一緒一番酒場

營業中

休息中

有乜慘過星期一返工後要做培訓, 收工5:30pm, 培訓8:00pm, 唯有同同事搵間有Happy Hour 食少少野, 飲少少酒嘅地方等運到啦. 上網搵到有間喺公司附近嘅居酒屋有happy hour啤酒同sake重要買1送1. 咁就唔洗諗啦. 居酒屋位於中環士丹利街11號Stanley 11 26樓. 話明Happy Hour 時段, 都係食小食, 嘆2杯就輕鬆下. 係咁易點左雞泡魚乾同枝豆2款小食, 又黎送生啤唔洗咁悶.雞泡魚乾 – 睇住師傅用熟練嘅手勢慢慢烘熱D雞泡魚乾, 上菜時, 真係熱辣辣, 出哂煙. 雞泡魚乾烘得香脆, 味道重好搶口.枝豆 – 用海鹽炒過, 咸咸地非常可口, 枝豆大大粒, 送酒一流.嘆完後. 要返地獄培訓了.

坐擁中環高層地段，以落地玻璃飽覽無敵夜景🌌，出lift 已經直接是餐廳了，感覺環境高級又舒適，更每個座位都可以望到大廚的手藝！餐廳以新鮮食材作口啤，放工行經就黎試下佢地既Omakase，性價比非常高。🩵四點刺身平政魚🐟，中吞拿，略燒香了魚邊的交鰈魚，而帶子配了少許竹炭鹽，每款都好厚切又觧甜！🩵刺身杯Cocktail 杯子裡放了紅醋飯🍚，以及有脆脆的吞拿魚蓉，還有它的精髓～拖羅油！上面還鋪滿了三文魚子，和新鮮的馬糞海謄，加配少許淡雪鹽，再以花瓣和金箔點綴。全程見到大廚用心擺盤，十分精緻，而且不用再加其他調味已經好好味，因為好新鮮。🩵 鵝肝多士🍞大廚會介紹鵝肝跟多士可以分開食，又係十分新鮮的馬糞海謄出場😋還有燒到外脆內軟又好juicy 的鵝肝，伴碟有他他醬和捈茶鹽粉可選。🩵甜品日本綠茶紅豆🍵🫘雪米磁作結28/8-9/9 晚市還見到餐廳還推出「藍鯨吞拿魚omakase 套餐」，鍾意食吞拿魚🐟嘅就唔好錯過啦！下個月又係時候要約朋友預早訂位，再戰一下😍📍一緒一番酒場 中環士丹利街11號Stanley 11 26樓

平時返工放lunch都見到喺士丹利街11號呢一座嘅大廈有好多唔同嘅野食，偶次見到係頂樓一間叫一緒一番酒場嘅日本餐廳喺夜晚會有omakase食，作為日本菜愛好者嘅我，梗係要黎試吓啦😋🐟刺身四點 刺身包括有中拖羅、真鯛、帶子同埋北海道大蝦，全部都係飛機貨，魚生入口即溶得黎，油香好重亦都無筋，係平時喺連鎖壽司店食唔到嘅味道，帶子同埋生蝦亦都肥美又飽滿，味道好鮮甜美味，令人難忘🍸Cocktail sushi 師傅話係menu 無嘅菜式，材料有海膽、吞拿魚蓉、三文魚子、蔥、芝麻、淡雪鹽同埋調味壽司飯，面頭加少少紫蘇花作為裝飾，好適合打卡，除咗好睇之餘亦都好好味，海膽吞拿魚同埋三文魚子嘅味道互相配合得好好，絕對係別出心裁嘅料理🐃鹽燒和牛配他他醬生菜卷 鹽燒和牛淨係聞到都令人饞涎欲滴，和牛嘅香氣撲鼻令人忍唔住要即刻食，入口即化令人感覺好似置身係日本，和牛嘅油脂口感豐富，少少嘅鹽令牛肉味昇華不少，食多幾舊都唔會好膩，就算怕膩，可以食件他他醬生菜卷清除一下口腔嘅味道，清新一下，都係唔錯嘅選擇🍡抹茶和果子 甜品係抹茶和果子，綠茶同紅豆蓉嘅味道非常之夾，和果子煙煙韌韌咁，口感好好之餘，味道都唔錯，非常滿足📍

