一杯鐵板燒居酒屋

營業中

休息中

今日因有事來觀塘，順道就和在觀塘上班的T吃晚飯。apm 食肆選擇不太多，最吸引的就算是一杯了。雖然打過電話來問時說, 晚上七點已經是fully book, 要walk-in 碰運氣, 但幸運的是兩人都準時完成手上的事務，六點半就到達一杯門口啦! 可以直接内進用餐 -- 雖然說八點要還枱，也是沒有問題的啦。一杯是一家居酒屋，裝修頗為別緻。最欣賞的地方是位置很闊，坐得很舒服。食物種類不少，主打是大阪燒啦、串燒、小食之類，飽肚的飯麵則只有少量選擇。本以為是圓形有很多椰菜的大阪燒加豬肉，但上桌了才發現是詭異的長方型。店員姐姐會幫忙把關西燒切四份噢，喜歡的話要求自己來也可以。吃到口才是真失望：豚平燒原來是 豚肉+雞蛋+粉漿的組合，少了椰菜絲的爽口感覺, 怪怪的。口感甚至讓我想起台灣的蚵仔煎… 蚵仔煎豬肉版，真的不易接受! 醬汁下得超級多，厚厚地浸著，口味甜又膩，不很合胃口。串燒之中揀了兩款小試一下。牛肉年糕燒, 年糕本來無味道，所以襯起大部分的食材都不會有違和感。切成薄片的牛包著年糕燒熟，牛肉雖不韌，年糕卻未夠綿軟，未有驚喜。雞肉明太子則是更失望，明太子味是完全吃不出，雞肉燒得算滑，但問題是上頭

燒鯖魚，比較乾身少少，似食咸魚。燒南瓜，幾甜幾香，好味的。牛油果壽司卷，普通味道，可以唔叫。蒜片炒牛肉粒，味道一般，沒有再想食的衝動。海膽炒飯，炒飯夠味，撈爛哂海膽食仲正。雜錦串燒，各款也OK吧。

一直想食下日本燒餅，不過嗌極都搵唔到FD去試呢間一杯最後有日Lunch就同媽媽一嚐了XDDD環境係居酒屋形式不過就好闊落，可以舒舒服服食又唔驚逼唔驚焗熱:^3一杯関西燒　$58関西燒上桌時仲係熱辣辣，新鮮整係吸引d面頭有不少木魚碎及海苔粉，微微增添香氣:^)燒餅皮係偏濕軟既，老實說係有種未熟既粉漿感（似文字燒）待應一切開，「咦，都幾多料喎！」入面不只有彈牙既牛筋粒及稔軟牛肉粒，仲有好多菜絲同蒟蒻粒質感十分有嚼勁，加上有點芝士香同蛋香，味道都不錯燒汁味濃但不膩，連埋美乃滋作調味，都幾開胃:^0我個人覺得味道同質感都不錯，不過唔中意濕黏感覺既就可能認為不太合意生薑豚肉石頭燒飯　$70石鍋飯香氣逼人，快快影完相之後待應馬上幫手將飯同配料趁熱混好生薑味唔算重，只是淡香，唔會話好辣豚肉薄得黎入味，帶清甜味而不油膩，就算飯底唔濃味都唔覺寡飯底有少少焦香，粒粒分明，煮得剛好，都算有嚼頭 

一直想搵一間居酒屋傾下計，睇開食評，見到啤酒的相片好吸引就決定黎試下。明知會好多人，所以一早諗住book 定枱，但服務員話當日唔full 所以walk in 便ok。但當我們去到見到大排長龍  ,但一場黎到就等下喇......一坐低緊係要叫番兩杯啤酒關西燒份量足夠,加埋炒面,兩個女仔食真係好飽 依個蟹肉忌廉是必食之選! 雖然得兩小球不足以滿足我地 其實仲有好多野想試,不過我已經飽飽地,所以留待下次再食

炎炎夏日來一杯冰涼的啤酒，簡直就是人生一大樂事。以冷凍技術將生啤打成零下5度的幼滑泡沫，這些冰凍的泡泡可以延長生啤的冰涼時間，那麼就不用趕著在啤酒暖化之前匆匆灌下，可以慢慢享受喇！至於吃的方面，這款regular的一杯關西燒，內有大量椰菜絲，還有牛筋和芝士。更可以由客人自行選擇配料，為自己作個最佳配搭。除了招牌的一杯關西燒之外，含有豚肉、粉漿、蛋的長方形豚平燒亦值得推介。還有看看賣相，已覺十分可愛有趣的南瓜沙律。南瓜蓉香甜，配上芋片或藕片一起吃，口感很棒。瑪姬必吃之選。吃起來。Dep Dep Dep♥

居酒屋設計師傅入面整鐵板燒, 但隔住木板睇唔到, 亦大油煙. 洋風清新魚沙津好味, 酸酸甜甜好開胃, 魚亦好新鮮, 好好既頭盤.豚肉關西燒得2塊薄切豚肉, 太少啦, 同無豚肉無咩分別, 而且太多汁, 變左好酸, 不過店員好細心,會幫你界開. 串燒: 雞肉明太子, 帆立貝, 鵪鶉蛋雞肉明太子無明太子味, 好多好多沙津醬.帆立貝幾大隻, 不過落得唔夠鹽.鵪鶉蛋, 都係偏淡.蜆麵豉湯唔夠麵豉味, 普通.海鹽荔枝梳打好好飲呀!

