一起果醬 (已結業)

果醬用黎（查）麵包就食得多。原來融入飲品沙律都好普遍。喺佐敦與尖沙咀之間就有啦。Let"s Jam 有Dinner Set 又有散叫menu 。田園沙律沙律新鮮。食落索索聲。配上油醋汁。好開胃。磨菇湯～有粒粒磨菇蓉。有囗感。慢煮厚切安格斯西冷扒配玫瑰蘋果汁～厚厚西冷肉鮮嫩。仲有露筍。薯仔。蕃茄伴碟。真係健康100分。意式奶凍～甜品的的骰骰。又香又滑。玫瑰🌹茶有個沙漏計時。太pro 啦。哈哈。。。黑松露野菌意大利燴飯個飯濕濕地。份量少左d。多番dd 就滿足啦。

環境：非常逼，枱與枱之間幾乎是緊貼。坐得不舒服。如果你係諗住去食飯慢慢傾下計我諗呢到唔太適合你食物：九宮格吐司味道不錯亦算鬆軟，果醬種類多每款味道不俗另外點了一個大蝦意粉，味道不錯但上枱時已經係凍😓😓👎🏻👎🏻再黎係重點👎🏻👎🏻👎🏻👎🏻 服務態度：當晚既一位身材高大女服務員，態度真的令人不敢恭維！一去到見到枱面menu第一頁係set dinner, 最揭後睇見到得brunch同甜品，咁我就問佢會唔會有a la carte既menu, 呢位小姐隨即一臉不屑，指住本menu：下呢本咪係囉，講完嘴角向上戚了一下一副鄙視態度😓原來係咁樣做生意，真係大開眼界，貼錢買難受！但同場另一位男服務員值得一讚，態度同那位不可一世的小姐完全相反，後來我們落order，埋單都完全冇再搵果位黑面小姐！唔該呢間餐廳老細/管理層睇到，正視一下呢個問題，該名女職員既所為完全係倒緊你地米😅😅😅仲有衛生問題：由於我坐既位置望到後欄，我當晚食完飯等埋單既時候係見到後欄天花位有老鼠😓不過呢樣都算，最大問題都係咁既服務態度，可能你好多生意唔憂做，但咁既態度我相信唔會令人想食第二次😊

朋友話想食CAFE , 我諗起(一起果醬)啦﹗係一間比較出名又好食CAFE^^特登帶朋友食, 一人一杯熱野飲先天氣凍, 飲熱野養生 , 對女性比較好我自己點> 玟瑰花茶, 又香,少少甜,好好飲還有少少玟瑰花香, 飲時聞到都比較RELAX套餐有沙律, 比較酸, 唔喜醋既朋友就吃不了我朋友唔岩, 但我OK, 我食曬,哈 , 夠開胃餐湯,好明顯新鮮煲，足料,濃郁, 好飲黑松露意大利飯, 一去CAFE我都喜歡點 黑松露既食物夠香口, 份量足 , 黑松露味濃有飯當然叫埋肉啦, 慢煮安格斯西冷扒 ﹗好厚, 好正, 5成熟, 份量足大大粒,擺落口真係好丕﹗ 超滿足又好食﹗甜品, VERY GOOD表面有層脆,甜甜地,我朋友食曬環境舒服既CAFE, 食物又好食^^

大半年前已經聽過係西貢既let's jam不過太遠一直無機會去試 近來先知原來佐敦開左一間即刻約朋友去食午餐2點去到 仲係午餐時段~本來想食佢個tea 不過佢個午餐menu太吸引我地倆個又好餓 所以忍不住叫左lunch set 不過說實話 午餐menu一啲都唔貴$58-$98啲野食仲要超級吸引我叫左慢煮西班牙黑毛豬扒拼薯角($98)朋友就叫左黑松露野菌意大利飯($68)黑松露野菌意大利飯份量適中～一放落黎勁香黑松露味！我地即刻將一大啖飯放入口果然無令我地失望 好香好香既黑松露味仲要食落去 完全無膩好好食！我朋友停唔到口！絕對推薦大家食慢煮西班牙黑毛豬扒拼薯角雖然話慢煮 不過唔洗等好耐好大份既黑毛豬扒！佢個熱辣辣既肉配上士多啤梨果醬Yummy!!!!!!仲有個薯角 好好食！勁香 唔係一般啲薯角我同朋友都食得好開心！由於太好味 食完仲好想繼續食所以再加左兩個甜品跟餐加左精選蛋黃糕-千層蛋糕(+$12)好平又好食仲叫左個我好喜歡既鬆餅總括黎講 let's jam既午餐好不錯 價錢又抵！我同朋友都好滿足順帶一提 佢逢一三五 二四個lunch menu都唔同又機會試埋佢另一個menu啲食物先！

