一鍋堂 (新都會廣場)

營業中

休息中

葵芳餐廳美食包羅萬有,但最吸引我一定係火鍋🍲因為冬天食完身體暖笠笠有種幸福嘅感覺♥️今次嚟到一鍋堂!係我一直聽到比較出名嘅火鍋店終於嚟試吓🙆‍♀️我哋今次選擇係B餐特選安格斯牛,因為我哋係下午黎食所以比較優惠成人$178一位!性價比好高👍食物種類很多而且又好食真係值得一讚!環境比較大坐得好舒適,外面熟食乾淨企理食材種類繁多👍檳城喇沙湯🌟喇沙味道好濃郁有小小辣十分推薦👍食落去感覺好清新可口五會覺得膩!美國安格斯精選牛板腱🌟牛味濃郁油花比較多肉質柔軟係我最鍾意嘅一款牛😋美國安格斯牛肉🌟油花相對較少但肉質比較咬口一樣好食!酉班牙栗飼豬🌟肥瘦均勻,口感鬆化,入口有種綿軟感覺!封門柳🌟肉質鬆軟,不易變韌而且牛肉味更為濃郁(比較特別嘅一個部位)牛脷心托🌟肉質煙靭爽彈,口感較為豐富好正👍水魷魚🌟牛柏葉🌟老媽金錢肚🌟食材新鮮冇任何雪味!份量啱啱好!蟹籽手打蝦滑🌟推介👍味道鮮美口感彈牙!蟹棒🌟份量巨大一口一啖好滿足!魚皮餃🌟台灣腸🌟最推薦飲佢自家製飲品!薄荷烏龍茶同洛神花茶好正🙈

雖則停晚市😔，叫自助外賣火鍋慢慢嘆一鍋堂 最新推出了2人火鍋外賣套餐外賣自取仲可以享九折優惠✌️我就叫$338溫馨二人火鍋餐抗疫時期喺屋企食冬日火鍋最安心特別係有小朋友，唔使趕住返屋企⏰之前曾介紹過在一鍋堂度任食放題我最欣賞係佢餸菜好多選擇連湯底都特別多(17款)，外賣餐配料又多湯底: ⚡養生藥膳湯以杞子、當歸、紅棗、圓肉、姜片等中藥材料熬煮成濃郁湯底，能益氣補血，真係令人越食越暖胃，而且好多中藥湯渣，果然真材實料。配料:⚡美國安格斯牛板腱，肉質嫩滑，重牛味🐮，低脂又不油膩!⚡海蝦好新鮮又彈牙。⚡日日海鮮是海蜆，非常鮮甜!⚡真係花膠好似花枝片一樣滑溜。⚡潮汕爽彈牛丸，小心爆牛肉汁呀😛，好鮮!⚡必試蟹籽墨魚滑，爽滑好味!⚡風味蝦棒，白色長形，原來有夾心的。⚡新鮮油麥菜非常爽口，不苦澀。⚡首次叫自家製胡椒麵，微辣，又似蕎麥麵一樣煙煙韌韌，特別開胃!小食2款:⚡紅燒蘿蔔牛腩: 牛腩好重五香味，蘿蔔夠淋。⚡古法炆五花腩: 原來份量好多，肥美的五花腩，清湯味，肥而不膩!外賣包裝: 用很厚實的大拉鍊保溫袋，每款食物也擺放得很整齊，附上兩套餐具和蒜蓉辣椒粒調味料，另外可自選兩款花果茶🍵🍵。

而家市面好多外賣火鍋set，真係花多眼亂，所以，就算喺禁堂食嘅呢段時間都可以買返屋企嘆，仲乾手淨腳添！今日就試咗一鍋堂嘅溫馨二人火鍋餐，外賣仲有九折點解頭先話乾手淨腳？因為所有野包好晒，又多食物款色，食完淨係洗個煲，咁就多啲時間陪屋企人啦呢個火鍋餐只係$338，唔好以為咁平就好少選擇喎，佢地淨係湯底都有17款，另外食物方面，連蔬菜都有超過50款！我地試咗金寶蕃薯牛尾湯底，牛味香濃，仲有半個蕃茄俾你返屋企煲，煲完d出晒味，仲有牛肉粒添！小食要咗麻辣豬耳同埋紅燒蘿蔔牛腩，兩樣都夠味，特別係蘿蔔牛腩，入晒味海鮮就要咗海蝦，鱔片同是日推介海鮮，當日推介係蜆，海鮮方面都新鮮，蝦肉爽口，蜆就鮮甜佢地有個特別嘅黑松露手打墨魚滑，黑松露醬比想像中多，味道都ok丸類就要咗香菇貢丸同孜然雞丸，個雞丸係手打㗎，仲好夠孜然味，好特別另外，佢地嘅餃係手做嘅，麻辣豬肉餃好有驚喜豬爽肉柳，聽個名就知，爽！另外嘅麻辣撈雞柳，煮完都唔會無味，仲有少少麻辣仲未講完呀，牛肉要咗安格斯牛板腱，肉味濃我地仲另有加咗紐西蘭羊卷肉，120g只係$58，唔羶之餘肉質好軟，正！蔬菜都好新鮮，蘿蔔無渣飲品就要咗清熱嘅洛神花茶同埋出面少見

