炸起即上，新鮮熱辣，香脆可口，而且魷魚很容易咬開，一點也不韌。店家用上這款炸漿來炸魷魚可是非常完美的配搭，沾上蛋黃醬更添滋味。鰻魚炒飯$68炒得不錯，鰻魚也不少，鰻魚汁味濃厚，份量多，好味兼抵食👍🏻東京風茄子煮$36普通菜式，不過不失，吃點菜幫助消化而已。😝芝士鐵板燒豆腐$50豆腐軟滑，加上濃厚的芝士，對於超喜歡吃芝士的我們來說，好吃幾乎

收工約朋友食飯，緊係要搵個就腳走既地方🤩例如係佐敦(其實食開都係佐敦多😂)今日就來左七福神食晚飯，因為入面都係有熱食，刺身，丼飯，燒物等。一次過可以滿足曬幾個願望我地三人叫左以下食物:壽司拼盤： 有分鐮倉（18件）同 東山（24件）。叫左18件拼盤壽司，仲有炙五味包括: 鰻魚，三文魚，蝦，吞拿魚，鴨胸各一件。拼盤三個人食剛好，有甜蛋，三文魚，油甘魚，吞拿魚等。拼盤好處係每樣都可以食啲🤣壽司🍣上的魚生夠凍夠新鮮！海膽魚子丼，魚子夠大粒。將海膽同飯撈匀，竟然另有一番風味，吾錯！關西風玉子燒（6件），上菜時玉子暖暖的，適合立即食！玉子質感夠軟身，食落好香蛋味。加上少許蘿蔔蓉，反而仲加突出蛋既香味。厚切牛舌，兩串共6件。有咬口，燒得軟硬適中。牛舌十分多汁，不會乾爭爭，好香牛味！愈咬愈香。大蒜牛油燒銀鱈魚，大蒜配銀鱈魚係新鮮特別的組合，銀鱈魚好嫩滑，淋有燒汁。大蒜熟左有小小甜味，蒜味不重，可惜大蒜比較難夾出來。配有小小沙律菜，食完蒜再食菜，可以清新下🤣清酒煮海蜆: 湯有淡淡清酒味，熱度合適。海蜆十分嫩滑同新鮮，有蔥同小小辣椒吊味。總體上菜快，有效率。全埸滿座，見到服務員都比較忙碌。見經理都好努力

一間餐廳能夠係旺區做得住，一定有佢原因，而呢間我會用好食，抵食黎形容佢餐廳餐牌不時會加入新食品，保持新鮮感，吸引客人回頭度蟹籽沙律係我黎呢度嘅必叫之選，皆因超級抵食，呢客只係細份量($45)就已經咁大碗青瓜絲清脆多汁，D蟹籽多到好似唔駛錢咁，加埋蟹柳，細食人真係食完都已經飽晒!六品刺身盛(合) ($198)，擺盤吸引，分別有三文魚，吞拿魚，赤貝，甜蝦，帶子及油甘魚六種刺身; 每款食落鮮甜，解凍溫度唔錯，唔會有太冰感覺!  刺身仲幾厚切，夠晒口感!見到有秋日雙拼，價錢超吸引，4款組合選了呢組優惠價$74，呢個價錢，單叫都唔得啦蟹肉味噌甲羅燒，跟住個飯團及紫菜伴食味噌醬加入蟹肉及蟹膏中，口感綿滑，再有埋蟹籽嘅卜卜脆，將紫菜包住飯再"不"一匙蟹肉上去，一啖放入口，成隻蟹係我口中出現左.............超滿足!無諗過客脆皮煎餃子會咁大份，以為最多有4隻...哈...哈.....脆皮連埋餃子煎完連在一起，用筷子輕易將每隻餃子分開點埋個餃子汁帶點微酸味好開胃，餃子皮唔太厚口感帶點煙韌，餡料唔算太多唔會太"漏"一客有3隻大蝦及幾款蔬菜 (茄子，南瓜，辣椒仔，冬菇)混合而成嘅就係呢客什錦天婦羅

