一本食堂

營業中

休息中

第一次去「鴻圖樓」食嘢，原來都幾多選擇。今次揀咗火鍋，真係食到好飽。首先湯底我哋叫咗個花膠雞鍋，嚟咗一碟雞先，我哋一次過就放晒落啲湯度熬湯，個湯底本身都幾濃郁，飲咗一碗之後先至開始淥嘢食。啲牛都算幾靚，我哋叫咗「牛盛盆」，兩款牛都好味，冇諗過任食都有呢個質素👍🏻。「海鮮盆」唔記得咗影相，但係都豐富，不過我個人嚟講個牛比較出色啲。至於喺出邊任攞嘅食物種類都夠你食，夠豐富，其實根本食咗個牛同埋海鮮盆之後都起碼飽咗八成。

$298 就已經有花膠雞鍋嘅火鍋放題任食，包埋刺身同海洋！！！真係抵到爛呀！🤑 食到我捧住個肚走呀！🤰🏻 等我同大家分享下我嘅戰利品先！花膠雞鍋🐔湯底真係好濃郁，充滿膠質，雞肉都好嫩滑，正，而且清甜冇味精，就算想要多啲味 都要自己落鹽。然後，仲包埋一份牛盛盆🐮牛肉🥩嘅紋理好靚呀！ 我哋即刻放落個花膠雞鍋🐔度淥，牛肉吸收晒啲湯汁，真係好入味！😋 仲會有一份海鮮盆同刺身🦞🦀🦐入面有蝦、蠔、蜆等等，全部都好新鮮！😍 我哋都係放落個花膠雞鍋🐔度淥，海鮮嘅鮮味融入湯底，令個湯更加鮮甜！佢哋嘅炸物都可以無限任食，我勁鐘意佢嘅荔枝蝦球🍤！蝦球炸得金黃香脆，配埋酸酸甜甜嘅荔枝汁，真係好開胃！😋除咗以上嘅嘢食，我哋仲食咗好多其他嘢，例如沙律🥗、甜品🍰等等，真係應有盡有！🤩 $298一位，真係抵到爛！🤑

好差既一次體驗全晚除左花膠雞湯比較好之外其他食物都係水平之下環境好一般，攞食物既地方好細飲品選擇少，大部分都係汽水自家製既飲品（冬瓜茶和百香果啫喱）都係奇奇怪怪既味道？不過鐘意啤酒既有幾款選擇算不錯任食既牛同豬質素太差甜品睇落唔吸引不過最差既都係員工態度有個女店員趕住收工，我們個煲仲煮緊岩岩落左菜同肉，當時10點鬆啲啦女店員過來執枱，然後突然就叫我地熄火我地幾個黑人問號❓然後答佢，啲野末熟喎，點熄火？女店員回應仲搞笑「下，你地仲食緊㗎」然後就行開之後隔一陣就過來話就清場，不停趕你走認真，幾百個好評真係唔知點來整體性價比都勁低完全唔推介

最近發現咗一間隱世任飲任食火鍋🔥一本食堂位於觀塘鴻圖道30號3樓！298元一位！花膠雞火鍋盛宴！重點係無限時任食任食最啱約埋一大班朋友嚟傾偈聚餐！晚市來到全院滿座想食記得訂位啦⭐️新鮮刺身：三文魚、帶子和大蝦⭐️花膠雞：半隻雞件同花膠⭐️湯底：不加味精～店員推介先飲雞湯，再食雞件⭐️海鮮拼盤：生蠔、鮑魚、鮮蝦、鱔片、花甲⭐️頂級牛盛：盤小排、牛肩胛、牛板腱以上為1次性供應～其實都食到飽！無限追加炸物拼盤：炸蝦、炸雞、荔枝蝦球自助飲食區：煎三文魚骨、關東煮、大量火鍋配料、甜品同飲品一應俱全！想食到性價比高嘅火鍋來#一本食堂

