一起食堂 (域多利皇后街)

營業中

休息中

花雕麻油雞湯麵藥膳嘅湯底，另上咗一杯仔花雕酒，配上冬菇杞子等等配料，十分足料，雞卷啖啖肉，肉質嫩滑，得略嫌麻油味唔算太重，但係咁樣會冇咁肥膩，健康啲🤓紅燒牛肉麵牛肉非常軟腍、分量仲好多有4、5舊。麵質係烏龍麵，非常掛湯之餘浸得耐都唔會腍哂非常正。仲有好多配料、紅蘿蔔白蘿蔔都大大舊，好滿足，營養都好平衡古早滷水拼盤（牛腱、雞翼、豬耳、魯蛋）以2人份量嘅小食拼盤而言都真係非常豐富。有4種食物分別係豬耳、牛展、雞翼同滷蛋。我特別鍾意牛展同滷蛋，滷蛋非常入味令我諗起去台灣旅行時每日都好想食嘅勁入味滷蛋。牛展都係非常驚艷，唔會韌而且非常有牛味！

每次去中環開會，都會諗起要去呢度食個lunch好鍾意佢哋嘅＃花雕麻油雞面，花雕係嚟到先落，可以選擇喜歡嘅濃度，亦唔怕煮嘅過程揮發咗啲酒香，所以湯底仲有濃濃花雕香，而且用了十足雞件非常鮮嫩，可以睇得出店家嘅用心，面底亦都係爽口彈牙午市重可以加＄14飲台灣手搖飲品

有朋自遠方來，打算入去赤柱行過圈。驚入到去冇嘢食，就索性係中環食埋先入去。喺中環一落車心血來潮想食台灣嘅，又俾我搵到一間喺附近咁就你試吓。叫咗一個飯一個麵同一客小食share，另外在嗌咗杯無糖仙草奶茶。啲仙草就預期之外，食落去有少少似涼粉。好彩其他熱食尚算振奮人心。啲老雞翼同豬耳好入味，滷肉飯亦肥瘦適中。個湯麵竟然係手打烏冬，雖然唔係台灣麵，不過我就冇乜所謂。個牛腱同埋牛肋條都好好食又夠大嚿又腍滑。貢丸就正常發揮。另外鹽酥雞係新鮮炸係熱辣辣粉漿好薄裏便啲雞肉超多汁，份量都好足食咗一半已經好飽。整體嚟講係中環呢個價錢呢個份量已經好滿足。

喺中環街市附近，有一間特色嘅台日料理餐廳，裝修簡樸，彷彿去咗台灣夜市，點餐紙好台灣feel，又有台灣影視劇照，好有風味。佢哋主打台式食品，夾雜咗日式料理嘅元素，非常特色。1） 🐓花雕麻油雞湯麵- 擺盤好靚，花雕酒自行調配。 大大舊圓形雞卷，非常嫩滑。 配上麻油雞湯、紅棗杞子，好香好滋補。 採用烏龍麵做麵底，好特色2）🐂紅燒牛肉麵- 麵底都係烏龍麵，正宗牛肉麵嘅湯底，好濃郁，唔膩。牛肉炆得好軟淋，啖啖肉，好有牛味3）🥬肉燥燙青菜- 清新鮮甜，配上肉燥，非常夾4）🦐府城蝦卷- 小食之選，炸到金黃色，外皮酥脆，肉質煙韌彈牙😆，好有咬口 ，份量剛剛好

今次同女朋友試呢間係中環嘅台灣餐廳，之前喺其他地方試過佢嘅分店，味道質素都唔錯，今次嚟中環呢間亦都冇令我失望～✅ 花雕麻油雞湯麵雞卷好嫩滑，一點也不柴；湯底加上圓肉和杞子，非常養生，另外可以按照個人喜好淋上花雕酒，我就淋晒，酒香濃郁✅ 紅燒牛肉麵牛肉麵嘅湯底非常濃郁惹味，牛肉大大件，少少連住筋嘅位置，肉質軟腍入味，非常好食✅ 古早滷水拼盤拼盤入邊有滷水牛腱、雞翼、豬耳同埋滷蛋。種類豐富，樣樣都可以試吓。牛腱好入味，豬耳又爽脆，極力推薦

曾經食過呢間既牛肉麵覺得味道唔錯所以再黎。見到餐牌有蔥油雞肉飯，就諗起好好味既台灣雞肉飯，於是試下。黎到既時候有少少驚喜，無諗過有三小食同埋湯。不過碗飯既賣相麻麻，食落去雞肉既口感完全唔係記憶中既台灣雞肉飯，味道好淡，上面既蔥油又係無味，又好dry。唯一有味既係三個小食，因為佢地本身就有味既食物。而個湯就係落左好多胡椒粉既湯，得幾粒好細粒既冬瓜最慘係食到一半要人轉位讓俾新食客坐，之後發生左不愉快事件，因為係新食客好有問題，唔關食評事唔寫了。

