一生懸麵

營業中

休息中

聽講呢間超高cp同超足料嘅沾麵， 成日見到ig有介紹就同朋友過嚟試下我今次叫咗濃厚豚骨沾麵$78 仲加咗個半熟蛋$12湯十分夠熱湯頭入口濃郁偏鹹 麵量比一般沾麵多半肥瘦叉燒超正入口即溶 呢個價錢都幾抵食

🐟魚介豚骨沾麵呢度沾麵用嘅麵係比較幼身，叉燒份量偏少，魚介豚骨汁調味啱啱好，唔會過鹹，不過質地偏稀，唔係太掛湯，同埋上菜嘅時候都唔係好熱，所以食到最後就凍哂🥲🌶辛辣沾麵呢個沾麵冇得選擇辣度，不過都唔太辣，比起魚介豚骨沾麵會鹹啲，而個汁同樣都係上菜嘅時候都已經唔熱-整體嚟講有少少失望🥲 餐廳可以考慮用石鍋上個沾麵汁，或者改善返上菜嘅溫度-味道: 6.5/10服務: 7/10環境:7/10回頭率: 6/10總評: 6.5/10💰人均消費: $100

期間限定（仲夏版）柚子雪糕拉麵$98 桔仔乳酪雪糕🍦+柚子豚骨湯底 排隊時諗緊叫唔叫呢個拉麵好 心裡面有少少淆底 但最後決定鼓起勇氣試下呢個雪糕拉麵👀賣相好吸引 一黎到見到好開心😆 餐廳有指示教點食呢個拉麵 先飲啖湯, 係酸酸甜甜嘅柚子豚骨湯😍 好開胃好好味啊！麵條係扁+粗身個隻, 帶點麥味雪糕係超冰狀態, 係淡淡嘅乳酪味, 桔仔味就唔太濃, 食左一半雪糕就撈埋落個湯底, 原來會更加滑, 但同時又唔會黏稠咗/唔會令柚子湯淡咗😝 叉燒半肥瘦香烤過, 本身有半隻糖心蛋, 做到半熟而且夠味 我地覺得呢柚子雪糕拉麵好好食😋仲好食過海老沾麵🤣海老沾麵$85有超級多櫻花蝦係面, 個底有少少豚肉塊, 湯唔會過鹹唔油膩食沾麵更加突顯到麵條嘅重要性 好鍾意隻麵係有一點點麥 有嚼勁得黎又好掛湯章魚燒$28 比較少拉麵店有章魚燒食所以點左呢個有5粒 味道唔錯 唐揚炸雞$32 熱辣辣炸起, 肉質嫩滑 綠茶可樂$20淡淡嘅綠茶味, 第一次飲幾得意

💛好味指數:4.6/5💛💜回頭指數:4.5/5💜超人氣拉麵店🍜成日都見到好多人食，基本上每日都大排長龍🙊餐廳推出兩款限定拉麵，分別係桔仔乳酪味和花生醬味雪糕拉麵🍦出於好奇心一定要試下😆✅柚子雪糕拉麵$98雪糕同拉麵都係我中意嘅食物，但係溝埋一齊真係第一次🤔估唔到有意外驚喜🤣 雪糕係同想甜嚐甜聯成合作嘅桔仔乳酪雪糕🍦雪糕好重桔仔味，食完即刻想試下呢間甜品店😂拉麵係柚子豚骨味，柚子味濃，比起平時的拉麵湯底多咗份清新感🌿✅海老沾麵$85可以選熱/凍嘅湯底，湯底好多櫻花蝦，味道濃郁☺️叉燒有燒過，而且好大塊😆個人比較喜歡雪糕拉麵🍜✅煎餃子$28餃子煎到金黃色，咬落都幾多汁🥟✅唐揚炸雞$32店員話呢款係最多客人order的小食🍗炸得好脆又夠大件🐥🐻總結雪糕拉麵值得一試😆如果唔想排太耐，建議晏就過黎食🙈📍一生懸麵 (旺角)旺角通菜街73號地下

