一鍋堂 (新都會廣場)

營業中

休息中

好耐無嚟過一鍋堂，而今日再嚟呢度比我嘅感覺同之前完全唔同首先佢嘅裝修靚咗好多座位亦都非常之大，葵芳呢間一鍋堂地方真係非常之大！而我今次嚟嘅就揀咗午餐.因為小人啲餐廳係用QR code形式自助下單，非常方便餐廳出邊仲有好多小食可以自己揀最出色嘅係佢嘅蔬菜選擇，成幅牆咁多嘅櫃可以自己拎飲品嘅選擇亦都一大堆 仲有自家製嘅飲品而呢度最出色嘅我覺得佢嘅牛肉，唔似一般任食放題嘅質素，油花平均肉味豐富 值得點多幾round整體以任食嚟講呢度嘅食物質素非常高 ，選擇亦都非常多

假日放假，同屋企人打邊爐。葵芳一鍋堂裝潢同位置都好好，行完街就食午市。我地揀左100分鐘B餐放題，係包唔少肉類同自家製丸類，美國安格斯，封門柳，牛板鍵西班牙栗飼豬肉，紐西蘭羊捲肉等等，都係$178加一。星期六日就加多$10，都抵食。湯底就自選一個，揀左番茄牛粒湯，湯底好濃郁。飲品，調味料，熟食，丸類菜類就自助形式，整潔又易取。呢度係Qr code  線上下單，夠晒方便同環保。叫左唔同種類既肉，當中牛肉，豬肉，羊肉都好新鮮，即叫即送到上台，賣相同味道都好好。蔬菜都有好多唔同選擇，最吸引既係自家製既飲品，有薄荷烏龍茶，雪梨茶，玫瑰花黑枸紀茶等等，好滋補。

已經好耐冇打邊爐，今日決定同細妹一齊喺葵芳食一鍋堂。今次揀咗B餐，湯底有好多選擇，仲有金寶湯湯底可以選擇，最後決定揀咗藥膳養生鍋。藥膳湯底唔會好重藥材味而又養生，岩晒工作忙碌嘅都市人！入到去環境唔錯，坐得又舒適！B套餐)100分鐘 $188美國安格斯牛肉, 封門柳, 紐西蘭羊卷肉. 食物方面都幾多選擇有手工餃同丸，而牛肉仲有幾款特別部位，岩晒我哋呢啲食肉獸！手工餃都有幾款，有些都幾特別！梅菜豬肉餃入口有淡淡嘅梅菜味唔係度度都食到，而且幾好食！另有鴨血, 蟹籽, 手打蝦滑, 蟹籽蝦膠, 釀冬菇, 炸鱼皮......飲品選擇都唔少，仲有自家製花果茶添！自家製花果茶我地飲咗兩款玫瑰花黑枸杞同洛神花茶玫瑰花黑枸杞入口有淡淡玫瑰花香，加上黑枸杞嘅味道，味道非常夾！洛神花茶酸酸甜甜幾開胃

終於可以出街食晚餐同老公去食打邊爐開心下先！唔想同人迫，特登選星期一放工去食，唔洗排隊等咁耐，放工去到未到7點可以直入選左中價的B餐，貪心想食多D牛。二人位，坐得幾舒服。係出面都有好多嘢可以夾。丸或前菜都幾好味。炸芫荽燒賣好好味，我夾左2次。依道D菜有成個櫃可以任拎，有6-7種菜可以選。食物上得好快，毎一碟的份量唔多，幾欣賞佢D碟的設計，可以層層疊到好高。省返枱面空間。最後食飽飽埋單走人。總數$546。

之前疫情有有叫一鍋堂火鍋外賣，一試難忘😍而家疫情終於冇咁嚴重，我都即刻同男朋友去食返個100分鐘午市火鍋放題，揀咗B，今次去咗葵芳店，地方夠大，環境舒適，服務好，上菜速度超快💯我男朋友鍾意食辣，我又唔食得辣，咁我哋加咗$50叫咗鴛鴦湯底，有美國安格斯牛肉、封門柳牛脷心托、精選進口牛板腱真喺岩曬牛魔王食呀😆紐西蘭羊捲肉都好味😋.雖然我唔食牛，不過有我最鍾意食嘅餃子🥟墨魚滑同雲吞都好滿足😆最鍾意食係個雞丸，超好味😋.佢哋自家製嘅飲品都好好味，我每次都會飲冰糖燉檸檬🍋 滋潤又解渴😊

