一鍋堂 (大鴻輝(荃灣)中心)

營業中

休息中

今晚約左朋友係荃灣大鴻輝，雖然連續多日極高溫，但一樣無阻我地熱愛邊邊既心大鴻輝火鍋餐廳選擇眾多，今次我地揀返最穩陣既任飲飲食「一鍋堂」，食過咁多次，每次都質素穩定唔會出事😎坐得舒服又冷氣夠，夏天打邊爐完全無問題任飲任食兩小時，有自助區有丸類、餐前小食、熟食、蔬菜、飲品，都可以自取沙律，麻辣雞腎、秋葵都係必食一鍋堂d丸唔錯架，雖然丸唔翻本，但每次都忍唔住會試重有雪糕機，新口味「清新桃味」，記得要留肚吃，配埋個士多啤梨漿勁正🤤其他食材就QR code落單，落完好快就到，零漏單海蝦一定要食，勁新鮮，爽彈而且唔吝嗇，每次點都四隻咁上牛、羊、豬都齊，重有牛舌同封門柳，都係必食手打丸、滑類，當然也不能錯過我地食既係B餐，限時120分鐘，埋單全包$546，食左好多款，勁滿足食埋雪糕，完美

疫情咁內，我都比較小出街食飯，呢排情況真係好好多，所以即刻享受下一個火鍋放題先。地方好大又闊落，可以容納好多人，卡位超多，非常闊落舒適。養身藥膳湯我朋友話呢排熱氣，唔想食辣，所以我地就揀左個清清地既藥膳湯。我鍾意個湯底好香藥材味，唔會太濃和苦，感覺養身d健康d。我地揀左b餐，叫左呢三隻牛肉分別係牛板腱，封門柳和美國安格斯牛肉。我自己就比較喜歡食牛板腱，大大片，牛味又重，當中有些肥和筋，口感煙韌。如果又想食牛又怕好蘇，就可以選擇安格斯，但如果又想要重牛肉味又唔想韌，就可以選擇封門腱。丸類款式都比較多，無可能樣樣都食下，所以我都係揀左好想食果幾款。100%濃汁爽彈牛丸，咬入口有小小牛汁流出黎，中間有些少肥既脂肪，非常彈牙，真係必食。另外還有黑松露墨魚滑，芝士獅子狗，蟹子蝦滑，平時好難可以買好小，而家可以一次過品嚐下。除此之外，有我最愛既鵝腸，雞件，餃子，峰巢豆腐，魚肚，脆肉鯇，樣樣都小小實在太好了，可以試多幾款唔同。另外我拿左有少量熟食，有日本蕃薯，青瓜，土豆絲，麻辣雞賢，天婦羅和沙律，食完飽到一個點。自助區淨係丸和腸類都有咁多，真係款式多羅羅。熟食區都有好幾款，不過我實在太飽了，已經食唔

🌸荃灣人氣火鍋🌸一鍋堂🍲想品嚐豐盛滋味火鍋？今天特意相約友人到了荃灣一間超人氣火鍋放題店-「一鍋堂」享用一頓豐富的火鍋放題作是日晚餐❗餐廳裝修簡潔精美，座位寬敞舒適。採用二維碼自助點菜，方便快捷，上菜速度非常快❗店員亦非常殷勤有禮，會時替客人收拾碗碟。🍽我們惠顧了以下晚市放題：👉🏻B餐 120分鐘特選安格斯牛 $248@而放題套餐包括：👉🏻自選湯底🍲紫菜櫻花蝦鍋湯底味道鮮甜，以紫菜、櫻花蝦及味噌等材料熬製而成，味噌香嫩豐足，味道清新香甜。🐂火鍋肉類有多款嚴選肉類，當中包括美國安格斯牛肉、封門柳、牛脷心托、精選進口牛板腱、西班牙栗飼豬肉及紐西蘭羊卷肉等。各款肉類配料也非常優質，安格斯牛肉相當肥美，肉質鮮嫩惹味，油脂分均分佈，豬肉肉質感鬆化，羊肉香羶。🐟海鮮配料有多款時令新鮮海鮮火鍋配料，包括沙白、大蜆、鮮嫩魚肉及帆立貝等，海鮮配料非常鮮香美味。🥟其他火鍋配料還有多款火鍋必備配料，包括100%濃汁爽彈牛丸、手作珍寶蝦丸、蟹籽蝦膠釀冬菇、蟹籽手打蝦滑、自家製鮮蝦雲吞、手作麻辣豬肉丸、鮮鵝腸、手作豬肚丸、潮州馬鮫魚丸、野生竹笙、日本紅心蘿蔔及韓式BB八爪魚等，水餃皮薄餡靚，漿肉肉丸彈牙，非常惹

