一起果醬 (已結業)

之前試過西貢個間Let’s Jam已經對佢既果醬飲品念念不忘，而家唔使山又長水又遠去到咁遠先有得食，好感動☺️☺️☺️ 尖沙咀呢間Lets Jam位置唔太好搵，比較近佐敦個邊，不過雖然搬左出市區門面依然好chill，感覺好relax😌係門外擺放左佢地自家制既果醬。餐廳唔大，只有幾張枱，會建議大家打去book枱喔，佢仲有一邊燈光暗d好似outdoor咁位置，不過而家大熱去坐了😶特調果醬紅茶 雜莓果醬🍓🍇 黎”一起果醬”又點可以唔飲佢既果醬飲品呢？女孩子大概都比較養生會點熱的。呢款特調果醬紅茶幾得意，茶同jam係分開上既，隔離個沙漏係比你倒數計時用既，沙漏⏳係for計時三分鐘，漏完先可以將茶倒落杯，再加入果醬。可以任選果醬味道，熱愛berries🍇🍓既我就揀左雜莓果醬。店員recommend每一杯茶加入一茶匙jam便可，比較重口味既我就落一匙半至兩匙😋 果醬十分香濃，仲有粒粒果肉，絕無偷工減料。surprisingly呢款紅茶好香，重味得黎一d都唔苦澀，加入酸酸甜甜既果醬味道好夾，又唔會太甜，絕對係女仕至愛😍桂花雪梨茶🍐 呢款茶同上面個款既完全唔同，茶味偏淡，味道偏甜，大眾化d會適合全部人朋友一

今晚同男朋友食飯，之前朋友介紹係佐敦附近嘅Let's Jam ，我見網上評價都好好，所以一直都好想試下，就book 左今晚dinner ! 地點都好方便，佐敦D出口一出行大概5分鐘就到達。一去到門口就覺得喱間餐廳裝修好精緻。入到去覺得好似去左歐洲啲cafe，好寫意好舒服。同我最鍾意係環境好舒適寧靜，可以好好咁同男朋友傾下計。 我地點左兩個set dinner，好多食物都好吸引，我地揀左慢煮極黑毛豬配肉桂蘋果汁同慢煮厚切安格斯西冷扒配玫瑰蘋果汁。跟餐配有餐湯，沙律同是日精選甜品，另外跟餐可以以半價換購飲品，所以我地加左一杯玉桂蘋果茶同Mocha。我好鍾意我點嘅玉桂蘋果茶，好甜同好香嘅玉桂味，杯入面有一整條玉桂，亦有好多腌製嘅蘋果粒，好足料！而男朋友點嘅mocha 亦相當有驚喜，mocha 配有cream，飲落好夾，平時唔太鍾意飲咖啡嘅我都覺得好好飲！餐湯我地揀左紅湯，我地覺到好特別，因為佢有別於一般飲到嘅紅湯，蔬菜都無煲到太爛，飲湯仲食到一粒粒軟淋淋嘅蔬菜粒（有豆，青瓜，南瓜，蕃茄，薯仔etc)，好有口感，好新鮮，感覺好健康。跟餐田園沙律都好好味好fresh ，好欣賞佢地特製嘅熱情果油醋

有時候身處在節奏急速嘅環境生活整個人都會變得特別沉重，直到放工時候，終於可以放鬆一下！要找一間環境舒適嘅餐廳慢慢進食休息一下，總是感到困難！今天跟朋友來到這間「一起果醬」。原來它早已在西貢設置總店，深受食客歡迎，其後再去尖沙咀開設一間分店！大有來頭👀👀👀7點左右，已有不少顧客在場，和不少訂座椅。幸好，我們提早已經訂座，否則就像外來客一樣要吃閉門羹了！可憐兮兮滿喜歡他們的半露台設計，滿是綠油油的草牆，很有渡假悠閒的感覺，令人倍加放鬆！餐單上的法式油封鴨髀配香橙果醬早已深深的吸引了我，無法抵擋！我就吃它吧！Set dinner包含是日沙律餐湯和甜品價錢也不貴，當然選擇set dinner ！！！沙律賣相也很吸引，調味都將執左熱情果、菠蘿汁和蘋果醋，入口酸酸甜甜非常開胃！西洋雜菜湯材料十足，有腰豆、蘿蔔等蔬菜豆類。入口清甜可口！跟餐只需半價就可以解渴😝我要喝！飲品方面，真紅豆冰非常出色，有別於外間餐廳嘅紅豆冰！這裏的真紅豆冰紅豆跟椰奶是混合的！入口滿紅豆，十分滿足！另外叫了一個玫瑰蘋果茶，入口非常清新，茶底用了果醬去製作，入口滿滿都是果肉👍🏻很天然，而且味道很清新，很喜歡！冰冰涼涼很適合夏天