今日去咗中環Stanley 11 嘅26樓食Omakase ，入到去係一張U型枱，客人可以圍住廚師坐，睇廚師嘅煮食過程🤩而且餐廳係落地玻璃窗，夜晚黎可以睇到好靚嘅夜景㗎🌃*刺身四點今日廚師精選咗四款刺身比我：托羅 、赤身、池魚、帶子～刺身超新鮮✨托羅軟軟嫩嫩，完全冇筋，入口即化👍🏻赤身肉質比托羅緊實一啲，好鮮味！池魚口感略帶爽口，仲有淡淡油香❤️帶子放係檸檬上面，所以檸檬嘅清香更加可以激發帶子嘅鮮甜😋*Cocktail sushi呢個係隱藏食譜🤫佢最底下係調味好嘅飯，中間係吞拿魚蓉，最上面係三文魚籽同馬糞海膽～海膽同三文魚籽都好新鮮同鮮甜🤤而且入面仲有天婦羅脆脆，所以口感豐富咗好多🫶🏻*牛小排沙律沙律係用胡麻醬拌，好日式嘅感覺🤩牛小排烤得好好，外層有焦香，而內裡依然係好嫩，牛肉味香濃😽牛小排仲有兩種食法：抹茶鹽/自家製醬汁👍🏻*抹茶紅豆草餅今日嘅甜品係抹茶紅豆草餅，外皮煙韌，抹茶味濃，而內餡係香甜綿密嘅紅豆，抹茶紅豆嘅配搭絕對唔會出錯🫘🍵

呢間餐廳最正係有刺身壽司，又有串燒食。嚟過幾次，覺得佢哋嘅師傅普遍細心有耐性，所以啲嘢食又靚又好味。✨刺身平政、帆立貝、牡丹蝦、中拖羅平政正值時令，口感清爽，帶有些少油香。帆立貝唔算特別出色。牡丹蝦彈牙鮮甜。中拖羅冇筋亦冇咩酸味。✨前菜海膽豆腐鮮甜順口。水雲菜配桃太郎番茄酸酸甜甜好開胃。夏天食特別覺得冰涼清爽。✨Cocktail sushi海量嘅海膽、香蔥拖羅蓉、三文魚子配稍濃味嘅赤醋飯。啖啖鮮甜鹹香好滿足。同埋佢哋嘅芽蔥係謎一般嘅香。✨牛小扒海膽多士牛小扒肉質好嫩好易咬。濃郁嘅肉汁配鮮甜嘅海膽，味道出奇地夾。平時食鵝肝多士已經覺得好好食，但食完呢個真係返唔到轉頭🥹。✨甜品麻糬裏面有鹽漬櫻花，鹹鹹甜甜幾特別。

🔹️位於中環士丹利街11號Stanley 11 26/F ‘’一緒一番酒場‘’🍶 環境舒適寧靜, 以開揚式落地玻璃能觀賞美景, 充滿輕鬆自在感覺☺️🔹️侍應效率高🤵‍♀️師傅細心講解菜式及食法👨🏻‍🍳服務貼心👍🥢午市套餐前菜以沙律🥗 牛蒡🫔 味噌湯🥣🔸️茶碗蒸🍵熱辣辣送到, 蒸蛋十分幼滑, 以秋葵粒, 冬菇餡料👍🔸️壽司十貫🍣每天以不同款式, 全由厨師發辦,👨🏻‍🍳🔪 是日精選：中拖羅、 吞拿食赤身、 帶子、 深海池魚、 三文魚、 甜蝦、平靜魚、 右口魚、 三文魚籽、 墨魚🍣味道鮮、甜、爽、滑, 用料高質, 而且份量剛好😋壽司飯以赤醋飯, 酸度温和、 柔軟醇香🤤

今日收工，想同同事一齊去間餐廳chill下飲下嘢，咁啱見到呢度Happy hour，啤酒同sake都買一送一，就入去試下。叫咗枝sake飲，有得揀杯，啲杯全部係雪凍咗嘅杯，店員都會幫手開埋枝sake，坐bar枱望住師傅係道整嘢食，都幾chill！諗住叫少少送酒小食，全部送到上嚟都係熱辣辣，啱啱整好嘅，值得讚賞！見到師傅整omakase 都勁有心思，手切吞拿魚蓉，係會特登挑返啲筋出嚟，好細節，可惜當日淨係約咗同事飲酒，未有機會試，下次會嚟試下呢道嘅omakase！

今日下晝向中環做完野時間尚早，決定向附近快食dinner, 見Stanley 11 頂樓呢間一緒一番好似好特別，一於試試💕頂樓個view 居高臨下，餐廳裝修好靚，全部客人都係可以坐向bar 枱睇住師傅準備菜式，方便同師傅交流☺️今晚唔算好肚餓，一於等師傅拍版刺身四點 - 飛機貨當然新鮮，仲有我最鍾意既右口甸同赤身，油香重又無筋，平正魚魚味好出，帶子鮮甜😋Cocktail sushi - 師傅話menu 無既😆有海膽， 吞拿魚蓉，金薄，三文魚子，調味壽司飯飯，淡雪鹽同紫蘇花點綴，presentation 又靚又好味🥰串燒拼盆- 有牛小排，青椒仔，雞皮，雞腿肉，豚肉，日本豆腐，最欣賞係個雞皮完全唔油又香脆，同個豆腐係醬汁燒，豆味濃❤️最後到甜品係抹茶和果子，入面有綠茶好朋友紅豆蓉，好滿足🤩呢間餐廳私隱度好高，好啱夜晚黎慶生，聽講lunch性價比仲高所以非常爆場，星期一-3 happy hour 飲酒買一送一，下次試埋呢兩個時段先💕

