一鍋豐 (已結業)

創興廣場好多放題食肆，早幾晚揀中呢間「一鍋豐」，無他嘅，之前睇過蘋果日報報導，覺得個老闆好有性格，正！話雖如此，其實呢度嘅火鍋放題CP值好高，唔收加一服務費，任飲任食兩個半鐘。價錢相差唔遠，要食當然食好啲啦，我地揀左象拔蚌海鮮火鍋套餐（$288/位），海鮮拼盤豐富啲，點菜紙多選擇啲，連飲品都最多選擇架！有藍妹啤酒同紅、白酒任飲添！有兩個湯底係$288套餐至包，我地揀左川芎天麻魚頭鍋，湯底有藥材香，仲好足料，大大個魚頭慢慢食！自助醬料區，推介秘制香辣醬！海鮮拼盤好豐富！特別推介海星斑！放題裡嘅任食刺身都絕不欺場！比得幾豪氣！其實我地都叫左好幾輪食物，最喜出望外係牛肉好優質，特別係手切安格斯牛小排同頂級肥牛粒，牛味十足，有咬勁，拍得住老婆大人平時去九龍城買嘅貨色！另外，海蝦都唔錯，夠彈牙！唔飲酒，飲品櫃都好多選擇！仲有雪糕甜品任食！服務黎講都算唔錯，上菜、換碟同加湯速度都好快！

之前上網見到有關呢間食店嘅報道，見到個老闆好似對自己店好有信心咁，就黎試下係咪真係咁值！😏😏一入到去就見到環境好乾淨，裝飾都幾唔錯，坐底就見到有set公碗筷，仲有一盒紙巾任用，好貼心啊！！🤤🤤🤤 坐正個位對面係廚師處理刺身，望落都幾衛生我地揀左椰子雞湯，成煲都白雪雪，勁香椰味，仲要有十幾件雞係入面，就咁飲都覺得好正。套餐包任身刺身，一開始都唔預個質量會好好，點知同出面食個啲差唔多喎。我地放啲三文魚落個火鍋到，發現仲好食😂😂火鍋配料方面，丸類食得出唔係cheap野，墨魚滑食彈牙。粟米丸好香粟米味，返叫左幾次🤤🤤🤤 仲有一個必叫既⋯⋯粟米！ 食左一啖發現超有驚喜，好甜啊😍😍😍😍，最衰個陣已經好飽，冇位再食⋯⋯花膠係回本之選唔係話好靚料，但呢個價錢黎計，合格！連埋個雞湯一齊食，感覺好補身養顏😍😍呢到野飲幾多選擇，而啤酒係最多款，好岩成班朋友黎食飯。甜品都係個啲，雀巢雪糕咁，個日有朱古力同芝麻味，仲有雪米糍咁。呢到有部雪糕機竟然有薄荷朱古力味，好特別😂😂呢間店行高質路線，啲員工收碗碟好快，野食又快送上黎。其實都係貴出面可能幾十蚊，但食又食得舒服，野食都唔錯。下次會再黎！

先禮後兵手切肥牛同個鮮牛肉真系好食，有軟雪糕都幾過癮，本來入個時話三個人，但最後朋友冇嚟，同佢地講返，佢地都好好咁幫我改返張單。但其他嘢真系講粗口都不能表達，首先，系我系叫最平個個套餐系我吾識做，但我吾太食海鮮，對你個象拔蚌又冇興趣，你又冇其他套餐，咁你想點姐，卑多個簡下都好呀。魚生得個5款，算！魚生寫三張先來一碟，算！一碟得兩片，算！加湯加個少少走左去，算！啲嘢叮屎咁少，環保呀！ 算！大姐！你都吾系話明明你寫到清清楚楚兩個半小時任食，8點入10點就要我走啦吓嘛，你早十分鐘or半個鐘提我，豪卑你又點話呀，但依家吾只喎，足足差成40分鐘，你系想退錢卑我走系米？重要台都想收埋，系米唔出聲就照收先，鐘又未到嘢又未食完，想點呀！你識講門口好多人等，我都識講未夠鐘嫁，重要明明就有台，做咩系都唔卑人姐，八個字呀，系米想退錢卑我姐，重要逐個員工嚟提我，老闆娘，檢討下你自己適唔適合開餐廳啦！米就系你啲咁嘅老細累死啲細囉！你避到，你員工點避呀，吾識就米多手啦！系呀系話你呀，全場得你唔使著制服，但依牙鬆鋼嗰個呀。

海鮮相當唔錯，好新鮮，份量好夠，初頭仲驚唔夠食，但最後食剩少少，其他任點任食個啲選擇都多，中規中矩，每碟份量唔太多，唔使浪費，係牛肉有啲失望，最鍾意紅酒白酒都任飲，唔差，成班朋友都覺唔錯，可以再食，坐都幾舒服，員工服務態度都幾好，一定要訂位，因為好多人

