一鍋堂 (大鴻輝(荃灣)中心)

營業中

休息中

今晚好想食火鍋，之前食過一鍋堂，覺得很好，咁就約朋友一齊食。入座前先揀定湯底，餐廳有十幾種湯底，我哋揀咗沙參肉竹鯊魚骨湯底，湯底濃郁好有滋潤的感覺。而火鍋價格就用牛質數來分等級，有A餐：精選進口肉$208，B餐：特選安格斯$248，C餐：高級澳洲和牛$288，因為剛出糧，決定食和牛餐。入坐後店員就比張QR code,自己用手機落單，快捷方便，上菜速度快，唔會漏單。仲有好多款熟食在自助區任取，我最鍾意食白雲鳳爪，飲品就更加多款，還有自家制飲料，我推介金羅漢果海底椰茶，飲住食火鍋都感到好滋潤。牛肉方面都有7，8款，我覺得牛板腱，封門柳同手切牛最有牛味，M5和牛就油脂分布均勻，入口即溶，簡直係我至愛，我同朋友order咗6，7碟，真係有超值的感覺。其他火鍋料，水魷爽口彈牙，自家制墨魚滑有口感，魚同蝦就好鮮甜，炸魚皮就好香脆，食飽仲有甜品乳酪，簡直有大滿足的感覺！

我們已經不是第一次來這裏食火鍋了，他有什麼吸引我一次又一次回頭呢當中有三點，第一，食物質素；第二，環境衛生整潔；第三，價格合理👍👍澳洲和牛：脂肪分布平均，入口有一陣淡淡的油香味，口感嫩滑封門柳：肉質有咬勁，牛味重，不斷重複之選羊肉卷：我最喜歡它有一點點淡淡的羊羶味，喜歡食羊的朋友一定鍾意烏魚片：脂肪油分比較重，入口有魚油的香味手打蝦丸墨魚丸：有咬勁彈牙脆肉鯇魚腩：非常有咬勁，鮮味 估唔到熱盤熟食同樣出色，證明每到食物都製作認真 牛肉飯：肉汁香濃，牛肉好入味👍👍蘿蔔牛腩：牛腩炆到好焾，牛腩汁都好香最後講一講湯底，我們點了豬骨湯底，和冬陰功湯底豬骨湯底：湯底濃郁，足料冬陰功湯底：不太喜歡吃辣的朋友不建議，因為味道太濃烈、太辣整體來說，這是一間優質的火鍋店，所以時常都有回頭客

開學啦，真係要食返啲好嘢慰勞自己，諗起呢度超多火鍋店嘅大鴻輝中心！今次揀咗呢間一鍋堂，好鍾意佢哋有不同特色食物，CP值高！環境：相當寬敞，座位唔逼夾，光猛，冷氣夠大，相當舒適，適合一大班人嚟，或者自己嚟食都好開心🥳！服務：上菜速度快，員工雖然好忙，但係都唔會停手，收碟好快，有問必答，唔錯！而且完全冇漏單情況！湯底：佢哋有超多款湯底，今次叫咗個魚湯，相當濃，仲有好多魚片！冷盤：有不同醃製食物和沙律，喜歡他們的麻辣豆芽，好入味，沙律菜都有好多款選擇。熱食：估唔到火鍋店都有越式自助區，喜歡佢哋的炒蓮藕，相當新鮮可口！食品肉類嚟到嘅時候就可以食！另外仲好推薦佢哋嘅酸辣湯，竟然連上海菜都有，酸辣好開胃！肉類：喜歡佢哋上菜好快，而且肉類有多款唔同部位！最喜歡佢哋有牛頸脊，相當香濃！喜歡佢哋的辣牛肉，香香辣辣，好開胃！甜品：今次係水蜜桃牛乳雪糕，水蜜桃味清香，牛乳濃郁！為這個大餐完美作結！