我呢就幾鍾意食拉麵沾麵嘅，自問都食唔少，喺旺角嘅一生懸麵最近好多人講，次次去到都排晒隊，餐廳推出咗款雪糕拉麵，可能有人會咁嘅組合係糟蹋緊拉麵，不過其實日本都曾經推出過呢個組合。咁今日呢就唔係講呢個雪糕拉麵，因為我唔鍾意食雪糕，所以我係冇興趣食㗎，我今次幫襯係想試佢嘅海老沾麵。當日要OT，成九點先岀到旺角，非常好彩冇人排隊，餐廳入面又有位就入咗去，由於實在太肚餓，除咗碗沾麵仲叫多咗份炸雞。先講吓個主角碗沾麵，我記得我叫嘅係沾麵，沾麵係麵同濃湯分開上，重點係濃湯兩隻字，我眼前碗湯絕對唔係濃湯，碗湯淡而無味而且稀到水咁，我敢直接飲晒佢都唔會怕腎虧，我個腎去柬埔寨活摘都仲可以賣到個好價錢。個炸雞為餐廳加返少少分，味道同份量都ok嘅，係啲炸粉厚咗啲咁。另外想反映嘅有兩件事，一係職員二係PR，我上面都有提及過我九點先坐低食，當時除咗我仲有三枱食客，兩個職員好似嫌我哋阻住佢收工咁，見我食完個炸雞就即刻收起隻碟，放低筷子嗰刻就走過嚟收咗隻碗同問我幾時埋單，我食到好飽同佢講想坐多陣先，同埋食完九點半都未到，其他食客都仲食緊，點知個職員連個水壼都收起埋想抹枱，大佬我仲坐咗喺喥㗎，我問佢可唔可以加多杯水先，

話說一直都bookmark左呢間好想去試，因為就係好想試佢個雪糕拉麵🤣 然後最近，我就真係走咗去試，諗住睇吓伏唔伏，因為見到好多人話好伏🤣 🧡柚子雪糕拉麵 $98表示以身犯險，食左個我平時一定唔會叫嘅湯底嘅拉麵（平時都會叫普通豚骨湯）要試就試到盡啊嘛🤣 我覺得好似無其他人講得咁伏首先我覺得湯底夠味，又唔覺太淡味，豚骨味重過柚子味，有少少柚子嘅甜味所以我又接受到🙆🏻‍♀️佢仲有個青檸喺入面，我諗有啲人話酸可能就係加左青檸？我都唔太清楚反正我就無加，所以都食唔到有酸味🤔🍦要讚嘅係我覺得個雪糕好好食，柚子味有，乳酪味都夠，又唔太甜，我覺得係似frozen yogurt嘅～ 但我個湯就無因為溝左雪糕而凍左，可能睇左佢個建議食法，本身就已經食左一半雪糕先撈埋淨底嗰一半落湯～撈左個味我又唔覺太奇怪，覺得成個湯可能就係多左啲奶味同埋杰身左少少～ 個麵無鹼水味，又入到味，我又覺得ok😚 同埋叉燒真係燒得幾好，炭燒味又夠，叉燒嘅質地又有多重層次，有肥有瘦又夠哂厚🤩唯一我覺得可圈可點嘅地方係浸雪糕筒落湯度食…我又唔覺浸完個質地會似腐皮，就係同平時淋左嘅雪糕筒一樣，我自己就比較prefer喺雪糕筒未淋之前食左

🍜 一生懸麵 x 想甜嚐甜 🍦香港人最鍾意期間限定+每日限量有兩間香港小店聯乘整咗個花生醬雪糕拉麵究竟係邊個咁痴線先諗到將個花生醬雪糕放落個熱辣辣拉麵到好啦其實日本人好似最近都興咁食不過香港冇乜舖頭敢整藝高人膽大 有兩間舖就合作整左而個味道食食下又覺得幾好食😋一生懸面嘅拉麵同埋沾麵條不嬲都好食辣豚骨湯底 半隻蛋 豚肉 加埋想甜嚐甜既花生醬雪糕都只係$98 碗花生醬雪糕勁好食好重花生醬味一律建議食咗個甜筒先一生懸面既麵不嬲都好掛湯口感彈牙 湯底又好濃兩者混合左之後有少少似四川擔擔麵P.S. 今個星期六諗住食多次見到門口有成廿幾個人排隊就放棄咗但係好想食多次呀呀

唔知大家係咪拉麵控呢🤪係嘅話應該對呢間拉麵鋪一啲都唔陌生🙈🙈 以前真係成日幫襯呢間，好食又唔貴🥳🥳 前排仲見到佢地新推出咗隻雪糕拉麵🍦🍜，呢個冰火組合終於的起心肝去試下🥰柚子雪糕拉麵 $98呢個柚子雪糕拉麵係採用咗桔仔乳酪雪糕再配埋個柚子豚骨做湯底～～我地就試咗店鋪嘅建議食法😛😛就係先飲一啖柚子豚骨湯底，品嘗一下湯底嘅味道，再食幾啖雪糕，享受下桔仔乳酪雪糕，再將雪糕撈入湯底中🤣🤣個感覺真係幾酸甜香滑，柚子味道非常清新特別😳味道絕對比想像好😋花生醬味雪糕拉麵 $98個人覺得花生醬口味呢個比較惹味🤪🤪因為怕太辣，所以就叫咗小辣，撈埋花生醬雪糕落湯底到，感覺就好似食梗擔擔麵咁，真係完全無違和感，雪糕溶咗之後令到湯底好creamy🤤 好好食呀🫣 而且麵粗身彈牙，叉燒肉質口感都好軟腍🤔🤔值得一試呀～～章魚燒 $28煎餃子 $28綠茶可樂 $20

