一幻拉麵

營業中

休息中

11月21-23號做緊期間限定嘅優惠😍所以拉麵/拌麵第二碗免費！以前食過一次已經覺得一幻水準好高！成日心思思想再食~今次咁抵食一定要去啦🤤✨濃厚豚肉湯底+鹽味+粗麵+走葱$88(原價)好開心佢無因為優惠就減份量👏🏻湯上面浮住一層油脂超邪惡！味道同個名一樣好濃厚 好濃嘅蝦湯味道食完個肚暖暖的補充晒一日嘅熱量╰(*´︶`*)╯♡粗麵嘅硬度適中而且好掛汁！每啖麵充滿蝦味少少遺憾嘅係隻蛋熟左少少>__<再流心d會仲正！

見到有廣告話呢間野呢幾日會有拉麵買一送一，再加上遲啲去北海道都諗住試呢間嘅本店，就去左尖沙咀果間食。排隊都算快，5分鐘都入得到去，一坐低女朋友就叫左個原味蝦同鹽嘅粗麵，而我就叫佢個特濃蝦汁叉燒伴麵，兩個都係88蚊，我果碗再加30蚊要3片叉燒，等左一陣兩碗野就嚟到。兩碗野個味道都聞到好香，而食落都好濃蝦味，但最大問題係個伴麵啲叉燒係碎上，令到本身集肥瘦於一身嘅日式叉燒變到一粒肥一粒瘦，瘦果啲食落口咬仲要好硬，令碗野扣好多分。但另一碗普通拉麵就因為係原片叉燒就冇出現呢個問題。食完碗野係會覺得非常口渴，因為佢個湯真係好濃，起碼飲左7杯水。味道係唔錯嘅，但價錢真係太貴，北海道本店都係連埋稅56蚊碗，但香港連埋加一就要成差唔多100蚊碗，講真如果唔係買一送一真係未必會再嚟。

見佢有買一送一活動就去試下我同男朋友分別嗌咗一個粗麵 一個幼麵 兩個都要走蔥 一碗最低濃度 一碗中等濃度 大家可以睇下我張單但嚟到嘅係兩碗一模一樣同樣濃度有蔥嘅幼麵問個侍應 佢就話唔好意思呀 你介唔介意要咗佢 仲要個態度都幾差下我地唔想嘥食物 所以就無奈接受但我真係好懷疑佢係咪因為買一送一，所以為咗慳時間每個人都整同一款有蔥幼麵😑個麵係幾好食 但當我明明畫咗紙 碗野都係完全唔啱心水 仲要個態度咁 真係大打折扣囉論味道 溏心蛋有啲過熟 兩塊肉好薄但好入味 無乜脂肪 麵中等硬度 湯底有啲膩 好香蝦味 但有點鹹 食咗半碗就要係咁飲水

Order左特濃蝦汁叉燒拌麵同蝦湯拉麵，一次過試曬兩款口味兩碗拉麵都係原味湯底、口味就揀左鹽味，同粗麵有蔥。蝦湯拉麵配料：叉燒兩片、溏心蛋半隻、麵酥同蔥。-叉燒瘦肉比例較多，好少肥膏。可惜，叉燒做得唔算出色。肉質偏韌同乾，唔係一咬就斷果種質地；叉燒唔夠入味；切成薄片，食完冇咩滿足感。有待改善。-溏心蛋🥚無論蛋白定蛋黃都好軟淋，唔知係因為比湯浸左定本身就係咁；蛋黃呈半固體狀，冇咩流心效果，不過顏色幾靚。食到少少溏心蛋既鹹味，正常水準。-麵酥拉麵上要紅色既就係麵酥。但實質係咩我就唔太清楚。因為炸過，冇浸湯果啲咬落去脆脆地，同少少鹹。放落碗麵到我覺得冇咩作用，湯麵既話浸淋左就冇曬口感了～-拉麵🍜粗麵麵質好好煮既時間啱啱好，咬落彈牙有口感，亦唔會因為浸耐左湯而變淋同變糊！不過就食唔到拉麵本身既麵味，可能湯底太濃味掛～掛湯力尚算可以。質感黎講，粗麵有水準！-湯底拉麵未上台前，就聞到好香既蝦味，但唔知點解食落就唔多覺有蝦味。湯底好油，面頭浮住一層油；湯底偏稠身，唔係水汪汪果種；味道方面都幾鹹；整體感覺係重口味！因為食完之後口好乾，想飲水🙈蝦湯拉麵因為湯底而令到拉麵變得油膩，拉麵越食越油、越食越鹹特

