一鍋堂 (新都會廣場)

營業中

休息中

放假瞓到自然醒，下午來到葵芳食午飯。雖然住附近，但不常在葵芳覓食。今天竟然發現一鍋堂在葵芳開了分店，而且還是旗艦店！餐廳寬敞，座位又寬落，一入門口即見到大大個裝滿蔬菜碗的大雪櫃。我們選了$228任食100分鐘的C餐高級澳洲和牛餐，可以任點澳洲M5和牛板肉、手切牛脊肉、安格斯牛肉、封門柳、牛脷心托、牛板腱等，此外還有羊肉和西班牙豬肉。這裏的湯底選擇也多，共有16款，我們則點了養生藥膳湯底健康一下。食物上枱快因為以QR code下單。等待食物期間就去了自助區，除了各款涼菜，還有各款急凍丸類。還有選擇很豐富的飲品，紙包裝、罐裝、膠樽裝，我最鍾意自家製茶飲，唔太甜，打邊爐飲正好！火鍋放題都經常去，但一鍋堂的這個質素著實很高，我們的M5和牛肉質好靚，絕不hea人，每碟份量都好足，也夠厚切，不是薄切！而且雪花紋夠靚，絕對對得住價錢。其他的牛肉如安格斯、牛脊肉、封門柳、羊肉豬肉等都高質，鮮紅透白色油花。我愛手打丸，這裏的出品也出色，新鮮打起，亦爽口彈牙。魚皮也香脆，蔬菜種類也多。我們二人各自點了少量想試的食物，然後就主力食肉，所以全程都是狂食肉，食得好滿足！連甜品都放棄，只係食肉~這個任食真的抵食，

忙到癲左的日子，拼了命完成工作，爭取時間出去食個火煱，獎勵下自己❤️❤️呢間好評如潮，我想試好耐架啦～食材選擇係超級多！真心，每款只食一件都試唔哂點哂我最愛的牛牛🦌及海鮮🐠，食物質素好好，當中最愛和牛🥩，封門柳同安格斯。海鮮除左海蝦新鮮🦐，仲有好多款魚片🐟，日式火煱配脆鯇，第一次。蜆同扇貝都係勁鮮甜！魚滑蝦滑彈牙，不要錯過. 🍚熟食有個炒飯好得，炒得香，粒粒分明，飽都食左小碗。🥦菜～～～成排櫃俾你揀😎型，仲好 fresh.🍹飲品～～～又係成排櫃👍拎左個玫瑰黑枸杞茶, 微甜，好欲最後甜品雪糕🍦加埋即磨咖啡☕，perfect ending! 下次 encore

裝修挺新，環境雅致，而且多數是卡位，的確是三五知己一起聊天吃飯的好選擇。湯底種類繁多，真教人難以決定，最終我選擇了芫茜皮蛋湯底，皮蛋與芫茜配搭恰當，濃濃的芫茜味，生料滾起來特別鮮味。M5澳洲和牛，油花均勻，如雪花分佈，看上去已令人食指大動。入口非常嫩滑，完全沒有渣，油香肉嫩，甘香可口，必定要一試。封門柳和安格斯牛肉赤十分優質，雖然油花不及和牛，但牛味濃郁，很有口感，真是各有千秋，任點任食可以盡情享受。生料種類特別多，根本不可能全部都試，共中特長蟹柳不但美味，而且彈牙，不會一滾就散掉。三色墨魚磚，三種顏色很有趣，沒想過入口有濃厚的墨魚味，相信是店家獨有產品，值得一試。水魷十分爽口彈牙，而炸魚皮赤很酥脆，滾一滾入口油而不膩。除了用Apps點餐，還有生料bar和不少熟食，基本上可滿足各種不同口味的人。還有他們自家製的健康飲品，薄荷鳥烏龍茶、洛神花茶等等，配合火鍋可清熱解毒，而且很少甜，適合愛健康的人士。這餐十分滿足，令人回味，下次會再來光顧。

