一鍋堂 (新都會廣場)

營業中

休息中

葵芳的大型商場之內，餐廳主打的就是火鍋。這天和朋友一同前來，我們挑選了鴛鴦湯底，喜愛餐廳點點的細心，一高一低兩邊的湯，不會混和在一起。使用手機下單，環保，也喜愛這樣的貼心，隨時隨地也能檢閱自己吃了多少。最喜愛這裏的牛肉和炸魚皮，牛肉雖然薄薄一片，但只需要在湯底內數秒就能馬上品嚐，十分方便快捷，絕對是肚餓是必點的良品，加上高級的肉質，口感豐富，令人不禁吃完一片又一片。炸魚皮，香脆可口本是十分基本，但這裏的在湯底內數秒鐘，也能保持如此香脆。

*此餐廳收取加一服務費。120分鐘晚市成人B套餐（兩人$416），韓式泡菜湯，內有大量泡菜、大蔥，味道酸辣。封門柳（跟餐$0），牛味濃厚。精選進口牛板腱、美國安格斯牛肉（跟餐$0），肉質嫩滑，肉味濃香。牛脷心托（跟餐$0），食落有咬口。100%濃汁爽彈牛丸（跟餐$0），口感彈牙，內有牛脂，食落肉汁豐富。新鮮鵝腸（跟餐$0），口感爽脆，帶有脂肪。鮮雞件（跟餐$0），肉質嫩滑。沙白蜆（跟餐$0），味道鮮甜。

下午5點半在取位機按咗1位，機正常出號票。咁等咗一陣，叫到我號碼，到櫃檯取位時，女職員說一個人食要另加收50元！如果唔想做1個人生意，咁取位機唔好有1位票取；或在門口餐牌上註明要加錢都得（其他食店都做到呢兩點）！喺呢到食，就算食最平餐，1人消費連加一，起碼都要成300元，俾多嗰50元，如果一早知道我冇問題；但要客人等咗好耐，錯過去其他食店攞位機會，焗住俾你舖屈加錢至有飯食！真係好唔高興，明俾人烚！所以我唔幫襯。落樓下其他食店，都使咗二佰幾。

今日同朋友行完街喺新都會廣場食打邊爐放題，之前都有去過其他分店嘅一鍋堂打邊爐，佢嘅湯底同埋肉類都好多選擇好味😋今次我哋就叫咗喇沙湯底因為想食少少辣，佢嘅湯底非常嘢未和出色👍🏻👍🏻佢哋嘅晚餐任食都成人120分鐘任食每位248。湯底方面我哋就叫咗檳城喇沙湯，微辣而且好香喇沙味，建議鍾意食喇沙麵嘅朋友都試吓呢個湯底，我哋就覺得好特別因為唔係度度都有👍🏻👍🏻火鍋嘅配料亦都好多款式揀，除咗有QR code落單外，還有自助區可以拎唔同嘅嘢食，外面有熟食區、蔬菜區、肉丸類等，熟食區也會有燒賣魚蛋炒麵等等，包羅萬有有好多香港特色嘅熟食都會喺嗰度見到🤤自助區之外還有些海鮮同埋唔同肉類選擇，佢哋嘅肉類都非常好👍🏻？依個價錢可以任食打邊爐兩個鐘真係好抵食，所以如果想食到咁抵嘅萬事要早啲去排隊