總店設喺西貢嘅「一起果醬」，喺尖沙咀都開咗分店，主打果醬料理，從主食、飲品到甜品，都離唔開果醬。店內嘅果醬全部都係人手製作，除咗平時常見嘅士多啤梨、藍莓等果醬外，更有店主自己創作嘅特色果醬，好似雪耳木瓜、玉桂蘋果、桂花雪梨… …全部都充滿香港特式。店門前一架單車裝飾、門面嘅一抹Tiffany藍色、一室充滿小歐洲風情嘅裝潢、以原木打造而成嘅桌椅，令人倍感寫意。嚟一客果醬烤豬肋骨，以士多啤梨果醬醃製豬肋骨，再以烤焗方式烹調，未上枱已食指大動。飲品同樣以新鮮果醬打造，將梳打水同果醬混合，變成自家鮮製果醬梳打，「自家」品牌係文青最愛嘅消暑飲品。意粉難以以果醬入饌，一客軟殼蟹意粉惹味鮮香，係唔錯嘅選擇。    

Let's Jam係西頁都好多年，以手工果醬出名，不過好多時假日去都好多人。呢三兩年佢地終於有分店係尖沙咀，除左唔駛山長水遠入西頁之外，晚餐仲有dinner set俾大家選擇，配合返都市人既節奏。今晚同友人第一次黎到呢度，因為樓底都幾高，就算滿座都唔會覺得好嘈或者侷促；而且侍應們都好有禮貌，回應都好快速，環境同服務上都感覺良好。我地一行二人叫左幾樣野食，同大家分享一下：- Dinner set: 慢煮厚切安格斯西冷扒我係唔同餐廳都食過慢煮好幾次，真係每次既經驗都唔同，有試過好嚡好乾，又有試過係太淋。而呢度既慢煮我覺得都算中上，除左保留左牛肉味以外，肉質仲岩岩好，夠tender；仲夾埋個玫瑰蘋果汁，同件牛都幾夾，我地三兩下就食曬。Dinner set仲配埋湯、沙律同甜品，叫飲品有半價。- 龍蝦汁海鮮意大利飯呢個係坐低既時候聞到隔離枱好香所以叫既，果然無令我地失望。香味係龍蝦汁度黎，連埋唔同海鮮去煮個risotto，入曬味，亦唔會太咸，真心好食。仲有兩隻大蝦、青口同帶子，抵食。- 果醬九宮格多士黎到Let’s Jam無理由唔試下jam，呢個多士就可以一次過試勻九款果醬。唔同果醬真係各有特色

想吃這間一起果醬很久，今晚終於能同朋友黎朝聖一下 Let’s Jam！我地好早6點已經黎到，所以餐廳未有太多人，呢度環境好有歐陸既感覺，牆壁木架擺放左唔同既擺設同盆栽，感覺舒服，整潔同朋友叫左一個Dinner Set，另外再叫左個黃金蟹肉軟殻蟹意粉🍝Dinner Set選了士多啤梨醬燒豬肋骨，跟餐包埋熱情果油醋汁田園沙律，餐湯同餐飲套餐沙律個醬汁甜甜的同時亦幾開胃~~而餐湯揀左羅宋湯，入味之餘亦有好多薯仔，好足料豬肋骨肉既比例較多，燒得香軟，配埋士多啤梨醬食落夠清新又唔會好膩黃金蟹肉軟殻蟹意粉🍝鹹蛋黃份量多，蟹肉和蒜粒亦很多，所以食落好香口，好好味，性價比高的意粉吃完主菜，最後忍不住加左個英式鬆餅配玫瑰蘋果醬🍯雖然英式鬆餅口感略硬，但搭配玫瑰蘋果醬味道特別，感覺不錯最後甜品係奶凍配果醬，不太甜，富奶香