第二次光顧，之前是晚餐時段，食物其實真的不錯，只是店員態度有點愛理不理，都沒太在意。這次午餐時段想好好享受一下寧靜舒適的環境，點知店員給我一個極不愉快的週未，坐座安排混亂，把坐座位安排給比我們遲來同是沒有預約的客人，然後跟我說沒有預約現在沒有枱！跟她說我是比剛才的客人早來的，店員瞬間黑面，跟著安排和剛才的客人拼枱，但現場有差不多一半枱子放著留座牌，由用餐至離開逗留個多小時，發現留座枱子一直閒置，期間不時有walk in客被請離開，真是一間非常有個性的店。

今日終於抽到時間去試下“一起果醬“，呢間餐廳嘅總店係西頁，本身一直都想去試～估唔到而家尖沙咀都有分店喇！當然更加方便我啦 今日係閒日嘅晚飯時段，眼見幾乎爆滿 生意都唔錯我地坐高枱都幾舒服！可以慢慢傾計飲杯野～ 放鬆一下心情。我叫左一個set dinner－沙律同湯上先，野菌忌廉湯好好飲好creamy，野菌味十足，沙律個汁都特別，用果醋，同出面既沙律唔係好一樣，帶少少甜味，好有風格，即時食指大動啊啊啊。。主菜揀左慢煮厚切安格斯西冷牛排配玫瑰蘋果汁 一見到粉紅色又嫩又多汁既樣已搶閘食左一件，食落口牛味仲好重又唔會韌，玫瑰蘋果汁亦都係少見既配搭，估唔到又幾夾～而且配菜都唔少，有我最愛嘅蘆筍，仲有BB薯仔，主角配菜都同樣出色我地仲散叫左個黃金蟹殼黃軟殼蟹意粉，睇menu已經比佢吸引住，因為全個意粉都集結左我最愛既材料，果然冇失望，軟殼蟹新鮮炸起，趣卜卜～好味又唔滯，我三扒兩撥好快就成個食晒！！意大利菜湯我就冇飲到，朋友話好好飲，至正係重量級蕃茄味濃郁，絕無添加、好香呀～意猶未盡叫多左個炸芝士條，呢個係港人最愛既拉！絲！芝！士！香濃嘅芝士配上鬆脆嘅外層，見到已經垂涎三尺。啲芝士真係可以拉絲嫁飲品

和一位一百零一歲和八十七歲的長者和家人一起來吃了一頓開心的一餐，因此想在這裡寫我的第一個食評。很細心的老闆娘和女職員，進門時為行動不方便的老人家特地打開了鎖了的一邊門，中間因為我們分享食物而為我們轉了很多次的碟子，加茶，還有耐心地為我們講解每一道菜。我們叫了手撕豬沙拉，豬肋骨，黑毛豬扒，羊架和雞肉及卡邦尼意粉。豬肋骨肉很軟，老人家也吃得津津有味。沙拉的熱情果醬家人覺得很開胃。果醬茶家人很喜歡丁香橘子味道，有一絲絲的橙皮，喝得很開心。最後試了九宮格，家人想買黑糖三味但今天沒有貨，很可惜呢！還有個很有心思的跟餐甜品，芝士蛋糕很滑溜很好吃。很感激一起果醬為我們一家過了一個溫馨愉快的母親節晚上。老人家回到家還在說食物美味呢！P.S. 小小的雞蛋裡挑骨頭：如果黑毛豬扒切得更薄可能會更軟，更好吃呢。

