一幻拉麵

營業中

休息中

偷得浮生半日閒，經過海運大廈開了一幻拉麵，環境亦不錯，終是去試。要了一碗鹽味湯底，粗麵的义燒拉麵。蝦味濃而不膩，糖心蛋亦好食, 麵質亦彈牙。望住海景十分療癒舒服。

拉麵之旅再度展開！來到日本過江龍的一幻拉麵以鮮蝦濃郁湯底做綽頭，有別於大眾的豚骨湯底。新店在海港城地下向海的方向，店舖新裝修，樓底高空間感強，位置很多，目測可容納60多人。我點了原味鮮湯底加鹽味調味配粗麵，這個是推薦的配搭，第一啖果然蝦味濃郁，湯底有厚度，粗麵條掛湯，彈牙好有口感！而糖心蛋就有點孤寒，只有半只，不過水準之上。叉燒一片簿簿的但入口即溶，不過完全唔夠喉。可惜食多幾啖，就愈來愈覺得湯底很咸，很口渴，湯底減一半咸味就一百分喇！男朋友點了濃厚豚骨選味噌口味配粗麵，明顯嚐到豚骨味但仍然是蝦湯作主體，而味噌都淡淡滲出，其實味道真的很特別，湯底又夠足料，可惜還是太過咸。餃子真是不要點，外皮不香脆，餡料沒特別。除了太咸，湯底的味道絕對令人回頭。

有個服務員服務態度極差 推缷落單錯誤 下單紙指示混亂既責任尖沙咀店的下單紙上只提供兩款麵一是尖沙咀店限定既拌麵 二是拉麵 紙上沒有明確指示下方食材選擇只適用於拉麵 不適用於拌麵朋友下單時在沒有清楚指示情況下選了拌麵 並把下方食材選擇也一同圈上 服務員在收到下單紙時沒有跟我們確認下單便假設我們選的是拉麵 而不是我們原來想下的拌麵拉麵端來的時候 朋友發現來錯了 向服務員詢問 唯對方態度惡劣 一副事不關己的樣子 敷衍回答 這並不是他的問題 還堅持自己毫無問題 不肯給我們換上拌麵其實能不能換麵並不是最重要 如果能禮貌解釋下單紙上如何清晰指示顧客下單 或隨便道一聲歉解釋為什麼不能換麵 即可但總括而言1) 下單紙是沒有指示/說明的2) 難道沒有跟客人確認下單是正常程序?3) 難道對客人下單紙上選項有疑問的便罔下斷定又是正確做法嗎?

睇完大英博物館展覽之後朋友講起前一日我地係海港城見到間新開拉麵就去一試。好好彩無咩人排隊，入到去竟然有窗口位😍 望住個海景食拉麵個感覺真係好嘆♥️我要左佢個推介:普通濃度鹽味粗麵，一黎到都見到泛左層油，飲啖湯，嘩真係好濃蝦味🦐🦐但飲多幾啖真係飲唔到，覺得好漏🙈 粗麵掛汁不過少硬，咁我就知我下次要揀軟先岩口味~溏心蛋係水準之上👍🏻另外加左餃子同蝦飯團，餃子又係皮薄多汁既水準之作~ 蝦飯團無蝦係入面架，但一入口就充滿蝦味，不得了~~可以下次再食既，$88 一碗既價錢比預期既低，係呢個位置食算係有良心架啦😅

