七福神和食亭

營業中

休息中

上次係到食過個芝士焗天火蠔覺得好正，所以決定今日再黎食過🤤假日黎到都幾多人，好彩有卜到位！今次叫左大愛既芝士焗天火蠔（$70/3），果然冇失望，蠔依然都係咁大隻，面頭芝士好多，好有蠔味！仲叫左個滑蛋豬排飯，三文魚腩同帶子刺身，香芒花之戀同埋青蘋果雲呢拿奶昔。個滑蛋豬排飯（$60）份量都幾多，豬排炸得好脆，又唔會比啲滑蛋搞到淋左，而且肉質唔會好un！而三文魚腩刺身（$68/5）既油脂分佈平均，入口即溶咁，好有油香！帶子刺身（$56/6）就好鮮甜同埋都幾大粒！花之戀（$48/2）配埋芒果都幾特別，外層既三文魚都幾新鮮。青蘋果雲呢拿奶昔（$38）都幾大杯，飲落好香青蘋果味，唔算太甜！

上星期到油麻地BC百老匯電影中心看陰風陣陣Suspiria的傳媒優先場，開場前就來到裕華對面的七福神和食亭吃晚餐。樓上鋪面積尚算寬敞，幸好這天早來了，雖然是平日，但離開時都需要等位了。餐牌選擇繁多，小食款式多到花多眼亂，而且價錢經濟相宜，選擇困難症又再發作啊 >o<鰻魚手卷 $22配料比較少，鰻魚只是一小片，但飯量就頗足的，記得相機食先後要馬上食用，才可讓紫菜保持脆脆的口感。關西風玉子燒 $56將熱騰騰的蛋漿層層捲起，內層入口吃起來柔嫩濕潤，享受玉子燒香甜軟嫩的滋味，多吃幾口也不覺得甜膩。軟滑的玉子燒在入口即化的同時， 每一口裹滿濃郁蛋香。大蝦雜錦天婦羅 $62雜錦天婦羅一次過嚐盡多個款式：大蝦、蕃薯、冬菇、青椒、茄子及南瓜等。外層麵衣炸得酥酥脆脆，不過就略嫌厚了一點。魷魚鬚唐揚 $50我每次在餐牌上見到炸魷魚都會必點，如此脆卜卜的香口炸物真是令我無法抗拒啊！和風黑糖蕃薯燒 $36燒過的蕃薯色澤金黃，外脆內軟，密度高的質地咬下去鬆軟粉糯。表面沾上黑糖，一拍即合，更能帶出蕃薯的自然甘甜味。芝士鐵板燒豆腐 $56面層舖滿濃厚芝士，內裡豆腐有如鮮奶般的滑溜，芝味無窮，不過吃得

其實呢度啲食物味道唔係太差，係keep到嘅，但好可惜啲服務阿姐真係認真難頂。首先，樓下嗰位阿姐，話未有位要等，好合理。之後佢手指一揮，唔打算講就即等如有位上樓，真心唔係太get到你想我點，anyway，都上咗去嘅。之後呢度變咗懲教署，嗰啲阿姐好公平咁對所有客都呼呼喝喝。枱面細，佢嫌兩位內地女子叫得多枱放唔晒，說話跟咀臉都係嫌棄嘅。我地想要餐牌，佢一手攞咗最近佢嘅鬼妹仔枱上午餐牌，老實，我地同妹鬼妹仔都O晒咀，你即使馬上補返比妹妹仔都唔對路。送餐啦，佢隔條行遞過嚟，講句: 攞住，我地枱邊跟本無人阻佢，簡直懶到個點。如廁之後同阿姐窄路相逢，我知佢手上攞住兩個碗碟，但都唔洗擺出西部牛仔開片嘅架勢㗎，一人讓一步咪大家都理想達到囉。我知你頭先嗰轉忙，我都知我呢餐係50幾蚊一餐唔係500幾蚊一午餐，不過依家跟本都無坐滿，客唔係攞嚟比你發洩㗎囉。