※本文以用餐當日的環境、服務和食物質素為準，口味亦因人而異，文章只作參考之用。-「一起果醬」原店位於西貢，主打自家製果醬，口味眾多，小妹之前都有去過西貢店，小小Cafe卻感覺悠閒。不久之前尖沙咀開了第二間分店，除了果醬飲品和甜品外，也有晚市套餐供應，菜式大多以果醬入饌，味道也比想像中好吃！餐廳環境另外也有各款不同味道的果醬可以買走啊桂花雪梨茶 $39很喜歡這杯雪梨茶，雖然係用果醬溝開，但飲落雪梨味還頗重的，不會太甜，滿好飲。是日餐湯及田園沙律配熱情果油醋汁餐湯係羅宋湯，湯料不少，飲落酸酸甜甜帶微辣，非常開胃。黃金蟹肉軟殼蟹意粉 $99意粉內見到不少蟹黃同蟹肉，感覺他們有加入蒜調味，所以食落蒜味頗重，又不失蟹味，中間仲有一隻香脆軟殼蟹，以$99來說質素不錯。慢煮極黑毛豬配肉桂蘋果汁 $229 (套餐連沙律、餐湯及甜品)黑毛豬上枱時已細心地切好，肉質咬落爽口不乾柴，光吃著都有肉香，搭配的肉桂蘋果汁味道也很夾；配菜焗薯仔和蘆筍也不錯。果醬九宮格多士 $49分成九格的多士，每一格上面都放上店家自家製既不同味道果醬。今次食到的味道大約有木瓜、芒果、黑糖四物、熱情果、桂花、玫瑰、士多啤梨和雜莓等；

一直無興趣寫食評但今次好想寫，可能肚餓又有點慶關係⋯平日好鍾意食All Day Breakfast，工作住家附近的地方都食過，又會專登出去試，最近在網上看到介紹說不錯就來試下。中午左右，一入到去見到店員黑面成咁，唔通中伏⋯但唔緊要，我塊面都黑，呢D有時係天生，於是自己搵個空位坐落單（其他店員就無乜嘢），覺得係好食（特別是多士，麵包外脆內鬆軟，果醬我覺得剛好甜，有點果肉），之後決定下星期再試下另一款今次再去都是同一人，但就直接同我講 ‘宜家一個人無位’ ，望望四周，吓間餐廳坐7成人咋噃，但店員擋在前面，我無理由來enjoy午餐搞到要同人嘈，所以一走了之算了。但真的好無癮！空住個肚走15分鐘來，結果比一個不成理由的原因打發我走⋯或者只係咁橋，人人都有佢難處，但我就不知再去好不好，因為又未好味到要我專登來等運

第二次來一起果醬了，結果也是沒有叫果醬窩夫......沙律和上次一樣好吃，酸甜熱情果醬配上清爽的西生菜，讓人食指大動。主菜龍蝦汁海鮮意大利飯是水準之作。大蝦用蒜蓉和黑椒醃製，將蝦的香味和鮮味淋漓盡致地呈現。青口雖小但非常可口，帶子則稍為乏味。意大利飯也非常美味。米飯粒粒分明，有嚼勁，熱氣騰騰，香味四溢。濃厚的龍蝦汁和半融化的芝士融合在半生熟的米粒中，並以香草調味。飯中混著彈牙的魷魚和微脆的洋蔥粒，口感豐富，提升了味道的層次。

某天在朋友的ig上看到她在這間cafe打卡，作為cafe控加麵包控的我，立刻就被那有鋪有9款果醬的厚多士吸引著男友陪我去，他並不感到意外除了朋友，也見到ig上有其他人介紹這cafe，為免撲空，我訂了位子才來以鬧市來計，這cafe不算逼狹，但因為人多，有點嘈吵，所以吃完未必會想在這裡慢慢hae。餐點方面，有好幾款all-day breakfast，又有一些bakery和甜品。果醬九宮格多士是一早就鎖定的了另外點了一個全素all day breakfast。全天素食英式早餐 ($107)：分量相當之大，配料相當之多整碟的重點是加$8轉的scone (本來是多士)和果醬，果醬可自選，這是桂花雪梨，味道清甜不造作但scone就略嫌牛油香不夠。至於其他配料，都很有水準，炒蛋夠滑，大菇夠juicy果醬九宮格多士($49)：想一次過試到最多的果醬口味，點這多士就對了。建議店家送上多士時，可以連說明卡一併附上，讓客人可分辨果醬的口味桂花雪梨、玉桂蘋果和蛋黃菠蘿都是我的心水之選

朋友同我慶祝生日因為這裏的set dinner會有蛋糕，還可以幫客人貼心寫上happy birthday，便揀了這間一起果醬。小店內環境舒適，感覺很悠閒，燈光很柔和。我們點了兩個set dinner清新開胃的沙律，果醬的甜味稍稍中和了油醋的酸，不錯。餐湯真材實料朋友說他的蔬菜湯有點淡，而我的蘑菇湯，味道不錯但略欠creamy。士多啤梨燒豬肋骨豬肋骨份量很多，肉質鬆軟，面頭有士多啤梨BBQ醬，甜中帶有微酸，帶點香草味，有特色得來味道很好很match！慢煮厚切安格斯西冷扒配玫瑰蘋果汁玫瑰蘋果汁味道不算突出，厚切安格斯西冷扒肉質比較實，然後我向店員打算要茄汁，店員說沒有茄汁之後，親切地提出他們有一款芒果芥末醬，朋友跟我都說用牛扒點這個醬味道即刻昇華。跟餐可以半價點餐飲，這個是士多啤梨醬奶昔，味道和一般士多啤梨奶昔差不多，但是沒有這麼甜。附上happy birthday 的蛋糕 ，擺設得很漂亮，突顯他們是一間用心的小店。