一直既認知係：食Omakase既價錢好浮動好海鮮價，所以一直未識應該點揀先唔會被騙了。今晚，就喺公司附近揀左間價錢穩陣（即唔會平到唔敢食，又唔會貴到飛起太離地😂😂）既Omakase黎個初體驗！今晚既廚師發辦：1）首先黎個刺身四色🍣（次序：左後、左前、右前、右後）———吞拿魚、平政、帶子同埋赤蝦🦐刺身厚切、全部都無筋無渣、新鮮軟腍，特別欣賞平政魚，第一次食，口感似油甘魚，但比油甘魚爽身少少、有咬口少少🌟🌟🌟帶子刺身用🍋薄片墊住，令帶子食起上黎倍感清新👍🏻👍🏻👍🏻2) Cocktail Sushi (special menu)🍸呢個係menu無既，特別為食Omakase客人準備的，present得份外矜貴，與別不同，壽司杯上面灑上食用金箔同淡雪鹽，呢個鹽只係淡淡既鹹味，一啲都無搶到海膽同蝦既鮮味，壽司飯係溝左醬油，好江戶style3）串燒🍢🍡超豐富既串燒雜錦：有芝士翠玉瓜、脆邊三角形豆腐、澳洲牛粒、燒雞翼、燒雞皮同埋燒豬腩肉🐷，好欣賞燒出黎既肉一啲都唔韌唔柴，特別係澳洲牛仲好爽口彈牙4）甜品以伯爵茶雪糕作結，茶味夠香唔澀又唔太甜❤️❤️❤️

今晚去左呢間位於中環Stanley 26樓既「一緒一番酒場」🏮餐廳以U型吧台設計😬景觀開揚仲可以睇到中環夜景😍酒場提供精心製作廚師發辦又可以散叫美食😉今晚就係美景中盡情享受師傅準備既美食🥰來到酒場酒不能少🤣先叫呢枝三千盛純米大吟釀🍶入口略帶辛口☺️冰飲清爽暢快🤗倒進型格風外型冰壺仲可以打下卡添🤭💓特色小食風乾河蝦🦐鱈魚乾🐟呢道小食以風乾代替油炸👍河蝦好甜又香口😍鱈魚乾輕輕炭燒變成脆香口感👍送酒一流🤭💓刺身四點包括赤身、帶子和油甘魚🐟及我最愛既牡丹蝦🦐極甜美的蝦肉與甘香蝦膏😊入口細綿帶爽🤤💓拖蘿蓉三文魚子海膽杯🤩飯粒仲加入蔥和紫蘇花提鮮🥰上面放既食用金箔提升華麗效果🤤💓厚身日本黑豚肉飯🐷師傅將黑豚肉滷至淋滑但保留嚼勁口感😬自家製的醬汁味道帶甜👍搭配日本芽菜和黑椒帶出豐富的口味和層次😍💓慢煮磯煮鮑魚配肝醬🥰鮑魚經過慢煮一整個下畫至柔軟口感且非常入味🤤鮑魚切片食落嫩滑無窮😍點埋肝醬味道更突出😍💓甜品櫻花草餅帶有獨特的花香味道😬味道偏甜架🤭🍶唔夠喉再點了枝無窮天穩齋香生酛純米吟釀🥰飲落順口帶有綿密濃郁米香甜味🤩都幾適合同一班朋友共享🥰總結餐廳既食材用料上乘👍師傅泡製既精緻菜單亦花盡心思🥰整晚跟我

唔講唔知原來呢間野蘭桂坊附近🤣平時喺下面飲得多都未試過喺上面飲嘢～原來呢度仲有得食阿媽家姐，而家新推出咗happy hour，見佢happy hour酒類買一送一，價錢又唔貴拖埋個friend嚟飲返兩杯，吹下水，上到黎先知，仲有個靚景！！！#作第一次飲sake，味道偏甜易入口，好smooth！唔鍾意飲酒嘅朋友仔都可以試吓，仲可以揀番個靚杯襯返啲酒，儀式感滿滿！#雞泡魚乾齋飲酒又好悶嘅，嗌咗啲小菜，好脆口好香，而且仲有個牛油果醬同沙律醬配埋，送酒又幾好#炸薯角熱辣辣炸起，超脆！不過好熱氣，難怪要配鬼佬涼茶啦😂😂😂下次要過嚟食阿媽家姐先得！！！！