2022.01.10天氣不知不覺地又凍番左🥶自然打邊爐既心癮又起🍲但係晚市無得出街食要返工又難去買新鮮食材😔好左 @e_pot 《一鍋堂》推出左#溫馨二人火鍋餐🍲 $338 ，外賣自取🥡仲有9折優惠😍我一個人仔都可以拎曬兩大袋返屋企🏠真係好方便🤗 ❤️湯底加左$50 變左鴛鴦鍋😉分別揀左#一鍋潮汕湯同#養生藥膳湯！兩樣湯底都好足料，飲落好暖身又滋潤❤️#一鍋拿手小食 （2款）黃金炸魚片超脆口、古法炆五花腩好肥美❤️#新鮮手作海鮮類 （3款）手切白膳片（4片）好鮮甜、真係花膠（4件）好養顏軟滑、脆骨腩（4件）好新鮮❤️#自家手打魚滑（1款）蟹籽手打墨魚滑🦑爽口彈牙❤️#肉丸款（1款）風味蝦棒🦐甜甜的獨特味道❤️#一鍋手作餃丸 （2款）梅菜豬肉餃、香煎韭菜餃🥟我較喜歡前者的味道😋❤️#唔食唔得精選（2款）麻辣撈雞柳、八寸長蟹棒🦀必叫之選！❤️#精選進口肉 （1款）紐西蘭羊卷肉🐐有羊臊味而且新鮮❤️ #新鮮蔬菜 （2款）油麥菜🥬、時令蔬菜（娃娃菜）新鮮乾淨❤️#自家製有營花果茶 （2款）冰糖燉檸檬🍋滋潤好味、薄荷🌿烏龍茶超醒神❤️#粉麵類（2款）有營淮山麵好好食😋、自家製胡椒麵超濃胡椒味❤️#佐料 （2人份）醬油、

一鍋堂係荃灣旺角都有分店之前食過好幾次 都覺得佢有質素 但每次排既隊都好長 未必咁容易可以食到但佢係葵芳開左分店 新店質素可能會再好D 就試下葵芳站行過黎好快新店新裝修，四周環境光猛，坐位坐得好舒服，唔會好逼食2粒鍾 比平時多少少時間湯底有超過十種 每次去食一種都有排食佢湯底係足料有味 唔係hea咖喎食物整體而言都好新鮮同埋質素都高佢竟然仲有魚 海鮮 蝦 貝類 呢d普通放題店都未必有菜夠新鮮 同埋洗過黎 都無食到異物佢既餃子幾特別 口味都有好多款 好鍾意食其次就係佢野飲, 好多特別既款, 唔係氣水

今天晚上天氣轉冷，最佳的節目便是吃火鍋。特選安格斯牛餐，每位$238，用餐時間是兩小時。看到有新出的金寶湯底，不過選擇了一鍋潮汕湯拼麻辣火鍋。一鍋潮汕湯拼麻辣火鍋。一鍋潮汕湯，胡椒味道香濃，有點似胡椒豬肚湯底，想不到這裏的湯底和潮州菜的一樣正宗。麻辣火鍋，雖然沒有四川正宗麻辣火鍋那麼麻辣，不過香辣味道十足，各有各特色。蔬菜類是自取的，亦有很多款式可供選擇。除了冷盤之外，亦有到十多款丸類，其中貢丸、牛丸和各類肉丸，味道都很好。多款牛肉都是肉味濃郁，其中以安格斯牛肉的牛肉味道最為十足。海鮮類就以海蝦和魚雲為鮮甜美味，其餘海鮮都很新鮮。飲品方面，推介自家製的洛神花茶，不會過酸或過甜，非常開胃。

