一本食堂

營業中

休息中

今次同朋友去咗呢間位於觀塘嘅「一本食堂」食火鍋放題，每位 $298 任食，有花膠雞鍋，個湯底超濃厚，雞肉嫩滑，花膠更令整個湯起哂膠，我忍唔住飲咗兩碗，感覺充滿骨膠原 🤭。另有牛盛盆同海鮮盆送，牛盛盆嘅牛肉質素唔錯，好有肉香。海鮮盆都幾新鮮，尤其是生蠔好鮮甜。另再上個剌身拼盤，亦都好新鮮。之後又上個荔枝蝦球炸物拼盤，有新意而且幾特別，味道亦唔錯。出面亦有個自助區可以任攞食物，生熟區都有，好多選擇，飲品種類非常多，仲有甜品雪糕好多款式，食得好飽好滿足。整體嚟講，環境舒適，裝潢帶有日本風，坐位寬躺，食物多選擇亦幾有水準，服務態度亦非常好，屬於性價比高嘅一間餐廳，適合朋友聚會或者一家人聚餐嘅好地方。

我因為喺IG見到有個foodie介紹所以先至走過黎試點知刺身海鮮同埋牛肉都係得一次性佢可以任食牛肉非常之劣食佢送既一次性海鮮，個生蠔大就大隻不過煮完都係腥既！而且可以任食嘅種類都唔多唯一一樣可以再添既野食就係佢地既炸物然後佢個花膠雞煲睇落好似好精神點知個湯一飲落去！嘩淡到好似水咁樣！我自己煲湯都好飲過佢啊真係然後佢既配料我諗住葱係最Basic既配料，佢竟然都冇？！飲品既種類亦都唔多選擇既總之呢一間野我自己幫大家試左伏希望大家唔好中伏😫

今日係人生之中第2次來，話說我咁岩黎左觀塘，諗緊食時，就想起這家日本野，記憶中唔貴，咁12點就帶埋哥哥來食啦～叫左生蝦，雜錦魚生飯，金菇肥牛飯+15蚊有一款魚生，我地叫左帶子同三文魚，另外飲品就叫左檸檬7，大約2xx蚊埋單，我食既金菇牛肉味道好好，個飯都好好食，帶子同三文魚都新鮮，生蝦我就覺得麻麻，地方又夠大，裝修就不特別起眼，整體黎講都有80分架，咁見佢夜晚有花膠雞，所以同哥哥都有計劃試埋架，觀塘雖然平時小去，但都值得一試

觀塘出名多野食應該好多人都知，今次行過見到呢棟鴻圖樓，真係俾佢嘅外牆吸引😍原來樓上3樓有間花膠雞鍋任飲任食放題‼️仲要係無 限 時 ‼️真係啱晒收工同同事一齊黎chill下👭花膠雞鍋做湯底，未落材料前，一定要飲啖湯再食雞，完全冇落味精，真係幾清甜👍時令海鮮盤 (一次性)分別有大大隻生蠔｜爽口彈牙嘅鮑魚｜蝦｜蜆｜ 脆鯇片刺身拼盤 (一次性)三文魚｜大蝦｜帶子都幾新鮮鮮甜頂級牛盛盆🐂 (一次性)頂級牛小排prime｜頂級牛肩胛prime｜安格斯牛板腱｜雪花一口和牛粒牛嘅肉質都幾嫩滑同牛味都幾香濃👍炸物拼盤｜任叫任食‼️荔枝炸蝦球｜推薦‼️入面都幾多蝦肉👍炸雞｜炸蝦出面仲有好多火鍋配料｜熟食｜甜品｜雪糕俾你任夾任食👍值得一讚佢嘅啤酒種類款式都幾多選擇，啱晒同朋友慢慢傾下計，飲下酒🍻

4位大人，其中一老人，$298加一，先有花膠雞煲、魚生（三文魚、蝦、帶子）、一盤海鮮（蠔、鮑魚、鱔、蝦、沙白？）、一盤骰仔牛+牛其實食晒都6分飽，不過鍾意食三文魚嘅仲有燒三文魚同可獎攞返埋位煮嘅三文魚，攞左2舊魚鮫，唔錯👍🏿，因為太飽，冇試晒其他食材，所以唔多評論但個環境都幾闊落，比左張6人枱我地，但個冷氣就唔算好勁，係接受到嘅熱加少少涼，但冰住海鮮嘅冰就大半變晒水，野飲都唔算好多款，但酒好妗人有4款，鍾意飲酒岩晒

