一起食堂 (域多利皇后街)

營業中

休息中

🐟蒲燒鰻魚飯($98)🔻推薦指數:🌕🌕🌕🌗🌑甜度:偏咸🌑🌑🌑🌑🌑🔺見到好多人都叫原條鰻魚飯，見到蒲燒鰻魚飯就平($40)所以就叫左普通個種試下，鰻魚係用上中間個部分，講真都幾夠大條👌🤭肉質厚 少骨，不過鰻魚汁有d偏咸，一定要拌飯食先平衡到，飯份量唔多，食完唔會好飽，配多碟鹽酥雞就剛好🤣鹽酥雞炸得香脆，炸酥皮同雞肉比例差不多，唔算特別多肉，但鹽酥雞個炸皮其實單食都幾惹味😚另外個關東煮🍢($68)都有幾多款，雖然得個幾粒好似有少少貴🤭但個福袋好得意，入面咬開係黃金蟹籽包，脆卜卜嘅質地，好好咬，另外塊魚餅就浸到塊皮好淋，麻麻地，然後仲有一粒花枝丸一粒貢丸，一舊蘿蔔，粟米同竹輪，味道正常😂跟餐叫多左個芋圓仙草凍(+$12)依個真係幾出色，三色芋圓，口感都好Q彈煙韌！由其芋圓係有芋頭粒粒，明顯食到芋頭味

對上一次食過一起食堂嘅紅燒牛肉麵, 印象麻麻, 不過今次嘅和風牛肉飯有驚喜, 成功咁推翻之前對佢麻麻嘅印象牛肉嘅份量唔少, 同飯嘅比例可以話係1:1, 而且煮得入味又唔鞋, 半熟蛋令碗牛肉飯生色不少,牛肉飯撈埋蛋汁同其他配料 (紫菜, 蔥, 目魚)真係好夾👍🏻 係值得一試嘅

中環店鋪林立，食店大都趨向西式食品咖啡，而少亞洲食物。這次來到一起食堂，主打台灣料理，這次點了紅燒三寶牛肉麵，有牛腩牛根等，份量不算太大，肉味尚可，湯底還好，整體可以一嘗台灣的特色食物。

收工，得一支公食咩好？記得早前有食友幫襯過呢間「一起食堂」台式餐廳，台灣菜啱我吖，就食番餐好嘅，慰勞吓近期嘅辛勞。走進餐廳內，格局深長，一室木系，若非掛上啲燈籠，台灣電影海報，單從裝修都未必知佢賣台菜。然而，枱與枱之間有點逼，快閃食餐飯就可以，坐耐少少傾吓偈就唔多方便，人多時，仲需要有搭枱嘅心理準備。有啲外賣單張攞，就索性掃描完貼出嚟，就一次過睇晒有啲咩嘢選擇，都離不開台式小食、麵條、便當、甜點……等等，雖然有唔少特色茶飲，但反而無珍珠奶茶。三色海鮮茶漬飯 $109餐牌已註明三色海鮮有蟹肉、廣島蠔及鯛魚，都喺喜愛嘅料，同埋茶漬飯食落清爽，啱晒呢個時候食。整碗茶漬飯甚有睇頭，份量十足，3大隻廣島蠔之外，仲加咗唔少飯素同紫菜，不過，蟹肉呢？鯛魚呢？與其話茶漬飯，其實應為湯飯，因為明顯倒入嘅喺上湯，幸而，個湯都清香不濁，配飯食都唔差。而且，啲廣島蠔好得，大隻肥美，有蠔香。如果細心啲留意，幾抹蟹肉就放晌碗邊，但由於有少少碎濕濕，所以，第一眼真喺唔覺。蟹肉都幾鮮甜，不過，都喺兩炷仔就食晒。撈兩撈，都喺搵唔到啲鯛魚，反而有啲大大粒嘅蟹籽，唔知喺咪無晒鯛魚，但應該落單前跟客人解釋番個情況。再者，俾幾