星期六約左朋友食 lunch, 因為媽咪係美國返黎唔慣咁嘈,所有就諗到哩個地方。 方便去之前就可以用open rice app 上網訂位。我好鐘意食卡邦尼意粉, 哩到都有就梗係叫黎試下啦。 基本上係好好味,不過如果可以冇咁濕就最好啦。 有少少攪笑係我朋友叫左個 美式早餐入面有百肉同牛肉腸。因為我朋友唔食牛所以問邊條係牛肉腸佢點錯左我朋友食左條牛肉腸

今日系好朋友生日，她喜歡食果醬，我專登上網選擇這間自製果醬的店位置好近地鐵站，但要耐心搵，好容易錯過它軟殼蟹鮮甜美味多汁，意粉爽口混入三文魚粒和香草，超好食單骨雞翼含有玫瑰嘅香味，咬落外皮酥脆內嫩滑厚多士整成九方格，每個方格含有每一種好香的果醬窩夫好好味⋯脆口，加入雲尼拿雪糕和芒果果醬，又凍又暖，因為朋友生日，餐廳可以幫手寫生日快樂和生日果位人士的名超級窩心的餐廳果醬茶好好飲，不斷供應水，飲完又飲，熱情果香味飄逸

之前去過西貢店，每次都勁爆勁多人。今次閒日去尖沙咀店，唔多人之餘仲好寧靜可以慢慢坐 店舖比西貢店大，而且久唔久有香噴噴嘅焗cake味...聞到都流口水！為果醬而嚟當然要食同飲都要果醬！叫咗2tea set, 分店係咸嘅吞拿魚多士，同waffle配雜莓醬。 先講咸，吞拿魚就無乜特別，但多士有好香蒜味，食落更加香口。大大件厚多士，女士咱講都夠飽waffle 唔算大份，剛好一人食，但雜莓醬係夏天首選！酸酸甜甜，異常開胃！配合waffle, 唔會太甜合到好處！食完吹咗陣水，見人哋個鬆餅唔錯，又心郁郁叫多件！散叫$18／pc 加自選果醬，set $78三件包飲品。但實在都飽，散叫一件夠了。散叫鬆餅要咗黑糖四物醬，睇返英文解釋即係 薑+蘋果。 食落較甜，薑味都幾濃，如果沖紅茶應該都幾好味！配鬆餅個人就覺得太甜了。 飲品方面都叫左玫瑰蘋果紅茶／soda , 好香玫瑰味好好飲！但夏天感覺應該要雜莓梳打就prefect 喇！可惜又貪心想試唔同果醬尖沙咀店比西貢大，又無咁多人，傾計都唔洗唔好意思坐咁耐。店員亦好友善，大讚！

生日飯難得與老公二人世界。 想到簡單又有情調的餐廳，見open rice內一起果醬食評也不錯就試試吧！地點在靜中帶旺的尖沙咀與佐敦之間，店內裝修優雅，帶點英式風格。餐廳以果醬為主題，大部菜式會配上不同口味的手工果醬。想多試不同的菜式，所以點了一份set dinner再散點了意粉及甜品。set dinner沙律及雜菜湯沙律菜配上鮮橙肉及芝士，酸酸甜甜開胃雜菜湯有多種蔬菜及豆，味道清清地又健康主菜：法式油封鴨脾配丁香香橙果醬之前日劇見過油封鴨介紹，是特色法國菜。油封鴨外層香脆，鴨肉稔身。配上橙肉果醬，鹹鹹甜甜，味道惹味又特別！單點了意式青醬雞肉意粉，意味可以只是沒有特色。set dinner 甜品：抹茶奶凍配桂花雪梨醬奶凍 creamy, 清淡的抹茶與清香雪梨醬，三種不同的味道，完美配搭！跟餐送的甜品但高水準！果醬雪糕窩夫餅賣相吸引，細心寫上Happy Birthday 自選了肉桂蘋果醬調味。窩夫顏色較深 , 有點過火。脆口但蛋味不太出。