好耐沒有火鍋了，真的很想念，今天終於等到了。來吧一晚讓肚子放縱，明天再開始減肥吧～一鍋堂火鍋確實好出名，晚上六點來到已有人龍等位人氣爆燈。以QR落單火鍋料，另外設有飲品櫃、蔬菜櫃、熱食前菜、自助沙律吧、精選火鍋料區及雪糕機，多到數都數唔晒，真係要行幾轉。套餐B：特選安格斯牛餐（120分鐘）$208 x 2湯底：韓式泡菜湯湯底夠濃郁味道已有保證，額外的醬汁可以不用沾，鍋內仲有好多泡菜和豆腐。配料點選了以下，只佔冰山一角，要試晒真係有難度。封門牛、牛板腱、紐西蘭羊卷肉同西班牙粟飼豬肉，每款3-4片，可以試多幾樣。帆立貝、花膠必食啦！100%濃汁爽彈牛丸、黑松露手打墨魚滑、蟹籽手打墨魚滑蟹籽蝦膠釀冬菇、8吋長腳蟹棒、韓式BB八爪魚芝士獅子狗、綠中寶、炸魚片、響鈴卷、羽衣金蘭、唐生菜整體環境乾淨，地方夠大不覺嘈雜，岩晒相約三五知己圍爐聚一聚。

放假同朋友約左行葵廣，行之前食番餐好嘅😝· 100分鐘午市火鍋放題 ·🔸午市放題任飲任食100分鐘😍 有16款湯底比你揀😝 我揀左雙拼湯底 #胡椒豬肚湯 及 #喇沙湯 ，揀左B餐，精選安格斯牛（成人$178；小童及長者$128）自助調味吧非常乾淨店內還供應多款熱葷、冷盤及多款火鍋配料，客人可以自行到調味區旁邊取。🔸多款新鮮食材任點任食👅 🍗熱食前菜、🥗自助沙律吧、🐄肉類、🥟手工餃丸類、🦐新鮮手作海鮮類、🍢肉丸類、🍜粉麵類、🍹飲品、🍧甜品火鍋配料選擇亦非常多，全部都非常新鮮，每碟細細份，岩曬想試好多野嘅我地。🥩美國安格斯牛肉🐐封門柳🐮牛脷心托🐎精選進口牛板腱🐖西班牙穀飼豬肉🐏紐西蘭羊捲肉🍡手作珍寶蝦丸🍄蟹籽蝦膠釀冬菇🦐蟹籽手打蝦滑🥟自家製鮮蝦雲吞🌶手作麻辣豬肉餃🦆鮮鵝腸🐽手作豬肚丸🐟潮洲馬鮫魚丸🐙韓式BB八爪魚🔸備有大雪櫃提供多款新鮮蔬菜🥗連平日火鍋罕見的冰菜🌱和羽衣甘藍🍀也有提供🤩🔸自家製涼茶 #冰糖燉檸檬🍋 #洛神花茶🌸 #碟豆花茶🦋 #薄荷烏龍茶🍁最後當然要食番杯雪糕🍦還細心提供濕紙巾給客人總括來說非常抵食，一定會和朋友再來試試其他湯底。

終於可以晚市食火鍋啦！即刻相約朋友去涮個夠本。之前「一鍋堂」在葵芳開新店時但多人，很難訂位之後又到疫情不可以堂食，攪到我到現在才有機會嘗試，這間旗艦店真的超大裝修很有日式和風的感覺。今晚點了潮汕湯底，一入內已放滿飲品同熟食給客人自取，有咖哩蘿蔔魚蛋豬皮，麻辣雞腎，泡椒鳳爪等。餓了很久所以樣樣食物都想吃，海鮮有海蝦蜆帶子白鱔片等，響鈴魚皮一定會叫啦！主角牛肉出場呀！美國安格斯牛肉，牛板腱，封門柳，牛脷心托，牛肉味香濃，每片薄薄的只滾幾秒就可以，超滿足。海蝦新鮮彈牙，自家製鮮蝦雲吞很爽彈，皮夠薄餡料豐富，而麻辣豬肉餃很有特色好惹味。八寸長蟹棒很吸引，用來打邊爐最正。吃到飽了點都要吃甜品，軟雪糕自助形式喜歡吃幾多轉多少卷都得！