葵芳一鍋堂之前幫襯過，感覺良好。今日朋友想打邊爐，book 唔到葵芳，就試吓荃灣分店。我哋今次揀咗C餐 - 高級澳洲和牛，胡椒豬肚湯底。店內地方寬敞，走廊位闊落，卡位較多。熟食區有多款炆牛腩、煮牛肉、涼麵、各式冷盤。甜品區有糖水、軟雪糕、蛋糕。飲品區有罐裝汽水、紙包飲品、自家飲品 - 金羅漢果海底椰茶、桂花烏龍茶、洛神花茶。個人推介金羅漢果海底椰茶，清熱潤肺，喉嚨好舒服。湯底方面，胡椒豬肚湯入面啲鹹菜，豬肚都唔多，味道偏淡。加湯後味道更淡。下次應該叫啲味濃啲嘅湯底比較好。肉質方面，大多新鮮可口。個人推介花雕安格斯和牛，佢似手切牛肉，肉質較厚，鮮嫰味濃。牛肩胛同澳洲和牛都唔錯，雪花分佈平均，雖然未到入口即溶，但都對得住價錢。值得一提係佢自選火鍋料區入面嘅牛丸，牛肉餅，牛味超濃。比坊間凍肉店嘅牛丸好食。軟雪糕係日本桃味雪糕，個人超愛。乳脂豐富，口感結實唔會水汪汪咁。服務方面，服務員都好細心周到，一叫就過嚟。加湯，問嘢都好有耐心。最後我想講一下，我印象中好似冇去過荃灣一鍋堂，主要原因係佢嘅位置問題！排隊等搭電梯係唔想去嘅主要原因。今日一試，下次應該唔會再去荃灣分店喇！

今晚來到荃灣，最想食的就是食火鍋放題，所以揀了大鴻輝的一鍋堂。餐廳一整層非常寬敝，入到餐廳已見到非常多人。餐廳有ABC放題套餐，我們要了C 餐,埋單價 $317/位。湯底都有十多款，入座前先點了個沙嗲湯底。餐廳的放題有自助沙律吧及熟食、蔬菜、飲品……等。熟食有一鍋麻辣滷豆腐、東北牛腩、冬瓜煮蜆、麻辣肥牛豬頸肉、牛肉飯、麻辣雞翼……等很多款式。除自助外，百份之九十都是網上自行手機落單，落單後非常快捷，一下子放滿了抬，而且疊得高高的，放題正式開始，好開心~~食火鍋當然少不了牛，餐廳的牛肉也有多款，澳洲M5和牛板肉、精選進口牛板健、封門柳、手切牛脊肉……。當然最有牛味、差不多入口即溶的是主角澳洲M5和牛板肉，而精選進口牛板健及封門柳也頗有牛味的，高質。手切牛脊肉第一次食，切得頗厚，廚師會將牛脊肉由不同位罝直切，而不會將牛肉切斷開，整個牛脊肉是一整件的，待牛脊肉熟了後，就可輕易斷開，牛脊肉肉質腍中帶滑，亦頗有牛味。手串生猛海蝦不是很大隻，帶爽口，很鮮甜。手切白鱔片薄切，有鱔的特別鮮味。最愛滑滑的新鮮魚雲……每款都很新鮮。手切白鱔片好鮮味，點完再點，還有真系花膠好爽口……自家制鮮蝦雲吞，裏面粒粒

耐唔耐就想打邊爐，呢間火鍋店已經去過幾次，變咗熟客仔😆今次就食咗C餐，$228/位100分鐘午市放題。揀咗艇家一品魚湯鍋湯底，有幾隻蝦、好多蜆😍，湯係淡淡啲，唔係好濃郁嗰種魚湯。我同朋友都係牛魔王，食咗好多牛，澳洲M5和牛板肉、美國安格斯牛肉、牛板腱都試過，我最鍾意M5和牛板肉😍，比較多油香，牛味濃郁😋，而且肉質柔軟。另外紐西蘭羊卷肉都好推介，切得好薄， 淥一淥就熟，羊味香，唔會羶到食唔到👍🏻我哋仲貪得意叫咗個魔鬼辣安格斯牛肉，真係辣得好勁好過癮😆如果唔係好食得辣就真係要小心🙈我哋食咗好多種手打丸，其中推介手打三寶丸、手打潮汕魚蛋、手作珍寶蝦丸、濃汁爽彈牛丸，爽口彈牙😋，有鮮味。自家製鮮蝦雲吞都唔錯，真材實料👍🏻另外打邊爐又點少得我最鍾意嘅炸魚皮，點一點湯食，脆得來又有少少濕，正😋食咗咁多嘢有咁多肉，梗係要食返啲菜啦。呢度嘅菜擺得好整齊👍🏻一棵棵咁排晒喺雪櫃，我就最鍾意食西洋菜😍都幾嫩，冇渣。最後食埋frozen yogurt，粉紅色嘅白桃味，香得嚟又唔會好甜😋，食到捧住個肚走。

