一生懸麵

營業中

休息中

突然之間今日好想食拉麵咁啱今日小妹去咗美之睇衫衫經過咗女人街 見到呢間拉麵店排哂長龍心諗 唔通真係咁好食？身為羊群心理之鬼既小妹就緊係跟咗過去排個小隊試一試啦因為夏天既關係 街上真係熱到我想放棄但因為太想食拉麵所以都係堅持咗落去等咗大約半個鐘終於入到去啦我個點單紙種類唔係好多但價錢真係算平最後叫咗個白湯豚骨拉麵好快個麵就到咗啦湯底都算濃 有陣陣豚骨味香 但食落又唔會覺得油膩叉燒好出色 半肥瘦 而且係燒出黎 有陣濃濃地既味 好有驚喜不過小妹就覺得個麵有啲淋下次黎人會叫硬麵總括黎講一生懸麵係間性價比好高既拉麵店

第二次黎食試下佢個人氣大熱雪糕拉麵一個花生一個柚子味第一次黎食係食櫻花蝦沾麵覺得幾好食 啲櫻花蝦無奇怪異味 平時出去食個啲有啲臭蝦味但係佢無 個燒肉係好食嘅 但第二次到訪就有啲失望揀咗普通硬度但食落去啲麵勁硬硬到頂胃 辣味加花生我覺得唔太夾同本來個雪糕都唔係重味友人食嘅柚子味我飲左啖湯 個陣味完全就係朗豪坊嘅廁所聞落嘅空氣清新劑味 雖然友人覺得唔錯 但如果叫我食我應該食唔落最好食嘅都係個塊叉燒👍🏻👍🏻👍🏻👍🏻如果想貪得意試下嘅話都可以嘅唔洗排隊的話

🌶一生懸面🍜之前見日本有間拉麵店出咗雪糕拉麵已經好想試估唔到香港都有得食我不嬲都好鐘意甜鹹配呢種複雜味道就睇下佢呢個雪糕拉麵夾唔夾先～首先不得不讚自己嘅當機立斷選擇去咗牛頭角分店無再喺旺角戀戰果然唔洗等位嘅如果喺旺角我諗都起碼要成個鐘呀誇張仲要依家呢啲魔鬼天氣排完都成身汗無哂心情食(((;՞;ٹ՞;));老老實實雪糕拉麵淨係賣相都已經好amazing ( ♥︎ᴗ♥︎ )打卡我俾五粒星湯底係採用辣豬骨湯我自己幾like就咁飲個味係幾香辣雪糕就係花生醬味雪糕其實食落有少少似擔擔麵不過雪糕個甜味愈食愈出一開始係好食慢慢就我就覺得漏咗啲(꒪⌓︎꒪)不過我好欣賞依家好多香港拉麵店都會出啲特別嘅期間限定有種百花齊放嘅感覺聽講嚟緊一生懸面又會出個清爽口味好期待㗎呢～(｡☌︎ᴗ☌︎｡)❤︎

總係慢人幾拍既🐥🐥今次終於試到呢間話題熱店一嘗前排好hit既雪糕拉麵🤤🤩一生懸麵🤩雪糕拉麵🍦🍜辛辣豚骨湯底本身都濃味辣得黎又幾惹味而雪糕就係花生口味Mix埋個湯 花生味唔出個人真係食唔到似擔擔麵既感覺但雪糕成功令個湯底creamy左同埋中和左個辣而個cone食落似硬啲啲既腐皮 甜甜地咁成件事幾有gimmick 影相幾靚📸但唔算好大驚喜唔伏 絕對可以一試💰$98特濃豚骨沾麵🐖🍜湯底夠濃不過最大敗筆唔夠杰身沾唔到麵個麵有得選硬度加分 但麵身唔算好掛到湯叉燒偏肥 不過食落唔會好油膩都幾淋幾好食既性價比幾高💰$79回頭率 :🐥🐥🐥🐥/5

一生懸麵 - 排咗成半個鐘多啲先食到！🥲特濃豚骨沾麵 $79有兩塊厚切叉燒，不過佢都係半肥瘦！我就覺得比較肥，尤其佢咁厚食落有啲油膩！🤧但叉燒係有再炙過面頭～所以食落會有啲燒肉既香味，但肉質食落有啲啲痴牙😢而麵質好煙靭！🤩🤩🤩不過好似有啲難掛汁，啲沾麵汁係好香既但我個人覺得偏鹹～我隻糖心蛋好似⋯唔係100%溏心🤣不過都唔錯🫶🏻 總括🥄整體泥講，其實都唔錯既～😘尤其對我泥講沾麵最緊要係啲麵啊！煙韌既麵係好吸引的，同埋鋪頭最好係有得揀返麵既硬度，而我揀咗正常同埋凍既～😚大家可以試！———————————————————————————📍 旺角通菜街73號地下價錢：🎖🎖🎖食物：🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其旺角

柚子雪糕拉麵，食落清新開胃，一啖雪糕一啖拉麵，最岩夏天食，唔會令你覺得熱，雪糕同拉麵湯底好夾，叉燒厚度適中，咬落去好肥味，啖啖肉，塘心蛋夠流心，整體黎講，正！夏天唔食佢就走寶！