一鍋堂真係我嘅飯堂黎🤣基本上朋友一話想食任食火鍋放題，我就一定會推介佢嚟一鍋堂食，今日真係食盡葵芳🤣晏晝去葵廣掃街，夜晚就當然要來一鍋堂啦🤪-一鍋堂嘅湯底一向都係特色，總共有16款可以俾你揀，有陣時仲會有期間限定湯底俾你揀添🤣我今晚就揀咗豬骨粟米，清清地唔會蓋過火鍋材料嘅味道🉐-除咗有得用QR code嗌嘢食之外，出面自助區仲可以自己拎飲品，醬料，前菜，蔬菜同埋雪糕🍦飲品係非常之有特色，有幾款都係自家製，自己最鍾意就係洛神花茶，酸酸甜甜幾開胃🥰今晚嘅雪糕同以前有唔同，係佢蝶豆花顏色，藍色嘅雪糕用嚟打卡一流😝-係自助區拎完一輪食物之後，又坐返埋位用QR code嗌嘢食，次次都嗌到成枱滿晒，推介如果鍾意食海鮮嘅話，可以叫多啲蝦，因為超級新鮮，食咗10嘅隻全部都唔梅🙌🏻另外仲有手工梅菜豬肉餃，個皮夠薄，個餡好似食緊梅菜肉餅咁，超正😝

友人早在兩個星期前已book了葵芳一鍋堂與我打邊爐。我七點鐘到達見到這裏的環境佈置都有它的特色，而且望進去店内已經是人頭湧湧熱鬧非常，由於葵芳店内面積比荃灣分店大，坐位環境亦相對闊落和舒適很多。打邊爐亦是我喜歡的美食之一，坐下先出去拿些飲品、醬料、蔬菜。順道取些熟食填吓肚先，但見到外面的盤內食物已所剩不多，由此可知雖是作為陪襯的熟食亦頗受歡迎。今晚只點了他們的套餐B。但論種類亦是十分豐盛的，這裡的牛肉、羊肉、豬肉的質量都有中上的水準， 肉纇都切得很薄很有肉味，牛肉稍為一灼熟，入口又嫩又無渣。還有朋友最喜歡的長蟹柳，亦是必食之選。至於其他火煱必有的魚、蝦和海產類、肉丸類、各式的腸類、瓜菓菇類等美食都很豐富。可能因為食客人流多的關係，食材去得很快，因此各種食物全部都很新鮮。只是個人覺得在短短的兩個小時內，未能把大部份的美食都能吃上一遍，就是最大的遺憾！

由佢開張幫襯過幾次到而家，見到佢有啲水準下降嘅趨勢首先冇咗最愛嘅紫淮山，雪糕機成日都用唔到，唔知搞咩今日帶咗個午市b餐，冇加海鮮，唔想食辣，就揀咗個潮汕鍋底，點知都係冇咩味，如果話係招牌嘅話，有啲失望揀B餐係因為佢有個牛舌，亦都係全個餐裏面最好味嘅牛，因為封門柳同安格斯牛肉都差唔多水準，唔係特別突出，反而牛舌係最滑，其他配料都算正常不過呢度啲枱都幾窄，啲嘢食盤係可以疊高，但係收餐盤又唔係好快，所以都食得幾迫

好耐之前已經聽聞話一鍋堂嘅火鍋放題性價比超高，咁啱兩老又好想打邊爐，見時間仲早搏一搏去睇下有無位啦～我哋6:00去到，竟然有位唔駛等✌🏻一入reception要揀好要咩湯底同食邊一個餐，老人家拎長者咭仲會有優惠架😍，一個價錢任食120分鐘☺️都幾ok喎😄我哋最後叫咗👉B餐特選安格斯牛。入座之後要掃QR code點餐，我哋被安排坐角落頭位，收唔到data之餘位置好侷促😩唯有叫服務員安排調位，不過Full House冇得轉，但服務員都用心教我哋用店內Wi-Fi去點餐及開大冷氣🥰。除咗用QR code點餐，仲有自助區，飲品/打邊爐嘅丸類/熟食/前菜等等…任拎😍不得不讚飲品放滿幾個雪櫃，例如自家製花茶/可樂/檸檬茶/熱茶/咖啡/連蜜瓜豆奶都有🤩另外仲有自助區軟雪糕做甜品，不過果晚我哋食唔出個軟雪糕係咩味😂食物質素又係一讚👍🏼上至牛肉海鮮，下至餃子同丸類都總算對得住個收費💯。水餃嘅口味都有幾多特別選擇，例如有梅菜肉餃，手作菠菜皮韭菜餃等等。牛肉方面安格斯牛肉/封門柳/手打潮汕牛丸係必食🤭總結：一鍋堂一定係性價比高火鍋放題之選；雖然係放題但食物質素一啲都唔Hea👍🏼超多選擇；真係無令我地失望，一定會