入秋，有少少涼意，又係打邊爐嘅時候。其實只係藉口嚟，全年我都鍾意打邊爐。約左個舊朋友出嚟，揀左呢間火鍋店，有兩個半鐘，慢慢食，一邊烚吓烚吓一邊吹水，最開心。一個價錢乜都包晒，明碼實價，冇加一冇茶芥，亦冇任何隱藏性收費，仲包刺身任食同一次性海鮮。幾個大雪櫃，野飲任揀︰係飲藍妹要俾錢︰其他都係免費，覺得最好飲係呢款叫Lucky Me(得米)嘅番石榴果汁，台灣製造，唔太甜，但石榴味好香。連韓國造嘅海特啤酒都有。湯底有十二款選擇︰我哋睇中左11號川芎天麻大魚頭鍋，唔係度度有呢款湯底，行氣活血! 氣味特別香濃，微苦又帶少少回甜。一個大魚頭開邊，仲有左紅棗同大量川芎、天麻，用料十足。但揀呢個湯底，就一定要食$288個餐。包左一次性嘅象拔蚌海鮮拼盤，總共有七款海鮮，都幾新鮮。鮑魚洗得好乾淨，每隻都片開兩片，好快就熟，好食。最正當然係象拔蚌，數量多，焯幾秒就食得，入口鮮甜無比。記住焯幾秒就得，千其唔可以焯太耐，會變韌。有殼蝦亦唔錯，但好快就會縮水，唔可以焯大耐︰而刺身只得六款，吞拿魚最有驚喜，厚切，肉質粉嫩細膩!除左一次性海鮮唔同，連火鍋紙同火鍋配料都有分別架。第一ROUND先嚟個大合照，Cheers

旺角真係多野食，放題食厭左今次食火鍋！7點半到一鍋豐，超級多人！好彩預先訂左位，完全唔使等就即刻入得，抵讚！雖然人多但係服務依然好好速度又快。首先叫左個最平嘅刺身火鍋套餐，盛惠$188/人，基本火鍋配料同刺身任叫。首先前菜就當然係食左一輪刺身先啦！［必點推介］三文魚、赤貝、榮螺片、八爪魚跟住一叫湯底交左食物表唔使幾分鐘野食就上曬啦！速度滿分！！今次一共食左兩輪，幾乎全部嘅野食都好高質值得推薦，特別要講講個鍋底。套餐附送嘅鍋底一共十個，選擇好多差d揀唔落手，最後清清地揀左椰子雞鍋，一開蓋好濃烈嘅椰子味就湧出黎，不錯嘅選擇！**溫馨提示：記得煲左一排要夾走鍋底雞件，避免一直雞皮一直飆油影響湯底。作為成日打邊爐嘅吃貨，食物黎齊之後當然有落鍋嘅先後次序！［必點推介］（排名有分先後次序！）蔬菜類：蘿蔔件、響鈴、芋絲、白菜仔、油麥菜、茶樹菇。肉類：黑豚腩片、手切肥牛丸類：手打墨魚丸、手打蝦丸、芝士丸、蟹子丸、龍蝦丸、黑椒牛丸、海膽丸、芝士雙響丸、墨汁墨魚丸其他：花膠、白牛栢葉、魚皮餃❌不推介豆卜，口感太膠、煮好耐都唔軟唔入味，而且豆味唔香。❌不推介羊片，羊肉嘅騷味幾重，煮完連湯底都騷左。識食兩輪之

食物新鮮🤤🤤🤤🤤🤤🤤🤤🤤🤤環境乾淨。重要無加一服務費👍🏻👍🏻👍🏻👍🏻👍🏻👍🏻重要嘅事要講3次。。。。。。。。。推介。推介。推介。

假日食飯例牌多人，看到這間食評還有讚冇彈，所以都打定輸數，只是碰碰運氣打電話問問有沒有位，因已經是5:30了，電話有人接聽後，便說只剩下一兩張枱，你可walk-in上來吧？那我和老公一行二人便二話不說地行去創興廣場了，上到酒樓又不算十分多人，可能時間尚早其他枱已給人訂了，因有三種價錢給我們選擇，有“象拔蚌海鮮火鍋餐“，“ 鮑魚海鮮火鍋餐“，“刺身火鍋餐“，最後我們揀了最貴的《 象拔蚌海鮮火鍋餐》， 這個餐包豐富的海鮮， 有海星斑 ，鮑魚仔， 象拔蚌仔，蠔，桂花蚌， 珊瑚蚌， 蟶子。 鍋底也有很多嘅選擇， 我們揀了馬來喇沙大頭蝦鍋， 這個餐還有任飲任食刺身，甜品，飲料，而飲料當中還有啤酒，紅酒，白酒呢？海鮮盤上檯了，本人覺得賣相只是一般， 生蠔也略嫌細小， 至於味道真是一般， 而其他食物也是任叫的， 有手打墨魚丸, 芝士雙響丸, 羊肉粒, 肉眼筋, 手切安格斯牛小排等, 至於肉類方便本人覺得手切安格斯牛小排質數算是偏高的。 而甜品有自助雪糕， 飲品都是自助的呀！整體質素只可說不過不失呢？值得一讚就是免收加一。略嫌細小， 味道一般湯底都ok手切安格斯牛小排值得一讚自助雪糕都可以