來到葵芳廣場一鍋堂 門口開揚 餐廳環境裝修得好有特色 而且座位簡潔坐落舒適 .和朋友一起選食 （100分鐘午市火鍋放題）必選鴛鴦湯底可以試不同口味 最多人推薦食潮汕鍋-選用大地魚熬製湯底 味道好鮮甜呀…另一邊蕃茄湯底酸酸甜甜食得更加另人開胃…除左網上落單 出面仲有自助區 有熟食 可以俾人食住先 慢慢等火鍋滾 🤣每款套餐有不同牛肉特色 、特選食材外 只要出去自助區都會必包有 貢丸 牛肉丸 獅子腸 燒賣 芝心丸 腸仔 芝士腸 迷你素腸仔 魚蛋 木耳 冬菇 等等 ….包羅萬有，迎合不同寶貝們口味安格斯牛肉大大塊 牛肉味香濃 配合湯底 食落口感牛肉多汁濃密牛肉香味 每次都會食多很多碟 最後食得口喝 ，自助飲品區 多元化 選擇無限多 而且有自家飲品 每款都好好飲添 👍🏻

我屋企人好喜歡一鍋堂 原因夠道地 有時屋企人想打邊爐都要唸今日食乜好 鐘意一鍋堂係因為有不同選擇 可以選擇火鍋餐 由一人至多人 素食者都岩食 湯底有16款任由自己喜歡去配搭 有午市晚市之分 今次帶屋企人黎食 100分鐘午市火鍋放題B餐：特選安格斯牛鴛鴦火鍋湯底 一邊潮汕湯 、一邊蕃茄湯湯底有料又夠濃縮 香濃豬骨湯底 料十足又極之鮮甜餓餓地水滾即刻落炸魚片 同埋響寧 好快捷就食得 炸魚片本來都清脆香口 係水滾再食 更加多份口感牛肉係美國安格斯牛肉。牛肉片蒲大塊 水滾一陣又好快食得 ， 停留口腔內牛肉鮮嫩又滑 牛肉味重 牛肉較有咬口 ， 食極不停 每份青菜🥬都會係雪櫃存起 保存又好 又新鮮 按每一人份糧 食幾多取幾多 非常有idea 又不會浪費食物 整體環境又舒服 乾淨 有空間感 不會太勞煩接待員 食得自由 又很開心 🥳！

次次同女朋友話去打邊爐 我哋都不約而同話要去一鍋堂🫢 今次試吓去呢間新都會分店 位置有啲難搵因為去6樓比較麻煩要經過歷奇公園再上去🤣 但係呢度環境幾好 環境大 乾淨企理裝修靚 座位分得好開 野菜、飲品、前菜、熟食、雪糕都喺出面自助區攞 今日lunch黎食豪啲 揀咗C餐 $228一位湯底揀咗鴛鴦湯 蕃茄湯同沙嗲湯蕃茄湯係蕃茄薯仔牛粒湯 薯仔味同牛味較出 見到落咗好多牛骨沙嗲湯最出色～ 好重花生香 湯底濃郁夠晒惹味～以QR code落單 送菜速度快 完全冇漏單情況 買幾多送幾多👍🏻C餐先有嘅澳洲M5和牛板肉🥰 和牛肥美脂肪豐富分布亦平均 有啲入口即化嘅感覺 $228有得任食真係好抵！ ～仲有蝦滑、墨魚滑同自家雲吞都推薦👍🏻

暑假再來 再一次驚喜暑假再來這裏食午市和鍋任食，發現食品選擇更多元化，推出了很多特別的食物非常吸引這裏的湯底依然保持非常高的水準，非常足料而且湯味濃郁，火鍋最重要的湯底已具備了肉類保持以往的高質素，點了紐西蘭羊卷肉 、美國安格斯牛肉 、精選進口牛板腱和西班牙栗詞豬肉 全部都好好味！冷小食給我得大的驚喜,平時我也非常喜歡吃鳳爪，無奈因為懶吐骨頭而放棄，而這個辣味鳳爪然係是無骨的，不吃過兩三碟是不行的。新的菜單中非常推介濃汁爽彈牛丸和三色墨魚磚，牛丸非常彈牙多汁，更有八吋長腳蟹蔬菜有羽衣甘藍、油麥菜、生菜等， 種類多且新鮮乾淨手作菠菜皮韭菜餃同樣出色，菠菜皮煙韌，韭菜新鮮餡料豐滿自家飲品依然保持高水準，最後享用雪糕和咖啡非常完美