星期日行下葵芳新都會順便食埋豐富午餐就係去一鍋堂打邊爐本身只係想一鍋甘食但見到佢哋跟金寶湯合作我地叫了養生藥膳湯同蕃茄牛尾湯藥膳湯有杞子、黨蔘、當歸、紅棗圓肉、蒜子及京蔥，聞到很香的藥材味。蕃茄牛尾湯底仲有粒粒牛肉，蕃香味濃。我們叫了安格斯牛火鍋放題唔食牛真係對唔住自己安格斯牛大塊又夠薄封門柳肉味最濃牛脷托爽口又有口感手工丸類有蝦滑同墨魚滑爽口彈牙又新鮮可以食下黑松露口味手工餃子都好有驚喜麻辣豬肉餃挑戰下辣度仲有魚皮餃很煙韌自助區有蔬菜，丸類，飲品等今日係芝麻雪糕很香滑，芝麻味香濃

因應第五波疫情，餐廳6點後不得堂食想打邊爐就要外賣返屋企慢慢嘆✨ 一鍋堂 ✨ 火鍋外賣套裝 ~外賣自取可享9折優惠分別有一人，二人同四人套餐可以選擇💥温馨二人火鍋餐💥 $338兩個人喺屋企一樣可以打番個浪漫💕邊爐▶️飲品有自家製有營花果茶 ~ 洛神花茶、泰式蝶豆花茶洛神花茶酸甜醒胃，碟豆花茶清膩解渴▶️選擇左豬骨清湯底食材新鮮豐富✅肉類選擇左美國安格斯牛板腱安格斯牛味香濃，食落好嫩滑。✅一鍋拿手小食 ~ 黃金炸魚皮同意式火腿片炸魚皮口感香脆，放入火鍋湯底灼1-2秒索一索湯汁最正✅新鮮海鮮～真係花膠4件、脆骨腩4件、白鱔片4件✅自家蟹籽手打墨魚滑 ~ 好多蟹籽，食落夠哂彈牙爽口✅風味蝦棒✅一鍋手作餃丸～魚皮餃、潮汕爽彈牛丸✅精選食材～八吋長蟹棒、豬爽肉柳✅新鮮蔬菜🥬 ～唐生菜、油麥菜✅粉麵～稻庭烏冬▶️配備醬油、蒜蓉、蔥花、辣椒等等火鍋配料及外賣餐具服務夠哂貼心

今日同朋友過嚟葵芳行街，因為食咗早餐嘅關係，差唔多兩點先肚餓，就嚟咗試呢間一鍋堂，佢係任食嘅放題火鍋，見佢價錢又唔算太貴，所以決定一試店員安排咗我哋兩個坐四人卡位，環境舒適，坐得好闊落，張枱都夠大可以放嘢食我第一時間出咗去自助區睇吓有咩可以拎返嚟食，有菜類，嘢飲，雪糕，咖啡機，仲有一啲丸類同埋餐前小食，餐前小食有秋葵，我自己覺得幾好食，因為知道秋葵有益，所以有機會都會食下，佢個味係有少少麻辣同埋個秋葵都爽爽地👍🏻👍🏻佢竟然有咖啡機，我覺得都幾出奇，同埋佢都有茶包提供可以自己沖熱茶消滯，除咗一啲現成嘅飲品之外佢都有自家製嘅飲品，我自己比較欣賞係個洛神花茶，因為酸酸甜甜會幾開胃❤️😍朋友就鍾意飲佢個冰糖燉檸檬🍋個醬油都係喺自助區，可以自己混醬，應該要有嘅都有，即係辣椒🌶️，生蒜熟蒜嗰啲湯底我哋叫咗一個杏汁豬肺同埋胡椒豬肚湯，兩個湯底都好好味，我同朋友連湯都飲埋，胡椒豬肚湯啲豬肚係爽嘅，同埋個湯真係好有胡椒味，杏汁豬肺湯個湯係好香杏仁味，同埋真係有豬肺喺度👍🏻👍🏻👍🏻朋友就負責掃QR code落單啲牛肉質素幾好，有牛味，又唔係話好鞋，個鴨血超滑，響鈴都好好食😋同埋佢喺自助區提供嘅蔬菜都幾多選擇，