是夜與太座晚膳，選了此西貢以自製果醬馳名的市區分店，位於山林道的內街，環境清靜舒適。先來鬆餅伴丁香橙醬。果醬味道自然，有不少橙皮增添香氣。鬆餅外脆內軟不過甜，只收$18，超值。Dinner Set的沙律伴以熱情果油醋，同樣天然，酸甜開胃。雜菜湯有不少菜蔬薯仔，十分足料，湯頭不太過酸或鹹，已經收貨。另外點了海鮮意大利飯，龍蝦汁味濃，飯粒稍稔，海鮮足料，特別帶子煎得外脆內嫩，雖然不是頂級貨色但只收$108來說算很好。西冷牛扒份量十足，肉味濃郁，稍為偏熟但因慢煮處理肉質仍鮮嫩，玫瑰蘋果汁香甜易入口，十分不錯。甜品紅豆抹茶奶凍不過甜，奶香十足。

今日早左少少同朋友喺尖沙咀美麗華行街，行到攰想搵個地方坐低食晚飯。山林道轉返出去佐敦見到間裝修好清新既餐廳，今晚就食哩間啦。仲有幸福多拿可以用添。小店繁忙時間限坐90分鐘，都OKAY呀。內面既裝修都好靚，主要用木為主，牆身個JAM字好搶眼，有少量吧枱位，仲有長枱最多坐到8個人，岩晒一班朋友聚一聚。其實啲小食都好吸引，但因為我同朋友都係女仔，食完個MAIN應該唔會食得落其他野。DINNER SET價錢唔算好貴，我叫左慢煮厚切安格斯西冷扒 配 玫瑰蘋果汁，跟餐叫左杯 特調果醬紅茶。原本以為就咁就完，點知飲品隔離仲有11款果醬選擇。花多眼亂，最後我㨂左黑糖四物。杯茶係成個壼上，果醬分開自己加。啲餐具好靚！上左陣仲有個沙漏提你，啲茶要幾耐抖出黎飲最好。紅茶配黑糖四物原來都幾夾，薑味都幾重。DINNER SET跟晒沙律同湯。個沙律唔同平時果啲，有果醬喺面，好開胃。我叫左個白湯，唔算太濃，但超好味！跟住就係主角西冷扒，份量岩晒我，唔會太多。個玫瑰蘋果汁好好味，同牛肉超夾，又唔會煮得太熟。朋友叫既慢煮黑毛豬仲好味，啲肉好林，好似食緊叉燒咁，肥瘦比例岩岩好。下次再黎要試埋其他先～最後埋單每人唔使$30

喺附近探完朋友班，就一齊搵野食喇。我哋行行下見到呢間舖頭門外面有果Jam賣，好似幾特別咁，於是就入去試下喇！入到去睇餐牌發現原來呢間食店有好多種類嘅食物都包含果Jam，好特別呀！！我以前都未試過食西餐嘅食物會加果jam架睇餐牌揀嘢食，夜晚有dinner set，仲可以叫其他小食，仲有飲品甜品...我哋想試啲特別啲嘅飲品，店員就推介咗呢杯玫瑰蘋果沙冰畀我哋。果然係推介呀！！好有驚喜！杯沙冰味道酸酸甜甜，好開胃，充滿蘋果同埋玫瑰味，配搭好新鮮， 一飲難忘呢我哋兩個人share咗一份dinner set，其他就叫左小食，個set先黎個沙律先。田園沙律配熱情果油醋汁 個沙律特別之處就係有我好鍾意嘅水果--熱情果！ 正呀！蔬菜方面好新鮮好脆口湯就有紅湯同白湯揀，我哋揀咗白湯。係磨菇忌廉湯碗湯菇味好濃，啱曬我呢啲好鍾意食雜菌嘅朋友，好好味呀黑松露溫泉蛋伴多士條 多士條好脆，牛油味好香，配黑松露好夾呀！ 味道啱啱好，食過返尋味玫瑰蘋果醬單骨雞翼 雞翼配果jam都係第一次試，感覺好特別，味道出奇地夾！蘋果醬甜甜地，配外脆內嫩嘅雞翼估唔到係咁好食！！ 仲要係單骨雞翼，食得好方便，唔使驚失儀態慢煮厚切安格