香港的日式拉麵店開得成行成市，對常吃拉麵的朋友難免會有點膩，拌麵會否有點新意？來到尖沙咀的一幻拉麵店，拉麵是以蝦作為湯底，店內面積頗大，靠窗的是海景座位，令人好舒適。店內貼心的提供叉電位，供客人一面吃一面充電。尖沙咀店特意推出限定的特濃蝦汁叉燒拌麵，由拉麵店創辦人所創作。特濃蝦汁叉燒拌麵 $88特濃蝦汁叉燒拌麵是尖沙咀店限定，拌麵的醬汁由蝦油，蒜蓉，蝦味醬油和特濃蝦汁調製而成，即叫即做，而且不會好多，以免變成湯麵。可以吃到蝦汁的鮮味，而”特濃”則多加一份咸香。將蝦汁，紫菜絲，日本叉燒，麵酥，溏心蛋，青蔥和麵拌勻吃，非常豐富。餐廳特意選用粗麵，提升掛汁的能力，又有不錯的口感。叉燒飯 $45無意中點了一碗叉燒飯，竟然意外的驚喜，叉燒和一般所吃的不一樣，入口是甜味，腍身而且多汁，拌勻飯吃感覺像吃滷肉飯，忍不住吃了一大碗。臨走時還可以選購拉麵回家煮。開張期間還有抽獎券。雖然拌麵並非一個主流，但在拉麵泛濫的情況之下，拌麵的確提供了一個好選擇。

原味蝦湯拉麵- 湯面有一層油，與湯混和後湯底偏黏稠。鹽味湯底只鹹不鮮，蝦味似有若無。湯有鹼水味，不討好- 幼麵彈牙al dente，但有鹼水味- 橙紅色的蝦酥鹹脆但沒蝦味，青蔥不鮮不香，起不到平衡湯底油膩之效- 溏心蛋鹹香，蛋黃甘香呈膏狀，討好- 叉燒薄滑，7分肥3分瘦帶肉香

拉麵我最鍾意食架啦~要食一碗好拉麵唔通真係成日飛去日本咩今日我有幸去到尖沙咀做野，咪搵下有咩食lo,聽朋友講最近有間日本拉麵店開左間分店係尖沙咀，我決定去試一試佢風采啦間拉麵店唔難搵，行入海港城最底層，直行就見到。門口就沒咩神秘感，但入面可以睇得出都好受歡迎下我小弟一位去食，就坐佢地吧枱位，員工親切比張落單紙我..原來有兩款拉麵提供選擇，一個就係拌麵，另一款就係傳統拉麵。雖然特濃蝦汁拌麵個賣相又幾吸引既，但鍾情於有湯既拉麵的我，最後都決定傳統式拉麵😍拉麵湯底有 味噌，鹽味 同醬油 供大家選擇，其實3款我都想試，但我就得一個胃，只好擇推介既鹽味試下，其他兩款唯有下次同朋友黎再試下啦~好啦~拉麵黎啦，一拎起匙羹，即刻試下個湯底先。*嘩嘩嘩 個湯底好正呀，~有蝦味又有豬骨湯味，第一次嘗試到咁既滋味lo,以前真係未試過。88蚊有咁既質素，大佬!出面邊到有得搵呀...麵條就軟硬恰到好處，肉就比較一般，唔鍾意食肥肉朋友就岩哂啦~今次我就叫多個餃子試下，餃子就比較同一般出面其他拉麵店無咩高下之分，非常普通。唔建議大家去比三十幾蚊去試。總結: 湯底非常之正，未試過咁好飲湯底，可能有蝦湯味，但對蝦敏感朋

ラーメン🍜試樓下新開拉麵可能放緊暑假 lunch去竟然等位我地4個人等左好耐…可能舖頭2人枱較多又多2個人黎食我地叫左濃厚豚骨湯同原味湯底 $88加一濃厚真係好濃厚！個湯底杰杰地好飽肚又成個人暖笠笠咁🤤就算係濃厚豚骨都仲食得出蝦味👍🏻不過建議想試真d佢既蝦湯都係叫返原味啦~

見到身邊好多朋友都有喺一幻打咭，今日我又想試一番。大約六點，我哋去到海港城分店，幸好唔洗排隊，直接進入，可惜係坐唔到窗邊睇海景，而係被安排吧枱。電話無乜電，幸好座位旁邊都有個叉電位，好貼心 （呢個要讚）我點咗限定嘅特濃蝦汁叉燒拌麵 $88，同埋一碟餃子 $35。餃子唔算特別，反而唔夠脆，下次可以SKIP！至於拌麵，我一直以為係沾麵，有個湯掛汁，原來啲湯汁同麵放埋一齊。拌麵係粗麵條，而湯汁就係濃蝦汁，仲有紫菜、叉燒粒、蔥等等，撈埋一齊就食得。食第一啖覺得有啲一般，但食下食下又覺得都OK喎，初初覺得啲湯汁咁少，會唔會越食越淡要加湯？原來我錯喇，反而係越食越濃，每啖都有濃濃蝦汁味，頗惹味，不知不覺KO一碗了！ 反而友人叫嘅拉麵就覺得太油，感覺一般。呢碗拌麪唔算好出色，但會讓我有衝動下次再食呢 ：）