男朋友話想打下邊爐，咁就就腳啲係旺角食啦！朋友試過呢間任食火鍋話幾正😍一於去試下先～呢到有個刺身吧有任食刺身嫁😎環境都幾闊落，坐得幾舒服👍🏻火鍋湯底都幾多選擇喎！我地簡個個套餐係象拔蚌海鮮套餐，所以可以簡川芎天麻大魚頭做湯底😃個湯底都幾大陣藥材味，見到有大魚頭係入面嫁！都真係幾足料👍🏻但飲起黎又幾鮮甜喎，入口個藥材味就唔會好勁😌象拔蚌同啲蚌類都係幾新鮮爽口，聖子、蠔同鮑魚就好鮮甜😳啲海星斑係入口幾嫩滑😋就咁食呢啲海鮮都好抵啦！蝦滑好彈牙同鮮味，安格斯牛小排同牛肉粒係必食！肉質鬆軟而且好有牛味👍🏻炸魚皮都好鬆脆！！全部份量都好多！小心眼闊肚窄🙈🙈不過咁正，我地都清唔少😎😎個稻庭烏冬都高質嫁！煙煙韌韌又索湯😋飲品包括啲啤酒都係任飲嫁！食飽飽食埋條雪條就係一個完美句號啦☺️

去完玩，又去火鍋！（同一幢大廈）海鮮火鍋＋魚生 ＝ 每位＄238看圖所示，有10個湯底可以選，我們選了椰子雞湯底。真心好味！好香濃、不偏甜！好似放什麼料下去都很惹味！特別是菜、菇、豆品，吸滿湯汁來吃～YUMMY！完全用不著配料醬汁。小Tips：吃到一半最好加水，而不是加湯，不然會偏咸。可惜的是生蠔＆肉類強差人意，炸魚皮也過份咸。（其他海鮮&魚生OK！）

對於任食火鍋，我一向都唔會主動去食或提議去食，本身自己唔係特別喜愛打邊爐（太熱氣），特別係任食的（覺得食物質素一般）。通常佢都係一大班朋友選擇咗就跟埋去，今次亦都唔例外。我哋選擇咗象拔蚌套餐，$288加1。（另外有鮑魚餐同埋刺身餐，而象拔蚌餐就跟鮑魚，刺身任食）。以上餐牌的係任食，而象拔蚌只會黎一次～～雖然係刺身，但係我都係照樣放落個鍋度熟左黎食，因為感覺好似唔係咁新鮮佢另外有更每人一隻生蠔刺身來講，真係好一般，就咁睇幅圖應該都感受到。跟住嚟咗一大堆任食打邊爐材料都係冇乜特別。飲品方面，汽水紅酒白酒啤酒都係任飲的（酒方面唔好預佢特別好飲啦）甜品區：都係雪糕，糯米糍等等。本身冇諗住寫食評，任食火鍋來來去去都係差唔多啦，除非你話佢象拔蚌刺身特別出色。但係但係今日寫食評嘅重點係，依間服務質素真係好好好好好好好好好！！因為中間有要求過轉枱（我哋都明白打邊爐要轉枱好麻煩，但係本身我哋要傾野，後面張枱好激動，中間嗰個位置有啲嘈）我哋都係循例試吓問吓，點知個姐姐勁熱心幫我地轉仲要之後勁take care我哋張枱～要D乜嘢係即時比到我地，好似專人服務咁！今篇食評最主要係要讚揚依位姐姐～～其實大家出嚟食