我哋今次就揀咗B餐同埋揀咗要鴛鴦湯底（我哋係嗌咗佢哋近排同金寶湯合作嘅蕃茄牛尾湯同埋冬蔭功湯）（亦都好似係我第一次食一鍋堂嗌鴛鴦湯🤣🤣）呢個蕃茄牛尾湯其實幾正👍👍好香蕃茄味之餘入面仲有啲牛肉粒喺入面而冬蔭功湯食落去都有少少甜甜酸酸嘅感覺而且本身已經有好多隻蝦係入面咁之後就講吓呢個餐嘅牛肉先啦（分別主要係封門柳、牛脷芯托同埋美國安格斯牛肉）封門柳食落去真係好重牛味💕💕食落去幾滑之餘又唔會太油膩牛脷芯托食落去真係好爽口而且亦都唔會太過韌☺️☺️完全係我想要嘅口感最後嘅美國安格斯牛肉都好高質😋😋之後就講吓我自己幾鍾意嘅火鍋配料啦首先一定要講嘅就係豬頸肉同埋麻辣撈雞柳‼️‼️（我每次去食一鍋堂都一定要嗌呢兩樣）因為呢兩個食落去真係超滑而且豬頸肉食落去亦都好彈牙、爽口❤️❤️同埋佢哋嗰個牛丸都係一定要嗌因為真係一咬落去就勁多汁爆曬出嚟🌟🌟真係勁Juicy之餘亦都好吸引（同出面熟食區可以拎嘅清湯蘿蔔牛丸亦一樣咁好食）除此之外有好多海鮮都係可以任嗌嘅我自己就幾鍾意手串生猛海蝦同埋蜆肉因為海蝦同埋蜆肉食落去都好新鮮😜😜不過今次嘅Menu /自己出去拎嘅熟食區有啲係我第一次見嘅分別係酥肉同埋泰式粟米腐皮卷（唔肯定係

早幾年食過一鍋堂, 今日再黎食, 發現多左好多食物同飲品種類, 地方又大坐得好舒服, 又多左自肋部分唔洗下下等侍應, 侍應又可以專心上菜速度快左, 成件事進步左好多好值得返啅。湯底揀左一鍋潮汕湯, 顏色好似豬骨湯但係其實用左大地魚湯, 好足料所以煲到奶白色。點完單首先行出去睇下有d咩可以即刻拎返去食, 沙律吧連秋葵叱4類型比較貴既食材都有, 仲有雞腳, 麻辣豬耳雞腎呢d比較少食到既, 重要有蝦, 比較上係落重本等大家唔洗下下等打邊爐D野食滚起先有得食。牛腩蘿白都有得食。另外蔬菜都有好多款揀, 比較貴既羽衣甘藍都有。除左D大路野飲之外, 仲有自家製既飲品好似洛神花茶,蝶豆花茶都有, 蝶豆花茶拎黎玩下加D酸變色都已經夠小朋友玩半日。拎埋醬料點左既野食都黎得7788, 牛肉方面我比較喜歡瘦既牛腱肉, 唔肥得黎好有牛味, 另外牛小排都係一個唔錯既選擇。鯪魚滑加左陳皮好香, 份量又岩唔會太多, 仲有D鮮製手打墨魚丸豬肉丸同麻辣雞肉丸, 麻辣雞肉丸裡面仲有D雞軟骨, 好有口感, 辣辣地好惹味。丸都布好多種, 芝心系列尤其出色, D芝士好多好滿. 仲拉到絲。特長蟹柳夠晒好睇, 但太耐會散, 軟得滯影

是晚決定帶好深歸嘅媽子出去威！一於就同佢食個邊爐放題啦！鍾意食乜點乜！唔使同個囡客氣架😆😆因為呢120分鐘食幾多都係俾同一個價錢！！.無論湯底定火鍋料都好多選擇喎🙌🏼每個成人二百零蚊又幾化算！先拔頭籌😊媽子揀咗杏汁豬肺湯！店員話可以飲咗湯先再打邊爐！又幾清甜潤肺喎😍😍出去夾完蔬菜拎埋自家製嘅蝶豆花茶＆冰糖燉檸檬之後…火鍋料陸續都報到啦❤️作為牛魔王嘅我哋最愛係😍😍高質素美國安格斯牛肉,口感紮實牛板腱同牛味好濃嘅封門柳！！ 西班牙穀飼豬都唔好錯過！好爽口粉嫩！媽子欽點咗👍少見嘅野生竹笙＆新鮮鵝腸(如果再肥美啲會更正)！另外Be推介嘅海鮮類有新鮮珍珠貝！甜美沙白蜆！勁生猛海蝦！手切白鱔片！呢啲回本必點呀喂！最後手打潮汕牛丸真心超爽彈！同埋黑松露手打墨魚滑＆蟹籽手打墨魚滑都試得過！彈牙又重墨魚味🦑.總括嚟講！試過呢間一鍋堂嘅其他分店質素都同樣有保證！性價比極高👏👏媽子好滿意！！