星期五小週末，今晚同事話要去放鬆一下，一於食荃灣一鍋鍋啦！門口登記時店員已問我們今日想食咩餐, 今次試揀了C餐，120分鐘放題哈哈..! 為免浪費時間, 在登記時也都選擇埋 “胡椒豬肚湯”餐厅和其他分店一样, 都系入坐後在QR code 下單，同樣有小食区、饮品区域及酱油区域等等, 当然不可少的雪糕机啦！ 
蔬菜🥬多种新鲜碧绿时令蔬菜，生菜、娃娃菜、油麦菜、菜心..美国安格斯牛色泽红润， 肉質厚醇脂肪比例勻， 入口肉质鲜嫩滑甜。封门柳， 牛味浓郁， 充满油。巨型蟹柳、手打三宝丸、手串生猛海虾、西班牙栗饲猪肉、纽西兰羊卷肉、牛利心托、鲜鸡件、手切白鳝片、午餐肉、100%浓汁爽弹牛丸、麻辣捞鸡柳…，真系忘记咗翻了多少次单🥰🥰有自家嘅洛神花茶冰冻清热降血脂，正👍🏻今晚我们非常满意，环境够晒舒服卫生，但還未夠，最後還是要啟動第二個胃，品嚐我最愛的雪糕（清甜桃香）😁😁，一杯再一杯

C餐嘅價錢就係$288@1而且仲可以食埋B/C餐嘅特選食材咁首先講咗呢個套餐先有嘅肉類啦澳洲M5和牛板肉食落去真係勁高質❤️❤️花雕浸安格斯牛肉食落去嘅感覺有啲似滑牛肉而西班牙橄欖飼豬肉食落去幾滑😋😋最後值得一提嘅係嗰個魔鬼辣安格斯牛肉（姐姐特登同我哋講呢個真係超辣🌶🌶）我自己覺得佢食落去嗰吓唔係最辣，而係嗰個麻+辣會keep好長時間）之後就講吓B餐嘅牛肉啦安格斯牛肉食落去比較煙韌有口感牛脷芯托食落去幾爽口😚😚之後封門柳食落去就比較入口即化跟住就講吓B/C餐嘅特選食材啦我覺得嗰個100%濃汁爽彈牛丸同埋醬爆瀨尿牛丸真心幾高質素🥰🥰兩者食落去都幾Juicy後者食落去口感就更加豐富之後我覺得嗰個蝦滑釀油炸鬼幾正☺️☺️食落去嗰個口感幾特別之後就講吓出面可以拎嘅熟食/其他打邊爐配料啦（通常每一次去食一鍋堂，出面可以拎嘅熟食都係唔一樣嘅😱😱）今次我就見到有東北牛腩同埋蜆肉前者食落去真係幾入味🤔🤔而且亦都有少少辣後者食落去就幾新鮮跟住落嚟嘅打邊爐配料就一定要食嗰個三星蔥貢丸‼️‼️因為真係好高質最後就講埋嘢飲同埋雪糕啦第一次飲嗰個金羅漢果海底椰茶😉😉飲落去覺得有少少先甜後甘嘅感覺之後依家嘅雪糕就係水蜜桃雪糕

