個酸菜魚其實係幾好食，同太二好似，個薯粉都好好食，必加🤤👍🏾 另外嗌左干鍋同啲小食都幾好食。 整體黎講，可以一試，尤其係鍾意食太二既🤤 不過坐就有啲辛苦，好迫，同隔離個檯坐埋一齊，傾計唔太方便，同埋如果多人就有限時，食既話記得要訂檯。

環境相當唔錯，仲有得唱k，如果要打邊爐+唱k可以考慮👍🏾 湯底唔錯，但偏貴。 野食正常，無咩特別，無咩一定要食，無酒飲👎🏾 服務不過不失，整體無咩特別，應該唔會再食，因為以哩個價，可以試食其他。

我同老公都好鍾意食羊，見到專打羊邊爐，試下得唔得先🤔 第一次食，嗌多左，下次唔嗌牛就perfect嗱。 羊肉真係好食，我地嗌拼盤，有3種羊肉，好大盤，超抵食，味道真係唔錯，夠晒肥，食落好香好滑，絕對會再食🤤👍🏾湯底唔錯，鴛鴦鍋先$118，抵👍🏾另外佢個薯粉超好食，如果本身鍾意食薯粉一定要食🤤👍🏾 另外嗌左羊肉串同羊骨(唔記得咩名)，羊肉串好好食，會再食，羊骨就覺得麻麻地，肉比較鞋，無下次。 另外想講下服務，環境真係唔錯，坐得幾舒服，但有啲員工就有待改善，唔主動，嗌又唔應，大大聲講粗口..........唔記得計折扣，記得check單。同埋坐低之後見到有用過既杯，老公表示不滿😓 整體羊肉好好食，羊魔王表示很滿意，一定會再食🤤👍🏾

試下係香港食大陸口味既烤魚，嗌左香辣龍利魚，食落都幾辣，魚都算細條，兩個人唔夠食。仲嗌左皮蛋同青瓜木耳，正常味道，正常價錢，啤酒好貴，青島$60支👍🏾 環境舒服，服務正常，價錢少少貴，未必有下次。 我地成日番大陸食野，心中難免有啲比較，無咩番大陸食野既可以一試。

地方唔大，檯唔多，建議要訂檯，如果唔係都應該無得食。 早左到，可以安排即時入坐，即時計兩個半小時任食任飲👍🏽 我地2人坐4人檯當然唔覺迫，見坐4人個啲就有啲迫，不過都ok,朋友食迫迫仲熱鬧😂 食物質素正常，旋轉燒烤爐好方便，放落去過一陣就食得，唔怕唔記得反燒到燶晒，食物種類唔算多，但大路既都有，飲品都係基本個啲汽水啤酒，另外仲有雪糕。 總括黎講，可以一試，但一定要訂位。

環境唔錯，坐得幾舒服。壽司有驚喜，好新鮮，好好食，唔貴，抵食，另外串燒都唔錯，上菜快。雖然選擇好似唔太多，但整體黎講，環境，服務，食物都ok既，同朋友慢慢食，飲酒傾計都相當唔錯，會再黎既

環境相當唔錯，有室外室內，檯與檯之間都算闊落，坐得算舒服，氣氛都唔錯。 食品就反而覺得比較普通，分量較少，擺盆一般，味道可以，但唔太出色。 服務可以，飲酒傾計係一個唔錯既選擇

不嬲都好鍾意打邊爐，係 見到話唔錯，就成班人去試下得唔得。
之前已經訂左檯，到左可以即刻安排入坐👍🏽，就算未人齊都無問題。環境乾淨，檯與檯之間好闊，就算坐滿人都唔覺嘈。職員有禮貌👍🏽火鍋湯底少貴，但質素ok👍🏽食物種類多，唔算細碟，質素ok，有自己品牌既啤酒，值得一試👍🏽
下次會再食，推介👍🏽

真心覺得好失望，餐廳坐得幾舒服，但周邊既人講野大聲到怕，食物賣相，味道都覺得差，服務都差，話8點前嗌酒有六折，到check單時發現無計到，無下次，以後唔會再食（我book 3/8 19:30,早幾日打比我confirm booking，但日子錯，仲話幫我改，我無book錯，咩叫幫我改，當日準時19:30到，話我遲到，差啲比左張枱其他客，話我book左19:00，仲係度寸我，未見過有咁差既服務👍🏽）

海鮮相當唔錯，好新鮮，份量好夠，初頭仲驚唔夠食，但最後食剩少少，其他任點任食個啲選擇都多，中規中矩，每碟份量唔太多，唔使浪費，係牛肉有啲失望，最鍾意紅酒白酒都任飲，唔差，成班朋友都覺唔錯，可以再食，坐都幾舒服，員工服務態度都幾好，一定要訂位，因為好多人