只需每位298元，就能享受一頓性價比極高的花膠雞火鍋盛宴，無限時任食任飲，真係抵到爛！坐下先奉上一碟新鮮刺身，有三文魚、帶子和大蝦，讓人味蕾大開。火鍋由半隻雞件和大量花膠開始，湯底不加味精，清甜滋味。先飲雞湯，再食雞件，然後再用海鮮與頂級牛肉打邊爐，層層遞進，享受升級。每位送上一份海鮮拼盤，包括生蠔、鮑魚、鮮蝦、鱔片、花甲，海味十足。緊接送上頂級牛盛盤，集齊牛小排、牛肩胛、牛板腱及一口和牛粒，肉質鮮嫩。這兩盤雖然是一次性供應，但已經非常豐富。炸物拼盤則包括炸𧎚、炸雞、荔枝蝦球，這個更是可以無限追加，啱晒炸物控！仲未完，外邊雪櫃還有更多自助美食：前菜（必試煎三文魚骨和關東煮）、火鍋配料（推介三文魚頭魚鮫）、甜品（和菓子、朱古力蛋糕）和各式飲品全部任飲任食。我將三文魚頭魚鮫加埋冬瓜煲湯，滾出奶白魚湯，味道一流！這個價錢，這個內容，無論食材質素還是選擇多樣，絕對物超所值。

平時都冇特別去留言，今次真係中晒伏。見到d comment話好好食，黎到見到個雞同花膠都好似似模似樣咁，個湯黎到勁淡，姐姐叫我地跟返自己口味加鹽，加左鹽好味好多黎左d一次性牛，海鮮同刺身，個樣都麻麻地放係出面任食任拎既食物，見到個樣都唔多想拎，個賣相出哂事，放啲蝦果盆冰全部變晒水 D丸又無咩選擇，個樣又好似擺左n耐咁款全程只係食菜同辛辣麵填飽個肚，都唔知啲好評係點嚟… 我地呢餐只可以用果腹黎形容，真係唔會有下次，不可一不可再

花膠雞湯冇味，好似水咁，雞又鞋又唔好食一開始會比兩碟聲稱“靚”d既牛同海鮮。但係d牛食落又厚又鞋，海鮮有鮑魚、蝦、蠔、蜆。除左蜆之外其他唔新鮮，蠔仲要連埋蠔殼上，要客人自己用牛油刀拎出黎。其他所謂任食既食材都好難食，可以肉眼睇得出蟹柳甩色，午餐肉隻色一睇就知唔靚。。冇見過一間放題可以差唔多所有食材都係低劣，好少留食評，感覺上呢間鋪頭冇當客人既食物係食物，樣樣都用最cheap..

最近天氣又凍凍地，又係時候約埋朋友一齊食火鍋，最近朋友帶路去左呢間位於觀塘的「一本食堂」，餐廳走日系裝修為主，掛滿日本油紙傘好似去左日本咁🥰呢度主打無限時火鍋放題，人均$298可以食盡花膠雞/海鮮/頂級牛，唔想打邊爐佢地都有刺身壽司單點，食物質素都好高架😉無限時火鍋放題晚市全時段  $298/位包花膠雞湯底, 送時令海鮮拼盤同頂級牛盛盤, 🐥花膠雞鍋加左半隻雞真材實料，入口嫩滑多汁，花膠份量都好多，索曬湯汁更加鮮甜，店員仲同我地講佢地係用新鮮材料零味精，打邊爐用黎煮野食更加清甜海鮮拼盤/頂級牛盛盤呢兩個拼盤雖然唔係任食不過食材真係幾高質，海鮮有鮑魚、生蠔、海蝦、帶子同魚片，全部都好新鮮，自己最愛鮑魚，爽口彈牙大滿足🐟牛盛盤有4款牛肉, 睇賣相都知好食，自己最愛雪花一口和牛粒，啖啖肉口感軟諗，帶濃香肉味🐮炸物炸物都有好多款選擇，炸粉不會太厚，熱辣辣香口惹味，推介榴連炸彈，香口惹味餐廳分開配料區、醬料區及飲品區供客人自由選擇，配料有齊肉類、鵝腸, 基圍蝦等等，另外仲有小朋友最愛的台灣腸同關東煮，飲品除左茶、汽水之外，仲有泰國象啤任飲