雖然拉麵風已經吹了好一段時間，但仍是不斷有新的拉麵店登場，這次吃的拉麵就擁有靚景。位於海港城的一幻拉麵分店，對比起一般的拉麵店地方更大，更好坐。幸運地被帶到全店只有數個的”海景位”，可以一面欣賞維港夜景，一面品嚐食物，相信這種享受在香港的拉麵店中寥寥可數。一幻的特色是蝦湯，不論拉麵拌麵都有。濃厚豚骨醬油幼麵 $88以這個價錢來說，能在海港城吃到海景拌麵實在無話可說。湯底在鮮蝦湯加入了濃厚的豚骨醬油，得出更濃郁的拉麵湯，愛濃湯拉麵的絕對不能錯過。肥瘦均勻的日本叉燒，溏心蛋，青蔥，麵酥已足夠令拉麵豐富起來。叉燒飯 $45拉麵店往往被人忽略的就是拉麵以外的菜色。驚喜的叉燒飯，入口的第一感覺已令我想起台灣的滷肉飯。豐富的叉燒絕非只是以量取勝，切成小件的日本叉燒肥瘦適中，入口香腍，輕易令人愛上。配合麵酥的的香脆和青蔥的清新感覺，無疑令叉燒飯錦上添花。吃拉麵一般都不會用上很多時間，但看著醉人景色，你的身體卻很誠實，放慢了，享受當下。

知道出咗新麵：特濃蝦汁叉燒拌麵，今日終於有時間去試。唔知係咪地庫關係，好少可拉麵舖無人排隊，放工7點幾既時間，一去到唔使等位就入得啦欣賞地方：拌麵賣相唔錯，夠餵飽對眼。麵條煮得啱啱好，食落會有少少硬，好𡁻口。湯汁夠哂撈混一個麵，絕對唔會唔夠味。橙色一粒粒炸咗既野我唔知係乜，不過食落蝦味最濃。失望地方：隻蛋煮到熟哂又凍，真係好唔開心覺得有趣：叉燒為咗方便撈，切丁，食落似紅燒肉/大粒既肉燥總括而言，味道唔錯，不過湯汁蝦味我覺得唔夠濃。要返食都可以既！

The view is wonderful if you manage to go there early enough and there’s one or two of you. I had the original prawn with salt based hard thick noodles. It was prawn infused but not quite like a western lobster bisque more salty and less condensed and thick more watery but it was sooooo salty! Unlike other japanese ramen joints they don’t give free cold ice water or even hot green tea so I just felt my mouth watered with an overwhelming amount of salt. It’s not my cup of te sorry! The view is ni

飲食篇的新聞大約和娛樂新聞一樣，一個星期可以有咁多事發生，特別暑假時分，舊餐廳大大小小的promotion，新餐廳又如雨後春筍一樣，你的肚皮可以吃得幾多，就有幾多。 你看見黑糖珍珠奶茶成行成市，連開三間，你看到日本廚師發板開完一家又有一間，簡直係全盛時期嘅情況。 可能你會覺得近來拉麵的風頭好像有點比下去，數到最近的潮流應該要說剛剛海港城開的麵屋一燈和灣仔的一幻，但如果你冇睇一排飲食界的新聞，你不知道原來佢已經靜悄悄地喺海港城佔據了一個有利位置。 你試過睇住維港的無敵大海景食拉麵未，我就未試過，開業的第一晚去到已經人頭湧湧，小弟不才，霸佔不了海景位置同讀者分享，不過三個月冇食拉麵嘅我實在太思念拉麵的快感，因此我和朋友吃了餐牌大部份的選擇和各位讀者分享。 不過都係簡單說，無論湯麵到香港特別版的撈麵，都叫人吃得感動，還有叉燒飯和餃子，那個鹽味和味噌都是叫懷念的北海道味。 先說這個只有尖沙咀特濃蝦汁叉燒拌麵。 最強的一定是那個特濃蝦汁，用上蝦頭，蔬菜，蝦湯煮過的湯，試一口蝦汁已經是無敵，當然如果你對蝦不愛或有敵敏感，我想你還是去第二度吃拉麵好過了。 不能錯過的還有那生蒜，拌麵一流。

