一起食堂 (域多利皇后街)

營業中

休息中

同朋友星期六嚟食午飯，點咗幾款主食同飲品，大家都覺得好味，質素唔錯，可以再嚟。我揀咗紅燒三寶牛肉麵，啲牛丸爽口彈牙，絕對係手打，我好鍾意；牛𦟌又腍又入味，都係我喜歡嘅味道同口感；牛肋條就略嫌未夠腍同入味。同屋主就話個蔥油土雞肉飯好食，讚啲雞肉有雞味，好難得。我朋友個原條蒲燒饅魚飯，真係單睇賣相就已經令人食指大動！每份主食都配有三款小食，分別係沙律、雲耳仔同埋紅豆綠茶蕨餅，雖然份量相當少，不過味道都幾好，惟獨係紅豆極之甜，有啲美中不足。飲品方面，我哋點咗仙草冬瓜茶、蘆薈桂花雪梨茶同埋黑糖薑母茶，我哋覺得三款都好飲。