影片
更多
2017-10-01
202 瀏覽
今朝打八號風球，好彩夜晚除左，可以照常同朋友飯聚了！幾時都覺得同朋友飯聚打邊爐係最好嘅，因為我呢個咁大食嘅人可以任飲任食。同D朋友烚吓烚吓真係好開心。食物種類好多，蔬菜點左南瓜、油麥菜、生菜、茶樹菇、白蘿蔔同白菜。咁多樣蔬菜裏面，我就最鍾意食南瓜啦。佢啲南瓜好淰、好甜、好好味呀！食左勁多！通常啲白蘿蔔都好大粒好厚，但欣賞佢切得好薄，快淰、易入口。茶樹菇鮮甜多汁。肉方面，點左牛肉、魚肉同海蝦。牛肉厚薄適中，咬落好有口感。牛味好濃好重，我鍾意！魚肉點左黃立倉同鯇魚。黃立倉係我最鍾意食嘅魚，未試過火鍋食，今次都係第一次，又幾好食喎，好似蒸出來一樣，又滑又嫩。鯇魚冇乜話特別，只係要小心啲骨。蝦大大隻，新鮮多汁。呢間野叫得刺身海鮮火鍋就梗係要試吓佢啲刺身啦。一共點左四款刺身，分別有北寄貝、三文魚、希靈魚同埋八爪魚。今次搞搞新意思，將佢哋全部烚熟食，又出奇地好食喎。我呢啲人一定要有碳水化合物嘅嘢落肚先會識飽，所以點左個烏冬同埋薯粉食。好開心，火窩竟然有薯粉食！烏冬唔係普通質素粗條易爛果d，好幼滑！薯粉好似喺米線鋪食咁好味。好耐冇食芝心丸喇，決定要點黎過下口癮。因為係差唔多臨尾聲先食，所以淨係食咗一
幾時都覺得同朋友飯聚打邊爐係最好嘅，因為我呢個咁大食嘅人可以任飲任食。同D朋友烚吓烚吓真係好開心。
食物種類好多，蔬菜點左南瓜、油麥菜、生菜、茶樹菇、白蘿蔔同白菜。咁多樣蔬菜裏面，我就最鍾意食南瓜啦。佢啲南瓜好淰、好甜、好好味呀！食左勁多！通常啲白蘿蔔都好大粒好厚，但欣賞佢切得好薄，快淰、易入口。茶樹菇鮮甜多汁。
肉方面，點左牛肉、魚肉同海蝦。牛肉厚薄適中，咬落好有口感。牛味好濃好重，我鍾意！魚肉點左黃立倉同鯇魚。黃立倉係我最鍾意食嘅魚，未試過火鍋食，今次都係第一次，又幾好食喎，好似蒸出來一樣，又滑又嫩。鯇魚冇乜話特別，只係要小心啲骨。蝦大大隻，新鮮多汁。
呢間野叫得刺身海鮮火鍋就梗係要試吓佢啲刺身啦。一共點左四款刺身，分別有北寄貝、三文魚、希靈魚同埋八爪魚。今次搞搞新意思，將佢哋全部烚熟食，又出奇地好食喎。
我呢啲人一定要有碳水化合物嘅嘢落肚先會識飽，所以點左個烏冬同埋薯粉食。好開心，火窩竟然有薯粉食！烏冬唔係普通質素粗條易爛果d，好幼滑！薯粉好似喺米線鋪食咁好味。
好耐冇食芝心丸喇，決定要點黎過下口癮。因為係差唔多臨尾聲先食，所以淨係食咗一舊，但係食一舊已經好足夠！佢嘅美味教我回味無窮。
本身以為剩係得糯米糍食，見到人哋手上拎住杯雪糕先知原來有得食軟雪糕，仲有配料俾你夾埋雪糕一齊食添！軟雪糕有兩款口味：雲呢拿同埋蜜瓜味。原本諗住食雲呢拿味，但係俾人食晒冇得食，唯有食蜜瓜味，出奇地好味喎！本身唔係好想食蜜瓜味係驚d瓜味太出，好彩都唔係。配料有四款，有棉花糖、M&M朱古力、彩虹朱古力碎同埋士多啤梨醬，我呢啲咩都試嘅人就梗係四隻配料都試晒啦。不得了，一個字：好味！
嘢飲方面有酒、檸檬紅茶、檸檬梳打水同石榴汁。
見到佢啲枱分得好仔細，有細枱卡位同圓枱大枱，同三五知己去食得，同成班朋友食又得，得咗。食物同埋嘢飲種類都好多。整體來講，呢間野我會再幫襯，因為真係好好食呀！
張貼