首先呢就係多謝ig 打手先會去呢間嘢食牛呢刺身 海鮮全部都係得一碟嘅啫而且呢食物質素就係普通 海鮮隻鮑魚臭嘅生蠔一咬落去成口沙所謂嘅花膠雞 雞又唔好食湯就明顯唔係煮 飲落呢似濃湯寶開出嚟自助取嘢食bar 我都唔識形容啊炸嘅嘢又唔熱 唯一我覺得可以嘅係有啤酒配料又少 甜品又雞 外邊拎嘅牛肉 黑色嘅 差到呢我都忍唔住埋單嘅時候真係講一講呢一個質素 埋單兩個人656

老友約我放工後，去位於觀塘鴻圖道30號3樓的<一本食堂>食雞鍋和打邊爐，環境舒適，坐得舒服。我哋點咗：兩個$298自助晚餐📍花膠雞鍋：半隻雞和花膠📍牛盛盆：牛小排、牛肩胛、牛板腱、一口牛柳粒📍海鮮盆： 有鮮蝦、蠔、鮑魚、 鱔片、花甲📍三點刺身： 有三文魚、日本帶子、赤蝦📍炸物：有鮮蝦天婦羅、炸雞、荔枝蝦球📍自助區：煎三文魚骨、關東煮、腸 和各式火鍋配料📍飲品：各款罐裝飲品、冷泡茶📍甜品：芒果布甸、和果子、雪糕整體嚟講係食材新鮮又豐富，任食放題好開心。

第一次去「鴻圖樓」食嘢，原來都幾多選擇。今次揀咗火鍋，真係食到好飽。首先湯底我哋叫咗個花膠雞鍋，嚟咗一碟雞先，我哋一次過就放晒落啲湯度熬湯，個湯底本身都幾濃郁，飲咗一碗之後先至開始淥嘢食。啲牛都算幾靚，我哋叫咗「牛盛盆」，兩款牛都好味，冇諗過任食都有呢個質素👍🏻。「海鮮盆」唔記得咗影相，但係都豐富，不過我個人嚟講個牛比較出色啲。至於喺出邊任攞嘅食物種類都夠你食，夠豐富，其實根本食咗個牛同埋海鮮盆之後都起碼飽咗八成。

$298 就已經有花膠雞鍋嘅火鍋放題任食，包埋刺身同海洋！！！真係抵到爛呀！🤑 食到我捧住個肚走呀！🤰🏻 等我同大家分享下我嘅戰利品先！花膠雞鍋🐔湯底真係好濃郁，充滿膠質，雞肉都好嫩滑，正，而且清甜冇味精，就算想要多啲味 都要自己落鹽。然後，仲包埋一份牛盛盆🐮牛肉🥩嘅紋理好靚呀！ 我哋即刻放落個花膠雞鍋🐔度淥，牛肉吸收晒啲湯汁，真係好入味！😋 仲會有一份海鮮盆同刺身🦞🦀🦐入面有蝦、蠔、蜆等等，全部都好新鮮！😍 我哋都係放落個花膠雞鍋🐔度淥，海鮮嘅鮮味融入湯底，令個湯更加鮮甜！佢哋嘅炸物都可以無限任食，我勁鐘意佢嘅荔枝蝦球🍤！蝦球炸得金黃香脆，配埋酸酸甜甜嘅荔枝汁，真係好開胃！😋除咗以上嘅嘢食，我哋仲食咗好多其他嘢，例如沙律🥗、甜品🍰等等，真係應有盡有！🤩 $298一位，真係抵到爛！🤑

好差既一次體驗全晚除左花膠雞湯比較好之外其他食物都係水平之下環境好一般，攞食物既地方好細飲品選擇少，大部分都係汽水自家製既飲品（冬瓜茶和百香果啫喱）都係奇奇怪怪既味道？不過鐘意啤酒既有幾款選擇算不錯任食既牛同豬質素太差甜品睇落唔吸引不過最差既都係員工態度有個女店員趕住收工，我們個煲仲煮緊岩岩落左菜同肉，當時10點鬆啲啦女店員過來執枱，然後突然就叫我地熄火我地幾個黑人問號❓然後答佢，啲野末熟喎，點熄火？女店員回應仲搞笑「下，你地仲食緊㗎」然後就行開之後隔一陣就過來話就清場，不停趕你走認真，幾百個好評真係唔知點來整體性價比都勁低完全唔推介

最近發現咗一間隱世任飲任食火鍋🔥一本食堂位於觀塘鴻圖道30號3樓！298元一位！花膠雞火鍋盛宴！重點係無限時任食任食最啱約埋一大班朋友嚟傾偈聚餐！晚市來到全院滿座想食記得訂位啦⭐️新鮮刺身：三文魚、帶子和大蝦⭐️花膠雞：半隻雞件同花膠⭐️湯底：不加味精～店員推介先飲雞湯，再食雞件⭐️海鮮拼盤：生蠔、鮑魚、鮮蝦、鱔片、花甲⭐️頂級牛盛：盤小排、牛肩胛、牛板腱以上為1次性供應～其實都食到飽！無限追加炸物拼盤：炸蝦、炸雞、荔枝蝦球自助飲食區：煎三文魚骨、關東煮、大量火鍋配料、甜品同飲品一應俱全！想食到性價比高嘅火鍋來#一本食堂