上星期到葵芳逛街，和朋友想舒舒服服坐下來不想掃街，看了OpenRice後決定到這間火鍋放題龍頭餐廳吃一個午市放題和朋友選擇了特選安格斯牛套餐，每位午市時段也只是178 ，另外入座時店員已經提供湯底菜單選擇，節省了不少時間胡椒豬肚湯底，豬肚份量非常足夠，而且湯底充滿豬骨味道，打邊爐是最好的配搭一入座即刻點了他們的安格斯牛肉，封門柳和牛脷心托，和牛不歡的我和朋友都不得不稱讚他們的牛肉質素以放題火鍋來說真的是數一數二，封門柳肉質結實和鬆軟之間，而且肉味濃郁，牛脷心托肉質非常軟滑，喜歡牛脷的朋友不要錯過另外他們還提供不少自家製的飲料，嘗試了這個薄荷烏龍茶，非常令人滿意，入口帶有淡淡的薄荷香氣，配搭烏龍茶就像坊間付費的手搖飲品另外他們的其他火鍋配料質素亦同樣至高，特別稱讚韭菜餃和墨魚滑，墨魚滑入口彈牙充滿墨魚香氣，同樣韭菜餃充滿韭菜清香，令人滿足

今晚又同呀爸黎打邊爐啦。呀爸好鍾意食一鍋堂，一鍋堂有好多間分店，我地最近葵芳，所以又黎encore la...閒日晚7點左右都未洗點等位，但當我地食飽飽出黎個陣，門口已經人山人海了。我地是晚點了放題b餐，任食120分鐘。坐低左又極速地用qr code下單，又出去自助區拎下丸、腸、熟食、野飲、菜。又混下醬，好快下單既野食都火速送到了。熟食野食都絕不兒戲，咖哩魚蛋豬皮，好惹味。仲有芫茜燒賣、牛腩，超多款好味既野食。嘩超級多呀，好壯觀。呢間餐廳既野食真係好高質，肉質好靚好新鮮，而且仲有好多款選擇。先講一講我地叫左咩湯底先，由於我地比較貪心，所以加了$50要了鴛鴦鍋。一鍋點了沙嗲湯底，另一鍋點了喇沙湯底。兩個湯底都好惹味好香，用黎打邊爐一流，令d食材都變到好惹味，香噴噴。點左好多牛肉、豬、雞件、羊、海鮮、蝦。好多好多唔同既野食。我地呢個b餐，牛都分了四款，每款都各有性質同口味，款款都咁好味，建議款款都點下，咩都試，大滿足。又薄又易熟，仲好濃牛味，正。另外我都好鍾意呢度既豬肉片，又薄又易熟，好好味，次次我都會食幾盤豬片。好腍身好入味。除左肉類外，仲有好多好多手打丸，粒粒都好爽牙有質感架。細細粒咁

疫情改善, 胃口都大增, 心引起約了朋友一起去全港最大的 “一鍋堂”葵芳旗艦店, 地方寬闊、每台都有獨立間隔, 私隱度高, 邊食邊談天說地就最啱我!😂 我們點了個猪骨濃湯底, 正氣又好味; 而火鍋更點選了 B餐 ($248) 120分鐘任點、任飲、任食.. 我和朋友都係起喜愛食牛, 所以這個餐就最合適, 一鍋堂 我唔客氣啦! 😊😊一般策略係第一輪就會任性地狂點, 二輪會補點, 三輪就當然係精點, 四輪就老點朋友埋單!👍🏻 美國安格斯牛肉、封門柳、牛脷心托、牛板腱、紐西蘭羊肉、麻辣撈雞柳、炸魚皮、八吋長腳蟹棒、手作麻辣猪肉餃、韓式BB八爪魚、100%濃汁彈牛丸、五餐肉……真正夠食力. 😋😋 飲品區勁大, 有平時四處可見的罐裝飲品, 更有一鍋堂自家製清熱、消滯冰凍涼茶, 不過每次最吸引我的都係洛神花茶, 清熱解渴又唔會太甜.🤪整體來講，食物新鮮，品種繁多，超筍！🥰今次又係超額完成，下次再見啦！🤨👍🏻乳酪雪糕不能少！ 幾飽都必食    

