一幻拉麵

營業中

休息中

對於拉麵控的我 每次聽到有人話邊度有好食拉麵我都會去試。 就算明知冇日本當地咁好食， 我都願意去試。餃子皮非常薄， 煎得好靚， 肉餡啱啱好呢個拉麵湯底非常濃郁， 個湯底一口氣我飲咗半碗， 今次配著合左粗麵 麵條非常有彈性 配合濃濃的湯底， 啱曬鍾意重口味嘅我！ 個叉燒厚薄適中， 入口唔鞋身！食完要買個麵底返屋企煮係我習慣

上年去北海道已經諗住試吓新千歲機場入面嘅一幻拉面, 因為無論網上或者身邊嘅朋友都有推介呢間一幻拉面。但由於實在大排長龍再加上趕飛機最終無食到。估唔到事隔一年佢就黎香港開鋪, 襯住熱潮過咗無咁多人就去試下。夜晚9點去到, 但門口仍然有十幾人喺度排隊, 相比起之前已經唔算多人。大概等咗20分鐘就入到去, 可惜佢窗邊望到維港景嘅位已經封咗俾員工執拾緊, 所以就坐咗bar枱。叫咗碗尖沙咀店限定嘅特濃蝦汁叉燒拌面。一碗要88蚊, 可以選擇拌面配料嘅份量, 至於面嘅粗幼軟硬無記錯亦有得揀。拌面嘅汁係由蒜蓉、蝦味醬油、蝦油同埋一幻特製嘅蝦汁混合而成。面上覆蓋住蔥粒、炸蝦子、紫菜、叉燒同埋溏心蛋, 所以未拌之前唔覺得拌面嘅汁好多, 但其實食到最後會發現有汁淨。由於汁嘅量都唔少又濃味, 而面亦非常掛湯, 所以食嘅時候可能要飲多幾啖水。但整體黎講, 我覺得蝦味非常濃郁, 如果接受到比較咸嘅味道, 一定會好鐘意食。88蚊食到日本越洋黎香港開鋪嘅拉面店算係合理, 下次再黎會試埋佢另一款比較受歡迎嘅味噌蝦湯拉面。

新年新開始，第一餐要吃好的，從前有個習俗，生日或過節要食麵，寓意長長久久或長壽，新年伊始就應應節吧，走去吃麵。原本以為今天元旦會大排長龍，只抱著碰碰運氣的心態過去看看，噢，竟然不用排隊，還好運到有卡位坐，不需坐吧枱知道店內最近推出期間限定的辛辣味噌蝦湯拉麵，喜歡吃辣的一定要試試，今次選了粗麵，另加了葱及麵酥做配料，麵質有嚼勁，湯頭有濃郁的蝦子味，味道夠刺激辛辣有層次，兩片义燒厚薄適中夠嫩滑，溏心蛋熟成度剛剛好，而麵酥雖然是配角，但卻有驚喜，粒粒香脆的口感很有特色。另外一個貼心的地方是每個坐位設自助凍水掣，吃得㷫起可以随時降温，還有值得一提的是那個蒜末，帶點鹹辣，味道飽滿豐富。

濃厚豚骨拉麵加鹽粗面溏心蛋加叉燒加餃子一個人食飽到瀉。。。。後尾先知原來本身已經有叉燒下次唔洗加！！！開業到而家已經第3次食食過香港咁多間拉麵，佢呢間個湯同麵都算叫做幾熱，而家咁凍既天氣碗麵由頭食到落尾都仲係好熱！個麵賣相幾好，中間位置啲龍蝦籽係炒好左先再放係面，所以係非常之脆！湯底濃郁度適中，入口龍蝦味好重，不喜歡重味的可以叫原味，喜歡濃味可以簡濃厚不過場內佢地啲同事就係咁傾計，須知道有啲人食飯時間只有一小時。。。。係非常之趕的！如果唔太趕時間可以食下！！！！！！價錢貴左少少，但係可接受範圍既都！日日食就唔得喇！

呢間餐廳長期多人排隊，今晚黎到都見到有十個人度排緊，好彩吾洗等好耐都入到😙但大家黎食真係要下時間等位總共有三款麵，我就叫左特濃蝦汁叉燒拌麵 ，呢個麵係尖沙咀店限定架，所以一見到佢我就決定點呢個😍特濃蝦汁叉燒拌麵 $88個麵賣相吾錯，個櫻花蝦好香，值得一讚，個麵都幾有咬口，至於個汁都幾濃蝦香味，但濃到食到後尾覺得有d太咸🤣所以最尾我都食吾晒🙈個蛋都扣左少少分，因為吾夠流心。服務：野食都幾快到，侍應態度吾錯😊👍🏻