只需每位298元，就能享受一頓性價比極高的花膠雞火鍋盛宴，無限時任食任飲，真係抵到爛！坐下先奉上一碟新鮮刺身，有三文魚、帶子和大蝦，讓人味蕾大開。火鍋由半隻雞件和大量花膠開始，湯底不加味精，清甜滋味。先飲雞湯，再食雞件，然後再用海鮮與頂級牛肉打邊爐，層層遞進，享受升級。每位送上一份海鮮拼盤，包括生蠔、鮑魚、鮮蝦、鱔片、花甲，海味十足。緊接送上頂級牛盛盤，集齊牛小排、牛肩胛、牛板腱及一口和牛粒，肉質鮮嫩。這兩盤雖然是一次性供應，但已經非常豐富。炸物拼盤則包括炸𧎚、炸雞、荔枝蝦球，這個更是可以無限追加，啱晒炸物控！仲未完，外邊雪櫃還有更多自助美食：前菜（必試煎三文魚骨和關東煮）、火鍋配料（推介三文魚頭魚鮫）、甜品（和菓子、朱古力蛋糕）和各式飲品全部任飲任食。我將三文魚頭魚鮫加埋冬瓜煲湯，滾出奶白魚湯，味道一流！這個價錢，這個內容，無論食材質素還是選擇多樣，絕對物超所值。

平時都冇特別去留言，今次真係中晒伏。見到d comment話好好食，黎到見到個雞同花膠都好似似模似樣咁，個湯黎到勁淡，姐姐叫我地跟返自己口味加鹽，加左鹽好味好多黎左d一次性牛，海鮮同刺身，個樣都麻麻地放係出面任食任拎既食物，見到個樣都唔多想拎，個賣相出哂事，放啲蝦果盆冰全部變晒水 D丸又無咩選擇，個樣又好似擺左n耐咁款全程只係食菜同辛辣麵填飽個肚，都唔知啲好評係點嚟… 我地呢餐只可以用果腹黎形容，真係唔會有下次，不可一不可再

花膠雞湯冇味，好似水咁，雞又鞋又唔好食一開始會比兩碟聲稱“靚”d既牛同海鮮。但係d牛食落又厚又鞋，海鮮有鮑魚、蝦、蠔、蜆。除左蜆之外其他唔新鮮，蠔仲要連埋蠔殼上，要客人自己用牛油刀拎出黎。其他所謂任食既食材都好難食，可以肉眼睇得出蟹柳甩色，午餐肉隻色一睇就知唔靚。。冇見過一間放題可以差唔多所有食材都係低劣，好少留食評，感覺上呢間鋪頭冇當客人既食物係食物，樣樣都用最cheap..

最近天氣又凍凍地，又係時候約埋朋友一齊食火鍋，最近朋友帶路去左呢間位於觀塘的「一本食堂」，餐廳走日系裝修為主，掛滿日本油紙傘好似去左日本咁🥰呢度主打無限時火鍋放題，人均$298可以食盡花膠雞/海鮮/頂級牛，唔想打邊爐佢地都有刺身壽司單點，食物質素都好高架😉無限時火鍋放題晚市全時段  $298/位包花膠雞湯底, 送時令海鮮拼盤同頂級牛盛盤, 🐥花膠雞鍋加左半隻雞真材實料，入口嫩滑多汁，花膠份量都好多，索曬湯汁更加鮮甜，店員仲同我地講佢地係用新鮮材料零味精，打邊爐用黎煮野食更加清甜海鮮拼盤/頂級牛盛盤呢兩個拼盤雖然唔係任食不過食材真係幾高質，海鮮有鮑魚、生蠔、海蝦、帶子同魚片，全部都好新鮮，自己最愛鮑魚，爽口彈牙大滿足🐟牛盛盤有4款牛肉, 睇賣相都知好食，自己最愛雪花一口和牛粒，啖啖肉口感軟諗，帶濃香肉味🐮炸物炸物都有好多款選擇，炸粉不會太厚，熱辣辣香口惹味，推介榴連炸彈，香口惹味餐廳分開配料區、醬料區及飲品區供客人自由選擇，配料有齊肉類、鵝腸, 基圍蝦等等，另外仲有小朋友最愛的台灣腸同關東煮，飲品除左茶、汽水之外，仲有泰國象啤任飲