好耐無去過一鍋堂打邊爐平時通常都係去開旺角個間荃灣哩間分店都係第一次黎嗌左個b餐 120分鐘盛惠$248————————————————自助餐照舊有好多選擇擺位分類得好好 乾淨企理大量丸類選擇野飲既種類都有好多 想健康啲有自家製茶飲可以揀菜都有四五種湯底既選擇有十幾種有啲湯底上次黎都無見過今次就試左一鍋潮汕湯 味道都唔錯肉類都有唔少選擇 安格斯牛肉油脂分佈均勻 紐西蘭小羊肉都好食 肉質軟熟 騷味唔會太重海鮮都幾多款可以揀少見啲既有花膠不過我自己就鐘意鱔片同埋貝類 食落幾新鮮 滑都有幾款 蝦 魚 墨魚滑 味道質地都唔錯唯一無咁完美既就係二人枱既大小擺埋棟配料既話壓迫感就會好重 好驚撞跌啲碟所以影相都影唔到好多————————————食物質素唔錯店員勤快 上菜收碟速度快性價比的確唔錯

如果想喺荃灣食嘢，好多時候都會直接去大鴻輝😎😎今次就嚟咗一鍋堂，上一次喺旺角食過，印象都唔錯，一於再接再厲🥰🥰店入面有啲潮語燈飾，幾盞鬼，打卡一流入到餐廳，首先揀咗湯底先，佢哋嘅湯底有成10幾個選擇，各有特色，今次我就揀咗冬陰功湯底😎😎冬陰功香味強勁，食咗兩轉，越煮越出味！唔辣既，主要係啲香葉味道，我自己仲加多咗啲蕃茄，超正😛😛坐低咗，就可以出去拎嘢飲，另外仲有一啲已經可以即刻食嘅冷盤，好似沙律，蕎麥麵。芝麻菠菜等等，仲有其他熱食，乾燒伊麵都有！好吸引！如果好肚餓，即刻就可以醫肚😆😆自家手打丸，另外仲有一個珍寶蝦丸，真材實料，都幾爽口彈牙，值得一試👍🏼我哋叫咗B餐，可以食安格斯牛，密密食，非常滿足！上菜速度都算幾快，安格斯牛賣相幾靚仔，牛味突出，又唔會太肥，超滋味👍🏼👍🏼有好多新鮮蔬菜，或者配料，都可以喺出面自取，例如萵筍，芋絲，南瓜，出前一叮等等，食到飽飽地都可以出去行個圈，可能有意外發現😋😋佢哋嘅蔬菜都算乾淨新鮮，而且每一盤嘅份量唔會太多，咁就唔會浪費啦😎😎100分鐘限時，時間可以話係啱啱好，唔算太趕。依間分店座位都算幾闊落，喺大鴻輝好唔錯嘅選擇👍🏼👍🏼