虾味十足！個麵真係好好食湯底夠濃值得再食！太好食關係食哂先記得唔記得影相OMG店員態度欠佳。如果可以改善服務態度！咁服務費會比得甘心d有好多個位、帶帶下有人舉手之後又叫我們在門口再等

北海道一幻拉麵。個人一向喜歡食拉麵，香港灣仔首間開張後一直都好多人而未去，尖沙咀海港城海運再開一間，環境舒適，這間一幻拉麵分店更有全球獨家的特濃蝦拌麵，去到當然一定要食，加蝦湯拉麵再加餃子，2款拉麵的麵質雖然不同但一樣夠口感非常彈牙，湯底同個名一樣好有蝦味十分濃郁而不太重味，好味，而拌麵就更加濃郁，價錢都好相宜，更可以講係好抵食，可以一去再去，真係想成盒拉麵買返屋企宵夜可以煮。最近天氣凍，拉麵就最岩

灣仔果間開咗冇耐試都未試就響尖咀插旗，然後尖咀有限定拌麵咁緊係去尖咀試啦，雖然去到果陣打緊蛇餅，但大部份都係等多人枱，二人的話等一陣已經入得😏一次攻頂叫哂撈麵湯麵飯同餃子，個撈麵真係要撈到好勻先上到汁，用粗麵麵身偏軟我幾鐘意，個汁幾香但蝦味唔算話好勁，而叉燒係用肉碎始終冇角切咁吸引。至於湯麵揀咗原味蝦湯鹽味口味，就咁飲咗啖，好油但蝦味同樣唔重，個飯就同撈麵用料一樣，不過撈湯汁食其實幾正，餃子煎得脆脆薄薄唔差但都唔係特別好食囉😌

我係個超級拉麵控，去親日本一定會日日食一碗先夠候，至仲意豬骨湯底既拉麵，朋友成日都跟我講呢間一幻大有來頭，但開左咁耐，今日都係第一次先去個到食，因為今日係平日，唔洗排隊就入到去，一入到去就坐係望住個海既位，雖然係夜晚，但望住個五光十色既海景，真係好寫意。一坐低就有張紙比我地填湯底/拉麵既選擇，拉麵可以揀幼/粗/同中麵，而湯底竟然有得揀蝦🦐同豬🐖骨既濃度！真係好驚喜，另外仲可以揀埋想落埋醬油/鹽味/面豉係湯底。過左無耐，個熱辣辣既🦐飯團就黎左，好香既🦐味，食落去好夠味，就咁食都好好食，仲有🦐肉！之後個拉面都黎左，就係食到我好有驚喜！好濃烈既鮮🦐味！仲有夾雜住好濃郁既豬骨味，好正🤤另外佢既豚肉都值得一讚，好軟林肥瘦又適中。而且拉麵黎講，佢真係唔算貴！

又一間坐落喺海港城嘅過江龍拉麵店，呢間嘅招牌係蝦味湯底，不過因為我未試過日本嘅分店，所以我先試香港店唔知對佢公唔公平，咁我唯有當佢係平時拉麵舖咁黎品評啦！第一次試，梗係叫返最經典嘅蝦味加鹽味啦，至於朋友就叫咗碗尖沙咀店限定嘅特濃蝦汁叉燒拌面。先講蝦湯拉麵，蝦味都幾足，唔使另外叫麵豉味都夠濃郁，撈埋佢上面嘅麵酥一齊食，就更加惹味啦！流心蛋做得尚算OK，稍為熟咗少少，叉燒就不過不失啦！反而個拌麵更加有驚喜，因為佢個特濃蝦汁比起平時個蝦湯更濃，撈埋佢個幾掛湯嘅麵，就更加每啖都充滿蝦味！另外仲試咗佢個餃子同埋蝦味飯團，餃子唔算太出色，平時日本食到嘅質素，至於我有啲期待嘅蝦味飯團，就好似冇乜蝦味喇，可以不試。

上兩個星期主要因為見到一幻拉麵有個買一送一優惠，勁吸引，lunchtime就衝去食!!湯底好夠熱同濃郁，拉麵份量同叉燒都剛剛好，好夠飽。其實即使唔係買一送一，原價$88+1喺海港城黎講都係算平！略嫌餐廳冇提供綠茶🍵得水咋