-偶然嘅機會下發掘到中環呢一間餐廳，決定食餐好鼓勵自己😋 唔去都唔知原來喺stanley11望出去係可以好近距離咁望到中環d buildings~ 可能係因為高層同埋有藍天白雲☁️，所以就算有好多樓都覺得靚靚啊🤍 餐廳座位嘅設計係圍住個師傅坐，所以可以近距離咁欣賞師傅整嘢食😍 刺身拼盤😋 款款都好新鮮啊！中拖羅油分恰到好處又無筋，魚味濃厚🐟 金目鯛呈淡紅色，魚質嫩滑😇 鮮帶子睇圖都見到好厚身😍 Cocktail sushi 🍸 好精緻而且又特別嘅一款菜式😍 真係成個cocktail 咁每層有唔同食材🍸由上至下去就有芽蔥、菊花碎、金箔，之後就係三文魚籽同埋甜蝦 🦐 、然後係拖羅蓉，而最底下就係壽司飯😆 係的的骰骰，賣相真係一百分牛小排多士超好食又軟腍嘅牛小排上面有三文魚籽同黑松露🤍 連埋下面嘅多士一齊食好夾，一啖兩種口感😋 側邊有牛油果🥑醬同抹茶鹽，點啲嚟食又將味道提升至另一個層次🤤 從擺盤睇得出餐廳對於賣相有好高嘅要求🥰蕃茄牛肉意粉🍝跟住都嗌咗個熱食，想講個蕃茄牛肉意粉真係好好食😋😋 牛肉高質不在話下，一啲都唔靭👍🏻 其實個意粉入面係冇汁，但係好神奇地每食一條意粉都非常掛汁，唔會淡而無味

晚上和同事到一緒一番酒廠小酌，餐廳空間不大，餐台採吧台式，師傅能服務到每一位客人點了幾種刺身作為下酒料理，樣樣出色🍣托羅刺身厚切托羅刺身咬開鮮嫩清甜，好高質，完全沒有筋或一絲多餘的瑕疵，味道十分完美🍣帶子外表晶瑩純白，鮮嫩欲滴。一口食好滿足，味道新鮮且清爽，口感滑嫩入口即化。🍣刺身杯刺身杯是由師傅隨機創作，底層以日本米為底，鋪上鮭魚卵、吞拿魚、擺上吸引人的海膽再以些許金箔點綴。嚐在嘴裡，層次相當豐富，新鮮的食材才能賦予這道料理無比的美味，好滿足。總體而言，餐廳食材很新鮮高級，不過價位也是很高級🤪🤪偶爾可以來食幾串串燒，享受高空居酒屋，小酌怡情

這次小編想介紹一間位於中環D出口約5分鐘步行距離的廚師發辦日本餐廳——一緒一番酒場。🌟餐廳位於26樓，室內有兩面落地玻璃，除了能看到附近密密麻麻的商業大廈外，超高的採光度讓人感到十分舒適。因為小編早餐吃得太飽，所以未能嚐嚐他們的廚師發辦餐單，最後點了一個三色丼作為午餐。💁🏻‍♀️前菜麵豉湯味道濃郁；茶蒸碗的蛋味比其他店舖濃郁很多，口感非常香滑，再搭配上香濃的魚籽和香菇，超好吃😋💁🏻‍♀️主菜 $398三色丼簡直是令人驚艷🥹雖然價錢偏貴，但材料搭配的豐富程度絕對值回票價。這道丼飯包括了大量拖羅蓉、大量海膽和大量魚籽。海膽顏色非常鮮豔，味道超級鮮甜口感Creamy，吃得出是品質很高的海膽；魚籽鹹香味十足，為丼飯增添了不少鮮味；拖羅蓉質地柔軟細緻，口感鮮嫩，同時與海膽和魚籽相互襯托，使整個丼飯的口感更豐富。壽司飯的濕潤度剛剛好，而且飯的調味也非常恰到好處，味道偏鹹酸味較少。😍整體評分味道：🌟🌟🌟🌟🌟價錢：🌟🌟🌟環境：🌟🌟🌟🌟🌟服務態度：🌟🌟🌟🌟🌟Instagrammable：🌟🌟🌟🌟

When it comes to Japanese cuisine, there are few things that can be as decadent and delicious as a good sake. The Daiginjo served at this restaurant was no exception - with its delicate floral notes and smooth finish, it was the perfect accompaniment to the happy hour.The Black Truffle was a standout dish. It was beautifully presented, with the rich aroma of truffle wafting up from the plate as soon as it was set down. The truffle flavor was intense but not overpowering, and the creamy texture o