荃灣大鴻輝中心向來出名多好嘢食，今日突然想打邊爐，就黎食下有唔少好評嘅一鍋堂。今次揀食B餐，包多幾款牛肉同手打丸類，出面自助區任食。餐廳整體環境乾淨整潔，座位之間距離都幾大，唔會覺得迫。今次被安排坐卡位，位置闊落，張檯夠晒大。一坐低就先去自助區睇下有咩食啦，基本上分為熟食、前菜、飲品同火鍋配料，夾左幾款熟食同前菜試下，麻辣豬耳、麻辣鳳爪都好食，而最有驚喜嘅係鴨血豆腐，鴨血入味口感佳，估唔到放題小食有咁嘅質素👍🏻👍🏻而嘢飲就試左自家製嘅洛神花茶，酸酸甜甜幾開胃。一鍋堂主打特色湯底，有成八款可揀，因為今日唔想食太重口味，就揀左沙參肉竹鯊魚骨湯。湯底非常清甜，可惜落左配料之後就俾牛味搶左，所以下次應該未落料之前就飲返碗先。打邊爐嘅主角當然係牛肉🐂啦，B餐一共包四款牛，每款都試過，美國安格斯牛肉、封門柳嫩滑牛味重👍🏻，牛頸脊正常質素，但最鍾意嘅係放題好少食到嘅牛脷心托，係牛舌最近喉嚨嘅部位，口感帶點爽脆，encore左幾次😋另外都試左好多款丸類，比較推薦蟹籽手打蝦滑、黑松露手打墨魚滑、牛丸呢幾款，爽口彈牙，吸收清甜嘅湯底食非常好味👍🏻仲有竹笙、蘿蔔呢啲比較吸味嘅配料，都非常值得一叫。呢餐無論湯

我同朋友最鐘意就係打邊爐，特別係任食放題任點，鍾意食幾多就食幾多，啱晒我呢種肉食獸，而且食量比較大，任食就無後顧之憂啦。當然最緊要就係選擇款式多，肉嘅質素亦都不錯，湯底同醬料亦都非常重要，我自己比較重口味，呢間正正就岩晒我，淨係湯底都有16款選擇，我特別喜歡麻辣同沙嗲，湯底濃郁。以手機落單，圖片清晰，操作簡單，肉嘅質素中等，我喜歡牛板腱，肥瘦適中，墨魚滑彈牙，鴨血、花膠、超長蟹柳等等都不錯。最後梗係要整埋自助雪糕🍦，冰涼解油膩，飲品方面有自製冰茶，呢個價錢都幾抵食。

自從第5波疫情後，真係勁少去打邊爐🍲，所以今日就約左一個勁鐘意打邊爐嘅朋友一齊去下一鍋堂打下邊爐🫕最下舊啦⋯⋯我地因之前話好耐都冇去一鍋堂打邊爐🍲，不如就去下啦，雖然我地約平日，但當日都幾多人呀，好彩我一早book左位，如果冇book位都唔知🤔9點入唔入到去食呀。我地就叫左b餐，真係豬、牛、羊🐑都有得任叫，牛肉同以往一樣都係咁正，好有牛味。出面重有沙律🥗吧及小食，打邊爐🍲配料都可以在自助吧到拿勁方便。

第三次食一鍋堂今次覺得服務麻麻，準時尼到拎位，櫃檯店員粗聲粗氣答覆。我明明係佢面前scan埋安心出行+針卡，佢記錯係隔離幾個客，大聲疾呼我「你未嘟!你未嘟!」真係畀佢吹漲。清清楚楚講咗湯底佢又問返我揀邊款，做野心不在焉講返野食，自助熟食區得幾款，牌上面show嘅野食都欠奉，講緊係7點半左右。冷盤區幾亂下，盤秋葵入面有蕃茄，盤蕃茄入面又有粟米。雖然應該係D客拎野食得衰，但店員fill野食時都可以做多步，撇返走D碎屑/隔離嘅野食火鍋配料尚算新鮮。但海鮮類數量都頗少，5人枱，點蝦得4隻，點蜆就5隻。其中一隻唔開口，基本上鍾意食海鮮嘅嗌幾轉都唔夠喉肉就正常啦，羊就未夠融雪，硬邦邦菜算係嫰，亦都無甩皮甩骨。飲品果幾款茶都唔錯，大大樽解渴整體質素比以前下降，加上訂位又要用佢個app，少少麻煩。

