七福神和食亭

營業中

休息中

同老友傾下計，諗住清清地食下日本野。點知食物認真麻麻⋯我食鰻魚飯，都幾多鰻魚，但味道不太滿意。鰻魚汁不夠，飯的口感也不太好。我老友食烏冬，都淡某某。其他壽司都唔算好食。下次都係唔好亂入。

行經佐敦，發現左一間平靚正嘅日本餐廳，就係七福神和食亭。晏就1點幾去到，排2，3個就入得了。一睇餐牌已經有好多選擇，雖然有午餐，但都係想散叫多啲。每道菜都有number, 想食咩自己寫。黎個蟹籽沙律($45/小)先，有好多蟹籽同蟹柳。雖然叫左細碗，但分量都好多。另外叫左兩款刺身，三文魚腩($68)同埋帶子($56)。三文魚腩係厚切的，啖啖魚油，入口即溶。帶子都非常新鮮。仲叫左雞軟骨($38)同芝士焗天火蠔($70/3隻)。雞軟骨炸得好脆唔厚粉。芝士焗天火蠔真係好有驚喜，蠔係超級大隻，加埋芝士汁真係好好味，一啲都唔腥。最後叫左個蟹肉味噌甲羅燒($58)。非常多蟹肉，帶點微辣。正！

1. 三文魚腩(5切)（＄68)＋吞拿魚(6切)（＄56)🍣今次同樣有咁高水準，件件腩都超級厚身同肥美，條紋又分佈得靚，食落非常鮮甜，又有少少魚油🤤🤤🤤吞拿魚一樣都好厚身，雖然有點比下去，但都一樣鮮味😍彤樂評分：9/102. 網燒牛扒＋芝士肉醬燒茄子（優惠價＄114)🥩🧀🍆依個套裝真係幾抵食，特別一讚呢份網燒牛扒🥩一啲唔乾又唔韌，有牛味又夠juicy👏🏻芝士肉醬不錯🧀燒茄子都不錯🍆不過兩樣夾埋一齊食就差啲啲啦😅彤樂評分：8/103. 滑蛋豬扒飯（＄60)🍳🍖炸豬扒外皮仲有微微嘅脆口，入面嘅肉都幾淋身，多汁嘅滑蛋當然少不了，撈飯真心一流呀！彤樂評分：8/104. 芝士焗天火蠔（＄70/3隻）🧀白汁芝士伴焗蠔向起都係幾唔錯嘅配搭，蠔非常多汁連埋白汁芝士一齊食更正呀😆彤樂評分：7/105. 燒紐西蘭羊扒（＄60/1隻）羊扒雖然唔大塊，但羊味好濃，又唔會羶，幾抵得一試😊彤樂評分：8/106. 椰子雪芭🥥記住早啲叫，咪等要耐啲先不到黎食🙈椰奶味幾重，口感好細滑，同雪糕差唔多😋彤樂評分：8/10

行開佐敦就搵下附近有咩好食，見到呢間”七福神和食亭”既野食都幾吸引，而且價錢都唔太貴，就一於決定試一試！Lunch時間都比較多人，但好快都安排都位！上到去就比較迫同埋好熱，唔知係咪冇開冷氣！睇睇menu，好多野食都好吸引，就叫左三文魚腩同帶子刺身！三文魚腩好肥美，充滿油份，食落都幾新鮮！而帶子就好清甜好新鮮！另外叫左個芝士焗蠔，好似$70/3隻最驚喜係佢隻蠔係超大隻，配埋啲芝士，正！仲叫左個豬軟骨拉麵🍜set就跟埋2件三文魚壽司同埋野飲！拉麵湯就有少少咸，整體都ok！竟然係佐敦搵到價錢合理既日本菜，值得再試！