暴雨天氣最適合任飲任食，可以同知己聊天又可以嘆下美食。想到食牛就諗到一鍋堂C餐，佢有幾種不同的口味。澳洲M5和牛板肉，肉質鮮美，食幾碟都回本。花雕浸安格斯牛肉，肉質鮮美加上個調味，令到更加好味😋封門柳，熱門，口感不錯，肉質爽口。牛脷心拖口感更爽。肉丸🍡係手作，所以肉類好滑。海鮮蝦好鮮甜，脆肉鯇魚好脆，仲有我最愛的鰻魚片，再配上個沙參肉竹鯊魚骨湯，真想連個湯都飲曬😋鴛鴦湯底，另外冬蔭功湯酸辣口味真的配任何菜式都好味！飲品係果汁🧃剛好做推廣加25元就可以任飲啤酒🍻好滿足的一餐👍🏿

說到葵芳的火鍋店，給人的印象就是街邊火鍋店，又熱又逼又污糟，但這一間火鍋店，位於商場，環境非常舒服，而且地點方便，餐廳內裝修寫意，坐得舒服，而且職員有禮貌，感覺非常不錯。肉類（豬牛羊）Order的肉類上得很快，而且每碟都非常新鮮，很有誠意的一間餐廳。他的肉類選擇很多，作為一間任食火鍋店來說，真是性價比極高。丸類、牛柏葉、魚滑、雲吞、鴨血炸魚皮除了肉類之外，他的選擇也非常多，而且好味。味道新鮮不在話下，多選擇又新鮮不是間間火鍋店能做到，魚滑真心好味，蝦滑極度推薦。蔬菜和飲品蔬菜種類多，新鮮鮮甜。飲品也非常多選擇，有養生的台式飲品，女士們一定喜歡。

好耐冇打過邊爐, 就同朋友去左葵芳新都會打, 係葵芳頂樓, 環境十分好, 同埋企理乾淨.叫左2個湯底, 一個痳辣, 一個蕃茄. 痳辣個辣度適中, 香味夠. 蕃茄就酸酸甜甜, 十份開胃.呢度值得一提既係牛肉十分高質, 可以一點再點, 另外雪櫃有大量不同既飲品任飲, 仲有D樽裝茶, 十份岩我呢D唔飲氣水既人.落單店家就係用手機, 十分方便, 數分鐘就僧自己送到台上.總結來說, 食物不錯, 亦十分衛生, 環境亦十分好, 可以再來

葵芳一鍋堂位處葵芳站毗鄰，十分方便。裝修光線明亮，間隔分明，座位舒適，服務員都是非常有禮和有效率的。而食物方面，種類繁多，冷熱小食、各式火鍋材料、飲品都應有盡有。有A、B和C三種餐可選擇，豐儉由人。選了豬骨湯底併芫荽皮蛋湯底，鴛鴦鍋需另加 $50，豬骨湯香濃，不油膩，芫荽皮蛋湯的芫荽新鮮，皮蛋美味。澳洲M5和牛板肉牛肉色澤鮮紅，油花分佈豐富，牛肉味香，入口溶化。西班牙栗飼豬肉 栗飼豬肉肉味帶甜，肉質軟嫩。西班牙橄欖飼豬肉橄欖飼豬肉較少脂肪，灼的時間需要多一點。粟米、金菇、冬瓜和鮮腐竹都很新鮮，粟米香甜，鮮腐竹有豆香。還有自助冷盤及肉丸櫃。也有自助新鮮蔬菜櫃和自助飲品櫃。

今日看完煙花八點半,搵嘢食咁去咗葵芳新都會,一間任食火鍋,因為佢收12點,準時九時半到食宵夜,好多人話好難訂檯,入客比較慢,冇人帶位,要自已搵位,唔緊要,知道而家人手少。叫左鴛鴦湯底,叫左安格斯牛肉,刲門柳,大蝦仔, 珍珠蜆,沙白,蟹柳,牛柏葉,竹笙,牛丸,好多野食的確比牛x人多好多嘢食豐富好多,但自助吧就好失販,想食三寶,冇咭,魚皮咭,可能宵夜唔加希望下次食到,唔好講招呼,知道唔會好。其實好過好多間,但都要照顧宵夜班客人竹,可能平$20位,所以就係甘,為有下次食19:00。

