【特約分享】把握機會!食火鍋贏周董演唱會飛
2019-10-29

嗚!說好的演唱會飛呢?而家喺香港想用正價睇一場演唱會愈嚟愈難,次次捕住個mon捕足成日都搶唔到飛……唔好喊唔好喊,說好不哭嘛,周杰倫年尾個20週年「嘉年華」世界巡迴演唱會有!飛!啊!這些機會都可以係屬於你㗎!

 周杰倫嘉年華世界巡迴演唱會2019香港站火鍋套餐 ($1580 四位用)

話說銅鑼灣有間高質火鍋店乘勢推出咗個周杰倫演唱會香港站嘅火鍋套餐,由行政總廚張錦祥(Ricky)設計菜單,前菜小食到肉類、海鮮到甜品等等都有齊,好豐富,而且仲有部分食物係呢個套餐限定添。

 自家製鱈魚皮、和牛響鈴

喺湯底滾同淥嘢之前,可以先食自家製鱈魚皮同和牛響鈴兩款小食,邊食邊等,前者香脆,後者外脆內軟,脆炸腐皮入面包住免治和牛呢。

 鮮味龍蝦湯,可直接飲用

湯底當然係成個邊爐嘅靈魂,套餐限定嘅鮮味龍蝦湯,係以大火炒香龍蝦肉,加配料同白蘭地再熬煮3個鐘而成,無添加任何味精,啖啖都係濃郁鮮甜嘅龍蝦香味,識食一定係圍爐之前直接嗶成碗湯飲!

 西班牙杜洛克豬頸肉(左)、日本華味鳥雞柳(右)

 澳洲和牛

呢個套餐又有肉又有海鮮,完全照顧晒肉食獸同海鮮控嘅需要,大大片嘅澳洲和牛頗有嚼勁;西班牙杜洛克豬頸肉嘅肉味香濃;而日本華味鳥雞柳則肉質清甜。

 豐富嘅海鮮拼盤

 鮑魚軟腍鮮甜

 蟶子皇(左)、無骨白鱔(右)

呢個海鮮拼盤絕對有能力令人一秒變bling bling眼,六款海鮮樣樣都新鮮夾大件,蟶子皇超長超大隻,肉質爽脆;鮑魚口感軟腍,味道亦鮮甜;白鱔仲係冇骨嘅添,師傅刀功好波呀!

 海鮮豬魚丸(左)、韮菜餃(右)

唔好睇輕呢幾粒海鮮豬魚丸同韮菜餃,一樣係心機菜呢。混合魚、蝦同豬肉嘅肉丸大粒得嚟又彈牙,仲帶有微微鮮香;至於韮菜餃,更係Ricky特別設計,多菜少肉餡,即使打邊爐都可以打得健康啲。

 蔬菜份

 龍蝦湯泡飯,啖啖鮮香

呢碗龍蝦湯泡飯會由侍應協助熬煮,將日本靜岡珍珠米同日本雞蛋倒入龍蝦湯中,盡吸海鮮湯底精華,啖啖鮮香。

 綠茶醬刨冰(左)、鹹蛋黃醬刨冰(右)

完美嘅一餐點少得甜品?餐廳特製嘅兩座小山丘,分別係鹹蛋黃醬同綠茶醬刨冰,前者陣陣鹹香,仲有粒粒鹹蛋黃碎食到,後者茶香微甜。另外,只需要加優惠價$9.9就可以任飲指定啤酒喇,暢唔暢快先?

再暢快啲,就係食完呢個餐分分鐘有機會可以嬴到周杰倫「嘉年華世界巡迴演唱會2019香港站」嘅門票2張呀!「訂座大激賞」會分4個階段(即日起至11月25日期間)進行,只要訂座及按時出席J Pot或其他指定餐廳都有機會得到**。


J POT
地址:銅鑼灣謝斐道535號Tower 535 1樓

其餘「大激賞」指定餐廳包括:Camellia點心廊松藝館SENSU和牛蕃Mina House幸福鳥37 Steakhouse & Bar HK 麒藝館

**活動詳情 按此

關鍵字
銅鑼灣
火鍋
客戶專訊
餐廳資料
本月熱門
【隨時更新】便利店尋寶 每周新品速報
2019-12-30
荃灣新開無敵海景日式放題 佔地過萬呎 新張期間88折!
2020-01-03
迎接全新2020 1-2月下午茶推介
2020-01-06
【2019回顧】 過江龍之年 逾50間海外人氣店登陸 + 2020年預告 (有片)
2019-12-30
【特約分享】新年去始創 食盡中、日、國際賀年佳餚
2020-01-13