下班跟同事去找吃的，有朋友推介過七福神就來試試！因為減肥當中，不能吃澱粉類，但還是有很多食物可選，因為七福神食物種類超多啊！三文魚腩刺身 評分：［9/10］三文魚超厚身，油脂分佈平均，每口都食得出三文魚香同油味，最重要是新鮮！好味～炸雞軟骨 評分［8/10］外皮酥脆可口，內裡煙煙韌韌，調味恰到好處，不會過咸。芝士肉醬燒茄子 評分［8/10］原條燒茄子超香腍，淋上芝士肉醬更有上癮感覺！好惹味！黑松露海膽茶碗蒸呢個茶碗蒸比平常食開既無咁水，蛋既成分高d，所以都無咁滑。但加上黑松露就真係幾香，不過將海膽蒸熟左味道都有點失色。

星期六出門剪髮、逛街 理髮店就在裕華附近時間未到先去食個中午時間尚早 店裏人不算多 空間挺寬敞的坐在角落 剛好可以看到彌敦道的街景叫了午巿壽司刺身餐包括了麵豉湯、小食、甜品、飲品和朋友一人一個餐小食有五款可選我選了「朝鮮醬青瓜章魚漬」 朋友選了「煙鴨胸沙律」兩款都挺開胃的壽司定食（$68）：分別是鰻魚、北寄貝、赤貝、蛋、三文魚、吞拿魚、甜蝦七款手握飯不錯 不會一夾就散上頭的刺身也挺新鮮極上魚生丼（$98）：有帶子、海膽、蟹子、蛋、八爪魚、吞拿魚、三文魚、蝦刺身都是厚切的 不欺場魚生丼的蝦也是份量十足 很大一隻 鮮甜美味刺身拼盤3號（$128）：因為看到朋友的魚生飯太吸引 所以追加刺身拼盤包括海膽半板、甜蝦兩隻、三文魚三塊、紅鱆魚三塊另外有紫菜和飯團配送紅鱆魚可換成北寄貝但由於壽司定食已經吃過北寄貝 所以我選了紅鱆魚甜蝦沒魚生飯的蝦大 但也不錯其他刺身一樣是厚厚一片紫菜包着海膽吃 又膽又鮮芝士鐵板燒豆腐（$50）：熱騰騰上的 豆腐入面非常嫩滑 要小心燙口芝士佈滿豆腐上面 每一口都吃到芝士味岩鹽黃金燒蟹籽美國生蠔（$45/1隻）：最愛這個燒蠔 看起來黃金色很誘人蠔非常肥美 有厚度的！上面的

鰻魚飯$128足一條鰻魚份量，表面燒到焦脆，配上香甜的燒汁加埋芝麻，大口咬下去鰻魚肥美冇骨，香甜嫩滑，滿口魚脂， 每口🍚飯都是滋味大滿足😋😋芝士焗天火蠔$70 三隻蠔身被滿滿半溶芝士蓋著， 用筷子夾起， 發現蠔身白滑肥美，十分吸引，咬下去蠔汁在口中爆開， 混合埋半溶芝士， 滋味無窮。👍👍金龍蝦飯卷$46蝦身炸到脆卜卜 ，被紫菜和飯糰 包著， 壽司面配埋大量沙律醬和蟹子， 惹味可口， 完全唔覺得肥膩🤗🤗清酒煮海蜆肥美的蜆肉浸泡在暖暖清酒裏， 蜆肉在口裏散出陣陣的酒香， 更加帶出鮮味， 食完蜆肉， 還把所有的清酒湯汁喝清😋😋