同朋友星期六嚟食午飯，點咗幾款主食同飲品，大家都覺得好味，質素唔錯，可以再嚟。我揀咗紅燒三寶牛肉麵，啲牛丸爽口彈牙，絕對係手打，我好鍾意；牛𦟌又腍又入味，都係我喜歡嘅味道同口感；牛肋條就略嫌未夠腍同入味。同屋主就話個蔥油土雞肉飯好食，讚啲雞肉有雞味，好難得。我朋友個原條蒲燒饅魚飯，真係單睇賣相就已經令人食指大動！每份主食都配有三款小食，分別係沙律、雲耳仔同埋紅豆綠茶蕨餅，雖然份量相當少，不過味道都幾好，惟獨係紅豆極之甜，有啲美中不足。飲品方面，我哋點咗仙草冬瓜茶、蘆薈桂花雪梨茶同埋黑糖薑母茶，我哋覺得三款都好飲。

天氣轉冷，一杯熱辣辣嘅黑糖薑母茶絕對係呢個天氣嘅最佳飲品，唔想邊行邊飲於是搵咗呢間間台式餐廳 - 一起食堂，坐底慢慢飲。黑糖薑母茶$18甜度適中，重點係！好夠薑！飲到底有唔少薑絲，飲完成個人都暖曬。原條蒲燒鰻魚飯 $139原條鰻魚肥美厚肉，醬汁調味比較重，適合配白飯一齊食，飯底用上珍珠米，口感香軟得嚟有點嚼勁。半熟蛋滑一滑，混入飯中令整個飯生色不少。肉燥燙青菜$28油麥菜本身味道清清地，加上肉燥係唔錯嘅配搭。

呢間係中環嘅日式台式fusion小店真係非常抵，一定要介紹一下。海膽三色冷烏龍麵$119咁嘅價錢竟然可以食到有蟹肉，三文魚子同埋海膽嘅烏龍麵，仲要份量都非常多，以為喺中環呢個區域，呢個價錢，呢個份量，會有用得上嘅食材都唔會好高質素，又唔係喎，海膽非常鮮甜，一啲腥味都冇，色澤金黃，蟹肉仲有啲海水味，一絲絲，小小妹嘅感覺都冇，三文魚子更加不在話下，每一粒都脹卜卜，一啲都冇縮水，而且食落甘甜，冇魚油嘅腥味，又唔會一味死喊。烏冬用咗到庭烏冬，彈牙可口，個豉油汁亦都比較淡口，食落非常健康，又唔會蓋過食材嘅鮮味。燙鮮蚵$68台灣嘅蚵仔好細隻，但係呢度用咗嘅係好似平時喺街市見到嘅蠔一樣咁大隻，而且一樣咁嘅價錢有成五六粒，真係抵到爛，佢煮嘅時間啱啱好， 冇縮到水，剛好膽仲脹卜卜，一咬落去所有汁到必晒出嚟，背啲薑絲食真係一流。黑糖豬軟骨$48豬軟骨炆到好入味，每一粒軟骨都好似要用喺口入面咁樣，質感軟熟，而且肉同埋骨嘅比例啱啱喺中間，每一啖都有肉汁湧出來，個賣相亦都非常精緻。炸池魚仔$48呢一個價錢，竟然可以有咁多條池魚仔，拖到我哋食唔晒要打包走，淨係咁已經贏咗好多其他嘅鋪頭了，而且每一條魚仔嘅炸皮都非常

打工仔返工每日最頭痛之一係要諗食乜嘢午餐？今日就選擇左食台灣料理「一起食堂」有時經過見到中午好多人排隊，但由於我食飯時間已經係四點幾所以已經冇乜人由於我係外賣自取，打完電話10分鐘就可以拎非常方便鋪外環境包裝亦非常精緻原條鰻魚飯$139（外賣自取減$10）一打開見到原條鰻魚份量非常驚嚇仲有前菜黑木耳和沙律同埋一粒泡芙沙律同黑木耳都唔錯但略嫌泡芙味道很一般可能因為即叫即食主角原條鰻魚食落依然好脆又多汁係喺香港少有食到有質素嘅鰻魚飯其實仲有下午茶餐Menu價錢相當合理

