影片
開飯介紹
年輕時尚的任飲任食火鍋店，每日以60斤豬骨熬煮湯底，並供應十多款口味；另外自助區設有多款火鍋配料、飲品等。
繼續閱讀
營業時間
今日營業
11:00 - 16:00
16:30 - 23:30
星期一至四
11:30 - 16:00
16:30 - 23:00
星期五至日
11:00 - 16:00
16:30 - 23:30
公眾假期
11:00 - 16:00
16:30 - 23:30
公眾假期前夕
11:00 - 16:00
16:30 - 23:30
以上資料只供參考, 請與餐廳確認詳情
有關獎賞計劃
相關文章
平時下晝都會嚟跟同事來幫襯，已經好抵食。今晚見有時間，就約個friend嚟葵芳新都會試吓佢新出嘅冬瓜盅湯底同A4黑毛和牛火鍋放題套餐。佢個場夠大、坐得夠舒服。以木系設計為主，同最好係每一個座位，都有板隔住，好有私隱度。出面有自助吧檯，自選蔬菜、腸、丸及熟食。雪糕、熟食、飲品都任拎。最正係有自斟任飲生啤，同見到有提供京都限定日本啤酒。餐廳最近超有心思，創作茶酒系列。一定唔好錯過。🔶洛神花茶配上Tequila同Gin。🔶鴨屎香檸檬茶配上Vodka同Rum。🔶羅漢果菊花水蜜桃配上Gin。🔶水蜜桃有子烏龍茶配上Gin。獨有冬瓜盅鍋底，真係超足料成個冬瓜圍住個鍋。仲有員工上到你面前先幫你切開啲冬瓜，方便你煮熟分來食。叫得和牛放題，當然會喪叫A4黑毛和牛啦。和牛脂肪比例平均，食落非常濃厚牛肉味，只要煮20秒，就可以上水食得。啱晒我呢啲，非常肚餓嘅人。最近好多火鍋店都有得叫嘅伊利諾伊豬肉，當然都要叫來食下。豬肉煮完上水，非常之嫩口，唔會嚡，無咩肥膏，非常健康。紐西蘭羊豬肉，亦都不要錯過非常濃嘅羊味又唔會過數值得叫來試試。仲有好多海鮮叫做新會員，有迎新着數優惠及積分升級餐廳每月定期回贈現金卷、折扣卷、食物卷及延長時間券。黃卡每月有9折優惠券；金卡每月有85折優惠券；白金卡每月有8折優惠券。
繼續閱讀
“120mins晚市火鍋放題D”($338/位)之前同frd都食過幾次一鍋堂火鍋放題🍲原來宜家多咗幾間分店今次去開葵芳順便又打返個邊爐先😛葵芳店空間夠哂大坐得好舒服喺自助區拎嘢食都唔會同其他人逼埋一齊👍🏻我地揀咗最多嘢食嘅Set D最正係有日本黑毛和牛A4+🐃湯底就揀咗特濃沙嗲鍋😙呢個餐嘅肉類嘅選擇多到試唔哂🤭除咗A4和牛,仲點咗澳洲M6和牛牛腹肉,伊比利亞黑毛豬,紐西蘭羊卷肉等各款肉嘅品質都好好,又唔會勁薄切🤣海鮮選擇都好多,例如桶蠔,蝦,水魷等我地仲食埋花雕醉鮑魚😍自助區就有小菜,蔬菜,丸,麵,飲品,雪糕飲品入面最有特色一定係餐廳自家製嘅茶酒食到最尾拎埋雪糕食夠哂滿足😝朋友話如果成日食一鍋堂一定要做會員一入會就有會員迎新優惠,仲可以用積分升級最正係每月都有定期回贈畀會員😍好似現金卷,折扣卷,食物卷,延長時間券黃卡每月有9折優惠券,金卡每月有85折優惠券而白金卡每月有8折優惠券🤑我今次食完都即刻登記做咗會員啦🤣
繼續閱讀
行過葵廣，又想食打邊爐，呢間冇食過，而且見到唔需要等位情況下入左黎，不過好似標題咁講，係第一次，但亦都係最後一次。未入黎之前，見到餐牌價錢CP值都幾高，個人好鍾意食牛小排，又咁岩見到有個極尚版牛小排，當然係揀左個話最貴果個餐$338+1，而且放題時間係120分鐘，如果質素高牛肉有水準既話，絕對係抵食，值得推介既！可惜呢件事話比大家知咩叫做事與願違，呢件事上面如果係可以比負分，佢一定係負分！首先，入座起計頭15-20分鐘，除非你自己去夾，否則係唔會有野食架，同埋見到你無論係舖頭外面banner，還是係廣告，我都好深信主打既係牛肉？應該都預左客人係入黎食牛肉架係咪？講緊放題兩個鐘，坐等一個鐘。講緊去到就快一個鐘時，食得六碟牛，講緊平均每人三碟，大家可以睇相，一碟牛並唔係好多，唔係一盤！絕對明白你牛肉成本貴你要控制份量，明白不過唔可以過分，係寥寥可數並且未感覺到飽既情況下，就已經叫我埋單啦。