雪糕拉麵 HKD 98 (花生醬味雪糕+辛辣湯底)雪糕配拉麵 同 薯條點雪糕嘅概念一樣🤫冰火幾得意，一試無妨😛我差唔多1345先到排隊，但都好快有位，唔洗排太耐，都仲有得食（12點開售限量40碗）花生醬味雪糕，但我食落去唔太覺有花生味，淨係見到有花生碎粒🥜，雪糕配熱食永遠都係絕配🤓冰火口感好正😋辛辣湯底對我依個食開譚仔三小辣麻辣唔太辣，只係太熱有啲流鼻水😂 可能係雪糕嘅甜度化咗啲辣味，不過我覺得已經很ok👍🏻如果太辣應該會多好多油，雪糕吸滿油就唔係幾好🙈另外佢雪糕都係偏硬身，雪得夠硬，延遲溶化嘅時間🔥一啖雪糕一啖拉麵☺️😋拉麵係扁身（有啲似扁意粉😂），硬度標準，唔會太軟都唔會太硬，軟硬適中，可以揀軟硬度👍🏻

魚介豚骨沾麵第一次食一生懸麵，6點半左右到，大概排左半個鐘入座。係門口等位嘅時候侍應就俾張點單紙我地，節省左入座後先再睇再落單時間。叫左左魚介豚骨沾麵，麵底硬度揀左標準同凍麵條。配有幾片半肥瘦嘅叉燒少量筍，同半隻溏心蛋。雖然係清湯底，但都非常濃郁。整體份量剛剛好👍🏻。

新出柚子雪糕拉麵 個湯底柚子香味ok 但本來豚骨味就唔重坐低係枱面，見到寫話個柚子雪糕特登增量（有一整球雪糕，compared to花生醬味雪糕拉麵得半球）。諗住鋪頭咁大方，點知原來伏黎既，個雪糕咁甜，仲要豚骨味唔重，融曬係湯變左成碗甜拉麵，溫度亦都因為雪糕而搞到唔熱唔凍。再吃原本就有既花生醬雪糕拉麵，其實花生味唔重，湯底好辣，不過不失其實雪糕好食，叉燒好食，麵好食，但係個湯底將所有野加埋就好失望希望下次試番沾麵同埋普通湯拉麵平日3點去，唔洗等位，咁既天氣要等位就不了

🤔雪糕同拉麵究竟係絕配定係惡夢呢？🤔雪糕溶化冷熱交融嘅口感又到底正唔正呀？🥰一生懸麵@issyoukenmen 。柚子雪糕拉麵🍜$98今日要介紹嘅係網紅雪糕拉麵🍜，12:00開門但係到11:30已經好多人排隊呀🥺。入返正題，雪糕好香柚子味，就咁食都好唔錯🥰。反而覺得加入拉麵有少少嘥咗個味🥺，不過都係一個唔錯嘅體驗！🥰個拉麵就普普通通，最鍾意係嗰兩舊肉肉🍖真係太滿足啦！一生懸麵 (旺角)旺角通菜街73號地下#hkfoodie #foodiehk #foodie #foodinsta #foodinstagram #foodblogger #foodbloggerhk #foodhk #foodinhk #eatinhk #hkig #hkfood #hkfoodblogger #hkfoodinsta #hkcafe #cafehk #desserthk #香港美食 #香港好去處 #美食 #美食日記 #美食推薦 #美食達人 #waffles #mojito #egg #foodadmirersoftheworld #咖啡 #拉麵 #ramen

日本いっしょけんめい (一生懸命)  大約意指一直努力不懈拼命去做一件事一生懸麵應該係指要拼命去做好呢碗麵？喺沾麵同拉麵之間猶豫不決，最後揀咗平啲啲嘅拉麵，就有錢嗌杯 Sapporo 啤🤪 加埋都唔使九十蚊，勁抵，仲要唔使加一💯豚骨湯底濃郁，真係好濃厚（食到中段自己加左啲七味粉同醋消消滯，又有新嘅食感）。麵質揀咗適中但係好似淋左小小（或者其實係幼身左小小），不過又唔太影響個口感既叉燒經過炙燒，將啲油脂迫晒出嚟，所以香口得嚟食落亦唔會太肥，肉質嫩入口即融，超正～（呢張可以睇到佢亮晶晶既寫真🤩✨）註：啤酒同拉麵係真係夾㗎!唔好覺得 lunch 就飲啤酒好過份呀～係 food pairing 嚟既～ 🍻