荃灣一鍋堂門口對出有個打卡位上面有一句「有一種朋友叫打邊爐的爐友」，好多年前就開始幫襯荃灣一鍋堂，以前不定期就會同好朋友嚟食宵夜打邊爐，充滿咗快樂嘅回憶，嗰陣時宵夜任食先係百幾蚊。今次與朋友相聚，就相約係一鍋堂。荃灣分店之前裝修過，整體都好乾淨，店舖光猛，大部份座位係卡位，有屏板相隔，剛好可以遮擋坐低咗嘅食客，保持私隱度。同朋友傾偈傾到眉飛色舞，都可以悠然自得。晚上七點幾嚟到，可揀120分鐘火鍋放題A、B或C餐，考慮到主要都係肉類唔同，最後揀咗B餐，含豬、牛、羊等6種肉類，都好豐富，只係$248。湯底有15款選擇，每日由60斤以上豬骨湯熬成，有辣、有唔辣、有清甜、又有養生嘅湯底可以選擇，加$50就可以轉鴛鴦鍋。最後揀咗酸酸辣辣嘅泡菜鍋！QR code落單之後，職員就神速送上食物，安格斯牛肉、封門柳、牛板腱、豬肉、羊肉各樣都叫啲，牛肉色澤同雪花都好靚，味道同口感當然都唔錯，豬肉、羊肉薄切，好快淥熟，滲透泡菜湯味！另外鴨血、超長蟹柳、魷魚、手工麵、牛柏葉、響鈴、竹笙、紅心蘿蔔、金菇、豬肉餃、蟹籽蝦膠釀冬菇、滷水熟食，乜都叫啲，樣樣食材都唔錯，自己就好鍾意鴨血同竹笙，口感好，唔係間間火鍋店都

今日嚟咗荃灣一鍋堂食火鍋，內裡裝修簡單整潔一目了然，座位非常闊落，仲有落地大玻璃望住個靚景食嘢心情都好啲👏🏼👏🏼最鍾意呢間店湯底有15款任你選擇，仲有熟食、韓式小食、沙律自由配搭，最重要係有自家製作冷泡茶。我哋選擇食午市100分鐘放題B套餐$178已經包埋特選安格斯牛（美國安格斯牛肉、封門柳、牛脷心托、牛板腱、西班牙豬肉、紐西蘭羊捲肉）還有數10款食物選擇👍🏻👍🏻👍🏻自助手機點餐方便快捷，沒有漏單情況，落單後大約10分鐘內已經上齊所有食物，所有肉類都有名牌十分清晰。推介封門柳、美國安格斯。肉質軟淋有牛味，最重要係一啲都唔柴，手打墨魚滑蝦滑必吃爽口彈牙，韓式魷魚仔、冬菇釀蝦膠又係好好味。我仲試咗幾款韓式小食醃蘿蔔青瓜也不錯。我唔鍾意飲汽水，選擇飲他們自家製冷泡茶洛神花，口感酸酸甜甜配火鍋一流唔會太膩又健康。最後梗係食埋軟雪糕，可以自由配搭糖果，軟雪糕口感實在有牛奶香味配上棉花糖😬好味道，今日好滿足對一鍋堂所有出品都好滿意😄

夏日炎炎，有時出街都係搵間餐廳坐下傾下食下，嘆住冷氣開開心心。今日下午黎左荃灣既一鍋堂，之前都未食過呢間分店。下午兩點幾時間，食客不算好多，即到即可入座。餐廳座位都幾闊落，仲以卡座為主，如坐近窗邊仲好好feel…100分鐘任食火鍋，好正。我們點了b餐，好多款既牛肉、豬、羊、丸等等都已包曬，我地覺得都好抵食。由於呢度既湯底款式又多，仲款款都好滋味好吸引咁，所以我地貪心，想試多個湯底，加$50就可以要鴛鴦鍋了，好正。我們點了沙嗲湯底同潮汕湯底。沙嗲湯底好濃好正，唔錯唔錯，加埋野食落去，野食唔洗再混醬都好夠味了，好正好好味。另一款是潮汕湯，入面有豆卜、蝦乾、魚⋯⋯好多配料。呢個湯底清清地，唔錯，清得黎都有鮮甜味。所以打邊爐我都鍾意食鴛鴦鍋，因為一邊可以用濃味湯底，而另一邊就用清甜湯底，咁樣想食濃味又得，清清地既湯底又得。QR code下單，野食都好快送到。牛呀、豬呀、羊呀當然唔少得啦，呢度既肉好好味，薄薄地又快熟又重肉味，肉質仲好好，滋味呀。d羊肉好好味，啖啖肉，正。除左肉片好好味外，我仲好鍾意呢度既丸食，餃類，魚滑類，非常好味。呢度既丸同魚滑都好爽口彈牙，好新鮮。唔錯唔錯。呢度同其他分店一