不經不覺我和老公已經一同渡過了十多個年頭，在這個特別的相識紀念日，我們決定選擇在七福神慶祝。不知道有幾時開始，我們都喜歡紀念日在這裏慶祝， 除了日本菜是共同喜好之外，這裏的菜色和食物亦甚少令我們失望，總能為我們畫上幸福的句號。 我們尤其喜愛吃這裏的活赤貝刺身，活赤貝刺身比較不常見，可是卻是眾多刺身中我們最愛吃的！大概就是物以罕為貴吧(>^ω^<) 這裏的活赤貝刺身非常肥美夠晒大隻，最重要是非常新鮮，因為這種刺身有一個特性，就是如果有少少不新鮮都會食到肚餓肚痛架！看見那鮮紅欲滴血的狀態，刀工非常好的師傅還將赤貝一行一行對切開恍如一朵盛放的菊花，剎是好看o(^_^)o 食起來真的是超甜超甜呀！那種爽口那種鮮甜是蚌王象拔蚌都比唔到我架！尤其是那對觸鬚，爽到一個點o(^_^)o 之後我哋一都叫咗一個三文魚腩刺身孖住嘆！個三文魚腩超肥美！白色一行一行的脂肪條紋層次多麼的分明和突出，魚肉還閃爍着如繁星般光輝，吃起來濃郁的魚油香味在口中纏舌不散，令人非常享受呢！ 除了三文魚刺身之外我們也點了鹽燒三文魚頭，這裏的三文魚頭比出邊大好多，明明三文魚頭都一般大，不過出邊食嘅通常只會切一細

七福神在佐敦樓上鋪，即便是小店但仍有很多座上客，證明食物質素不錯。Menu選則多，目不暇給。鳳梨雪芭 賣相一流，夠凍滑蛋豬排飯 cp 值高，很大碗 味道不錯炸菇 送酒一流刺身拼盤 很抵食 三文魚厚切 但海膽不夠新鮮士多啤梨乳酸 好喝 很大杯網燒牛扒 本來期待值超高 可惜不是想像的那樣 肉質略硬大多食物都抵食夾大件，上菜飛快，服務員也會主動添茶。整體感覺良好。

今日係我們的結婚每月紀念日，可惜仍然要辛勞工作。。。放工已經很累，同時又想找一間坐得舒服，又好吃的餐廳！ 我們都最愛日式料理，於是找左七福神和食亭！係佐敦地鐵站行過去都係幾分鐘，而且門面好大好光，一定唔會miss!餐廳安排我們坐係一間半開放式的房內，清靜又舒服！我們7點半到，已經大部分滿左啦！大家來都係先訂位好點！餐牌都好豐富！而且仲有季節不同的廚師推介！咁就每次來都有新意！我們決定要開支酒打開我們慶祝的序幕蟹子沙律係我吃日本料理必吃之一！呢間可以加芒果！！而且份量超大喔！小吃鐵板燒牛舌！份量又係超級多！平時吃只是得幾片牛舌，呢間一次過滿足曬所有吃牛舌的慾望啦！芝士鐵板燒豆腐！賣相靚到呢！上枱時熱辣辣，超吸引！不過吃落咸味🧂唔太夠，要點醬油吃！炭火燒天鳥串燒四品盛！燒得好香脆，雞翼有點乾，雞心的味道同質地反而好好，連唔食內臟的老公先生都吃到！關西風玉子燒！味道就是玉子燒，簡單的美味！份量卻有點多呢！兩個人太飽飽啦。。。主食之一的芝士燒天婦羅蟹腳卷！呢個真係其貌不揚但好味的代表！反而呢個份量可以多少小，有4粒就好啦！我們的主食就係呢個海胆魚子丼！個size係mini丼，剛剛好兩個人吃到少