過萬呎店舖超寬落🎙吃飽才有力氣減肥口號超級符合Foodie心態🌝環境舒適 上菜速度夠快🍽長期排隊 就趁平日早放去嚐新☀️120分鐘B款安格斯牛火鍋放題19:00前離座 $198 (+10%服務費)封門柳 手作珍寶蝦丸必點😋☀️火鍋湯底多達十五款鴛鴦鍋任選2款湯底+$50今次試了胡椒豬肚湯和養生藥膳湯意外的是藥膳湯超入味🤩附近的客人差不多會必點記得上湯底後先飲一碗靚湯滋補又暖暖胃🥣自助區種類繁多 眼花撩亂飲品區更有自家製健康花茶🫖店內佈滿霓虹燈 鬼馬壁畫更有周邊產品販賣區整體坐得舒服 食物質素都不錯環境: 💗💗💗💗美味度:💗💗💗💗推薦度: 💗💗💗💗

好喜愛一鍋堂的放題，食物新鮮多款式，點完上枱非常快速，點得開心食得也開心美味！ 今晚食的是葵芳新都會廣場的一鍋堂 。一鍋堂座位非常寬敞，大大張的四人卡位非常寬敞舒適，我們兩位就被安排坐了四人枱。放題有自助區及網上 qrcode點菜，自助的區域範圍也頗大，有熟食、冷盤、自制沙律、粉面、丸類、蔬菜、飲品……等，任取任點任食。自助熟食有香辣餐肉炒飯、紅燒蘿蔔牛腩、咖哩豬皮、蘿蔔魚丸、麻辣豬耳、酸辣鳳爪……，非常多款式……，酸辣鳳爪最搶手，一下子畀人取得八八九九……沙嗲鍋底非常濃郁，令灼過的肉類都很入味……Qrcode點完上枱非常快速，毫不漏單~~精選進口牛板腱、美國安格斯牛肉、封門柳……， 牛肉都有多款式，牛板腱及封門柳都有牛味，而美國安格斯牛肉更為出眾~~紐西蘭羊卷肉，切得厚薄適中，肥瘦適中，帶有少少羊肉的特有香，令我點完再點~~西班牙栗飼豬肉，口感緊緻帶點爽，肉咮比一般的豬肉特別有口感及好味。海鮮也有多款式，手串生猛海蝦新鮮彈牙有蝦味~~白鱔片、新鮮魚雲、手打墨魚丸……好新鮮，又鮮味，白鱔片點完又點~~，食得好開心~~蟹籽手打墨魚滑，入口爽，有墨魚滑的鮮。推介海鮮珍珠貝、沙白蜆、真係花膠

假日中午零捨好胃口，男神提議食個豐富午餐🥰 我就再提議食激d😏 中午火鍋放題吧！ 這間店平時食開晚上放題，水準已有保證，中午也是一樣，沒有讓我失望🤩火鍋湯底12款，有辣，有唔辣，我就最欣賞「養生藥膳湯」味道香濃，而且有充足材料絕不兒戲🥰 另外仲有特別的 「櫻花蝦湯」都相當吸引😍至於食物都是很多款式，肉類，丸類，熟食，蔬菜類，飲品類，最為欣賞 「窩筍，鮮淮山」🤩🤩備註：🔺地方保持整潔😊🔺服務員態度👍🏻🔺電子下單🔺價錢好抵🤩 大慨$200/位 （100分鐘）

天氣漸漸變熱，但無阻四季打邊爐的意欲.最重要是選擇多，冷氣夠凍.先選完個湯底再入去，有超多特式湯底，最終首試冬蔭公湯底，店員指不會太辣，以酸辣出名。一入去有條長走廊好有氣勢，坐位都幾舒服.識點當然是先食電子落單的菜式啦！牛肉是首選，又快熟！不同的海鮮包括貝殼類、魚類和蝦都值得試，其蝦十分之爽口.連花膠和帶子都有，即刻覺得成個B餐抵返！不同的丸類細細粒，可以方便試不同的種類，亦都十分之彈牙.不夠喉的話，可以出去拎出面不同款的小食，飲品和蔬菜等都成列任拎.