蝦湯頭真的很特別，很有興趣，在海港城見到分店便試試。雖然真的很有蝦味，麵質也相當好，叉燒片肥瘦也很贊。可惜吃拉麵麵愛喝湯，湯頭太油膩，整層油在浮面，喝了很口渴。如果加點柚子汁解膩，或加點芽菜，可能會好點。麵底不多，女生份量來說是勉強尚可，當天我也覺得不夠飽，相信男生一定要加麵底。最後是叉燒只有一片，我是加錢加份量的。一碗拉麵，消費是 $130，是蠻貴的呀。

之前喺灣仔已經食過一次的幻，佢個蝦湯底好濃郁好正！今日喺尖沙咀搵嘢食嘅時候，發現原來有分店，二話不說就過嚟食。海港城分店比較闊落，有多啲位，今日happy Friday 都唔使等位就入咗嚟。好好彩呀，仲要坐窗口位，望住夜景食拉麵真係好寫意。本身諗住照舊食原味蝦湯拉麵，點知原來海港城分店有蝦汁撈麵，就試下啦！蝦汁都夠濃，叉燒切粒，有甜甜的燒汁，唔錯唔錯，唔會太鹹。朋友叫咗鹽味有少少豚肉碎，都好正呀！下次要再食

知道公司附近開了一間拉麵店就算有機會便來試試今天約了朋友一點半吃午飯完全不用排隊店內只有三幾個人所以覺得應該不會太好吃竟然還不錯吃到底為什麼味道還好的拉麵店沒有客人到現在對我來說還是一個迷我喜歡鹽味湯底香港的日本拉麵店比較不常見幼面非常有水準而且拉麵上的蝦籽脆脆幾新奇好玩至於叉燒飯 不可以不吃其實一碗拉麵的份量已經很大正常女士兩個人吃一碗也足夠但對一般人來說應該偏鹹喜歡濃味的我就覺得很適合自己了快靚正拉麵兩個人$298

又係一支公搵嘢食嘅日子。之前要排隊排到癲嘅一幻下午竟然唔使等就有位，梗係衝住咁入去試下啦。一入到餐廳已經聞到好濃嘅蝦味，就知道自己無去錯地方喇。佢有拌麵同拉麵選擇，難得去到咁緊係要食碗原味蝦湯拉麵($88)。我揀咗鹽味口味，麵條揀咗粗麵，無加任何小食同飲品。俾咗張點菜紙無耐就有得食喇。湯底好濃，好重口味。麵條煙韌，叉燒唔會太薄，雞蛋都夠味，夠流心。比起其他拉麵得豬骨揀，得閒試下海鮮湯底都唔錯。下次如果唔駛排隊，我會再去試下味噌口味。

尼間過江龍拉麵🍜最近推得好行所以一定要黎食下啦位於尖海港城店最入仲可以望住個海食拉麵🍜不過來到海境位已經坐滿人啦只好坐卡位啦店既位都幾多，未夠7點都坐滿一半位啦每個位都有自助水機《蝦味飯團🍙》$20蝦味吾夠勁，飯入面有蝦子不過就太少，平平無奇，味道普通《餃子🥟》$35 只有5隻餃子皮吾夠薄同無乜內涵《濃厚豚骨拉麵》🍜叫左粗麵真係非常濃濃口味仲要有成個半隻蛋都真心幾大碗抵食，豚豚骨加蝦子雙重口味正，不過真心係鹹左小小，叉燒就反而太普通薄切最後叫左限定尖沙咀店既《特濃蝦汁叉燒撈麵》$88尼個撈麵得半隻溏心蛋，真心同拉麵差好遠份量蝦子、蔥粒、紫菜、碎叉燒撈埋又真係幾夾無湯反而仲好味佢既麵已經有蝦汁吾會太重口味又夠蝦既香味尼個限定除左少料其實都幾正門口仲有得買佢既拉麵回家煮來到食拉麵或撈麵穩陣，小食一般加上選擇不多。埋單加一收費