熱辣辣緊係要食火鍋！今次我們就試c餐高級澳洲和牛火鍋放題 ($228/位)100分鐘仼飲仼食。湯底湯底方面我地揀左期間限定的棒棒牛魔王鍋，湯底好足料，有好多牛腩和大蔥小小辣，牛腩的口感軟淋一點都不韌，好有牛味份量十足。牛肉方面我地主要叫澳洲Ｍ５和牛板肉雪花紋好靚，肉質結實，口感嫩滑， 不禁地食了四五輪質素都能保持。App下單的火鍋配料App中的食物種類有好多，有好多手丸類、墨魚滑、蝦滑等等，最有驚喜的是自家製鮮蝦雲吞，蝦肉爽口彈牙。飲品櫃自取區有幾個雪櫃放著不同種類的飲品，當中最有特色的緊係樽裝冷泡茶，洛神花茶酸酸美美是我打邊路的最愛。自取區自助區方面有不同的急凍丸類，同埋有不同嘅菇類、芋絲、山根等。在蔬菜櫃亦有一兜兜唔同種類既菜，有不同的選擇慢慢擇。甜品甜品有水蜜桃雪糕，桃味清新配合香濃牛奶，解膩首選。

一鍋堂係其中一間我覺得性價比高既火鍋放題店，分店又多，上次試過旺角，今次黎到荃灣，午市有100分鐘放題，我地揀左C餐，有澳洲和牛，都只係$228/位。餐廳採用電子下單，既環保又方便。最鍾意係佢既份量唔會太多，一般都係按人頭俾，唔會浪漫食物。湯底選了經典沙嗲湯，好香沙嗲味，沙爹湯配任何野都好夾。澳洲M5和牛肉質好軟熟，雪花分佈均勻，美國安格斯牛肉比較有口感。另外仲有各款肉類、滑類、餃類、蔬菜等等。另外仲有熟食、菜、雪糕和飲品無限量供應，最值得一讚係有自家製養生玫瑰花黑枸杞茶、薄荷烏龍茶等等。雪糕仲唔係一般雲呢拿味，而係蜜桃味。

第一次嚟荃灣呢間一鍋堂入門口落地大玻璃好舒適。10幾款湯底實在太多選擇，揀咗<蕃茄牛粒湯>未放料前飲啖先...好清甜。下午時段只係百零蚊一位，實在好抵食，仲可以加$30食唔同款式嘅海鮮。特別喜歡✨沙白蜆，粒粒飽滿又鮮甜。✨澳洲M5和牛板肉油脂分佈好均勻，肉質同味道都好正✨美國安格斯牛肉色澤好靚好鮮嫩，完全唔靭牛味濃郁✨紅心蘿蔔好少見到呢隻顏色嘅蘿蔔，味道清甜，索哂湯底味道仲有唔同款式嘅自家製滋潤飲品大人小朋友都喜愛嘅香桃味軟雪糕，仲可以自己控制幾大杯都得加入粒粒棉花糖，今餐豐富又滿足

久不久就會很想吃火鍋火題，今日跟朋友到荃灣就馬上到一鍋堂止痕，午餐性價比也很高，店員有禮主動，挑選了套餐和鍋底就馬上安排入座，值得稱讚如此忙碌都能保持良好服務態度。隨自己喜好選擇各種不同醬料，一旁還有素式小食，炸物，沙律，雪櫃裡放滿了飲品和蔬菜🥬湯底選了杏汁豬肺和沙嗲湯，豬肺湯清甜不膩，沙嗲湯底惹味，可謂相輔相成😉點了一些蕃茄豆腐腐竹冬瓜片鴨血，新鮮切至小塊，索湯汁一流。食物份量會根據人數而有調整，不會浪費食物。先來牛肉類，牛脷心托不是常見的食材，口感較軟淋帶油脂香氣，不停加點的一份肉☺️封門柳不用多說，紋路分明，喜歡厚切口感的一定要試，牛味濃香有咬口。精選進口牛板腱，肉質中間有少少肉筋，嫩滑口感之餘亦富有彈性，推介之選！美國安格斯肥牛，油脂較豐富得來口感柔軟，薄切適合肉食系的我們😂麻辣雞柳麻香味十足，雞柳爽脆帶微微辣味，過癮。豬頸肉軟淋入味，不少得的三色手工丸子，手打質感會更有口感，每次必點，蟹籽蝦膠釀冬菇有特色，蝦膠彈牙，黑松露墨魚滑，店員貼心的幫我們打匀分好，味道突出，芝士獅子狗流出濃濃芝士香，水魷一淥既熟，鮮甜脆口。最後來一個時令白桃雪糕，酸醉甜甜的，一邊食聊天，位置夠闊落，食物