中環街市已升格為高級商場，與朋友閒逛這裡後，選擇了附近性價比很好的「一起食堂」台日式晚餐。我和朋友點了蒲燒鰻魚飯，府城蝦卷，吉列炸蚝，愛玉荔枝茶和仙草奶茶。蒲燒鰻魚飯，看照片已知道鰻魚烤得外皮微焦，裡面肉質又嫩又鮮，正宗的和風醬汁，搭上粒粒鮮明的米飯，流心蛋，喜愛日本美食的食客必定滿意。府城蝦卷，蝦肉新鮮，裹著的面皮炸得酥脆剛剛好，好吃。我是吉列炸蚝粉絲，蚝肉滿滿，炸得金黃酥脆，不油不膩，滿足。愛玉荔枝茶，清甜，喝起來清新又解膩。仙草奶茶，味道有层次感，结合奶茶和仙草的味道，口感清爽。食店在中環街市旁，位於中環最中心地帶，黃金地段，本餐只是248元，對比附近的食店價錢，這店在性價比和食物皆值得推薦。

餐廳裝修簡潔台風 ，有好多懷舊海報，幾舒服。服務方面，店員都好nice，而且上菜速度好快，啱晒lunch time趕時間嘅打工仔。**主食**叫咗紅燒三寶牛肉麵+花雕麻油雞湯麵。紅燒三寶牛肉麵嘅湯底濃郁，牛肉、牛筋、牛丸都好入味，份量都幾多。花雕麻油雞湯麵嘅湯底好香，麻油味突出，雞肉都好嫩滑。花雕係另上, 建議落一半😊**小食**叫咗炸花枝丸同鹽酥雞share。炸花枝丸外脆內彈牙，好有口感。鹽酥雞就炸得香脆，調味啱啱好，唔會太鹹。**飲品**叫咗杯紅豆奶茶，甜度適中，紅豆綿密，好啱我口味

昨晚和妹妹路經中環見到這間很別緻的台日式便當，便被他的和風裝修吸引入去了！第一次見有花雕酒的台式麵，妹妹便叫了花雕麻油雞湯烏龍麵，花雕酒是分開上的，配上大大件的雞肉和烏龍麵，妹妹食得津津有味😋😋而我始終如一，都是喜歡吃台式滷肉飯😆這當然唔夠啦！喜歡吃牛展，雞翼，鹵水蛋同牛耳的我，點少得古早鹵水拼盤，有齊我喜愛的四寶😋牛展大舊淡淡肉，雞翼同鹵水蛋醃得好夠味，再加埋飯後甜品芋圓仙草凍，佢真係落足料，好多芋圓同好多仙草。天氣咁熱，當然唔少得一人一杯夏日台式凍飲：愛玉荔枝綠茶同鳳梨綠茶🍹🍹非常滿足的一晚。難得在中環有一間如此平民價錢的台日式便當，值得再回味👍

呢間小店以台灣夜市風味為主打，菜式雖不多，卻頗見功夫。鹽酥雞外皮超酥脆，咬下時完全聽到「喀嚓」聲響，醃料中透出五香粉與蒜末的香氣。鹵水拼盤豬耳入味，膠質與脆骨有咬口；牛展紋理分明，肉質鮮嫩濃郁；滷蛋又係超入味。蔥油土雞肉飯雞油香氣撲鼻，雞肉有口感唔鞋，份量十足。和風牛肉飯醬汁甜鹹平衡，牛肉唔柴，肥瘦適中，正！黑糖豬軟骨飯軟骨燉至半透明狀，黑糖既焦香與醬油既醇厚，堪稱一絕。小店裝修簡樸有序，恍惚有置身士林夜市的錯覺。

蒲燒鰻魚飯 ($112)鰻魚都大條厚肉，帶濃郁嘅醬油甜香，配上少量海苔同芝麻提味，飯粒軟硬適中，吸滿鰻魚汁，撈埋流心蛋嘅蛋汁食幾滋味，食埋黃色嘅酸蘿蔔片仲幾開胃特濃豆乳雞烏龍麵 ($89)特濃豆乳湯底奶白濃郁，微微豆乳香氣，飲落清甜，帶少許雞肉鮮味，烏龍麵煮得煙韌彈牙，配上幾件雞卷，雞肉嫩滑唔會乾柴，切成厚件幾有咬口，整體消爽唔油膩，幾啱夏天食燙青菜 (@+$30)燙青菜簡單清新，油麥菜煮得翠綠，加咗少許炸蒜同醬油提味，解膩又健康凍珍珠奶茶 ($28)凍珍珠奶茶茶香濃郁，配上黑珍珠煙韌彈牙，咬落有滿足感，甜度適中📌一起食堂 (中環)地址：中環域多利皇后街2號地舖