當時我真係忍唔住同你員工講，叫埋單但係野食黎唔齊，叫左比單我果位「四眼」少少紅紅金金地頭髮既員工去幫我睇下，唔夠1分鐘，拎住兩碟牛肉行過黎，用果d睇唔起人既眼神，塊面黑過坑渠蓋既面口講：其實都只係5至10分鐘姐！我都嬲佢仲嬲過我喎？！喂！你記得你自己係返緊工架可？你記得自己係收一服務費架係咪？咩態度同人講野，定係間公司你有份開？抑或係我食多碟牛你份人工係會少左架？有冇諗過其實個客叫得你去睇，就即係唔係5至10分鐘既事啦！一係你就拎你張單俾我睇，究竟你係出緊第幾輪？唔通我同你講其實我係叫緊第八輪？而點解叫緊第八輪，因為你連第四輪既嘢食都未上到阿！其中叫咗四碟萵筍，最終只係黎左一碟五舊，如果唔知道既話會以為係天上摘落黎。成餐裏面最好食就係花雕鮑魚，入味彈牙。叫左咁多輪，食到最後22:17，係佢21:32上左兩碟牛之後，再冇上過任何野食！餐飯基本上食到背脊骨落，如果呢個係你地令到客人食得少既策略，咁你地個策略非常成功！到最後真係飽阿，成肚氣阿依家！仲有你收我+1，除左上野食果陣時係有服務之外，但係加湯執碟都係自己做返，基本上係「全自助式放題」，態度差劣，唔明白憑咩收+1！食物質素未如理想，或者係覺得自己唔好彩，最多下次叫其他餐其他分店試！你競爭對手「牛大x」，其實大家CP值或者價錢都係差唔多，但依家你咁樣既態度，係唔會再有下次！人地員工真係有禮貌同會幫手架！其實呢d係連帶關係，絕對唔會推薦俾任何人！更甚係如果你地員工係覺得自己咁高尚，真係唔好意思，食唔起！另外，環境欠佳，一路食一路有大大隻烏蠅與你共進餐，其實你都已經開係商場裏面，如果你講隻烏蠅係間舖養既寵物，咁就講得通，不過係食肆咁奇特就真係接受唔到。一間公司既口碑好難建立，但摧毁好容易，如果你地發展方針就係咁，公司上下同員工決心係用呢d態度去對人，我都好希望你地生意興隆！
繼續閱讀
💕一鍋堂任食2小時火鍋💕大家應該對呢間舖頭從來都唔陌生如果任食放題嚟講都算又平又高質首先餐牌有分ABCD餐都係分別食物嘅種類同牛肉嘅質素咁我今次就揀咗C餐中規中矩出面自助吧區都已經包括有好多生同熟嘅食物可以自取呢間主打係自家製花茶都用足心機每日新鮮煲架另外湯底都有好多種可以揀㗎仲要好少火鍋放題會有長者價添我哋三個人食咗800埋單如果講任食火鍋放題嚟講都已經算係親民價錢大家都值得去試下👍#########################💙瑤柱蝦米冬瓜湯 💙湯底好濃郁惹味 有成個圈嘅冬瓜仲有新鮮蝦同蟹柳 蝦米變相用呢個湯底嚟打邊爐都唔會燥呢個係期間限定湯嚟㗎💙南非和牛三花腱💙出奇地牛味都好重 呢個係偏瘦啲 但出奇地唔會好韌可能因為係薄切嘅關係口感都幾好💙澳洲M6和牛牛腹肉💙呢個就變相肥瘦中等所以會甘香啲 入口有好滑身嘅口感油脂都幾平均 睇個人想食肥定瘦都可以選擇幾種肉類💙美國安格斯牛肉💙平民之中都算系幾高質嘅牛帶有小小肥又甘香都好食另外仲有海鮮都係飲食有新鮮蝦有蜆有鱔片鯇魚片仲有好多種食材選擇總括環境乾淨闊落座位舒適食物有質素 又親民價大家可以去試試😍😍做會員仲有每月折扣優惠添
繼續閱讀
🫧 放工又同男朋友去咗食火鍋，上次食完覺得啲肉質架正，所以再食呢間啦，今次諗住試下上次試唔曬嘅嘢食，所以嗌左唔少海鮮類，質素都係keep住好好，仲有多款鮑魚添😋Btw原來佢而家做緊會員有迎新着數優惠同積分升級，每月定期回贈回員，現金券，折扣券，食物券，延長時間券👍🏻😍勁多優惠！勁抵😱大家一定要趁呢段時間去做會員💓黃卡每月有9折優惠券，金卡每月有85折優惠券，白金卡每月有8折優惠券| 我地食嘅係set D日本黑毛和牛A4+~✨金湯椰子雞鍋鍋底香濃，椰子味道濃郁🥥，真係一個好正嘅湯底！🥥🍗✨日本黑毛和牛A4+肉質滑嫩，油花分佈均勻，香氣四溢，入口即化，真係一流！👍🏻😋✨花雕醉鮑魚（熟食）鮑魚肉質鮮甜，花雕酒味道獨特🍶，配搭得恰到好處，令人回味無窮！🤤✨磯煮鮑魚（熟食）煮得啱啱好，保持住鮑魚的鮮味，口感Q彈，食落去好滿足‼️🥰✨ 鮮甜桶蠔新鮮，肉質肥美，口感滑順，真係食完令人心情大好！🦪
繼續閱讀