早排同表妹去咗書展度買書，行到咁上下我哋見肚餓就走咗去葵芳嗰度食一鍋堂。😋😋━━━━━━━━━━━━━━━━━━━我哋見佢有新湯底，就嗌咗艇家一品魚湯，試一試佢。━━━━━━━━━━━━━━━━━━━個湯底魚味濃郁，仲有淡淡嘅胡椒味，而且亦有唔同嘅海鮮，有蝦有魚同埋蜆，湯底鮮味十足。━━━━━━━━━━━━━━━━━━━一坐低就梗係要即刻出去攞下啲嘢飲先㗎啦。出面除咗嘢飲之外仲有熟食，邊爐配料可以攞！🥹🥹━━━━━━━━━━━━━━━━━━━我一直都鍾意食一鍋堂嘅原因係因為佢啲海鮮都好新鮮，完全唔會霉！😍所以每次嚟食我都一定會不停嗌蜆同埋蝦嚟食。一鍋堂嘅牛同樣好食，好有牛味，又唔會好好多肥膏。━━━━━━━━━━━━━━━━━━━一鍋堂性價比真係好高，所以最近都真係鍾意食。😋😋

身體入面嘅火鍋魂又召喚我啦😂唔想太破費但又食得飽兼滿足！一於又去番已回頭又回頭嘅呢間🍲放題店啦！今次一樣點番個人覺得性價比最高嘅B套餐！夜晚七八點呢啲熱門時間嚟到已見full house🤭好彩有訂位可直入啫！！. 坐低闊落卡位後😉先隊番支佢哋嘅🌺養生洛神花茶🌺一如以往咁清熱解渴！當然仲有其他汽水等飲品揀啦！喺自助沙律吧/熱食前菜櫃都有好多選擇☺️咁熱天氣想食微微辣嘅✨麻辣土豆絲！ 一不離二索性要埋佢哋推介嘅✨一鍋麻辣湯底🌶️🌶️就以必須食嘅✨美國安格斯牛肉 ＆✨封門柳 作開端啦！高質且軟腍有肉味！必須用力追加👍🏻👍🏻✨100％濃汁爽彈牛丸 亦高於期望咁彈牙有肉汁✔️另外重點推介嘅係肉質鮮甜無鬆散嘅✨手串生猛海蝦 ＆甜美肉厚嘅✨珍珠貝 ！！當然唔好漏咗每次都不厭其煩怒點嘅✨手切白鱔片😋焯熟之後軟綿綿又唔腥😋跟住✨日本南瓜 ＆✨超甜粟米 堅係甜🌽然後✨三色墨魚磗 係幾IG-able！(個人私心大愛質地好特別嘅✨神仙豆腐 ＆濃郁芝士餡嘅✨芝心丸！！)就爆肚前出去斟番杯完美弧度嘅✨軟雪糕！！幸福感湧上腦❤️. 每次呢度打完邊爐都係滿足住咁走😌任飲任食120分鐘都只係二百幾蚊位！同行朋友一致認為物有所值😌

葵芳新都會高質任食火鍋店餐廳環境寬敞座位舒適，通道寬敞冷氣充足，火鍋料高質，處理乾淨衛生，侍應服務態度良好，上菜又快又準，位於新都會商場， 鄰近葵芳地鐵站， 價錢大眾化，湯底：沙參肉竹鯊魚骨湯，撈到有好多湯料，湯底滾起先嘗了一口， 湯底幾鮮甜，同平時出面嗰啲味精湯底不一樣，飲完唔會覺得好口渴，出面自助區嘅蔬菜區，有好多唔同種類嘅蔬菜任君選擇，按種類，分開一份份放入雪櫃， 乾淨衛生，啲菜洗得幾乾淨， 冇沙冇泥冇菜蟲，顏色新鮮翠綠， 食落亦都覺得脆口爽甜。自助區嘅熟食區， 有五至六款嘅熟食任揀任夾，有惹味小食，亦有飽肚飯麵， 樣樣都食咗少少，味道幾好，質素唔錯。自助區仲有其他火鍋生料，可以任夾，選擇都有好多：芝士獅子狗、廚師雞肉腸、綠中寶、迷你素腸仔、午餐肉、各種丸類、出前一丁、花米粉…………仲有其他冷盤前菜……自助區嘅飲品，有大量各式各樣嘅紙包飲品，或罐裝飲品，仲有佢哋自家製嘅膠樽裝飲品，如果想要熱飲，亦有茶包和咖啡機， 實有一款啱你。自助區嘅雪糕， 最近係桃味，綿密軟滑，桃味好香，而且唔會過甜，好味。自助區嘅汁醬區， 乾淨企理多配料選擇，有生蒜、炸蒜、辣椒、芫茜、蔥……豉油都有兩款可以