十二月係我最愛嘅月份 我決定今日午餐食好啲去咗佐敦食日本野 地鐵站一出 行幾步就見到餐廳係二樓 環境寧靜 坐位好寬敞舒適 菜式種類好多 價錢合理 點菜紙寫編號下單=刺身拼盤 3=有海膽半板 三文魚 甘蝦 同北寄貝仲會跟一個飯團同幾塊紫菜 可以配海膽一齊食海膽跟甘蝦非常新鮮 入口即溶三文魚刺身好肥美 很大很厚一片刺身質數相當高=鹽燒三文魚頭=燒得剛剛好 三文魚高也頭很肥美三文魚油很香很可口=串燒5品盛盒=有雞中翼 豬頸肉 冬菇 雞軟骨 同小青椒燒得夠香也口 夠入味=黑松露海膽茶碗蒸=很香黑松露味 蒸蛋得滑很有蛋味=特盛海鰻丼=丼飯非常大碗 燒鰻魚得非常肥美鰻魚肉質嫩滑 燒汁好香濃邊邊位燒得有少少脆  好香口惹味=紫蕃薯鮮忌廉奶昔=紫蕃味很出 奶昔很滑又不會太甜=牛油果鮮奶沙冰=

身為一個低級文員的我, 就是喜歡那些無傷大雅的工作. 影印, 傳真及打字皆是我的強項. 無奈, 打工仔的無奈, 老闆就是喜歡您越級挑戰. 今天突然來個皇恩浩蕩, 給了我一個「機會」走上街.「機會」過後, 一股熱血湧上心頭, 決定要好好奬勵一下自己, 今天的中午飯要吃好一點. 沿著彌敦道前行, 每經過一條橫街, 都不難發現好「西」特別多. 正當苦惱之際, 抬頭看見這置身於一樓的日式食肆好像在橫街探出頭來並在向我招手一樣, 就前去試試了. 到了地下入口, 有禮貌的店員詢問用餐人數並安排坐位, 這樣就可以上一樓用餐了. 餐廳是日式食肆, 內裏當然充滿日本氣息, 門口放了多款口本傳統文化擺設, 牆上亦有日本少女立體掛畫. 其次餐廳內以日式趟門作為不同區域的間隔, 並裝有掛簾, 令人防如置身日本用餐一樣. 再者, 坐位走廊都相當寬躺舒適. 那股熱血在拿起餐牌之際直迫大腦, 好像要爆發一樣. 隨之, 在店員親切的照顧, 下單有如行雲流水, 點了特盛海鰻丼, 蟹肉味噌甲羅燒配雙目珍珠飯, 網燒牛扒, 碳火燒七味雞扒, 大蒜牛油燒銀鱈魚及芒果活乳酸. 在等待食物時, 心情特別高漲, 因為心裡很清楚,

相隔幾年，今日再食，味道依然，而家價錢又唔貴，平時大家都較多食放題，食物質素比較參差，今日相約幾位朋友再品嘗七福神，既不用放題的價錢，但食物質素一定比放題好，而家選擇多，上菜快，服務都唔錯，值得推薦

今晚又係係尖沙咀附近行街, 行到咁上下就諗住搵晚餐點知再行下行下就黎左佐敦 見到餐牌都係大家想食既野就入左去啦依間餐廳係要上樓梯既~ 裡面啲裝修都幾日本咖楓葉形既豉油葉好得意~落單方面係自己寫既~因為我地真係太肚餓啦~所以一口氣嗌左好多野食魷魚鬚唐揚($50) 上枱既時候岩岩炸好熱辣辣 唔會太油 沙律醬上面仲有七味粉~正海膽手卷($32)海膽份量一啲都唔少咖~軟殼蟹手卷($48) 原來$48係有兩個咖我地落單個陣完全無為意法國生蠔 ($58/隻) 勁大隻呀~ 仲好新鮮鐮倉壽司拼盤(18件) ($208)諗唔到食咩既話嗌依個真係岩曬咩都有之餘 又可以填飽個肚 仲要好鮮甜~嚴選串燒五品盛($68)咁多樣野食估唔到最鐘意就係依個呀啲串燒燒得岩岩好 加埋檸檬汁一流食得日本野又點少得茶碗蒸黑松露海膽茶碗蒸($39) 加黑松露真係第一次食~ 但估唔到出奇地夾兩分鐘就食曬其實除左我嗌個啲之外仲有好多熱食都係勁想食可惜我地得兩個人 真係嗌唔到咁多野食埋單$617 每人都係三百幾咋聖誕搵日黎食多次先!!