一生懸麵又係值得encore嘅一間拉麵店，前排仲同 @sweetddhk 合作出咗日本大熱嘅雪糕拉麵，又吸引咗唔少人去食，搞到次次經過都見到門口有條人龍🤦🏻‍♀️ 7月仲出咗柚子雪糕拉麵！不過我上次係6月去食，就未試到啦🙈•每碗麵嘅基本配料有2片叉燒、半隻半熟蛋、幾片竹荀。🥓叉燒係長條形，面頭有輕輕火炙/烤過，帶出嘅油脂味幾香～ 不過叉燒嘅肥瘦就好睇彩數🤣🥚半熟蛋嘅蛋味好香，而且醬油味入晒味😋但個人覺得隻蛋有少少太熟🤏🏼唔夠流心～•🥢 雪糕拉麵(花生醬) $98呢碗係將半個花生醬雪糕🍦加落辛辣豚骨拉麵到，出到嚟就變成擔擔面嘅感覺！花生醬雪糕會雪到比一般軟雪糕硬，唔會一嚟就溶晒，就咁食雪糕，花生醬味都好出🤩 一開始撈落湯，感覺得返辛辣味，因為湯拉麵始終比正宗擔擔麵稀啲，但花生醬味係越食越出！應該係撈勻返表面嘅花生碎同湯底嘅花生醬😋 再溶埋個雪糕，個辣味就中和咗少少～ 原本已經幾鍾意呢間嘅拉麵同配料，再加埋呢個新奇食法，值得再排隊嚟食！•🥢 海老沾麵 $85沾麵汁面頭放滿咗櫻花蝦，聞落幾香，將拉麵浸都好易沾滿湯同櫻花蝦，食落唔會太鹹，但就略厭油咗啲啲🙊

好耐無食拉麵，見到佢個魚介豚骨沾麵就好想食，不過見佢呢期最hit 應該係雪糕拉麵，可惜辣既食唔到。今日平日12點半去到，好彩得幾個人排隊，排左15分鐘到就成功入去。雪糕拉麵完來係有款唔辣既，柚子雪糕拉麵，叫左黎試下。魚介豚骨沾麵：個湯底好濃郁但唔會太咸，麵質雖然㨂左腍d, 但佢都係keep 住好彈牙少少煙韌。湯底唔錯幾掛汁，溏心蛋軟滑，最好食係塊叉燒。帶點厚身得黎夠腍唔痴牙，有炙燒過既香味同肥油香，吱埋個青檸汁感覺清新唔油膩。章魚燒： 佢夾落去係挺身唔係軟瀨瀨果種，外皮有少少脆口食落幾香，不過啲醬就比較少。煎餃子：皮薄熱辣辣微微脆正常水準。柚子雪糕拉麵：柚子豚骨湯底就咁飲都覺得幾好味，桔仔乳酪雪糕個味都好清新酸酸甜甜。 不過兩樣溝埋一齊就覺得有d 夾硬黎， 加上覺得拉麵唔熱真係唔好食，溝埋一齊真係破壞咗。我諗我下次嚟都係會食返普通拉麵

#wetdodo_九龍灣 #wetdodo_旺角 #wetdodo荃灣之前睇過日本有拉麵鋪出左雪糕拉麵後原來香港都緊隨其後🏃‍♂️一生懸麵既辛辣湯底配搭想甜嚐甜既雪糕每日唔同分店都係有限量供應當日星期日既中午12點去到九龍灣分店剛好入到第一輪～不過眼見又唔係太多人點呢個黎試🤣之後都出現左長龍但大部分人都係食完即走相信要等位既話都唔會太耐九龍灣分店鋪位較細 大約十幾個位only利申唔記得影menu用左openrice圖🫡———————————————————————🍦期間限定雪糕拉麵 $98😋：6.5/10呢個既湯底係辛辣湯黎本身我就冇食過呢到既辛辣就咁try既時候飲落feel到辣我估果個辣度大約譚仔5小至3小咁上下辣湯都唔錯 反而飲落佢既湯冇白湯咁咸相對上唔係話極濃 但反而入口會舒服而雪糕就係花生味單食都幾香濃 會想就咁買黎食😂拉麵係粗麵 好似係沾麵果種黎 幾彈牙入面配菜係溏心蛋 椰菜 竹筍 兩塊叉燒叉燒都係厚切火炙 但原來冇木耳絲架🥹接下落黎就試下兩樣撈埋食湯底係會有淡淡既花生香又唔係話唔夾既但湯底味道變左唔係濃郁 而係有啲creamy個人就覺得亦都唔似擔擔麵湯底(有啲人咁講如果你係一

好hit既拉麵鋪頭，見網上都好多好評，一早黎到都要排隊，湯係唔夠濃既，蝦係唔使錢既，最頂唔順係好硬既粗麵，個人口味問題，好hit既拉麵鋪頭，見網上都好多好評，一早黎到都要排隊，湯係唔夠濃既，蝦係唔使錢既，最頂唔順係好硬既粗麵，個人口味問題，食一次夠喇，好hit既拉麵鋪頭，見網上都好多好評，一早黎到都要排隊，湯係唔夠濃既，蝦係唔使錢既，最頂唔順係好硬既粗麵，個人口味問題，好hit既拉麵鋪頭，見網上都好多好評，一早黎到都要排隊，湯係唔夠濃既，蝦係唔使錢既，最頂唔順係好硬既粗麵，個人口味問題，食一次夠喇，小食唔掂