之前去過荃灣個間分店，今次黎葵芳新都會呢間好大間！門口勁寬敞，有文青feel，同埋最鐘意一鍋堂全部座位都隔開，好有私隱度☺️今次食既係B餐，第一次試沙參肉竹鯊魚骨湯底，本身好期待，比想像中清淡啲，但勝在夠健康同特別，其他地方未見過有。另外+$30既海鮮追加係必叫！因為一定回本的！蝦🦐 蜆同鱔片都好新鮮👍🏻 不斷叫黎食，仲見到前幾枱一對情侶成枱勁多蝦殼😂😂 應該一人食左幾十隻不等，真係好回本😂然後今次仲見到有花膠，當然點番兩份，放係湯底加料😆😆 女仔要養顏唔好錯過啦👍🏻👍🏻菜方面都好多款，今次罕有地見到有羽衣甘藍😮😮 試左唔係我的菜，有興趣既朋友仔可以一試-飲品係超多款可以任揀！當然仲有自家製手工飲品，同荃灣個間款式唔同，我比較鍾意黑枸杞茶😜 清甜又補眼-另外仲有啲熟食，都好鍾意，幾開胃👌🏻-總括而言，一鍋堂暫時都係心目中質素好好嘅一間火鍋店，嘢食夠新鮮，環境又寬敞👏🏻-餐廳: 一鍋堂 地址: 葵芳興芳路223號新都會廣場6樓601-610號舖

火鍋喺好適合家庭聚會嘅活動, 食肆地方大, 冷氣和空間充足就好重要。揀咗B餐和湯底, 開始豐富大餐。火鍋料豬牛羊海鮮都有, 還有肉丸餃子雲吞等, 一於款款都試吓。元茜皮蛋湯底好啱口味, 皮蛋鬆化美味, 牛類以牛板腱最啱食, 牛味濃郁又快熟, 嫩滑可口。羊卷肉都好正, 蟹籽手打蝦滑爽滑又彈牙, 大大粒方形白魚蛋白滑又爽脆, 份外美味。小食以炸魚皮和鹵水豬耳最啱食, 值得一提嘅係稻庭烏冬, 又滑又彈牙, 加埋靚湯底, 真係好好味。還有新鮮嘅西洋菜和唐生菜, 打邊爐真係唔少得。飲品就最鍾意食店自家製嘅冰糖燉檸檬, 清甜又滋潤。

見平時咁多人排隊，忍唔住入去試下 ，今日叫咗個b餐 首先唔講嘢食住，啲出前一丁任攞，淨係呢一度嘅其他餐廳都做唔到 。仲有佢好多自家製嘅飲品，例如烏龍茶，涼茶等等，唔啱汽水嘅都啱飲。湯底，打邊爐最緊要嘅。今日叫咗個麻辣湯底，夠曬入味。安格斯肥牛好食，脂肪雪花分佈非常靚，仲有唔同嘅牛部位，例如牛脷同埋封門柳，都非常之好食。海鮮都非常新鮮，有蜆，有花甲仲有蝦。味道鮮甜，一食就知係游水嘅。講漏咗啲前菜，麻辣鳳爪仲有雞腎等等唔同嘅前菜同君選擇 。最後，有張相都見到，點咗成枱野食，真係又好食又多，又可以慢慢食，又平，當然仲有好多野食都冇講到啦。例如金菇，響鈴，蟹柳等等等等，絕對值得一試！