每位 $298 任食花膠雞鍋送時令海鮮5款同送4款牛，見有人介紹而且 openrice 幾百個正評，諗住可以一試，呢個價錢唔預佢非常好食，但應該最少正正常常。點知！個花膠湯底無味嘅，花膠煮埋每舊同手指頭差唔多大粒，計埋得五六粒，雞無味，蝦無味，鮑魚無味，魚片無味，蜆無味，牛肉無味，蠔有臭味！任食選擇少，每樣都霉 dum dur！唔好話畀錢任食，送我都唔會上嚟食！好少可嬲到要上返嚟 openrice 打食評，希望你哋做得好啲，都希望打好評嘅人都係憑良心打食評。

最近來到觀塘食飯，平時來到一本食堂都係食日本野為主，估吾到最近更推出了任食打邊爐🍲鍋底係花膠雞鍋，真係好滋補養顏又養生。食完雞飲完花膠湯，就可以改為火鍋啦🍲$298一位任食無限時，除左送埋海鮮盤同頂級牛盛盤🥰其他火鍋食物，蔬菜，甜品，飲料，仲有啤酒都係任食任飲，簡簡單單約朋友食雞煲火鍋打邊爐再無限時甘飲酒飲到醉真系吾係發夢，來一本食堂絕對可以滿足到😋而且食物方面真係好豐富，想飲飽食醉來一本食堂啦🥰

今日嚟到觀塘區一間任食邊爐，CP值極高，質素也不錯，唔單止有啤酒汽水任飲，仲送海鮮拼盤同埋同埋頂級牛盛拼盤，係我近期食過最抵食嘅一間邊爐放題。 湯底：餐廳係用花膠雞湯，標榜冇落任何味精。佢哋用咗肉量非常之多嘅雞同埋size好大嘅花膠，湯底清甜得來又食到湯料，淨係飲佢個湯都換晒本海鮮拼盤：大大隻生蠔、鮑魚、鯇魚、帶子，冇諗過比呢個價錢會食到呢啲item，用了新鮮一啲都唔Hea。牛盛拼盤：賣相非常吸引，望牛肉嘅顏色好紅潤，油脂分布好平均食得出牛肉嘅質素好高。全場仲有啤酒汽水任飲，雪糕飲食，仲有啲熱葷，人均$298 加一，同區嚟講簡直係性價比之王！

今晚同朋友來到一本食堂既花膠雞湯打邊爐放題😆。餐廳嘅環境乾淨整潔，坐喺度食飯真係好舒服。打邊爐最緊要就係冷氣夠涼😂，呢度嘅冷氣真係夠涼，打邊爐唔會覺得焗🤣。一上來，服務員就會即刻將新鮮嘅雞同花膠放落鍋裏面，等佢哋慢慢滾起。湯底一煮好，就可以飲啦！飲落去真係好滑，膠原滿滿😍，完全無味精，健康又補身，真係非常讚👏🏻。飲哂成煲湯😂，就開始打邊爐～ 首先上咗一盤海鮮，有大頭蝦🦐、鮑魚、元貝同埋生蠔🦪，全部都好新鮮，份量又夠大隻，真係食到好滿足。再來嘅係牛柳粒同手切牛肉，肉質非常鮮美，食落去口感一流。小食方面，炸雞、荔枝蝦球同天婦羅都好值得一試。特別係炸雞，外脆內嫩，肉汁充足，食一口就令人回味無窮😋。荔枝蝦球亦都好特別，蝦球外脆內滑，仲帶有淡淡嘅荔枝香味。最後，真係要讚一下餐廳服務好好，同埋外面嘅自助區所有打邊爐食材，包括菜、丸同鵝腸等，都擺得好整齊乾淨，讓人選擇起來更加方便👍🏻。