連續第三個星期六來食brunch。 關西一品燒之魷魚食咗咁多次，都係覺得魷魚最好食。魷魚大大只，重主要係魷魚須添，混合椰菜，荷包蛋，包裹在餅皮中，非常豐盈嘅口感，有脆(椰菜)有軟(雞蛋)有韌(魷魚)，一次過滿足你三個願望。上面淋上燒汁，沙律醬，撒上七味粉，木魚絲，味道更提升了。 味增比目魚可惜是炸嘅，本蛇唔敢食。但淺嘗之下也覺得很正。炸得外脆內軟嘅魚，外面crispy，但裡面的魚肉還鮮嫩無比，而且水分保持得很好。有一舊係魚塊，一舊係薄薄嘅魚皮。有肉有脆皮，任君選擇。最好食嘅緊係脆皮啦。醬汁是味增拌炒嘅茄子，小瓜，蘑菇，雖然有點過鹹，但搭配魚一起吃，相得益彰。想不到味增搭配魚都咁好食。 蘑菇煮牛舌本蛇最好牛舌，貪其口感軟韌，非常彈牙唔似一般肉咁死硬。牛舌切至小塊，應該係先煎過，唔會過淋。裡面配有蘑菇，可惜太少，青蔥。個醬汁好入味，但又唔鹹，有啲似廣式薑蔥嘅整法。原來呢間嘢唔止燒餅好食加，下次試多啲其他菜式先。

晚餐不想回家煮飯吃，到Apm隨便找到最後還是回到 一杯 ～ 但週末的等候真的有夠誇張了當下已過了平常晚飯時間，點了些來填肚子就好一杯關西燒 ﹝HKD$58﹞跟印象中的味道有點不像但說不出來是什麼原因，還是被心情所影響呢再來就是 鹽燒活鰻 ﹝HKD$55 / 1串﹞ 跟 燒牛舌 ﹝HKD$35 / 1串﹞鰻魚油脂很豐富味道也濃郁鮮美，加上肉厚無刺～ 那有不喜歡的理由啊等得頗久的牛舌，帶微微厚度肉香軟韌看來以後再訪的機率不高了，水準以及服務都不及從前希望商場會引進多點新的餐廳吧

上個禮拜晚無等到，今個星期一定要食到。一于中午來，11點九左右來到，無咩人。12點半開始多人，建議大家想食可以中午來。裝修很特別，好像日本嘅市場一樣。 關西二品燒 78自選餡料，有魷魚，蝦仁，干貝，泡菜，牛筋，芝士等選擇，我地選咗牛筋同魷魚。上到來，好大份啊，侍應幫我地一開9份。只見餡料呼之欲出，除自選餡料之外，還有雞蛋，椰菜，外加薄薄嘅餅皮，澆上燒汁，沙律醬，小熊話好似大碼嘅章魚燒喔。本蛇獨力食咗5舊，好飽啊。 鐵板三文魚扒定食 85有湯，米飯，漬物。三文魚扒外脆裡嫩，外皮很脆，猛火之下鎖住了三文魚嘅肉汁，鮮味十足。旁邊還配上蘑菇炒芽菜，就是有點油。 東洋卷 55蛋皮包著牛油果，鰻魚，蟹子。一口咬下去層次很豐富，各樣也很出色。唯一不足是蛋皮沒什麽香味，味如嚼蠟，需要改進，下次不會點了。

朋友一早訂左中午時間...一去到就已經有位坐...因為有小朋友...所以安排左我地坐卡位...不過位置唔係成日有店員行過...叫店員時比較麻煩...由食過既朋友點餐...Group 1三文魚茶漬飯...魚生飯...炒麵...關西燒茶漬飯同魚生飯我無試...唔知味道如何...炒麵味道唔錯...餸料都好多...因為我地食哂D麵都仲有餸...關西燒...唔記得係咩材料...不過好味...好多汁...好多菜...Group 2 我地就叫左雞肉烏冬同另一個關西燒...烏冬好味...好滑...另一個關西燒...材料係豬肉同牛筋...其實我覺得同之前個差唔多味道...只係多左D肉係裡面...哈...整體不錯...