想吃壽司又想吃日式小吃, 於網上找到這家七福神, 的確選擇非常多而且食物質素很高。梅酒: 這支梅酒入口較甜, 適合女孩子口味, 與佐酒的串燒口味配襯。火灸三文魚腩壽司: 一上桌見到這麼長的三文魚腩相當驚喜! 好肥美又有油香, 正! 壽司飯亦做得相當好。炭火燒河豚乾: 配酒必點!芝士焗天火蠔: 上桌的時候超燙! 芝士醬相當岀色, 很creamy, 加點旁邊的檸檬汁口感帶點清爽更好吃。鮭魚燒飯團: 大推這個飯團! 建議上桌後馬上吃否則紫菜會軟掉! 飯團燒得很香, 有點像吃飯焦的感覺但又不會像飯焦黏牙, 咬著會吃到帶魚油咸香的三文魚碎, 很岀色。紫芋甘栗薯餅: 友人很愛的薯餅, 這裡炸得相當酥脆且不油膩。北海道鍋燒蠔仔粥: 想來一個主食選了這個蠔仔粥, 想不到份量挺大, 粥內很多蠔仔而鮮味, 粥的調味亦剛好。芝士燒天婦羅蟹腳卷: 點了這款廚師推介的卷物, 芝士和天婦羅蟹柳味道超配合, 愛芝士的我表示相當滿意!燒雞翼串/燒豬頸肉/燒肉帶子串: 點了梅酒當然要點串燒同吃, 這裡的串燒一份會有兩串, 相較其他同類餐廳更實惠。雞翼皮很香脆, 佐酒一流。煙肉為帶子帶來了一點咸香, 中間的帶子不會老仍然

今晚約左個fd去出食晚飯，我地揀左佐敦呢一間日式餐廳。呢間餐廳就係地鐵站附近，非常容易找到，也非常方便!行到去之後，個侍應安排我地入去，卡位好寬敞，舒服。而家睇到菜單後，款式都好多元化...多到我地都用左段時間先諗好叫咩食。其中有兩樣值得推一下，廣島吉列炸蠔：炸皮唔會好厚，金黃鬆脆！食落好惹味。燒雞翼：汁香肉味濃，外皮酥脆香口，雞肉鮮甜嫩滑，喜歡。厚切牛舌：呢個係堅厚，肉質豐口感極佳！好味！會再推薦其他朋友黎呢到的。

今日黎到位於佐敦的七福神和食亭，試下呢間多元化的日本菜。一睇餐就發現選擇非常多！先黎個刺身拼盤，有海膽，三文魚，北寄貝，甜蝦，仲配埋飯團同紫菜送海膽，海膽鮮味十足，三文魚夠哂厚切，好有口感！網燒牛扒，牛味十足，燒到岩岩好，都只係98蚊，抵食！大阪風鐵板燒牛舌，塊塊厚切，非常爽口！椒鹽風味本菇，香肥可口，送酒一流！滑蛋豬扒飯，大大碗，豬扒份量多，外脆內軟，配上滑蛋，perfect match!菠蘿雪葩，飯後甜點，一大享受！

今日帶男朋友黎食七福神和食亭，好耐之前已經有聽過呢間餐廳la.今次一坐低，侍應就比左2杯水我地飲。因為我地兩個都勁肚餓。所以就叫左好多樣野食🙈叫左一個大既蟹子沙律。無唸過大既意思係咁大碗，仲要只係幾十蚊咋，性價比十分呀！之後仲叫左d 手卷，壽司。值得一讚既係壽司飯好細，唔會食幾件就好飽。要數最好食一家係炸三文魚，d魚油好香之餘又唔會太肥。而個冷烏冬好有咬口之餘仲可以一解油利既感覺。成餐飯食到好飽好滿足呀！

