一起食堂 (域多利皇后街)

營業中

休息中

原條蒲燒鰻魚飯🍛非常大條既鰻魚 整得幾好味將個蛋整穿用黎拌飯基本上你食哂成碗包你一陣間已飯氣攻心關東煮烏龍麵突然間又好想食關東煮所以就點左佢好豐富 樣樣都有 而且個湯底清清地麵質都幾好 唔錯 小食就點左滷牛腱 厚切仲好大塊 啖啖肉呀蘆薈桂花雪梨茶 飲落去啖啖蘆薈 甜度適中 好滋潤既感覺最後萬眾期待既芋圓仙草凍亦係最失望既位 成碗野完全唔夠凍 處於微凍之間雖然芋圓佢有粒粒係入面有口感 仙草都夠挺身但唔夠凍又唔係暖 真係幾失望

冇得去台灣就唯有搵間台式餐廳試試，頂頂癮。地鐵站行過去都好近，喺正中環街市隔離，好易搵到。因為早食飯，好彩唔使等位（7點前已到）。餐廳都好有台北嘅感覺，職員都好友善。餐牌唔複雜，好快就揀到自己想食嘅野，食物都好快送嚟。呢個豬軟骨真係煮得好好味，仲有隻台式鹵蛋，真係一解相思之苦牛肉麵一睇都知好濃郁，啲面好掛湯，牛肉好淋好入味，唯一不足就係面嘅分量唔太多，好似食左幾啖就食晒😅😅又可能食得太大啖😂紅蘿蔔同白蘿蔔都炆得淋，不過白蘿蔔就有啲渣

好日都唔入中環今次難得大鄉里入城一於發掘下高CP值餐廳係開飯見到依間，好評多又價格合理就專登過黎試試佢一點左右黎到，剛好有兩個位，fit晒！台式野當然係要食牛肉麵啦紅燒牛肉麵跟餐有胡麻沙律，冷盤木耳同泡芙前菜唔錯，木耳夠爽口泡芙現成野，正常味道到主菜，試啖湯底先，少少辣，正牛肉夠淋，入晒味，好食蘿白無渣，都係好夠淋，不錯麵條彈呀，份量足夠，抵讚叫多份鹽酥雞，熱辣辣，外脆內軟份量不少，好食，再讚叫多杯冷泡茉莉毛尖茶，甘甘苦苦有淡淡茉莉味，幾特別總括黎講非常不錯，CP值高如果再入中環可以考慮再黎以上食評只反映本人立場，如有雷同，實屬不幸

中環食店真係多，每次行過這間鋪都好多人排隊，未知係等位還是等外賣🤔🤔今日12點15分去到不用等就可以入坐，原來食店有2層，坐位都好善用空間連走廊位都坐埋🤷‍♀️🤷‍♀️蔥油雞肉乾拌麵～蔥油好香，混合温泉蛋拌麵好滑咖哩雞肉拌麵～似日式咖哩唔辣帶甜，內裡有雞肉粒，薯仔，紅蘿蔔前菜有粟米雜菜，木耳及麻糬，不過我見成盤放在出入口位又冇嘢遮住 ，人來人往有點唔衞生🤦‍♀️🤦‍♀️

中環食午餐，選擇好多，反而係搵位難。呢間平時好多人排隊好彩今次12:35來到，人齊就可以入座注意⚠️要人齊才可入座餐牌有小食，甜品，面餐，飯餐甜品可加錢食，是小碗朋友點了一份芋圓，成碗面咁大碗😂紅燒三牛面餐有冷盤雲耳前菜，沙律🥗和泡芙甜品爆汁牛丸，好juicy牛肉好稔，入味餸很足夠湯底有層次台式面，有點像稻庭烏冬，滑滑的！⭕️全店職員戴上口罩⭕️進店前量度體溫 ⭕️提供酒精搓手液 ⭕️座位間有隔板相隔

