一鍋堂 (大鴻輝(荃灣)中心) (已搬遷) 新店位置

餐廳主要是食火鍋的，有不同湯底給客人選擇。餐廳裝修得很寬鬆，具空間感。空調也足夠，不會聚集很多煙和熱。今日和朋友到餐廳食晚飯，感覺餐廳食物材料很新鮮，落單叫生時是使用手提電話落單的，感覺方便快捷，而且也算是準確。服務效率令人接受。我們選擇了鮮蝦，帶子，肥牛，雞肉，魚片和各種丸類及火鍋配料。食物很新鮮份量雖然不多，但每次追加也很快捷。最令我欣賞的食物是鯇魚腩。確是真材實料，肉質鮮甜，又多肉。鮮蝦和帶子和其他海鮮類可以不停追加，簡直值回票價。餐廳氣氛很好。適合一班朋友來聚舊聊天。

雖然炎熱的夏天已經來臨，但無阻我打邊爐的興致，在荃灣這個區，這間餐廳的質素是比較高的，不所以選擇來了這裡。打邊爐少不了的就是肥牛，這裡的牛肉不是隨便選取冷凍連鎖店的肥牛。肥牛的肥瘦均勻，不會有大量肥膏。幾秒之後就可以食用。肉質方面不會太鞋身，而且有濃濃的肉味，也是我選擇來這間餐廳的其中之一個理由。另外一款滑牛肉，最大的特點就是十分嫩滑，牛味也十分豐富，即使在爐中放久了也不會影響他的肉質，這也是其中一個好處。海鮮方面，硯肉挺新鮮的，也沒有沙，相信員工在清洗食材方面做得十分好。十分少見的蟹肉棒，比一般餐廳見到的長及粗，而且肉質比較緊實，口感比較好。另外一款食物是炸芝士丸，入面的芝士分佈十分平均，不是集中在中間，令你進食的時候比較容易，也可以感受到芝士濃郁的味道。手打丸是每次打邊爐都會叫的食物，可以試出餐廳有沒有用心準備。這三款手打丸我都覺得質素十分高，調味和口感也十分好。這間餐廳食材選擇十分多，而且質素也是十分高的，所以可以選擇都不同類型的食物來試，不用只能選擇某些食物進食。總括而言，以任食餐廳來說，這間餐廳的質素是十分高的，你可以選擇很多食物進食，而且環境和服務都十分好。。

今晚和先生在荃灣買海味，又到晚飯時間，一於去一鍋堂打吓邊爐。客人都幾多，等左一陣终於有位，食店用QR code經手機落單，方便快㨗。食材新鲜，種類繁多，基本上海鮮、豬、牛和羊都有，多款飲品任君選擇。點左 蘿蔔粟米豬骨湯底，夠晒清潤。炸魚皮非常酥脆，作為小食很合適。貢丸大粒彈牙，牛柏、新鲜爽脆，白鱔片鮮甜，牛肩肉牛味濃郁，油香味美。法式牛肉大塊肉厚，鮮味嫰滑。手打肉丸亦具水準，夠晒爽口彈牙。多款新鮮蔬菜，用膠兜盛載放於雪櫃，保持清潔，翠綠爽脆，的確係一頓好滿足嘅火鍋放題。

之前食過旺角嗰間一鍋堂，覺得係一間好高質嘅任食火鍋，今次就黎荃灣食。呢個大鴻輝中心勁多餐廳，每一次搭lift上去都要排五至10分鐘，有一次試過半個鐘。店內環境非常寬敞，坐滿人，而出邊仲有好多人排隊，可以見到間餐廳的受歡迎程度叫左個鴛鴦，一個豆腐湯底，另一個響螺湯，侍應特別推介。轉個頭個待應仲行過來傾計話個湯底的人已經賣晒，我地好好彩，侍應仲叫我地先試吓響螺湯嘅湯，試完之後再放材料入去打邊爐。好多野食，全部都好新鮮，海鮮有蝦，鱔片，花膠，魚頭等等，花膠好大件好多骨膠原，叫左好多白鱔片，因為鱔片通常都比較貴。魚腐好好味好彈牙。芝士豆腐芝士味10分濃郁，芝士爆出來。蟹柳啖啖肉口感一流豬牛羊樣樣都有，每一樣都好有味，油脂分布非常均勻。另外出邊飲品好多種類，應有盡有；仲有雪糕食。