早派經過見到有個招牌閃閃下好吸睛，上面大大隻字寫住七福神，因為太入腦特登上網search下，見到d comment好似唔錯就拉埋d朋友過嚟試下海膽魚籽丼 $128正呀呢個，淨係個樣已經令人唾涎三尺，三文魚籽同海膽好足料鋪滿成個飯，兩款材料都好鮮甜用黎撈飯好幸福雖然迷你size但因為爆料所以3個人分都好夠喉帶子刺身(6切) $56、甘蝦刺身(5切) $55帶子鮮甜有光澤，中等size，唔算好大隻；甘蝦爽口彈牙，幾新鮮芝士焗天火蠔 $70個芝士汁有煙肉喺裡面，好似食緊卡邦尼亞咁好香好creamy；d蠔好大隻，雖然烤焗但食得出係新鮮，蠔味算濃，如果生食會仲開心，因為個煙肉芝士汁有少少搶左風頭大蒜牛油燒銀鱈魚 $138銀鱈魚緊緊被照燒汁包裹住，唔會汁還汁肉還肉咁，魚嘅肉質嫩滑，令人忍唔住好快食曬燒原個蒜頭都好香，如果燒得再耐d有埋個焦糖效果就更正清酒煮海蜆 $88呢個好有驚喜，首先份量已經多，d海蜆大粒得嚟又好嫩滑，完全唔嚡，仲要非常鮮甜，值得推介埋單加埋一每人$347，價錢算中等，平過坊間放題少少，但質素唔錯

之前同朋友嚟食過一次，印象之中呢間餐廳位置寬躺，閒日來唔算迫到爆炸，可以坐卡位。感覺上同一般餐廳唔同，空間感比較大坐得舒服啲。前幾日天氣都仲熱辣辣，同朋友想食啲生冷野降下溫，喺附近行完街食完野就可以搭地鐵返屋企，交通好方便一坐低即刻帶咗一支梅酒先，勁香梅酒味，好好飲，唔知係咪天氣好熱再加埋我本身唔飲得，飲咗少少就已經覺得頭暈我fd就飲得勁開心冇得飲就唯有食，呢半版海膽真係無得輸，鮮甜！三文魚大大片，甜蝦一啲都唔腥，北寄貝撈埋d wasabi匙油好正我本身一啲都唔鍾意食蔥，尤其係日本嗰啲大涌，但係呢一隻牛肉卷一定要配一條大蔥食，d牛肉勁香鰻魚炒飯熱辣辣，鑊氣重😂呢隻雞翼烤炸完一啲都唔油，仲好香脆juicy勁香菠蘿味，夠晒凍。影相一流慢慢影😂呢餐飯一人270幾蚊一啲都唔貴，有酒飲有冷氣有魚生值得推薦同朋友一齊嚟食飯

同事推介話呢間日式餐廳抵食, 今日一於午餐來試試。午餐套餐選擇頗多, 令我呢種有選擇困難症的人頭都大埋。最終在日式餐廳點咗個貌似似韓式餐多D既石鍋香蒜牛肉飯, 我也真夠另類。上菜啦～三文魚都幾厚身, 完全唔會因為跟餐而馬虎。 石鍋牛肉飯熱辣辣, 牛肉份量好多, 而且燒汁足夠撈勻成碗飯, 鹹甜度適中, 令我在不知不覺中清空曬成大碗。呢個係同事的鰻魚飯定食。散點的海鮮鍋燒烏冬, 好大隻蝦啊～ 還有青口, 蟹柳, 魷魚圈等海鮮, 睇落相當唔錯。同事亦都話佢自己每次來午餐都必點。雞軟骨魷魚鬚牛油帶子炸物都真係做到酥脆而唔厚粉, 而且份量頗多,現場除咗返工人士之外, 仲有好多學生, 可見絕對係附近的午餐精選餐廳, 下次可以繼續來試其他菜色。

七福神和食亭係朋友介紹的朋友話價格親民料理好味於是就約左男朋友黎試下蟹肉味噌甲羅燒（配雙目珍珠飯）我好鍾意食甲羅燒 推薦蟹肉蟹糕加一小口飯用紫菜卷著擺入口好幸福食到最後用晒啲紫菜就拎啲飯直接放入蟹殻到撈埋一齊 依然都係咁好味呀刺身：帶子 甘蝦岩鹽黃金燒蟹籽美國生蠔壽司：海膽 芥辣八爪魚 鰻魚燒物：燒雞翼 大蔥雞清酒煮海蜆泡菜豆腐海鮮湯全部食物嘅食材都好新鮮而且亦煮得好好食大家可以黎試吓唔覺唔覺就叫左咁多但叫左咁多野食都唔會話好貴而且兩個人仲食到食飽呀 價格親民又好味👍