太耐無去台灣，今日經過中環就去左呢間熱店食牛肉麵。星期日接近兩點，雖然係小店但都即刻有位。牛肉麵當然先試下個湯底。牛肉麵嚟講，個湯底偏香、淡，唔會太鹹，啱我口味。除左牛肉味，蘿蔔味都好香，牛肉方面，算係俾較足料，大大件，而且有好多件，唔似有啲舖頭得薄薄三片。味道方面，算係比較細緻同複雜，食到係落左幾款香料醃製，但講唔出係邊種。大家見到個餐本身就跟左沙律、醋木耳、泡芺。跟餐可以特價$12加飲品，我叫了仙草豆漿，本身係微甜。呢間可以再食。

舖入面好細，位置唔多，我地叫外賣(外賣仲可以減$10 - 17/6買的)🍜紅燒三寶牛肉麵 $99-$10外賣回來，湯麵是分開的看似份量很少，又夠飽喎味道好好，幾高質只係價錢貴左d....（無包野飲的） 🍱和風咖哩雞肉飯 $79-$10賣相唔錯，仲有碗湯仔同事叫既，佢話味道好，不過都係價錢貴左少少呢間由於味道好👍🏻，會回頭既======================

一起食堂不嬲係排隊店嚟，疫情期間去先少啲人食到呢間日式台灣菜餐廳以台式美食放落日式便當度，幾特別只需喺點單紙點餐就OK，最後攞去埋單就得以中環地段嚟講，價錢尚算合理主打都係牛肉麵、魯肉飯、鹽酥雞、花枝丸等日式美食招牌有原條蒲燒鰻魚飯仲有幾款台式茶飲、小食同甜品，反而唔做最出名嘅珍珠奶茶紅燒牛肉麵（微辣）$89 真係必食似足套餐，有前菜同甜品，呢種Fusion嚟幾吸引係台式紅燒牛肉同日式烏龍麵crossover以烏龍麵作麵底，條條煙韌滑溜，質感彈牙，好掛湯牛肉大大舊，部位係牛助條，有三、四舊唔係好似牛腩咁淋，筋位有咬口、牛肉有肉汁但有少少韌，入口唔會好鹹附送紅蘿蔔同白蘿蔔，蘿蔔軟身又清甜之餘，亦滷得好入味紅燒湯底聲稱微辣，但實際上係唔辣湯頭清澈無味精，味道鮮甜，唔會好鹹，清爽有肉香，牛味好濃郁前菜有沙律、雲耳同泡芙，沙律只係簡單淋上麻醬再加少量芝麻點綴，已經好香口，沙律菜爽脆，入口清新而雲耳就特別加入蒜蓉、牛油炮製，比麻醬沙律驚喜加上淋上少少醋，更開胃醒神小泡芙就最啱食完主食之後當甜品，小泡芙係忌廉泡芙，只係微甜黑糖豬軟骨飯 $79 比較少見豬軟骨肉質勁軟腍，大大舊，調味值得加分，鹹甜度

第一次黎，叫左兩個主食，體驗極瘋狂。1.和風牛肉烏龍麵烏龍麵麵質極級滑，滑到唔識形容，出面好難可以食得到咁滑，除了滑也是滑，心服口服，正。湯底唔會太濃，清清地但亦夠味，唔會掩蓋其他食材味道。牛肉肉質都唔錯。除左麵仲有其他前菜，包括雲耳、沙律、泡芙，配搭好新奇。雲耳配酸醋開胃，泡芙甜甜地都好食，沙律都不過不失。2.蒲燒鰻魚飯鰻魚飯都係有同樣前菜。另外仲有個湯，有少少苦味，同時又帶辣及鹹。感覺係白蘿蔔湯加左胡椒咁，唔識形容，味道麻麻。鰻魚飯主角當然是鰻魚。鰻魚的魚味普通，但質地卻係令我好無奈...食落膠質幾重，唔識形容，唔知點解彈性咁強，如果用普通匙羹切開係好困難。平時食鰻魚質感好少食到咁樣。食完晒亦特別覺得肥滯。唔清楚鰻魚係咪同出面其他食肆用唔同品種，但唔多好食。3.蘆薈桂花雪梨茶雪梨茶充滿粒粒蘆薈，有清香桂花味，雪梨的味道亦淡淡的，清新怡人，真係幾好飲。