呢間一鍋堂已經經常性同朋友一齊黎橕枱腳😂因爲除左湯底做得好之餘，食物亦都新鮮值得一讚既係份牛，任食黎講真係幾高質，有牛味之餘啲雪花靚到每次一定要叫幾份埋單都係$148再加一

這天我約了朋友在荃灣吃過晚餐後才回家，經過朋友的介紹，我們決定來到這間任食的火鍋店試一試，店內環境非常寬敞，食物的選擇很多，每張枱都有充足的濕纸巾和牙簽供應，店內的客人是坐滿的，而在門外輪候的人數也很多，證明食物的質素應該非常高冬陰公湯底，軟彈煙韌的茹，鲜甜的番茄，湯底份量非常多，味道酸酸辣辣，十分惹味，富有特色，十分有泰國風味蟹籽墨魚滑軟彈煙韌，法式牛肉嫩滑細密，美國肩胛肉眼香稔軟嫩，豬粉腸沒有腥味，十分新鮮，海蝦清鲜甜美，帆立貝軟彈煙韌 ，8吋蟹柳十分鮮甜十分長，十分特別，芝士腸緩緩流出芝士，芝士味十分濃郁，炸魚皮煙韌，豬頸肉柳有嚼勁芝士豆腐，芝士味十分濃郁, 魚皮餃軟彈煙韌 ，香茹貢丸爽彈鮮美，芝士獅子狗軟綿綿飲品的選擇非常多，健康飲品有洛神花茶，蝶豆花茶，罐裝飲品有仙草爽，乳酪疏打，新奇士橙汁，玉泉沙士，冰極檸檬茶，纸包飲品有蘋果綠茶，菊花無糖茶，芒果汁，巨提子從雪糕機拉出雲呢嗱雪糕，味道清新，十分冰凍整體來說，食物的質素非常高，食物的種類非常多，食物的用料非常新鮮，食物的賣相很不錯，上菜速度來得很快，食物來得很足，火鍋的定價相對合理，還可以用電話點餐，十分先進，十分方便，而

朋友想食火鍋放題， 上openrice睇下荃灣邊度有， 左睇右睇，見"一鍋堂"好多食物選擇， 一於 book枱試下。搭電梯去到門口好多人， 好彩我哋大概等咗十分鐘已經有位。 入面好大又寬敞，我哋安排咗坐窗邊嘅卡位。入場已經見到幾個到天花既大雪櫃，有幾個裝飲品，有幾個裝疏菜，好少見咁壯觀! 仲有健康之選碟豆花，洛神花茶，所有都係自己隨便拎，真的貼心。因為有小朋友湯底就揀得比較清淡， 揀咗鴛鴦鍋，一邊係蕃茄牛粒湯，一邊係蘿蔔粟米豬骨湯。 大大件豬骨， 材料十足。呢度都幾先進, 落單用電話掃 QR code 再自選。上菜又快，好有效率👍放題當然係先叫牛肉，羊肉啦! 牛肉薄薄一片片， 唔係好肥 但係好嫩滑。 羊肉有少少騷味，正合我口味。再點海蝦、手打丸，新鮮彈牙，唔似雪藏蝦，抵讚! 仲有養顏既花膠都可以任叫，好抵呀！未見過咁長既蟹柳，真係想問佢係邊度買，因為係小朋友既至愛。疏菜類有我至愛既冰菜，冰菜唔係周圍有得賣，更何況這裏可以任食。最後，梗係要食埋雪糕先圓滿啦！蜜瓜味，好清新!總括來講，食物種類多，每位$168加一，真係抵食，不過食完又要減肥了！🙄