今日同男友即興黎左食晚飯，我地五半就黎到等位，六點鐘入到去，坐吧枱，環境幾好，雖然冇去過日本不過感覺日本應該就係咁跟住睇左一輪就叫左五樣野，即叫即整之餘，上菜速度都幾快。第一樣係一杯燒，兩個人食非常夠，而且醬汁好好味！心食！第二樣係蟹肉忌廉球，我地都覺得一般，可以五試，而且要$48，有點貴，但都幾大粒下跟住叫左兩個串燒，一串係明太子醬雞肉串，男友話好味，我就五係好食到有咩味，可能食完一杯燒味蓋過左啦。跟住叫左燒牛舌，非常好味好爽口！心食推介！最後叫左個八爪魚炒面，d面好好味，配埋八爪魚同d料味道好出色！又係必食推介！成餐食左$25x ，夠飽，下次黎試魚生

放完假返工後，當然要好好對待自己 ~咁o岩有人約，梗係要去啦但係d人唔到最後一日都唔講去邊食，最後都係去返apm一杯，眾所周知呢間唔book位就要等位，好啦好啦，佢唔介意我都陪佢等喇 ~~~等左大半個鐘都算快 ~一坐低就叫2杯beer飲下先我最愛frozen .... 他只愛普通的....他不愛點菜，又交由我負責先來一客壽司6件，黎咁多次想叫好耐，好，就今日試下啦 !!!因為坐左係壽司吧，所以係望住師傅整的師傅好快手就握好壽司，將刺身鋪上就近師傅，所以d壽司都好新鮮，唔係放好耐刺身厚切，加上細細舊的手握飯，唔會話食完太飽食唔到其他野，非常好最愛海膽，他留給我，海膽好鮮甜，唔苦，不過如果舊飯可以唔好咁暖會好d，哈哈!!他吃了蔥花吞拿魚，我偷了一小口，吞拿魚好夠味，唔會太腥，入口即溶說到那隻大蝦，真係好甜好正，雖然應該都係雪貨，但不太有雪味，而且蝦頭好多膏，好正啊 !!!三文魚及吞拿魚都無食，給他吃了剩下一件忘記了是什麼魚，但味道好好，而且爽口叫了幾串串燒燒帶子、露荀、海鰻、一口牛好好味啊 !!!!雖然無叫少鹽，但今次已經竟然唔太咸，幾好幾好，有進步 !!!!不過燒露荀就爭d....下次都

每次晚飯經過都大排長龍 .. 所以一般都系望一望個門口就走但今日又系早左 又見冇人就決定入去試試 ...環境吾錯 .. 好有日本feel 感覺舒服 不過吾知系吾系岩岩開門所以d staff 都仲好busy 叫左幾次先有menu終於有個人拎menu俾我地na 佢向我地推介某一種既魚刺身 但一要就要全條但我地得兩個人所以吾考慮 同佢講睇完menu 先再叫佢我地2個人點左 茶漬飯 + 3文魚刺身 + 米餅 +串燒跟住果個人又再一次同我地講果隻魚點點點=.= 然後我地再一次拒絕左因為得2個人點食丫好啦...佢又走左 ..到我地再加order 既時間佢又再一次推介lol ...茶漬飯 :::: 咸到不得了 (因為我地未食過正宗既所以吾知正宗既會系點 所以就放埋一邊算)3文魚 ::::普通關西燒餅  ::: 味道都ok玉子川燒同牛柳 ::: 一d都5好食 ><"牛油果卷  ::: 都系普通亮點----- 米餅---- 呢個肉碎加米餅咁食口感特別 肉碎又夠味推介

日本壽司拉麵就吃得多=w=居酒屋之類比較少光顧~今次就來到這家吃 - 關西燒 我們一共點了三款的關西燒 - 豚肉、一杯關西燒！！(另外一款忘記了><)這店的店員會很貼心的先問我們有沒有需要拍照~會待我們拍好照後才幫我們將關西燒分成9份！其實味道是不錯的啊 >_<！不過最後一款的關西燒可能弄得太久的關係（?）..有點燶的味道Orz另外我們還點了串燒 串燒來說，我覺得牛舌最好吃 *U*！最後還點了燒豆腐 <~ 這個就一般一般吧。

「一坏」(不是—杯)，這是我今次的標題，且慢慢看下去，便知其意思！話說太座在觀塘上課至晚上九時半，家人移船就墈到觀塘等她吃飯。來到這商場，先問兩個寶貝意見，小妮子建議吃「王家沙」，但我中午才吃過上海菜，倒不如試試隔鄰的「一杯」！晚上9:35分，門外仍有一些人在等位，我走到接待處 (一個木櫃放些文具，餐牌，號碼紙之類。)一個包著頭巾的男子站崗，(其實個個都包頭巾)，我向他表示要四人檯的籌，他說已派完，我下意識無便離開，但回頭一想，又不是輪街症，怎會有派完這回事？再看清楚門外海報所寫的營業時間至 24：00，老天爺！收凌晨十二時，九時三十五分便不再接待新來的客人？我折返問該男子，「你們不是收十二點嗎？怎麼會無飛派？」他回答因last order是十一點，我説現在是九時四十分，距離last order還有一個多小時，他説：「你要可以給伱，但會等長些時閒！」我説等不是問題，結果給了我一張有輪候號碼的飛。等了十五分鐘，輪候的人客陸續入座，甚至連遲來兩位沒有飛的，也可即時入座，(不是不接客嗎？) 只剩下我們三人，及後太座也來了，我告訴她剛才的情況，她說這種服務態度還值得光顧嗎？是的！無謂繼續給人愚