依間七福神和食亭係豬仔既朋友介紹既朋友話價格親民料理好味仲有豬仔好鍾意食既甲羅燒於是就二話不說即刻約左豬仔既另一半黎試下蟹肉味噌甲羅燒（配雙目珍珠飯）蟹肉蟹糕加一小口飯用紫菜卷著刺身：帶子 甘蝦兩款刺身都好新鮮好鮮甜岩鹽黃金燒蟹籽美國生蠔生蠔新鮮 燒得好入味 配上醬汁好獨特壽司：海膽 芥辣八爪魚 鰻魚飯細細舊 配料好足 食材新鮮燒物：燒雞翼 大蔥雞每款都2大串 好抵食清酒煮海蜆酒味濃郁 蜆新鮮煮得啱啱好 脹卜卜泡菜豆腐海鮮湯海鮮包括青口 帆立貝 蝦 蟹棒 蜆 泡菜足 豆腐滑底部仲有粉麵 豬仔同另一半都好食得叫左咁多野食都唔會話好貴而且兩個人仲食到食飽呀價格親民又好味 難怪朋友會介紹黎食啦！

今次係第二次幫襯啦！品質服務唔錯而且超近地鐵站好方便醫肚今次新menu有組合優惠，於是我就揀左右下清酒煮蜆加三文魚刺身！兩樣都係本身想叫好彩比我發現到有優惠姐刺身依舊新鮮鮮甜，特別誠意推薦甜蝦同帶子清酒煮海蜆係我的最愛，蜆有肉地酒清香，一隻蜆一啖清酒，超正啊！！！另外都有叫左啲壽司，飯既size適中，加埋新鮮既材料，輕鬆好食啦🤷🏻‍♀️🤗今次有驚喜位！大大隻唔厚粉既烤軟殻蟹都係$68咋！聽講軟殻蟹本身攞貨都係差唔多妮個價錢好抵食啊！味道新鮮而且好鬆化最後值得一提係杯沙冰，飲到最尾都唔會好水而且好smooth我相信一會有第三次！

鰻魚飯 $128鰻魚飯是熱門推介，鰻魚砌成一塊塊，再疊成小山丘，烤到焦脆的顏色，配上香甜的燒汁和芝麻點綴，令人食指大動。燒鰻魚甘飴、肥美，燒至表面焦脆，軟嫰無骨，大啖咬下去的滋味使人心醉! 米飯拌合了滿滿的燒汁，吃起來特別細膩。網燒牛扒牛扒燒至油光亮澤，肉質軟腍、多汁，輕嚼幾口便溶化，沾上甜燒汁，令牛香加倍提昇。伴碟也花心思，芽菜吸收了肉汁精華，變得更滑溜；炸蒜片和炸雞軟骨酥脆口感，愈食愈過癮!芝士肉醬燒茄子長長的茄子上，舖滿半溶芝士和肉醬，再灑上香草，簡單而吸引! 軟綿的茄子加上香濃的肉醬，啖啖邪惡“油”誘! 魷魚鬚唐揚魷魚鬚新鮮炸起，熱辣辣又香口，脆薄的粉漿包裹有嚼勁的魷魚，沾上蛋黃醬，絕對是男女老少的摯愛。金龍蝦反卷金龍蝦炸到脆卜卜，結合紫菜反卷和鮮味蟹籽，吱上大量的沙律醬，吃到中間也不會寡，真的不錯。清酒煮海蜆海蜆肉身飽滿，浸泡在温熱的清酒湯內，湯中加入紅辣椒粒及胡椒。海蜆入口鮮嫰，再呷一口湯汁，微辣刺激味蕾。三文魚刺身三文魚十分新鮮、肥美，鮮甜啖啖肉，滑溜無比，一口氣吃了幾片! 北海道鍋燒蠔仔粥 $62粥底綿稠，加入蛋花和紅蘿蔔熬製，入口清甜，湯內有大量蠔仔肉和香菇片，口感豐