【一幻拉麵 • 買一送一】趁住21/11至23/11 所有拉麵買一送一 #🍋👧🏻 同三位朋友當然要去試吓-剛巧被安排坐在睇海景位置😍對住海景食別有風味 仲睇到幻彩詠香江😂 同啲朋友好似大陸喱出城咁 感覺好新奇😆-🔻蝦湯拉麵（$88）🦐🦐🦐有三款口味 可選擇味噌 醬油 鹽味🧂如果要排次序的話1️⃣醬油2️⃣鹽味3️⃣味噌大家都說醬油好吃👍🏻👍🏻👍🏻超香濃 又夠熱🔥有幼麵跟粗麵可揀 粗麵似油麵 類似車仔麵那種 不是平日食的日式拉麵🍜但依然好食 蛋弄得超美🥚⭐️評分：8.5/10-🔻特濃蝦汁叉燒拌麵（$88）這是尖沙咀店限定喔✨加了紫菜和青蔥 還有半隻溏心蛋 香濃醬汁 一級棒 不過食到最後好多油 有點膩 叉燒粒 好正 偏碎 夠淋⭐️評分：6.5/10-最後四個人吃了六碗拉麵加一碟餃子🥟😆Perfect💯 不管以後是半價 還是正價 只要水準依舊不變 還是會再來光顧的 因為湯底太好吃了😚-⚠️送的那一碗拉麵會收+1服務費（$8.8）而且這段日子用餐時間只限50分鐘 大家要多注意 店員最後會不斷催促😟😟😟

咸過其味的海老騎士─拉麵食評：「一幻拉麵」(尖沙咀)    月前，與妻子往吃尖沙咀的一幻拉麵。慶幸，熱潮已過，人龍不及此前一半，等了十數分鐘便已能入內。一幻以蝦為主題，就連其門都以紅紋相間為特色，仿如蝦身的現代感，讓人感到一份活力。廚房屬開放式設計，能看到大廚的身手及嗅到最新鮮的香氣。進內後，看到一橫幅的維港海景，無論日夜都能欣賞美景，自然加分不少。    我倆被安排於旁邊的面壁位置。赫然，竟發現有USB插頭，方便客人充電，十分細心。看過餐牌後，我倆點了尖沙咀限定的「特濃蝦汁叉燒拌麵」及「鹽味特濃豚骨幼麵」。諸君放心，一幻既以蝦為題，任何拉麵的湯底都以蝦湯為主，然後再視乎客人口味，選擇添入不同濃度的豚湯及「鹽味」、「味噌」或「醬油」口味。    十數分鐘後，兩名海老騎士便已踏浪而來。但無論是特濃蝦汁或豚骨湯麵，相對年前，於「拉麵來」首見的海老騎士，這兩位便像剛剛訓練完畢的年青騎士，欠缺年月的累積和成熟的韻味。雖有明顯的蝦香和甜，卻較「拉麵來」的淡，令人有點失望。至於湯麵的湯底，雖添有特濃豚骨湯，但蝦與豚的較勁，讓兩者消磨了不少。結果，蝦香稍勝，豚甜卻消失天地之間。再加上，「鹽味」口味，

嘆住海景食拌麵, 何其享受。另外, 餐廳設有充電位, 但不是所有座位都有。蒜蓉, 胡椒和辣椒粉可隨意添加。食物選擇不多, 勝在夠簡單, 一於試其尖沙咀店限定拌麵。特濃蝦汁叉燒拌麵 $88 + 10%拌麵色彩繽紛, 材料有葱, 蝦酥, 紫菜, 叉燒和溏心蛋。根據餐牌資料, 醬汁是利用鮮蝦頭及原味湯底製成特濃蝦汁。蝦汁濃稠份量適中, 拌麵後不會水溜溜, 麵身保持乾身。麵質有咬口, 蝦酥味濃脆口, 叉燒軟淋, 雖然已掛上蝦汁, 但加上蒜蓉同吃, 增添滋味。流心蛋滑, 蛋黃雖然不太流心, 但都軟綿。

望見店內人氣旺盛，加上門口大力宣傳北海道札幌過江龍拉麵，當然要見識下點餐紙上有3款湯底選擇，最好系揀選之前去餐牌睇睇湯底的內容，另外還有口味和麵條粗幼的選擇，最可愛的還可以揀加底，當然一分錢 一分貨，要加$15元的唐沁蛋只值6分，煑得過火，一邊的蛋黃巳熟透😂，至於餃子沒有驚喜，味道一般賣相漂亮，紅當當令人食慾大增，而在上面的一粒粒紅色的物體，原來是羗粒蝦湯和面粉炸成的，味道帶著濃郁蝦味，可口，湯底🦐味十足，只可惜我地揀左適量豚骨湯底，非常油膩，估計差不多有接近1cm 厚度油在湯面👇🏻而烏龍茶也非常昂貴，收費$30