因為雪糕拉麵既熱潮店舖排隊既人龍不斷，想食又唔想排隊既，可以係傍晚6點左右到就可以避開人潮。雪糕拉麵花生味🥜既雪糕配辛辣湯底味道出奇好夾，雪糕平衡左辣度，湯底更濃稠，炙燒過既豚肉肥瘦平均，覺得半熟蛋稍熟過頭，建議雪糕筒快手食，因為浸稔左就唔會想食。柚子雪糕拉麵期間限定款，🍊桔味雪糕配柚子湯底，好清新好岩係炎炎夏日食，桔味雪糕味道好出酸酸甜甜忍唔住就咁食左。有塊青檸，再唧既話就會偏酸，唔太好酸既話就唔好再加啦。其他補充以拉麵價錢黎講，性價比高，所以都經常食。除拉麵外亦有沾麵，海老沾麵滿滿櫻花蝦都好吸引，下次目標就係佢。小食方面就平平不錯，唔算有太大驚喜。💕歡迎FOLLOW IG📳na.foodie_tour

早已聽聞一生懸麵常常要大排長龍 人氣久高不下 今次特意挑選平日兩點半後到訪 希望避開高峰時期 結果證明我們的選擇是對了 好快就能夠入座 而店鋪外雖不見假日時的長長人龍 但來訪嘅人仍然不少 不斷有人在門外徘徊 翻桌率也極高一生懸麵嘅雪糕拉麵最近引起熱潮 而店鋪亦乘勝追擊 推出了新一款與炎炎夏日相當搭配的柚子雪糕拉麵 限量發售到訪時雖仍未售罄 不過我們首次光顧 選擇了打安全牌 先試試普通的拉麵海老拉麵（$85） 加半熟蛋（$12）麵上鋪滿了櫻花蝦 湯底味道濃郁 食落相當飽肚拉麵比較幼身 硬度選了標準 所以不算煙韌 尚算有咬口 野菜山拉麵（$75）加叉燒（$15）因為多加一塊叉燒的關係 令這碗麵看起來比起野菜山 更像是叉燒山哈哈 視覺效果相當震撼一開始見叉燒如此厚身 不禁擔憂會不會有太多脂肪 幸好完全相反 令我喜出望外！火炙過的叉燒入口即化 同行朋友第一口品嘗時 還以為是魚呢～特意選了野菜如此多的麵 感覺可以中和一下拉麵嘅油膩感這碗麵的拉麵比海老拉麵的略粗章魚燒（$28）外皮香脆可口 可惜章魚餡比較少雞軟骨棒（$28）推介這款小食！這款雞軟骨棒跟平常在串燒店所吃略有不同 加上惹味的醬汁 食起

前排終於都試咗一直人氣高企同每日都排晒長龍嘅 《一生懸麵》，因為知道佢哋新出左非常之有特色嘅雪糕拉麵，所以最終都係的起心肝嚟湊下熱鬧…😝😝😝我同朋友分別點咗花生醬雪糕拉麵及柚子雪糕拉麵，仲加配咗炸雞同章魚燒及飲品！嚟個豐富嘅午餐先！😁😁😁店內有一張食雪糕拉麵嘅指示，先飲一啖原味嘅豬骨湯底，再食大約二分一嘅雪糕，其餘的就混入湯中，可以食到酸、甜、香、滑幾個不同層次！花生醬雪糕拉麵味道對相比較濃郁，而柚子雪糕拉麵味道對相比較清新！還有肥美經火灼過嘅叉燒，仲有我最鍾意嘅溏心蛋，簡直係絕配嘅組合呀！難怪座無虛席啦！🤤🥰❤️