火鍋放題 ，兩個半鐘$168， 認真超值抵食。餐廳座無虛席，人山人海， 原來香港人四季都喜歡打火鍋! 餐廳位置在高層，一邊 打火鍋，一邊可以飽覽荃灣熱鬧夜景。先用手機 download apps， 掃QR code 手機落單，環保 , 快捷又方便， 又唔會漏單。有多種湯底提供， 選擇了新出的 雜菌湯底， 水滾後， 散發出陣陣 雜菌香味， 喝一口湯 ， 入口鮮甜美味， 用來淥菜， 蔬菜甜味提升， 冇咁肥膩，更加健康。自助醬料，有芫茜 、炸蒜 、生蒜 、蔥粒 ，隨著自己個人喜好， 調配醬料及配料， 好貼心。蔬菜放在雪櫃自取，乾淨又衛生，又可保持新鮮， 有菜心、生菜、 蕎麥菜及娃娃菜等。花膠扒半個手掌咁大， 厚身, 爽口又彈牙， 滋補又養顏， 絕對是女士的恩物。鮮牛肉爽滑彈牙，羊肉沒有羊羶味，肥牛嫩滑。 蝦大大隻 、 手打墨魚丸， 肉質彈牙和緊緻， 鮮味十足 。 炸魚皮卜卜脆， 金沙雞翼尖， 表面的鹹蛋黃入口甘香怡人， 送酒一流 。 韮菜餃， 皮薄餡靚， 誘人韭菜香味， 充滿肉汁。飲品有多款口味汽水選擇， 更有花茶提供 , 最喜歡洛花茶， 開胃又消滯， 蝶豆花茶， 明目補眼， 不錯的

俯覽荃灣美景及服務態度佳。非常潔淨。最喜愛這裏的打邊爐。這裡有大概12款湯底任君選擇，可以鴛鴦配。秋天還有限定鍋，例如美人鍋，雪梨鍋。爽滑花膠，鮮蝦非常彈牙，新鲜帆立貝。欣賞佢呢度嘅手打魚滑，有鯪魚有墨魚，有手打魚腐，有手打三寶丸豬肉丸，鮮味有咬頸。新鮮鯇魚片，脆骨腩，白鳝片，又鮮味又有營養。碎花牛片，黑豚肉片也很味濃有層次。還有很多菜蔬選擇又新鮮，擺喺櫃度衛生方便自取。很多飲品選擇，還有自製的洛神花茶，蝶花茶營養飲料等等。最後不少得嘅乳酪雪糕，可加朱古力脆條…真係荃灣打邊爐嘅不二之選。

早幾天，跟朋友逛荃灣千色百貨附近，到了晚飯時間，朋友想吃火鍋，我知道千色附近有個商場全部都是食肆，所以就過來了，看看指示牌，朋友就指著要試這間~一鍋堂，因為他試過旺角的分店，質素挺高，而且價錢不太貴，所以我們就坐電梯上去了，幸好時間尚早不用等位，可以休閒地吃2.5小時，我們加了50元選了鴛鴦湯底，杏汁豬肺和准山杞子螺片，兩款湯底都可以先喝後火鍋~感覺很不錯，菜料和飲品都是自助，特別一讚是菜料款式多而且很新鮮，因為雪櫃很凍。另外飲品種類繁多，更有自家製飲品~冰糖檸檬，洛神花，蝶豆花，挺有心思的。而海鮮肉類丸類都是用手機掃QR Code下單，感覺更環保，而且漏單情況更會減少，而且出品全部都好新鮮，但因為陸續有太多客人，所以門口等位的人數也挺多，價錢又真心不貴，的確可一試再試。

這裏總是有不少人排隊等食，今天運氣也不錯，等了約十分鐘就可入座開餐。為什麼這裏經常都座無虚設，很簡單就是選擇多，食材新鮮好味。店内的蔬菜很新鮮，全是綠油油的，吃的時候完全不會有渣，而且蔬菜種類也不少。他們的湯底種類也多，而且很有特色。今天我就選擇了一個鴛鴦鍋底，一邊是春日限定的野菌燉湯，一邊是潮汕湯底，潮汕湯底用料十足，湯是用大地魚乾淆的，味道可不錯。這裏的牛肉質量很不錯，脂肪是雪花纹，不會有一大片肥糕，口感很好，有牛肉味，所以吃了很多。生料種類真的很多，而且很新鮮，最吸引我的肯定是白鱔，這是我的至愛，一般火鍋放題很難吃到白鱔，鱔片新鮮，不會切得太薄，很彈牙。還有花膠，彈牙又不膩，而且軟軟滑滑的，不錯。還有一些特色的健康合飲品，如洛神花茶、蝶豆花茶，紅紅綠綠，冰冰涼涼，令人有開胃之感。還有我愛吃的乳酪，今餐真的很滿足，又要減肥了。