堂食外賣都試過，食左幾次茶漬飯，確實係唔錯，佢既蟹似係真蟹肉，唔係假既蟹柳肉，三文魚籽都好大粒，不過佢午餐晚餐既餐牌好似都係一樣，款式唔多，外賣既話會將茶同飯分開裝，唔會令到個飯林哂，不過價值偏貴，差唔多$100一個飯

約咗朋友去中環食午餐，我哋都好早到。🕛.大概12點嚟到嘅時候，都有好幾台客人已經喺度食緊。我就揀咗紅燒牛肉麵，而朋友就叫豬軟骨配拌面。我哋再另外叫多份花枝丸🍡。個紅燒牛肉麵望落好少，但係有好多件牛肉，幾足料不過有少少咸。.咁我就有叫飲品，就係仙草冬瓜茶。佢望落好似比平時冬瓜茶深色，但係都好好飲，好大杯。每個套餐都有三碟前菜，個細番薯好好食，好甜。而個泡芙就有啲普通。.💰 人均消費：$80-100

之前食過堂食，俾佢個外賣便當盒吸引到🍱今次同同事嗌外賣滷肉飯，睇落好精緻，而且中間間隔係用膠分隔開，係有唸過👍🏻但個飯太淋，個味道有啲奇怪，係香料配搭既特別味道，總之唔係台式肉燥果種甜甜既滷水味。最扣分位係有砂🤬仲要唔只一下，食落去殼殼聲，應該係撈埋係啲酸菜度！同埋個湯勁咸，紫薯又超級甜呢下真係無下次❌

今次係中環，又想食芋圓，就黎左依間價錢親民既一起食堂。間舖就唔係好大，坐到唔係好多人，我一個人就坐左係bar枱，成個feel有Ｄ似係日本。 我就用張點餐紙tick左芋圓仙草凍，咁好快就黎到。望落份量都多既，食落都暖暖地，應該就唔係即煮，係放左一陣先比我既。咁其實Ｄ芋圓都算幾煙韌，又唔太甜，都算唔錯既。加埋Ｄ仙草，個味都唔錯。花奶都幾多既，所以成碗食落都唔錯。可惜我唔係好肚餓，唔係既話我會想試埋佢地既烏龍麵，見到旁邊係到食好似好好食咁。

認識呢間餐廳剛剛喺飲食行業最差嘅時候, 街上面冇乜人, d舖好靜, 冇人敢出街食飯 🙁 經常會經過中環街市, 但從來冇留意過呢間對正街市嘅小餐廳 。今日既然經過, 見門外貼住外賣減$10 嘅告示 😃 好, 一於幫襯! 💪🏻Menu都好多選擇, 諗咗一陣, 決定先試三色海鮮茶漬飯 😍 等咗15分鐘就有外賣拎喇~返到屋企準備開餐 三色包括三文魚子, 廣島蠔, 蟹肉, 顏色配搭好靚, 份量都算多! 拆細咗嘅蟹肉, 好味 蠔蠔蠔!!! 一碗都好幾隻, 幾鮮味~三文魚子~~ 大粒d juicy d更好 整體感覺唔錯, 食物有質素, 新鮮, 下次一定會試堂食!!

同男朋友係附近食完晚飯行去搭車之際途經見到店門口掛住大大幅碗仙草芋圓ge 就吸引左一直都鐘意食仙草芋圓ge我入去😂而呢間ge 仙草芋圓凍每一粒都充滿住芋頭同蕃薯味口感煙煙un un 十分Q彈唔會好似其他店舖咁外面軟,中間硬繃繃仙草好大塊好香好滑配埋糖水加上花奶既配搭對於唔鐘意食太甜ge我 呢個甜度剛剛好以中環呢個地段黎講碗仙草芋圓凍價錢真係算非常非常非常親民如果下次黎開中環一定會再試埋其他主食同埋呢碗仙草芋圓😛