窩夫與蝦子餅那天遊完坪洲，去尖沙咀海港城找地方吃晚飯。經過開了不久的一幻拉麵，不用排隊等位，便進去試試看。正如大部分日本拉麵店，一幻的菜單很簡單。一人一張落單紙，左邊那張是窩夫的，蝦湯拉麵($88)的湯底、口味和麵條都選推介的。這碗走蔥的是窩夫的，蝦湯香氣撲鼻，其實甫進店內已經聞到香濃的蝦湯味，絕對是真材實料。中間紅色的蝦酥很香口，蝦味之濃令窩夫想到卡樂B蝦條呢。叉燒只得一片，充滿肉香，但由於脂肪比例不算很高，吃起來稍嫌不夠滑。粗麵很有水準，軟硬度控制得很好。蝦子餅點的是濃厚豚骨蝦湯，適合喜歡重口味的朋友，窩夫個人比較喜歡原味蝦湯的鮮甜味。吃剩三分一碗麵的時候，加入一些磨得極幼細的蒜蓉，令味道更豐富，就像吃蒜蓉蒸蝦呢。喜歡的話，可以將一幻拉麵帶回家。

有1天收工好肚餓..所以決定食埋飯先返屋企..係海港城兜左1個圈..見到呢間鋪頭無咩人同埋唔使排隊..咁就入去試試..當食快餐既心態係諗住拿拿聲食完就返歸..落單後..都大約5~8分鐘就可以開動..試試個湯先..有誠意..再試啖拉麵..都合乎我口味..跟住到隻蛋..ok..可取既..雖然我唔明點解會收服務費..但係平均消費每人$130都可以接受既..呢餐飯快閃成功..我諗唔使30分鐘..因為當晚真係好靜..可以望海既座位都未full

湯麵有濃郁蝦味，但價錢88只是淨麵及蛋，要再添加叉燒共約120 至130一碗，加上小食只得一兩款選擇，湯麵更獨姑一未，環境方面雖有維景海港但只有吧枱才能享用，吧枱只可容納10多個人，其餘全無景可改，個人覺得食一次夠了。

星期日7點左右去食，門外已排3、4個人；還好㨂了吧枱位，不用等就立即入座。一入到去撲面而來係濃濃嘅蝦味，比起豬骨湯，呢陣蝦味更得我喜歡！拉麵全部都係蝦湯底，可選配鹽味、味噌、醬油。美中不足係麵無得揀軟硬程度，好彩煮嚟唔會過軟，證明師傅有功架。醬油味- 本身蝦湯底好香，揀配最清淡嘅醬油，咸咸香香嚴確實好味。叉燒軟身入味，溏心蛋溏心程度剛剛好，好軟滑，最鐘意拉麵上橙紅色一粒粒脆卜卜的炸蝦子，為成碗拉麵增添口感！味噌味- 同行友人點了最濃味的味增，出嚟就咸咗啲。（不過喜歡正宗日本拉麵濃味嘅朋友應該可以接受到嘅）同埋呢碗隻溏心蛋就熟咗啲，水準未夠穩定啊！

三個人食，三碗麵，三個唔同配撘，㕑房大哥發揮創意個人想法，將三碗麵的配撘弄亂，其中一碗要加麵，就乾脆一同放到碗中，導至湯給麵抽乾，一般日本拉麵店是會分開後上加麵的，上菜大哥將三碗麵都放在我面前，要我去安排，傳遞，日本拉麵比深水埗茶記還要差只有價錢係札幌NO. 1

上回在札幌新千歲機場等運到上機前，當然去食返碗拉麵作結尾啦！經過food court， 有好多間拉麵店，數最長龍的便是「一幻」。我至怕排隊，所以可免則免。前晚，星期五，經過尖沙咀「一幻」，無人排隊，可即入即食，那就可試試吧！一行四人，看見入座率只约四成，有點兒冷清感。每人都點了個拉麵，加了一碟餃子。麵來了，湯很濃，有蝦味。但不是可杯茶，因蝦味太濃，有點嗆喉。我點的是幼麵條，口感頗彈，有咬口。餃子來到，不夠香，也不夠熱。要多加改進。到於價錢，$88/碗不太貴。但坐落在海運，舖面不小，租金一定貴。可以生存多久？存疑。