今日嚟到呢間台灣嘢食飯 😍價錢合理 ☺️ 選擇都幾多 😆 除咗中環之外 觀塘同埋灣仔都有分店 之前都食過幾次😇 -🍜花雕麻油雞麵 $92湯底材料好足 🥹 有藥膳味道 而且酒味唔算太濃🤣 有杞子 紅棗 龍眼肉 冬菇😍 雞件肉質唔錯 😆 麵唔會淋 好吸湯😇-🐃紅燒三寶牛肉麵 $102湯底好濃郁😆 牛肉味濃 有好多塊 😇 牛丸夠爽口 🤣 而且好大碗 食完都好飽 😌 -🐙炸花枝丸 $42花枝丸勁好惹味 🤣 好爽口 咬入口好多魷魚肉😇 -🍵愛玉荔枝綠茶 $14好清新嘅荔枝味😍 唔會太甜😌-🧋珍珠奶茶 $14珍珠好好咬 😌 不過茶味如果再濃啲就好🙂 -

餐廳位於中環街市附近售價親民 份量亦很多難怪午市很多人排隊 ⍢花雕麻油雞湯麵真的配有一杯花雕酒可以按個人喜好添加充滿麻油雞湯香氣雞肉有幾塊 都滑嫩 湯麵是烏冬魯肉飯滷肉醬汁惹味 送飯一流配有酸菜 更加開胃份量很多 適合分享府城蝦卷腐皮香脆 蝦肉彈牙芋圓仙草凍一個人吃不完的份量！！滿滿芋圓 包括紫薯圓 地瓜圓 芋頭圓入口煙煙韌韌 滿滿紅豆加上仙草 整體口感豐富非常足料 適合分享一起食堂📍中環域多利皇后街2號地舖#foodiegoodie_central

【🌀一起食堂｜🏃🏻‍♂️🏃🏻‍♂️一起蔥啊!🧋】在中環想來一客台式午餐真的不容易，今次與三五知己聚聚，就幻想下身在台北吧！.食咗咩？.💚黑糖豬軟骨飯淡淡黑糖味，豬軟骨軟身，骨膠原豐富，相信由長時間燘煮，調美台式，食出心機。跟滷水蛋，我喜歡伴碟的日式酸薑.💚特濃牛乳雞烏冬麵湯奶白色帶豆乳香，雞肉做成雞卷，肉質鮮嫩有雞味，最鍾意「啖啖肉」感覺。烏冬夠滑，口感煙韌。.💚爆蔥溫泉蛋雞串丼受店內海報吸引住，起初誤以為是爆蔥花雞肉串，原來有埋飯。丼飯大大碗，飯量大，女生可以點「少飯」將所有食材撈勻後食，蔥和蛋香令人難忘，難忘那份好味！以上三款便當套餐，具三款前菜：中華沙律、小紫薯及抹茶蕨餅，各具特色。💚麻辣香滷豬耳朵小食來說份量非常足料，大大碟。麻辣香撲鼻，豬耳口感爽脆惹味。🚸一起食堂📍中環域多利皇后街2號地下【🌀一起食堂｜🏃🏻‍♂️🏃🏻‍♂️一起蔥啊!🧋】在中環想來一客台式午餐真的不容易，今次與三五知己聚聚，就幻想下身在台北吧！.💚黑糖豬軟骨飯淡淡黑糖味，豬軟骨軟身，骨膠原豐富，相信由長時間燘煮，調美台式，食出心機。跟滷水蛋，我喜歡伴碟的日式酸薑.💚特濃牛乳雞烏冬麵湯奶白色帶豆乳香，雞肉做成雞卷，肉質鮮

中環街市附近尼間台灣面又過黎食啦，好日式裝修，鋪面不大，座位都很溫馨😆😆主打台灣面！我們兩個人吃了兩個主食兩杯飲料和一份小食，好飽！花雕麻油雞湯麵和紅燒牛三寶麵。真的有一杯花雕酒喔！可以按心意添加！加一點點可以增加味道喔！好幾塊很滑嫩的雞肉，配上麻油雞湯，👍👍紅燒湯底很不錯！麵條軟硬剛好，好大塊紅蘿蔔🥕🤣鹽酥雞份量好大，新鮮炸出來的，鹽酥雞粉要多多！味道很濃☺️外脆裏軟。飲品一個是紅豆奶茶和一個是珍珠奶茶🧋經典台灣奶茶～好喝