今朝打八號風球，好彩夜晚除左，可以照常同朋友飯聚了！幾時都覺得同朋友飯聚打邊爐係最好嘅，因為我呢個咁大食嘅人可以任飲任食。同D朋友烚吓烚吓真係好開心。食物種類好多，蔬菜點左南瓜、油麥菜、生菜、茶樹菇、白蘿蔔同白菜。咁多樣蔬菜裏面，我就最鍾意食南瓜啦。佢啲南瓜好淰、好甜、好好味呀！食左勁多！通常啲白蘿蔔都好大粒好厚，但欣賞佢切得好薄，快淰、易入口。茶樹菇鮮甜多汁。肉方面，點左牛肉、魚肉同海蝦。牛肉厚薄適中，咬落好有口感。牛味好濃好重，我鍾意！魚肉點左黃立倉同鯇魚。黃立倉係我最鍾意食嘅魚，未試過火鍋食，今次都係第一次，又幾好食喎，好似蒸出來一樣，又滑又嫩。鯇魚冇乜話特別，只係要小心啲骨。蝦大大隻，新鮮多汁。呢間野叫得刺身海鮮火鍋就梗係要試吓佢啲刺身啦。一共點左四款刺身，分別有北寄貝、三文魚、希靈魚同埋八爪魚。今次搞搞新意思，將佢哋全部烚熟食，又出奇地好食喎。我呢啲人一定要有碳水化合物嘅嘢落肚先會識飽，所以點左個烏冬同埋薯粉食。好開心，火窩竟然有薯粉食！烏冬唔係普通質素粗條易爛果d，好幼滑！薯粉好似喺米線鋪食咁好味。好耐冇食芝心丸喇，決定要點黎過下口癮。因為係差唔多臨尾聲先食，所以淨係食咗一

好吧，這次不再是為了送別同事， 而是為了吃好東西而來，因為難得同事竟然真的找來一間食評大讚的店子，所以“我也準備好了!”首先地理位置就腳，旺角信和正對面，坐車步行都方便。本身6點半起2個半小時任食刺身＆火鍋＆任飲Bear+汽水，常人一睇就（超!有邊度火鍋放題唔係咁姐?）無錯，好多地方都係咁，但好多地方都令你去完一次就總會有理由唔再去，呢度?你會走果刻已經plan定下次搵邊個陪你再去，why?好似賣廣告但請繼續睇落去。第一，食物選擇相當多，而且有個別特別食材在一般任食吃不到，就算有也未必包括於任食名單內，附上餐單一張自己CC。第二，也就是最最最重要一點，就是。。。d野真心好食，係真係食唔停既好食，大家明日約會悶就會玩手機，圍埋食野悶會多影相&玩手機，我沒多影相來解釋就是因為食物太好吃我沒時間影隨機講d 不得不提係果度店員既服務態度，見你隻碟多食物殘渣主動收碟，仲會先問你，仲會講唔該晒麻煩晒，仲會問你要唔要wasabi, 仲要有耐性咁講解點食最好，仲會主動加湯唔洗叫，天丫，出面果d?個個當你殺父仇人，唔叫都唔做，bear到你實，走單多過鬼，呢度完全無發生，店員都好nice，原來香港仲有咁既

突然興起想食邊爐放題，就黎到食火鍋最集中嘅創興! 呢間一鍋豐 分左3種價錢。188 238 288 不用加一任飲任食!韓式飲品任飲，包括韓國啤酒hite有2種特式湯底只有288嘅套餐先可以選。我地今次就選左中間 238套餐試下 叫左個鮮茄蜆鍋!238套餐包 鮑魚，生蠔 各2隻另外點餐紙都包嘅料都有不同。最上嘅部分就係套餐價錢高低嘅差異度。首先上嘅鮑魚海鮮拼盤海鮮都尚算新鮮，珊瑚蚌同貴花蚌都爽口不錯!任食刺身黎到喇，除左吞拿魚肉質唔新鮮，魚身欠光澤，其他刺身都尋正常入得口。特別推介是赤貝火鍋料雖然度度都差唔多，比較推介係佢嘅蒜蓉雞翼烚熟完蒜香味依然。雞子色澤鮮明有光澤。海蝦新鮮爽口。烏冬屬稻庭偏身，煙韌有咬口。值得一讚是服務態度很好，職員反應好快，而且刺身食完再叫都黎得好快

見到食評都吳錯，諗住試吓啦，打電話訂位時問咗藍妹有冇散叫，佢話冇，要食258最貴果個餐先可以任飲，一上到去見到38蚊2支大藍妹，已經覺得有問題，食到1點叫我哋埋咗張單先，可以繼續任飲任食，我打電話黎問佢哋話2點至2點半last call都算，到1點半個態度差到不得了嘅所謂經理行過黎話最後俾多兩支藍妹我哋，仲要好似皇恩浩蕩咁講，我問佢我哋而家吳係食258個餐任飲咩？跟住佢話好啦俾夠3支你，我覺得我好似乞求佢咁，跟住有個部長行過黎話係小誤會，我哋後來可以任飲到2點半，我本來約咗第二晚再黎，但我嬲到果晚即刻取消埋個booking, 以後都吳會再幫襯