海港城的海景, 很美, 畢竟, 一個海港, 只有一個海港城. 一面吃拉麵, 一面看海景, 這個畫面, 浪漫嗎? 一幻拉麵的海港城分店, 就帶來這特定的享受.以拉麵店來說, 是很漂亮的景色, 環境一欄, 很高分了.特濃蝦汁叉燒拌麵 $88 這分店的特別之處, 是供應特濃蝦汁叉燒拌麵, 其他分店沒有的.麵條指定用粗麵, 因為粗麵的掛汁能力是比較好, 但就不夠爽口. 至於蝦汁, 味道挺有鮮味, 蝦味算是很香濃, 再跟蒜蓉及醬油拌勻, 很入味. 至於叉燒是丁方狀的, 配上溏心蛋, 蝦酥, 青蔥, 跟紫菜絲, 整體配搭合宜.純蝦湯鹽味幼麵 $88 當然不是單吃拌麵, 也有吃拉麵, 今次就吃純蝦湯鹽味幼麵.跟豬骨湯的濃烈味道相比, 蝦湯賣的是那陣鮮味, 要我去選擇, 還是蝦湯來得更合我心意. 加上鹽味後, 就變成鹹鮮的感覺. 這一款的麵條選來幼麵, 挺爽彈, 但就未算太能掛湯. 叉燒雖是瘦肉, 但肉質不會是實實的, 而溏心蛋亦夠溏心, 是水準之上的拉麵.一幻叉燒飯 $45 在拉麵店, 也有吃飯當作小點的安排. 這裡的一幻叉燒飯, 混合叉燒, 麵酥, 青蔥, 跟辣椒醬, 吃的時候, 當然要伴混來吃,

海港城這個地段, 畢竟是香港的黃金位置, 一幻新店開在這裡, 實是信心的表現. 這個海景, 任何時候看, 也是動人的. 只是, 那動人時光, 不知還能保存多久? 人在變, 香港, 更在變.是晚放工後趕來, 人, 很累了. 但能夠一家三口一同吃頓晚餐, 已經很好. 海港城分店的當店限定, 是特濃蝦汁叉燒拌麵, 當然要來一碗, 其他的, 就跟灣仔店沒有大分別.特濃蝦汁叉燒拌麵 $88: 8.5分, 先由當店限定開始. 特濃蝦汁叉燒拌麵, 賣相不俗, 跟純蝦湯鹽味粗麵相比是別不同的.麵條不用選擇, 一定是粗麵, 掛汁能力不錯, 質感爽彈度就是一般. 當然, 此品的亮點就是那蝦汁, 味道香濃中帶蝦的鮮味, 蒜蓉及醬油香, 把麵拌勻後, 每條麵條也吸收到蝦汁的味道, 美味度自然大大提升.叉燒是切成小粒, 跟平日吃拉麵的格式不同, 但就更加適合拌麵吃.溏心蛋的溏心度令人滿意, 加上蝦酥, 青蔥, 以及紫菜絲, 整體感覺更豐富.純蝦湯鹽味幼麵 $88: 8.5分, 拌麵之外, 不能缺少的是拉麵, 三種湯底, 三種口味, 兩種麵質的配對, 這次我們選來的是純蝦湯鹽味幼麵.跟上次灣仔店相比, 那口蝦湯,