My families and I went to a Taiwanese restaurant called “Eat together” (一起食堂） located in G/F, 2 Queen Victoria Street, Central中環域多利皇后街2號地舖.The walls of the restaurant are hanging viral Taiwanese films posters!!We come across the restaurant when affordable afternoon tea sets are provided!!..Afternoon tea sets 下午茶餐“Beef rice in Japanese style”和風牛肉飯HKD$59..Huge portion!! Can share by 2 ladies!!..The beef is tender and soft!!..Yummmmmmmmm and value for money!!..Highly recommended!!“Beef Udon in Japa

前幾晚突然好掛住台灣既食物, 腦裡面立即閃過一間好多朋友推薦, 位於中環既台式餐廳叫一起食堂. 一踏入餐廳就被一塊柔和既海藍色牆所吸引, 整個餐廳亦以木系既佈置為主, 加上以懷舊式燈籠為裝飾, 以及四周掛上關於台灣電影既海報, 完全令我有置身於一個台灣小家庭裡面. 餐牌上有很多選擇, 除了有我地常見既台灣夜市小食外, 亦有好多特式便當. 在眾多選擇當中, 我地最後點了幾款小食包括台式腸, 鹽酥雞, 綜合關東煮, 另外亦點了海膽三色冷烏龍麵, 魯肉飯 及 餐廳既人氣便當蒲燒鰻魚飯. 我最欣賞呢個鹽酥雞, 外皮炸得好酥脆乾身, 唔會有一口咬落去好油既感覺, 同一時間亦都保持雞肉嫩滑既肉質, 極力推介. 另外綜合關東煮亦都冇令我失望, 我最喜歡個湯底, 十分清甜, 而且所有材料份量十足, 絕不欺場. 主食方面, 海膽三色冷烏龍麵絕對係海鮮愛好者既恩物, 當中海膽完全令我味覺回到日本既感覺, 十分鮮甜. 另外冷烏冬沒有被主角海鮮搶去風頭, 烏冬質感彈牙, 融入濃濃既醬油味涷湯入面簡直係完美既配撘. 至於魯肉飯亦沒有令我地失望, 甜甜地肉碎配合上軟綿綿既飯配上自家醬汁, 加上香濃蛋香, 完全令到

放假回歸香港放工食返餐,順便同朋友派手信約食飯中環搵食,去了之前食過既一起食堂佢既牛肉麵實在令人回味寒冬下來一杯滋潤清甜既雪梨茶先上雪梨茶,夠甜香,自家製作,桂花清香杯底仲有雪梨肉粒5粒星推薦既特飲關東煮烏冬麵多款滷煮食材有蛋卷,獅子狗,粟米,牛肉丸,蘿蔔等等 用上關東煮清湯湯底清澈,不油膩,蘿蔔夠甜夠入味烏冬麵條夠嫩滑魚蛋,魚片等食材,七種配料  偏清淡,但料豐富,推薦 牛肉麵三寶牛肉麵牛肋條,牛肉丸,滷牛展配菜,酸菜,滷蘿蔔湯底夠濃,不辣,越飲越好飲蘿蔔煮得已軟身入味牛肉滷得嫩又軟牛肋條味道濃,夠肉味,肉質有彈性牛肉丸同樣好有彈性!呢度既牛肉應該係中環之中最好的一間中環域多利皇后街2號地舖G/F, 2 Queen Victoria Street, Central

估唔到平時見到中午咁多人排隊既呢間台式日食食堂係咁抵食，唔怪得日早都見到咁多人排隊，我印象中呢間開左好似一年左右，真係有佢既吸引力。一入黎就見到啲燈籠，好有日台風格。再加見到好幾幅台電影既poster響相架度，感覺好青春，令我諗起套電影那些年。講下食物：＃紅燒三寶牛肉面 ＃***** *** 8/10面唔會太冧，吸到湯汁，湯都幾甜，最有特色既係加左2粒台式牛丸，都幾創新，唔洗淨係得牛肉牛筋咁普通！＃ 原條蒲燒鰻魚飯 ＃。***** *** 8/10條鰻魚好大條，有follow開我openrice既都知我係鰻魚控，超鍾意食燒鰻魚。呢個鰻魚飯，好多汁好甜，條鰻魚燒得唔算脆皮，但勝在條鰻魚好肥好大條，送飯正啊！執邊有啲温泉蛋，又係比較少見既特式，我諗係fusion既創新。＃綜合關東煮 # ***** ** 7/10用台式方法煮既關東煮，入面既食材都偏向台式，啲丸都係台灣丸，好重既魚味，而且都煮到好冧，我呢排牙痛，好彩咁冧。最正係個油豆腐福袋，入面好似係丸類。＃炸花枝丸 ＃***** ** 7/10有4粒花枝丸，之前去台灣食過杜小月就一試愛上。而呢度既炸花枝丸，雖然炸得唔係好脆，但係咸咸地再加