我地第一次黎嘅環境睇落唔錯，可惜呢啲嘅工作人員似乎忘記左佢係開緊間cafe。睇完menu 咪order 野食，叫左個高高果個女職員黎落單。其中一樣係all day breakfast , all day breakfast 裡有個多士可以配果醬。第一次黎唔知有幾奇。個女職員問我地配咩醬。我地問佢有咩㨂，佢續話「menu 最尾果版有講，你自己睇」。我以為我聽錯。任何客人問關於menu嘅問題都好正常。簡直不知所謂。之後再叫埋其他野食時，成段conversation 都係冇尾音。唔知嘅我會以為啲客同佢有仇。唔洗旨意我黎第二次，莫講推介俾其他人

今晚與友人好耐無見，就相約係尖沙咀食飯聊天。。這間店地方不大，但卻有有另一番味道。服務員遞上餐牌，這里可以選擇的款式不算太多，但以set dinner 來説，價錢超值。我和友人一共點了4個菜式，包括其中一個大蝦意粉，一個軟殼蟹意粉，一個雞翼和一個忌廉青口。另外頭盤還有一個沙律和雜菜湯，賣相吸引。個人10分欣賞這個青口，非常惹味另外我們在開了一支白酒，成晚帶着小醉 ，與友人很享受這篇小空間。下次一定會再到這店嘗試他的有名甜品，但今晚已經太飽了，哈哈，下次會再來的

之前入西貢食過一間餐廳好好食，原來佢喺尖沙咀都開咗分店我就梗係第一時間去食啦餐廳嘅環境都唔錯，好啱同鍾意健康嘅女仔黎食飯餐廳標榜食物係純天然餐廳係有dinner set 我就叫咗個黑毛豬扒配肉桂蘋果汁豬扒好大件而且切開之後肉質juicy, 粉紅色，配上蘋果汁味道幾開胃而且豬都非常腍身，肉質好鮮嫩十分有驚喜！另外喺餐牌上面仲見到個意粉幾特別， 蒜香腐乳意粉個意粉出奇地好食，非常香嘅腐乳，炒埋意粉一齊食，有少少鹹，幾特別

第一次認識lets jam係係西貢當時記得鋪內人頭湧湧 不停都有人排隊入座初次嘗試已經對佢印象唔錯然後發現原來唔使去西貢甘遠都可以再嘗滋味 黎呢度當然一定要試佢地自家製既果jam啦唉 但係有甘多款 究竟點簡好呀如果大家都好似我甘有選擇困難症就記得！必點以下呢個： -九宮格多士-一塊滿足晒人類貪心既慾望試晒甘多隻jam發現自己都比較中意桂花雪梨 同埋 蛋黃波羅前者比較清新 後者蛋味濃亦都比較特別 出面食唔到架 -士多啤梨燒烤豬肋骨-之前在西貢冇食到 但當時見到人人都有點今次我都要試下先！豬助骨燒得都算香同軟 同埋唔會好難先切到d肉出黎女仔食都唔怕冇晒儀態啦士多啤梨既甜味配上燒烤味都好夾 甜甜香香甘好惹味 -龍蝦汁海鮮意大利飯-有兩隻大大隻蝦 海鮮都算多味道不過不失啦 -果醬紅茶 （配桂花雪梨）-紅茶既茶香加上果醬其實好夾 呢個清新香甜味道作為一餐飯既總結實在係好滿足 另外仲有自家製手工果醬出售

一直都好想試呢間餐廳，因為佢個名好吸引，一起果醬，今日終於有機會試到啦我哋兩個人去食，就叫左一個dinner set share，再加其他小食Dinner set 都幾豐富！首先有一個黑松露忌廉蘑菇湯蘑菇湯好杰、入面有粒粒嘅小蘑菇，食得出係用新鮮蘑菇打碎來做，湯濃度、味道啱啱好，非常推薦！另外仲有一個田園沙律同飲品，飯前一個田園沙律，酸酸地好開胃！慢煮法式羊扒配芒果芥末汁羊扒煎得非常香口！用慢煮嘅方式調製，羊肉肉汁完全鎖住！再配上清新嘅芒果芥末汁，非常配搭，口感一流！調味方面亦都恰到好處，令人識唔停口啊！黃金蟹肉軟殻蟹意粉呢個嘅賣相一流！原隻嘅軟殻蟹放喺度，一睇就知真材實料啦！菜式名嘅「黃金」其實係蛋黃，冇諗過蛋黃加上蟹肉味道係咁夾！而且蛋黃嘅份量恰到好處，令到意粉唔會好漏，真係好好食！！唯一美中不足既係上菜既時間太耐，不過慢工出細貨既