I am very surprised my 7 years old child (x2) were charged as adult for dinner. The quality of the food is soso even we chose Selection B. We didn’t like the option of ordering food only via App. My kids do not have cell phones and do not understand Chinese words either. This is quite disappointing. No fork and spoon in the entire restaurant (Only chopsticks and big hotpot spoons?!). The customer service were poor. The manager lady who collects payment seems unprofessional by saying loudly “I ha

為咗慶祝成功考到電單車🛵所以就去咗荃灣嘅一鍋堂食飯🙏🏻之前已經食過葵芳同旺角分店覺得唔錯所以今次決定再幫襯🙆🏻‍♂️今次叫咗胡椒豬肚湯底，湯底嘅材料都好貨真價實🙆🏻‍♂️同葵芳分店都好相似，小食同埋野飲都可以喺出面自助提取🙆🏻‍♂️不過選擇相對少過葵芳總店，冇咗我最愛嘅酸辣粉😭今次叫咗個C餐先有嘅魔鬼辣安格斯牛肉😛佢辣得嚟好頂癮，不過大家真係要量力而為先得🥵澳洲M5和牛板肉食落好有牛味，唔洗點樣加調味粉已經好好味😋蝦滑同鴨血都係我打邊爐最愛嘅餸之一，估唔到呢度會有🤤鴨血用筷子夾起就知到好煙韌，而且咬落都好有嚼勁😋索咗湯底啲汁真係好正😝其他B餐都包埋嘅肉依然好高質素，牛舌咬落好有咬口😋最估唔到竟然有得叫瀨尿牛丸，作為星爺fans嘅我毫不猶豫即刻叫咗碟🤣咬落去真係會爆汁㗎大家食嗰陣要小心啲先得🤫最後當然唔少得自返杯清甜桃香味雪糕啦，而且呢度嘅調味料相對比較多，食落都正啲🤣地址：荃灣眾安街55號大鴻輝(荃灣)中心19樓

我哋一家都鐘意食火鍋，但又鐘意試新野，所以今次揀左未去過既「一鍋堂」食🤩近近地就去荃灣大鴻輝分店，依度食店林立，等電梯要俾少少耐性。意想不到係一出電梯人龍已排到電梯口，不過大家都好有秩序排隊。店內座位好多，所以好快就安排到入座。我地揀左B餐放題120分鐘，任食精選安格斯牛同精選配料。湯底有16款選擇，我地就揀左櫻花蝦湯底。湯底有好香濃蝦味和昆布，好有日式風味，就咁飲都好鮮甜好正😋。點餐掃QR code就得，好方便。當然唔少得自助配料區，有各式丸類，素菜之外，仲有熟食區，多款前菜冷盤都好吸引，好似涼拌青瓜🥒、陳醋小木耳、麻辣雞臀腎，椒泡鳳爪等，都勁惹味同開胃，麻辣拌手麵🍝仲辣得過癮，越辣越忍唔住不停食🔥。蔬菜就一盤盤放喺雪櫃度，好企理衛生，最開心有我最愛既羽衣甘藍🥬。另外仲有自助飲品區，提供好多唔同既罐裝飲品。最讚係有自家冷泡養生茶，玫瑰花黑枸杞茶和羅漢果雪梨清潤茶都好清甜，味道天然又健康。肉類我哋以食牛為主，安格斯肥牛🥩、封門柳、牛板腱都好夠肉味，肥瘦適中，有唔同口感，來回都點了幾次。海鮮就點左鮮蝦🦐、珍珠貝、沙白，都好新鮮大大隻，加入蝦湯煮味道更鮮甜。手打丸類都係必試之選，黑松露手打