每個月總有幾日特別想食日本野，今日路經佐敦七福神和食亭，就入去滿足下自己個胃~一入座侍應就送上熱茶，枱側邊有點餐紙，可以自己落單。而且上菜速度好快，基本上15分鐘內已經上左兩三樣野。先叫兩三樣刺身，壽司:三文魚腩一份有5切，每片厚薄均一，色澤光亮，腩位油脂分布平均，食落甘香，絕對新鮮。赤貝壽司就不過不失啦，雖然冇三文魚腩咁鮮甜，但都爽口。軟殼蟹手卷抵食，因為兩卷都有大大舊軟殼蟹，食落冇油膩感，紫菜仲未腍，加埋沙律醬食一流。由於天氣最近開始凍，我同朋友不約而同都想食多d熱食，我地就叫左:芝麻雞翼係即炸架，顏色金黃，咬落去外皮香脆，內裡又鎖住肉汁，但對我黎講就有少少辣，所以只食左一隻。牛油焗帶子都有驚喜，因為5隻帶子大大隻，漲卜卜，肉質彈牙，加左牛油去燒有少少燶邊，仲好食左~味噌甲羅燒係必點啦，上枱已經係燒好，可以即食，蟹膏偏咸，但撈飯就岩，餐廳仲好貼心提供埋白飯團&紫菜，我就自製左個紫菜卷黎食~食唐揚魷魚鬚真係令我好有衝動想叫返杯啤酒，因為魷魚鬚烤得好香脆，表面仲撒左滿滿既椒鹽，香口惹味，真係會每人一條接一條咁食唔停。燒雞軟骨串就令我有少少失望，因為燒得太乾，軟骨冇咁脆之餘仲有少少硬，加

前幾日係朋友生日，佢話想食日本嘢，我就約咗呢間餐廳同佢一齊慶祝生日，呢間係佐敦附近嘅，地方都好方便。估唔到呢度都有shabu shabu, 所以我哋就叫咗個安格斯牛肉野菜盛嘅shabu shabu, 仲有叫咗一啲壽司一啲小食咁。呢個就係安格斯牛肉野菜盛嘅shabu shabu，估唔到都幾多嘢食，湯底我哋就揀咗豆腐魚湯，所以味道好鮮甜，啲蔬菜都好新鮮。另外我哋仲加咗烏冬同雞蛋，烏冬煙韌又彈牙，吸收埋湯底嘅味道，更加嘢味。牛肉係雪花肥牛，所以淥一淥就食得，仲有啲芝麻香味添。我哋仲叫咗個芝士燒天婦羅蟹腳卷，芝士味好濃郁，加埋啲脆bob bob嘅天婦羅蟹腳, 令人忍唔住食多幾舊。

同老友傾下計，諗住清清地食下日本野。點知食物認真麻麻⋯我食鰻魚飯，都幾多鰻魚，但味道不太滿意。鰻魚汁不夠，飯的口感也不太好。我老友食烏冬，都淡某某。其他壽司都唔算好食。下次都係唔好亂入。

行經佐敦，發現左一間平靚正嘅日本餐廳，就係七福神和食亭。晏就1點幾去到，排2，3個就入得了。一睇餐牌已經有好多選擇，雖然有午餐，但都係想散叫多啲。每道菜都有number, 想食咩自己寫。黎個蟹籽沙律($45/小)先，有好多蟹籽同蟹柳。雖然叫左細碗，但分量都好多。另外叫左兩款刺身，三文魚腩($68)同埋帶子($56)。三文魚腩係厚切的，啖啖魚油，入口即溶。帶子都非常新鮮。仲叫左雞軟骨($38)同芝士焗天火蠔($70/3隻)。雞軟骨炸得好脆唔厚粉。芝士焗天火蠔真係好有驚喜，蠔係超級大隻，加埋芝士汁真係好好味，一啲都唔腥。最後叫左個蟹肉味噌甲羅燒($58)。非常多蟹肉，帶點微辣。正！