自從最近工作很忙碌，都很少特地抽空外出吃飯，特別是中環地區，由於相約了朋友，於是選擇了台灣菜的一起食堂。紅燒牛肉面$89牛肉面份量足夠，牛腩很入味，充滿肉汁。蒲燒鰻魚飯$98鰻魚燒汁味道很惹味，鰻魚亦沒有骨，十分貼心。鹽酥雞$38鹽酥雞炸得很香脆，雞很滑，很重鹽味。炸地瓜條$38這個番薯條味道很好，甜甜的很香脆。肉燥燙青菜$28青菜加了肉燥，令口感更豐富。冷泡茱莉茶$24冷泡茶很濃郁，茶底很清香。

之前都有食過「一起食堂」，食物質素唔錯，而且價錢合理，今日咁啱嚟到中環搵朋友，就一於同佢嚟食飯，順便試埋上次無食到嘅招牌鰻魚飯。呢到有正餐、小食、甜品、飲品。上次無試到鰻魚飯，今次一定要試試。真係超大條，鰻魚長度仲超過咗個碗，視覺上好震撼呀！鰻魚味道唔錯，肉質較有咬口，唔會太腍，幾對我口味。佢一碗嘅份量好多，若果細食嘅女仔可以Share食。另外，食台灣野，又點少得牛肉麵呢？呢到有牛三寶麵，我就點咗呢個，一次試多啲餸。牛丸較實，有牛味，咬入去，仲有啲牛汁流出嚟。而牛肋骨肉相當腍身，幾乎唔洗咬。牛展都好入味。呢三款平均嚟講都幾唔錯。雖然主食份量好多，但都想試下呢到嘅小食，於是就點咗個「燙鮮蚵」。呢款小食我係平時嘅台式店比較少見到，想試試。蚵仔好大粒，非常飽滿，不過略嫌鮮味唔夠，但好彩有出色醬汁調味。最後，飲埋杯野，我地點咗苿莉茶、仙草豆漿。茶可能泡太耐，飲到後尾有啲苦。而仙草豆漿唔錯，唔會太甜，且有豆香味。

再次黎到位於舊中環街市附近的台式食店一起食堂，今次我地選擇左食原條蒲燒鰻魚飯、紅燒三寶牛肉麵、小食鹽酥雞、鹵牛展、蘆薈桂花雪梨茶、冷泡茉莉毛尖茶。原條蒲燒鰻魚飯一上枱你就已經感覺到果份誠意，成條鰻魚頭尾突哂出個碗外面，視覺效果已經好吸引。呢間店既鰻魚飯比起日式鰻魚飯唔同，飯入面多左隻半熟溏心蛋、醃菜等等，增添左一份台式感覺，而味道方面鰻魚厚度適中，口感一流，配合溏心蛋同醃菜，真係非常夾，好好食。紅燒三寶牛肉麵，係原有既台式牛肉麵再加上牛丸同牛展，令到成個麵更加豐富，特別要提既係果粒牛丸，純對唔係平時食開果種，咬落去係有啖啖肉汁，我覺得呢個令成個麵加分。鹽酥雞炸得好脆口，但係咬落唔會乾身，外脆而入面既雞肉係軟身而且多汁，加上炸皮薄身，做到每一口都啖啖肉既感覺。鹵牛展，味道一流，感覺到調味適中，唔會太淡或大鹹，加上食落有小小甜味，無論配飯同麵都好夾。最後既兩杯飲品，蘆薈桂花雪梨飲落有粒粒蘆薈同雪梨，加上清新既桂花完全做到解渴既作用，而茉莉毛尖茶就有消膩作用。今次食得好飽，期待下次再試埋個芋圓。