等左咁耐，終於開返堂食，即刻仆到去支持一下喜歡的餐廳：葵芳的「一鍋堂」！120分鐘晚市火鍋放題餐 $288，多個湯底選擇，仲已經包含上百款食物，性價比超高！！！澳洲和牛，肉紋超靚，入口即溶，牛味濃郁😋打邊爐唔少得嘅丸同餃都應有盡有，個人特別鍾意手作麻辣豬肉餃和爆汁瀨尿牛丸，真係同食神套戲差唔多，勁爆汁😂自助區除了數十款丸類和蔬菜之外，辣椒雞腳和韓式泡菜前菜絕對不能放過，辣得個人非常開胃。今期仲有芫茜燒賣，正呀，超重芫茜味！一個人都食左半打！海蝦必點，又大又新鮮！黃金魚皮脆卜卜！。飲品區- 勁多不同飲品，仲有自家製涼茶，打邊爐清下熱氣就啱哂，冰糖燉檸檬水準之作，仲有不同汔水可揀。人均消費二百多，有這個質素實在非常難得，坐得舒服地方又大，正！一於食飽先再減肥！

今日同男朋友一齊放假就食餐好，就嚟到位於葵芳新都會商場人氣火鍋店（一鍋堂）食返個下午茶邊爐，這間分店是新開的，入到店內有幅好靚嘅壁畫圖同埋好大嘅燈籠很有日本味道，有多處可以打卡的地方！場外亦有自助區，有熟食、有機蔬菜、火鍋配料、小食和飲品等…我們二人由於鍾意食牛肉所以點了B餐可以食到安格斯牛肉加自選湯底！湯底我們選擇了胡椒豬肚湯，材料十足，微嫩，然後我們每人是飲了一碗，好暖胃👍牛肉有美國安格斯牛肉、封門柳、牛脷心托和牛板鍵，牛肉款款色澤新鮮，入口鮮嫩牛肉味濃郁，特別鍾意食牛脷心，切得好薄好爽口！蝦籽蝦膠釀冬菇蝦膠新鮮弾牙，加入蟹籽增加口感，新鮮冬菇煮得好淋，吸入湯底超好味😋炸魚皮/鮮萵筍魚皮同萵筍是打邊爐必點之一，魚皮爽脆，萵筍健康有益！潮洲豬肉扎/真係鴨血扎肉除了豬肉再加有少少豬油非常香口，鴨血爽淋，加入辣醬或沙嗲醬味道不錯👍有機菜這裏的菜款式多，顏色嫩嫩綠綠，好清甜！

好耐都冇試過晚市堂食，一有番堂食就梗係去食下好耐都冇食過嘅一鍋堂次次去親都好full，好彩我地早幾日用Apps Book左枱。今次我地叫左C餐，可以食到澳洲M5和牛。肉嘅質素食咁多次都keep到水準食物款式多，飲品種類亦豐富，而且有好多健康飲品選擇果晚唯一要彈嘅係炸魚皮唔夠脆。上食物速度又夠快。呢個亦都係我再三黎食嘅原因...

✿╮❤╭✿✿雜感女生   好味日記✿˚*•✰。一鍋堂．邊邊有力！。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤ 香港人真係好耐冇出街食而家情況好番D我同朋友都不能自拔的去打邊爐**食飽先有力減肥，是我的最大動力** 真心熱愛打邊邊的人，是不理天氣冷熱的而且我地有熟悉的架步就是去人見人愛的一鍋堂 這裡是葵芳的好食點地方大，人氣旺有商場行又有冷氣而且重點在於食店出品乾淨衛生令人一再支持是必然的自家製的茶飲，不能不試最愛花茶，今次飲的是玫瑰和洛神花好香甜，好少女！ 點了邊邊生品之後先吃特色熟食這裡有莞西燒賣，非常吸晴味道仲………一流呀！土豆絲爽辣好吃椒辣鳳爪惹味開胃炸甜薯，脆而不油非常好吃  以藥膳湯底煮理我們點第一round 都已非常豐富冇法啦已經好耐冇堂食又冇放題邊邊今次食番勁的是正識啦 我們大愛牛牛肉所有款式都點了肉的質素有目共睹入口更是美味鮮香 最愛M5和牛板肉，無論是肉質口感還是牛味都相當一流而牛利心更是爽口， ***而我不知道，肥是什麼一回事，呵呵*** 必食鴨血、自家鮮蝦雲吞