1. 三文魚腩(5切)（＄68)＋吞拿魚(6切)（＄56)🍣今次同樣有咁高水準，件件腩都超級厚身同肥美，條紋又分佈得靚，食落非常鮮甜，又有少少魚油🤤🤤🤤吞拿魚一樣都好厚身，雖然有點比下去，但都一樣鮮味😍彤樂評分：9/102. 網燒牛扒＋芝士肉醬燒茄子（優惠價＄114)🥩🧀🍆依個套裝真係幾抵食，特別一讚呢份網燒牛扒🥩一啲唔乾又唔韌，有牛味又夠juicy👏🏻芝士肉醬不錯🧀燒茄子都不錯🍆不過兩樣夾埋一齊食就差啲啲啦😅彤樂評分：8/103. 滑蛋豬扒飯（＄60)🍳🍖炸豬扒外皮仲有微微嘅脆口，入面嘅肉都幾淋身，多汁嘅滑蛋當然少不了，撈飯真心一流呀！彤樂評分：8/104. 芝士焗天火蠔（＄70/3隻）🧀白汁芝士伴焗蠔向起都係幾唔錯嘅配搭，蠔非常多汁連埋白汁芝士一齊食更正呀😆彤樂評分：7/105. 燒紐西蘭羊扒（＄60/1隻）羊扒雖然唔大塊，但羊味好濃，又唔會羶，幾抵得一試😊彤樂評分：8/106. 椰子雪芭🥥記住早啲叫，咪等要耐啲先不到黎食🙈椰奶味幾重，口感好細滑，同雪糕差唔多😋彤樂評分：8/10

行開佐敦就搵下附近有咩好食，見到呢間”七福神和食亭”既野食都幾吸引，而且價錢都唔太貴，就一於決定試一試！Lunch時間都比較多人，但好快都安排都位！上到去就比較迫同埋好熱，唔知係咪冇開冷氣！睇睇menu，好多野食都好吸引，就叫左三文魚腩同帶子刺身！三文魚腩好肥美，充滿油份，食落都幾新鮮！而帶子就好清甜好新鮮！另外叫左個芝士焗蠔，好似$70/3隻最驚喜係佢隻蠔係超大隻，配埋啲芝士，正！仲叫左個豬軟骨拉麵🍜set就跟埋2件三文魚壽司同埋野飲！拉麵湯就有少少咸，整體都ok！竟然係佐敦搵到價錢合理既日本菜，值得再試！

不經不覺我和老公已經一同渡過了十多個年頭，在這個特別的相識紀念日，我們決定選擇在七福神慶祝。不知道有幾時開始，我們都喜歡紀念日在這裏慶祝， 除了日本菜是共同喜好之外，這裏的菜色和食物亦甚少令我們失望，總能為我們畫上幸福的句號。 我們尤其喜愛吃這裏的活赤貝刺身，活赤貝刺身比較不常見，可是卻是眾多刺身中我們最愛吃的！大概就是物以罕為貴吧(>^ω^<) 這裏的活赤貝刺身非常肥美夠晒大隻，最重要是非常新鮮，因為這種刺身有一個特性，就是如果有少少不新鮮都會食到肚餓肚痛架！看見那鮮紅欲滴血的狀態，刀工非常好的師傅還將赤貝一行一行對切開恍如一朵盛放的菊花，剎是好看o(^_^)o 食起來真的是超甜超甜呀！那種爽口那種鮮甜是蚌王象拔蚌都比唔到我架！尤其是那對觸鬚，爽到一個點o(^_^)o 之後我哋一都叫咗一個三文魚腩刺身孖住嘆！個三文魚腩超肥美！白色一行一行的脂肪條紋層次多麼的分明和突出，魚肉還閃爍着如繁星般光輝，吃起來濃郁的魚油香味在口中纏舌不散，令人非常享受呢！ 除了三文魚刺身之外我們也點了鹽燒三文魚頭，這裏的三文魚頭比出邊大好多，明明三文魚頭都一般大，不過出邊食嘅通常只會切一細

七福神在佐敦樓上鋪，即便是小店但仍有很多座上客，證明食物質素不錯。Menu選則多，目不暇給。鳳梨雪芭 賣相一流，夠凍滑蛋豬排飯 cp 值高，很大碗 味道不錯炸菇 送酒一流刺身拼盤 很抵食 三文魚厚切 但海膽不夠新鮮士多啤梨乳酸 好喝 很大杯網燒牛扒 本來期待值超高 可惜不是想像的那樣 肉質略硬大多食物都抵食夾大件，上菜飛快，服務員也會主動添茶。整體感覺良好。