觀塘打工仔有福！今次同同事摸上鴻圖樓3樓試新嘢，$298位花膠雞放題性價比唔錯～🐓花膠雞湯真心掂，首先要讚個金黃湯底，飲落真係冇味精喉嚨唔痕！老闆話用足5個鐘熬制，我哋飲完兩碗先開始打邊爐👌 花膠共有四件，雞件肉質唔鞋口，加多份雞都係免費嘅～送一份嘅頂級牛盛盤！Prime牛小排雪花紋靚到犯規，輕輕一拖入口即化😍 和牛粒咬落爆油香，牛肩胛肉味濃得嚟唔韌👍🏻海鮮中規中矩，海鮮拼盤有生蠔/鮑魚/元貝/大頭蝦/魚片，鮑魚同元貝算爽口，大頭蝦肉質實淨。反而自取區任食嘅基圍蝦同蜆幾好😌拎咗啲前菜，中華沙律，芝麻八爪魚同螺肉，炸雞件脆皮juicy～自取區嘅台灣腸好邪惡，咬落爆油仲有黑椒香味，蔬菜款式多而且乾淨企理🥬以呢個價錢食到Prime牛+足料花膠雞湯，仲可以任坐唔催交枱，觀塘區來講算超值！

今晚嚟左《一本食堂》食無限時火煱。選了一個「花膠雞鍋套餐」。呢個套餐包括有:✨一個海鮮盤有大大隻嘅蝦、鮮甜帶子 和 Q彈嘅鮑魚。海鮮吸收埋湯底味道更顯鮮味。✨️頂级牛盛盤包括有牛小排、牛肩胛、安格斯牛板腱 和 頂頭放有雪花和牛粒。一次過就食到牛不同部位，口感多樣，而肉質都好鮮嫩。✨️荔枝蝦球炸物荔枝蝦球外脆內軟，又爽滑彈牙。✨️自助區食物可自助任拎火煱食物，例如:有各式丸類、新鮮嘅菜、秘製嘅醬料，十分豐富。又提供甜品，包括有滋養嘅雪耳燉糖水、滑溜嘅芒果布丁 和 多款味道雪糕，作為呢餐完美嘅句号。

👧🏻😋👅🍽✨觀塘價 做俾你😍-🌸 無限時火鍋放題晚市全時段只需$298/位, 包花膠雞湯底, 送時令海鮮拼盤同頂級牛盛盤, 再加一人一件原條鰻魚壽司-▪️花膠雞鍋🐓 半隻雞勁嫩滑, 花膠大大抽勁足料, 店員溫提新鮮材料零味精, 如果鐘意鹹啲可落枱面海鹽, 但我地食雞既鮮味油香已覺得好足夠😍▫️海鮮拼盤/頂級牛盛盤（一次）🦪 生蠔, 鮑魚, 海蝦, 帶子, 魚片份量足好新鮮🥩 牛盛盤有4款牛肉, 最鐘意軟滑鮮甜既雪花一口和牛粒▪炸物/原條鰻魚壽司🍤 唔係款款炸物自助區有得拎, 落單後會先送上一輪, 喜歡可以叫店員再點, 荔枝蝦球外脆內彈滑好唔錯🍣 一本除左做放題, 都有刺身壽司單點, 送既長長鰻魚壽司彈牙帶油香好食!▫️放題🍲 其他配料雖然冇一次性既拼盤咁premium, 但整齊企理又夠多元化, 肉類細細碟用保鮮紙封好, 亦有鵝腸, 雞子, 基圍蝦等🍗 熟食有關東煮同台灣腸都幾特別, 最正係泰國象啤任飲😍