約左朋友黎到一鍋堂打邊爐，約親打邊爐都好想去呢間，依加仲多左唔少分店。食物高質多選擇又價錢合理。我地叫左個B 餐，蘿蔔粟米豬骨湯，連加一 $546 2位。可以食120分鐘，其實都好夠時間食到好多肉。呢到除左可以出去自助拎火鍋食材，仲可以QR CODE 落單，飲品方面仲有自家製多款茶飲。火鍋湯底都好重胡椒味，大大舊豬骨滾成，份外清甜。豬肉片切得好薄，油脂分佈平均，沾上醬汁好滋味。仲有其他手作海鮮同雞肉可以點黎食。另外手打墨魚丸都好出色，好彈牙入味。甜品有香桃味雪糕，雪糕好香滑，加上細細粒綿花糖，真係令人好滿足。

之前都有食過一鍋堂，但今次第一次食晚市，入座限時兩個鐘，時間非常充裕。我哋兩個人叫咗B餐，兩個都唔想咁重口味所以叫咗藥膳湯，之前食過其他都覺得口味偏重，反而藥膳湯就較為清淡，有淡淡藥材香滲出嚟，想養生一流。B餐嘅肉類選擇都唔少，我哋就比較鍾意牛脷心托同安格斯牛肉，個藥材湯淡淡哋唔會搶晒啲牛味，仲可以增加肉嘅風味。另外仲有海鮮選擇，蜆同蝦都可以任食真係唔係好多間有，仲要好高質同新鮮。自助吧都仲有好多台式丸類同熟食選擇，好多都係呢度獨有嘅，特別推介香菇貢丸同芫荽燒賣，味道好之餘仲係出面少有！飲品選擇都有好多，除咗一般汽水同紙包飲品，仲有佢哋嘅自家樽裝養生茶，不過佢今次唔知係咪畀人拎晒，自家系列比較少，不過都出咗個新嘅玫瑰花黑枸杞茶，清甜又養顏。總括嚟講一鍋堂都係台式火鍋抵食之選，不過就建議去之前book定位，因為間間都好多人食！

夏天最爽就係 開冷氣打邊爐😆 在荃灣行街街行到很累，打邊爐就最啱，可能因為落雨少左人出街，打去問一鍋堂有位，就拿拿聲去開餐去到先揀左湯底和放題套餐放題套餐有三款，配十六款自選湯底。今次選擇放題套餐B，另外加$30 就有任食手作海鮮，我們就選了推介嘅檳城喇沙湯底喇醬料區亦都有好多選擇，除了豉油和麻醬，也有沙茶醬！另外可以加蔥花、生蒜、炸蒜、指天椒和芫茜。飲品方面，有很多選擇，有自家製的玫瑰花枸杞茶、薄荷烏龍茶和洛神花茶，仲有好多罐裝飲品選擇，當然唔少得打邊爐嘅可樂啦手串海蝦和蜆類亦都好出色，蝦肉爽口彈牙，沙白大大粒啖啖肉好鮮甜冇沙，而珍珠貝則比較細粒。美國安格斯牛板腱和安格斯牛肉係我們每次來到一鍋堂必食。美國安格斯牛肉勝在牛味較重，油脂分佈又均勻。另外紐西蘭小羊肉同黑毛豬都不錯。 豐富嘅午餐