同爸爸食生日飯所以要搵佢最愛嘅日本餐，呢間餐廳係樓上其實好耐之前食過唔錯，就帶屋企人試。我地7點幾上到去都幾full。蛋香味濃郁，而且有帶有甜味炸到好香口，粉漿不厚，吸油食落去不油膩壽司包住炸得香脆嘅軟殻蟹，加上面頭嘅沙津醬，肥極都忍唔住食曬，成整放落口極滿足火喉剛好，口感爽嫩，配上甜甜的醬汁已經唔錯，加埋芥末醬又更開胃。以前細個成日都食，童年回憶番曬黎，脆卜卜魷魚配上沙津醬一流最後食埋甜品就完滿，我地叫左椰子雪芭，椰奶味重，口感細滑，感覺似食緊雪糕。

好耐冇係佐敦食野，lunch time 都有好多選擇的，原來七福神都有唔少平野食架,lunch set 有沙律有湯，十分抵食。照燒雞扒定食$52雞扒加埋照燒汁十分惹味，飯量都算多。牛扒定食$58牛扒幾juicy, 雖然平但一d 都唔hea, 仲好好食Tim 紫薯鮮忌廉奶昔$38有汽提子汁$20三文魚刺身$58 都好新鮮，仲有五塊厚切的。枝豆$30 份量十分多!神戶野菜炒$50叫左健康蔬菜，有唔少雜菜, 十分抵食。呢餐好滿足。

食過咁多間日本餐廳, 印象最深既有平靚正---佐敦七福神和食亭。今次舊同學聚會我地又再去呢度食返餐! 雖然係平日放工時間, 餐廳依然好旺, 交通地點又方便, 坐得舒服, 價錢唔貴, 確實難得~Menu上展示多款美食圖片, 款款非常吸引, 價錢亦唔貴, 叫野食唔洗就住就住傷到荷包。朋友唔食刺身, 只好揀兩款比自己過過口癮。【三文魚腩(5切)】HK$68厚切三文魚腩, 入口很滑, 魚油很豐富, 魚質帶點點爽, 絕對唔係假三文魚!【帶子(3切)】HK$563切帶子, 師傅將帶子開邊成6片, 味道鮮甜冇腥味。【香蔥三文魚丼】HK$78見呢度既三文魚唔錯, 於是又叫多左個三文魚丼。 本身縑太細碗, 只有手掌般Size, 但原來d飯壓得幾實, 飯量多, 三文魚切成碎, 混入了香蔥, 加少少豉油, 混合一齊食, 既香口, 又食到啖啖三文魚, 正啊!!【滑蛋豬扒飯】HK$60份量更大, 似乎兩個人share都夠食, 炸豬扒上淋上了juicy滑蛋, 一心意為炸豬扒既皮會因而變林, 又出奇地入口還是脆脆的, 豬扒亦keep嫩滑, 滑蛋充滿蛋汁, 撈飯一齊食唔會太寡。【炸雞軟骨】HK$38表面一D都唔油膩,

早排聽同事講公司附近開咗間日本料理，星期五放咗工就約埋屋企一齊去，上到去個環境好舒服，職員好禮貌。前菜個豆腐同個花螺都好好食，個豆腐好清甜，個花螺就好鮮好入味。刺身先睇個賣相已經好吸引，每一塊都好厚，然後食落口真係鮮甜，有啲仲入口即溶，值得一題吞拿魚係冇得彈。至於燒物就係一份牛舌，牛舌配搭埋醬汁，成件事好和諧，好入味。小卷同壽司方面都好好食，特別個海膽，真係好新鮮，店員話佢哋係用北海道海膽既。湯就係蜆湯，成碗湯唔油膩冇味精咁，蜆肉都好鮮味。最後甜品就係生果，值得推介嘅就係蜜瓜，因為比起坊間嘅蜜瓜係甜好多。臨走嘅時候見到原來餐廳已經多年成為米芝蓮推介餐廳，唔怪之個水準咁高啦。