一直心思思想試但前排實在太多人食👭👫👯‍♂️今次終於可以食到喇😍🍦✨花生醬雪糕拉麵✨ 🥜 $98個雪糕好好味🤣係特濃嘅花生醬味👍🏻湯底係辛辣味(5小辣到🌶)mix左d雪糕係似特濃版擔擔麵湯🤭又唔會話好甜喎整體其實幾好食添😋叉燒有2塊🐷望落去似好肥但其實食落好ok🤤因為火炙過所以油脂會好香肉質都好腍好食🥰✨柚子雪糕拉麵✨🍊 $98呢個是夏日限定☀️有原個雪糕筒😍個雪糕都是好出色係好清新嘅柚子乳酪味🍦湯底係好香濃嘅豬骨湯柚子醬同柚子雪糕撈落去變左甜甜地🤭又幾過癮想講個雪糕筒浸左落d湯到又幾好食🤣味道絕對比想像中好😙值得一試💕✨白桃烏龍冷泡茶✨🍑 $18無糖冷泡茶真係唔會輸的☺️清香烏龍帶陣陣白桃甜香✨桂花烏龍冷泡茶✨🌼 $18都是無糖的👍🏻解渴解膩岩哂☺️

行旺角想食拉麵，諗起之前見過有一間好多人排就行咗過去，果然兩三點個人龍冇咁長，於是就排隊入去食～好快就已經可以入座，睇到隔離位食嘅雪糕拉麵，已經即刻諗住跟機超級適合打卡嘅雪糕拉麵，唔單止造型特別，味道原來都幾唔錯，花生味嘅雪糕配上辛辣嘅拉麵，出奇地非常之夾，有少少似擔擔面嘅組合，雪糕溶化之後亦都會令到個湯底更加creamy不過我好快就忍唔住食晒個雪糕，因為個雪糕都幾好食好解熱跟住朋友就叫咗個沾麵，係濃碟豚骨味，個湯底真係不得了，啲豬骨入晒味落個湯度！ 另外我覺得呢一間嘅拉麵都比較彈牙，我個人都係鍾意食彈牙少少嘅，所以呢一間十分之啱我口味，下次一定會再返嚟食！

次次經過都見到排哂隊 見到入面都唔算好少檯所以真係好好奇呢間拉麵店 前幾日早左搵食未到晚餐時間見到條人龍仲未算好長 就決定一試 排左二十分鐘左右就入到去見到做緊期間限定嘅雪糕拉麵雖然望落真係幾得意但因為唔想食咁甜而個人又更愛沾麵就食左唔係都有嘅沾麵🥢海老沾麵($85*)👉🏻個人真係好鍾意食蝦湯底嘅麵 見到湯面鋪滿左櫻花蝦已經好期待👉🏻雖然係用番自家豚骨湯 但海老味依然濃郁 👉🏻本身有跟半隻溫泉蛋、竹筍和兩件厚切叉燒👉🏻特別欣賞叉燒嘅味道 約1/3肥 2/3中間肥瘦 燒過之後油脂平均分布哂 味香但唔過膩 瘦個邊都夠冧🥢魚介豚骨沾麵($79*)👉🏻魚介豚骨湯濃度適中 唔會過鹹 帶點魚鮮味 直接飲都幾好飲👉🏻沾麵可以選冷食/熱食 麵質都可以選擇 自己選了正常 覺得軟硬度最岩岩好 麵質依然彈牙煙韌 鍾意食呢種有少少粗度嘅拉麵👉🏻呢度嘅份量和質素 對應番兩碗沾麵嘅價錢 個人覺得係抵嘅🥢唐揚雞($32*)👉🏻食拉麵經常會點份唐揚雞 今次都唔例外 👉🏻呢度份量一啲都唔細 每件炸雞都比想像中大件 🥢燒餃子($28*)👉🏻餃子要讚外皮都夠薄 但夾起唔會穿 👉🏻內裡嘅豚肉餡多 餃子顯得飽滿🥃綠茶可樂($2

突然之間今日好想食拉麵咁啱今日小妹去咗美之睇衫衫經過咗女人街 見到呢間拉麵店排哂長龍心諗 唔通真係咁好食？身為羊群心理之鬼既小妹就緊係跟咗過去排個小隊試一試啦因為夏天既關係 街上真係熱到我想放棄但因為太想食拉麵所以都係堅持咗落去等咗大約半個鐘終於入到去啦我個點單紙種類唔係好多但價錢真係算平最後叫咗個白湯豚骨拉麵好快個麵就到咗啦湯底都算濃 有陣陣豚骨味香 但食落又唔會覺得油膩叉燒好出色 半肥瘦 而且係燒出黎 有陣濃濃地既味 好有驚喜不過小妹就覺得個麵有啲淋下次黎人會叫硬麵總括黎講一生懸麵係間性價比好高既拉麵店