幾個月前和媽媽去過葵芳的一鍋堂，被餐廳的裝修及環境所吸引，這一次決定和太太再次光顧位置（9/10）：由港鐵葵芳站D或E出口進入商場再從中庭坐扶手電梯步行共約5分鐘，商場基本上應有盡有，旁邊更有人氣的葵涌廣場，逛街購物相當方便環境（9/10）：餐廳面積很大，座位多而算舒適，自助區分區清晰亦整潔，加上空調充足，感覺不錯服務（8/10）：主要用掃碼下單，上菜快且沒有漏單，餐廳收銀枱有消毒潔手液，餐枱櫃筒亦有濕紙巾提供，自助區有各式醬料任選食物（9/10）：湯底選擇多，而掃碼及自取區的火鍋料、蔬菜、熟食及飲品均有不少種類，更有自助乳酪雪糕機，讓人滿足🥘120分鐘晚市火鍋放題B套餐(特選安格斯牛) ~ 成人$238/位(不連加一)套餐包括以下選擇：湯底包括一鍋麻辣湯、沙爹湯、莞茜皮蛋湯、一鍋潮汕湯、養生藥膳湯、櫻花蝦湯、豬骨清湯、冬蔭公湯、沙參肉竹鯊魚骨湯、檳城喇沙湯、蘿蔔粟米豬骨湯、胡椒豬肚湯、蕃茄牛粒湯、杏汁豬肺湯，以及和金寶湯品牌合作的金寶蕃茄牛尾湯，選擇駌鴦鍋底需另加$50既然餐廳跟我最愛的金寶湯合作，當然要選金寶蕃茄牛尾湯，味道亦相當香濃甜美特選牛肉套餐肉類有美國安格斯牛板腱、西班牙栗

最近發現原來葵芳新都會頂層有呢間出名嘅＂一鍋堂＂所以專誠過嚟試吓，食落都覺得唔錯！值得推介嘅餐廳內的地方環境都可以😌非常寬鬆，打完邊爐都唔會一身味，非常乾淨衛生，所以食客都可以好放心食用！食物方面，最有特色就係呢個金寶湯底我哋揀雙拼湯底，味道香濃，非常開胃😃最欣賞就係呢度嘅飲品，好正，自家品牌製作，非常健康！肉類食物質素都好好，色澤紅潤，非常新鮮好抵食，無限次食用仲有自家製嘅丸類，爽口彈牙甜品係軟雪糕🍦

今晚相約好友去食打邊爐放題。我地都好鍾意黎呢間一鍋堂，因為新裝修，坐得又舒服。同埋好多卡座，空間感好大。入座前先揀下想食既湯底，貪心既我倆加左$50揀多種湯底。呢間有金寶湯底可以選擇，好似每間分店都有所不同。葵芳店就有蕃茄牛尾湯同忌廉周打蜆湯。平時飲就飲得多，打邊爐就第一次，所以我地揀左個忌廉周打蜆湯同埋櫻花蝦湯。我同朋友選了b餐，見都好多款式可以揀都好夠食，又有羊又豬又好多款唔同既牛，唔錯唔錯。坐低後，湯底都好快送上，慢慢地加熱，之後當然要出去出去拎下野食啦，拎下熟食、丸類、粉麵、小食、飲品、菜⋯⋯有好多品同野食，好吸引。除左出面有野食拎，仲有得手機下單，可以點返唔同款既肉片，蝦滑、雲吞、餃子等等。超多唔同選擇。之後慢慢就開始打邊爐啦，因為野食都好快送上，好豐富，成檯都放滿左野食。呢度既肉真係好靚，薄薄的但肉味依然好濃烈好好味，啖啖肉。薄薄既肉好方便，一滾就熟，好滋味。仲有我地都拎左好多種丸，好好味，好吸引。呢個櫻花蝦湯都好正，上面有超多紫菜，所以令每款食物都沾滿上紫菜好好味。味道好正好好味。另外個忌廉周打蜆湯都唔錯呀，好creamy..入面仲有好多蜆tim..鮮鮮甜甜好滿足。睇下d