常常聽到其他人說天氣冷就打邊，但儘管最近天氣轉熱，仍無損我們打邊爐的決心。要選擇即人均200元的任食火鍋，一鍋堂一定是我的首3選擇。我們選擇了櫻花蝦湯底，因爲不太喜歡太嗆太重口味。個人覺得紫菜有點多，如果少一點會比較好，畢竟幾乎每一樣食材下鍋後都沾上紫菜的話，感覺會有點狼狽。不過有一點我很喜歡的是鍋相對其他火鍋店的更大。飲品櫃非常大，一般放題點的飲品，這裡都有了，感覺這裡好像還多了幾款維他的茶飲。配料自助任添加，有我最喜歡的芫茜。隨著科技日漸先進，點餐再不用點餐紙了，改爲手機掃描二維碼，感覺效率非常高，亦沒有漏單，不錯。這裡沒有肥牛，取而代之的是牛肩胛，賣相一流，味道也比較重肉味。我比較喜歡脆肉鯇和白善片，兩款都非常鮮美而且口感爽脆。要再次稱讚這裡的效率，就算我們每次都點了很多海鮮，都沒有漏單最後的乳酪雪糕非常解膩，我妹甚至吃了2碗。。。

一大班朋友去食飯，梗係揀去打邊爐啦。我哋大家都係住喺荃灣，所以就近近地揀荃灣嘅地方食飯。所以我哋就揀咗一鍋堂，可以任食，就唔使食到就住就住。我哋叫咗個鴛鴦湯底，左邊嘅係蘋果湯底，右邊嘅係西洋蔘蟲草美人鍋。兩邊嘅湯底都係比較清嘅。而家只要scan個QR code, 就可以叫嘢食，又方便又快捷。我哋最鍾意食牛肉，所以就叫咗肥牛同埋滑牛。肥牛脂肪方面比較多，所以食落好林。而且滑牛就好似煲粥入邊嘅牛肉咁，好嫩滑。而且仲有唔少海鮮，好似有魚片。而且啲魚肉仲好新鮮添。出面仲有雪糕同埋乳酪可以自己整，自己DIY。

自從發現咗有一鍋堂依間鋪頭之後，已經好少好少再食其他嘅打邊爐店舖，因為一鍋堂真係又抵食又好食，已咁平嘅價錢食到咁高質嘅任食打邊爐真係冇得頂🎉🎉🎉😍由於有10幾款湯底揀，而我自己又唔食辣嘅，所以第一次就試咗呢一個實無死嘅豬骨湯底，但佢個湯底都好足料，大大嚿豬骨同粟米係入邊🤡呢度值得一讚嘅絕對係新鮮嘅海鮮，$168任食海鮮真係唔係度度有，而且九點半嘅時段適中只係$148。好記得佢呢隻蜆係冇沙嘅，真係好鮮甜。另外海蝦亦都非常之新鮮，肉質彈牙唔會霉。平時食任食火鍋都一定會叫好多牛肉，感覺先至回到本，但係一鍋堂呢一間店舖實在有太多其他更加好嘅嘢食，根本就唔需要淨係食肉質飽自己！

是日來到荃灣等表姐下班表姐推介這個位於荃灣眾安街55號大鴻輝(荃灣)中心11樓的一鍋堂享用晚餐 餐廳提供16種湯底可以選擇小編挑選了鴛鴦鍋 一半美人鍋 一半沙爹鍋餐廳的火鍋湯底都是用心熬製客人可以按照自己喜好混醬餐廳提供多種冷熱飲品可供選擇蔬菜都有不同款式火鍋配料也有很多種類可以選擇海鮮 丸類 肉類 每款都非常新鮮總括而言值得一讚的是餐廳十分注重環保 所以推行用QR code掃描點單而且上菜速度十分快小編表示會再光顧